استفسار حول فتح مقهى

[ريمة07]

السلام عليكم

خاوتي واش رايكم في مشروع فتح مقهى

هل هو مربح؟؟ الي عندو تجربة ما يبخلناش

و كاين مفهى مجهز من كل شيئ و في موقع مهم يكرو فيه بـ 30 مليون للعام ...يجيب فايدة و لا الخسارة تكون أكبر من الفايدة؟؟؟

[باهي جمال]

30مليون مبلغ بسيط ومغري

[zdadra]

قبل كل شيء انصحك بصلاة الاستخارة استخر الله لانه خير المدبرين
و بما ان سعر الكراء جيد و هو قليل مقارنة بالاسعار في مناطق حيوية و فيها نشاطات تجارية لذا رايي ان كان المكان فيه حيوية و فيه الغاشي غيييييييييير اتكل على ربي وابدا و ربي يعينك

[Amino03]

بالتوفيق لكـ

[kasarim2]

:19:
الله يسهل

[saber beussafer]

30 مليون مليح إذا كان في موقع مليح بصح راهو فيه تعب باغي الإنسان لي يوقف لرزقو بصح الفايدة نتاعو ماشاء الله تخدم بمليون في النهار عندك 600 فايدة وممكن أكثر

[أم سلوى]

30 مليون مليح إذا كان في موقع مليح بصح راهو فيه تعب باغي الإنسان لي يوقف لرزقو بصح الفايدة نتاعو ماشاء الله تخدم بمليون في النهار عندك 600 فايدة وممكن أكثر

كيفاش مليون النهار.؟؟؟؟؟؟؟

[abdnour tahlaiti]

ادا حبيت تربح في المقهي لازم انت تكون واقف عليها ..و ربي يوفقك

[oum nardjes]

هو في الحقيقه مشروع مربح 100بالمئه انا عندي خبره في هاذ المجال مدة 10 سنوات وحاليا انا عاطل عن العمل اذا فيه مجال دلني عن المكان او اعطيني رقم الهاتف ونتفاهمو

[khatraoui]

انا عندي ديكور يصلح للمقاهي سعره في السوق 100مليون اين هو المحل واحتاج لشريك انا مهتم

[amine dz1]

اذا كان المنطقة نشطة راه مشروع جد مربح و 30 مليون في العام راه بااااطل مقارنة بالربح فقط اوقف عليها و اتهالا فالخدامة

[abdou17b]

المقهى حسب الموقع اذا موقع مليح فيه فايدة وسيرتو مع الصباح يعني الي يحب يخدم يتعب مع انها خدمة فيها تعب لكن مربحة وخصوصا الي يركز على الصباح الباكر

[samirbenadid]

المقهى مفيهش خسارة المشروع الوحيد لي صالح في كل زمان
حاجة وحدة برك فيها تعب وربي يوفق

[visa uk]

صراحة هل الفايدة تجي في يوم او شهر او شهرين مستحيل التجارة لي يعرفها طبعا مليح لازملها تخطيط كسبق وحسابات الخ مش تهور وتسرع ساهل تكري وترمي دراهمك ومال الخ ومصاريف اخري لكن هل تضمن بعد انتهاء مدة الكراء انك تسترجع مصاريف الكراء والايجار وراس مالك ايضا هل تسترجعو هل ضامن والفايدة اسال اي تاجر يعرف ماتجيش هكدا في نهار يلزم صبر طويل طويل وحسابات ومقهي مانضنش وحدك لي تخدم نتا لي اشد لاكاس مثلا اي نتا مسؤول عليها وعمل خدامين يخدمو هكدا تضمن عليي الاقل ماكاش سرقة الخ وطبعا ننتا لي تعمل حساب وكل شيء بعد انتهاء المدة المطلوبة راح تدر الفايدة فيها امور بزاف مكان راس مال الخ زدي اسالي الخبراء كفاش تتحسب الفايدة انطلاقا من راس مال ومصاريف كرلء معدات الخ ...........................مصاريف الكراء والكهرباء والعمال والضرائب والسجل التجاري يعني باش تخرجي اللفايدة بحول الله

[karime amrs]

رخصة المجاهدين هل مازالت مطلوبة في فتح المقهى ام لا

[visa uk]

علاش يلزم رخصة المجاهدين باش تفتح مقهي

[visa uk]

اختي نعرف واحد فاتح مقهي هو قبالي ويخدم اصخاب بلادو اوك عندو 02 خدامين وهو شاد لاكيس ومنضم كل شيء وطبعا هو صاحب المقهي يعني خدامين يهمبرو وكل شيء وهو متحكم في المال دري هاك عيني سيرفور وبلونجور ولي يخدم في ماشينة وطبعا انتي لازم تكوني في الكيس وتوقفي علي شيك وتكوني فطنة طبعا

[ولاد البلاد]

بالتوفيق اخي الكريم

[visa uk]

ليس فقط امتلاك مال اخي والمقهي اي المحل والمكان ايضا طريقة تعاملك ومع من توضف والله نعرف واحد في مدينتنا واقف بزاف علي قهوتو دخلت اليه والله قمة النضافة والترتيب والاحترام يعني هو شاد لاكاس كهل وباين مزير خداماتو مليح ويراقب كل شيء ومنضمهم ولاباس بيها جاية علي شكل salon de the

[kaddt]

ما هم الاوراق لفتح مقهى

[Farest12]

من الممكن جدا تتخطى 1 مليون صافي أرباح مشروع مقهى في الجزائر (https://www.profuti.com/2023/07/cafe-project-in-algeria.html) خاصة في المدن الكبرى