لوازم الخاتم

[نبيل الجزائري39]

السلام عليكم اخوتي انا مقبل على تلبيس الخاتم اخوتي في عيد الاضحى ان شاء الله اريد ان استفسر عن ماذا يجب ان يجلب معه الخاتم يعني اقد هدايا الخاتم اخوتي وبارك الله فيكم

[رقة زمان]

نحن من عاداتنا كي يلبس الخطيب الخاتم لمرتو يعطيها كادو برك وحتى هي ديرلك كادو والله يسخر

[أثيلة]

اولا نقولك كلشي مبروك
حنا في عادتنا لما تديرلها الخاتم راح بيانسور تجيبلها كادو يكون سري مثلا هاتف ذكي او بارفا اصلية او مجموعة من علب التجميل
و تديلها الفاليزة فيها المطلوب و قاع يعرفو ه
ولكن صارو مكان الفاليزة يمدولها دراهم و هي لي تختار واش تدير بهم لانو كل وحدة و ذوقها (راهم يمدو 3ملاين مكان الفاليزة لانو كلشي صار غالي )


ماتنساش لما تدخل البوكي تاع الورد ههههههههههههه



الف مبــــــــــــــــــــــــــــــروك

[رقة زمان]

انا اختي تخطبت نهار الخميس العريس جاب الخاتم ولبسهليها ومدليها كادو(بورطابل)وعطاها 2 ملايين واهلو جابو حلويات..ولاتارت...والفاليزه حتى للعرس

[نبيل الجزائري39]

مشكورين جميعا على الرد وبارك الله فيكم

[نبيل الجزائري39]

اخوتي بالنسبة للفاليزة وش يكون محتواها وممكن تعطوني بعض الهدايا التي تحبها المرأة من فضلكم ومشكورين اخوتي

[sarl02]

انا اختي تخطبت نهار الخميس العريس جاب الخاتم ولبسهليها ومدليها كادو(بورطابل)وعطاها 2 ملايين واهلو جابو حلويات..ولاتارت...والفاليزه حتى للعرس

علاه مدلها زوج ملاين راهي تطلب لله يا محسنين ول؟والله تصرف غير حضاري بالمطلق ....هدية مهما كانت غالية فهي مقبولة وتهادو تحابو ...لكن امد دراهم ايسباس وهي اتشدهم والله طايحة بزاف.

[رقة زمان]

اخوتي بالنسبة للفاليزة وش يكون محتواها وممكن تعطوني بعض الهدايا التي تحبها المرأة من فضلكم ومشكورين اخوتي

احنا اخي يمكن العريس يمد فليزه في الخطوبه او نهار حنة العروسه ويكون فيها لوازم العروسه وتكون على حساب كل واحد ومقدورو..ويكون معاها الدهب ..حنى هادو هوما العادات في منطقتنا.....الهدايا تكون بسيطه احنا في منطقتنا نمدو هاتف(ادا امكن)ولا نقولك احنا النسا نحبو العطور:19:

[رقة زمان]

علاه مدلها زوج ملاين راهي تطلب لله يا محسنين ول؟والله تصرف غير حضاري بالمطلق ....هدية مهما كانت غالية فهي مقبولة وتهادو تحابو ...لكن امد دراهم ايسباس وهي اتشدهم والله طايحة بزاف.

يا اخي احترم ردود الاخرين اناقتلك العريس مدليها 2 ملايين بارادتو هي ماقالتلوش ...علاه تصرف مش حضاري انا قلت 2 ملايين مش 60مليون..انت عمبالك 2 ملايين .وين راح تبان في الجهاز نتاعها

[(( هبة الرحمن ))]

يكفي تكلفة
الخاتم + تارت+ لباس بسيط للعروس تع 5000 دينار+ عطر وخلاص ...
ماتمد لا دراهم لا بورتابل هذه مجرد خاتم ومازال لقدام الحنة والعرس ...

