ليس لي اهل

[مشكلتي]

انا فتاة 27 سنة

سبق لي وان انخطبت لكنني فسخت الخطبة بحجة عدم التفاهم

عندي عام ونصف تقريبا ماللي فسخت

لحد اليوم تقدم لي 6 خطاب
لكن اهلي يرفضون
هم لا يريدونني ان اتزوج
ابي مصاب بالزهايمر يعني لا حكم له
واخوتي تاع مصالحهم كل واحد لا يهمه سوى مصلحته كي العازب كي المتزوج
الحاجة الوحيدة اللي يقولوها كي تقولهم ماما راه جاي خطاب
يقولولها اخطينا
الكل يتهرب
وانا راني نكبر وفرص الزواج راهي تقل يوما بعد يوم
ملاحظة كلما يقول عليا واحد نروح نصلي استخارة
بمجرد انو الماما تقول لخاوتي
يتهربو ويرفضو التدخل في الامر
المشكل انهم فعلوا ذلك مع كل الخطاب
هل هاذي هي نتيجة الاستخارة؟؟؟؟؟
ام انو المشكل راه في اهلي

ام انو فيه سحر تعطيل ؟؟؟؟؟



علما ان اخوتي كانو مع خطيبي السابق يعاملونه معاملة سيئة
الامر اللي خلاه يسبني ويسب عائلتي
راح نضيع في وسط اهمال اخوتي

وامي تخاف من اخوتي
ولا حكم لها

كي يقولولها موتي تموت
انصحوني
قولولي واش ندير ادعولي بالتيسير

[Chaima h]

ربي يوفقك و يسرلك امورك كلها ان شاء الله

[اخت الرجل]

ربي يجيبلك الزوج الصالح لي يهنيك من الظلم

[souma simo]

السلام عليكم الله يهدي اخوتك وجهة نظري اخوتك هم السبب لان والديك لا حول ولا قوة لكن ادعو بالهداية لاخوتك و ان شاء الله كيما يقولو كل تاخيرة فيها الخير و ربي يفتح عليك باالزوج الصالح و يحفظ لك والديك و ان شاء الله كيما نهار اليوم تجي تبشرينا بخطبتك و نهار فرحك يا ربي امين مع تحياتي ليك

[وسيم وهاب]

السلام عليكي يا اختي ارجو التقبل مني النصيحة الحاجة لي تنفعك الدعاء وانا ندعيلك نشاء الله ربي يفرج عليك يا اختي وننصحك انك لاتضيع فرص الزوج لا نك كلما كبرت تقل فرصة الزوج واجهي هذا الامر ولاتخافي منهم انهم يريدون مصالحتحهم هذه حياتك ومن حقك الزوج كا البنات واما عن امك تكلم معها دائم واشرح لها هذه الحالة لا سكوت لها عندما تكبري تاقي روحك وحدك اما عن خطيبك الاول كل شىء با المكتوب ولا تقنطي من رحمة الله الصلاة و الدعاء

[صفاء الروح]

ربي يفرج عليك اختي

[djamel125]

ان جاءكم من ترضون دينه وخلقه فزوجوه ... وزيد بزيادة الوقت مهوش في صالحك بسبب السن واسمحيلي على الصراحة

[paricte]

موفقة احتي تحية اليك:mh31:

[Yasmine.rose]

اختي أنصحك ان كان هناك من يستطيع التدخل من العائلة او الجيران للنصيحة فقط فالتطلبي منهم المساعدة واقناع اخوتك بمن قبلت به و أما اخوتك فلا تحملي البغظ لهم فهم سسيبقون اخوتك وهذا ابلاء من الله سبحانه و تعالى فكوني قوية وادعي الله و الله معك وربي يفرحك

[dr_amal]

ربي يكون في عونك اختي ليس بيدنا سوى الدعاء لك

[ManouraHilwa]

ربي يسهل امرك وكلي عمك او خالك

[AMINA.Z]

مازال ما وصلش مكتوبك هادا مكان
ربي يفرج عليك

[salem1985]

لازم امك توقف معاك وموش ممكن انو الام تخاف من ابناءها
وين المشكل انت حرة في رائك وانا صار لي نفس المشكل ولا واحد من خاوتي حب يروح معايا كي حبيت نخطب ومن بعد خلاص راني كرهت الزواج كامل بصح ولا واحد منهم قدر يحكي معايا على الزواج الي حاول برك نرخسو انا تهنيت وهما تهناو لانو دنيا انتاع مصلحت وفقط ربي يقدر الخير

[لينين1]

الله يفرج عليك

[رَكان]

فهمت من كلامك ..أن إحوتك يتهربون من مسؤولية متابعة أمرالخطبة وليس لأنهم يرفضون قبول زواجك ..الأمر فيه غموض..
إن كانوا يرفضون .كل مرة بلا سبب وجيه ..فهذا خطأ جسيم لايجب السكوت عنه ..خطأ لن يتحمل تبعاته سوى أنت ..فإخوتك سيتزوجون ويبنون أسر وينجبون وأنت ستنسحبين شيئا فشيئا الى الظل ...
أنصحك بعدم الصمت ..وفرض موقفك فهذا مصيرك وحياتنك وليس مصيرهم ...فكم من الآباء والإخوة ضيعوا زيجات لأخواتهم وبناتهم فقط ..لأنه لايروق لهم فلان أو علان من الخطاب ..أنصحك الإستعانة بأحد الأقارب عم خال ...جد ...
وربي يعينك ..على بلاوي مجتمعنا ..

[أم أماني أريج]

اسمحيلي أختي لكن هذي أنانية كبيرة من طرف إخوتك ......مالازمش تسكتي أكثر جربي اتكلمي معاهم بدون خجل و قوليلهم لازمني نشوف حياتي و إذا مالقيتيش استجابة من عندهم كبري الموضوع و حضري عمامك و اخوالك و أي واحد من أقاربك عندو هبة و كلمة في العائلة و هذا قبل فوات الآوان .......

أو تكلمي مع إحدى نساء خاوتك و فهميها مليح معاناتك و هي تقنع زوجها لأن الزوجة عندها تأثير كبير على الزوج
و ماتنسايش تكثري من الدعاء و الإستغفار و ربي يوفقك ............

[ايمان4]

فهمت من انهم يخافون من نفقات الزواج و ليس زواجك او خطبتك في حد ذاته ايوا حتى انت عقونة اسمحيلي بالصح اخدمي لمي قدؤ ح العشاء و ما تديري والو ... غير لحلال برك و ايلا راجلك بغا يخلص عليك ما فيها باس و مدابيك هادا علاش ا اختي

[بشـرى]

ربي يكون في عونك اختي ويفرج عليك
صعيب الظلم خاصة من القريبين اليك

[*منارةツالبحر*]

ربي يسهلك و يهديهم ان شاء الله والا جاك خطاب ابعتيه لخالك ولا عمك هو يجي يقوللهم مكانش كيفاش يرفضو قدامو وكلش مكتوب

[عفاف المنتدى]

ربي يرزقك و يرزقنا بالزوج الصالح .... ولكن لازم تحكي مع خاوتك السبب لي يخليهم يرفضو الخطاب ربما التهرب من المصاريف فقط

[nousa ben]

استشيري أحد أقاربك مثل عمك أو خالك جدك .... وربي يسرلك وثقي صلتك بالله