اليوم شريلها gلاكسي وغدوة Gورمات وووووووو-----راها توالف وتغبنك ....
قول ماعنديش وGليل تنجح مع أهل العروس حتى لا تُستغل مستقبلا....، الناس تبدلوا ورجعوا مصاصين دماء ويح اللي يجي بين يديهم - جيبك راح يفرغ - ساعف أختك تنجح...

[نبيل الجزائري39]

بارك الله فيكم جميعا ومشكورين

[ShEriF21]

قريت الردود فشلت خاتم +3ملايين هادي غير البداية

[جمعي البشاري]

يكفي تكلفة
الخاتم + تارت+ لباس بسيط للعروس تع 5000 دينار+ عطر وخلاص ...
ماتمد لا دراهم لا بورتابل هذه مجرد خاتم ومازال لقدام الحنة والعرس ...

اليوم شريلها gلاكسي وغدوة gورمات وووووووو-----راها توالف وتغبنك ....
قول ماعنديش وgليل تنجح مع أهل العروس حتى لا تُستغل مستقبلا....، الناس تبدلوا ورجعوا مصاصين دماء ويح اللي يجي بين يديهم - جيبك راح يفرغ - ساعف أختك تنجح...

++++++11111111 :19::19::19:

[first first]

نمدلك اخي خلاصة الخطوبات اللي حظرتهم من اقارب ومعارف
ادي خاتم + تارت وباقة ورد ............... يكون عداك العيب بالطول والعرضين
اذا حبيت عطر او هدية مرافقة انت حر


الفاليزة .وامورات اخرى هاذيك في الحنة من بعد .وطبعا هذا يتوقف على عادات كل منطقة


نسيت .....مبروك مسبقا وربي يتمم بخير

[همس المشاعر*]

كل واحد يتمشى على حسابو(لا افراط ولا تفريط)

[الجواهر]

تلبيس الخاتم كي تكون حفلة كبيرة يعني فيونسياي العروس عندها المدعوين و العريس يحضر الكثير من اهله راح يكون خاتم + ورد+ حاجة ذهب مناقش او قورمات + فواكه
و كي تكون خطوبة على الضيق يعني حفلة صغيرة خاتم + ورد + سلة فواكه
هذا المعمول بيه عندنا

[لينة نور]

علاه مدلها زوج ملاين راهي تطلب لله يا محسنين ول؟والله تصرف غير حضاري بالمطلق ....هدية مهما كانت غالية فهي مقبولة وتهادو تحابو ...لكن امد دراهم ايسباس وهي اتشدهم والله طايحة بزاف.

السلام عليكم

كاين يا أخي الي عاداتهم هاكذا ، من أجل الحمام ومصاريف المخطوبة اليومية الى يوم العرس

يعني تبانلو مسؤولة منو .....

[ManouraHilwa]

مبروك انا مع الاخت هبة الرحمان قالت كلام صواب واذا عاتبوا اهل العروس يعني مصاصين دماء ربي يقنع الجميع

[نبيل الجزائري39]

نمدلك اخي خلاصة الخطوبات اللي حظرتهم من اقارب ومعارف
ادي خاتم + تارت وباقة ورد ............... يكون عداك العيب بالطول والعرضين
اذا حبيت عطر او هدية مرافقة انت حر


الفاليزة .وامورات اخرى هاذيك في الحنة من بعد .وطبعا هذا يتوقف على عادات كل منطقة


نسيت .....مبروك مسبقا وربي يتمم بخير

مشكور على الر وبارك الله فيك

[نبيل الجزائري39]

مشكورين اخوتي وبارك الله فيكم جميعا على ردودكم وتفاعلكم

[لحن الحياة.]

احنا عدنا اتجي العزوج (ام الراجل ) تجيب الخاتم في الفاتحة(يوم الاربعاء) و تلبسو للطفلة ونهار الخميس تروح يدوها فقط ما نكثروش الخسائر و الروحات و الجيات .....مرة وحدة