أفضل ماركة عجانة (بيتران) من فضلكم اخواتي

[ام مؤمن]

السلام عليكم ورحمة الله وبركاته
و اخيرا هذا وين كتب ربي و رايحة نشري عجانة (بيتران ) ان شاء الله انا الماركة التي جربتها من قبل في الادوات الكهرومنزلية و عندي ثقة فيها هي kenwood و اظن انها احسن ماركة للعجانات ايضا
من فضلكم انصحوني بالماركة الجيدة و الاصلية و هل يكون الاصل فرنسي او الماني و هل هناك ماركة اخرى تنافس كينوود يعني عندها نفس الجودة
اتمنى ان تنصحوني من تجاربكم الشخصية
و اذا ممكن نعرف اسمها و سعرها بالظبط سمعت بكينووووود ماجور هل هي اخر ماركة و كم سعرها اللي تعرف تخبرني من فضلكم
ايضا ما هو حجم الكيلوات الافضل تاع 5كيلو افضل أو 3 كيلو شحال تعملي خبزات مثلا 4 خبزات نقدر نعجنهم فيها
قريبتي قالتلي ماتقدريش تعجني فيها عجينة الشخشوخة او الكسرة اي المطلوع تاع السميد فقط باش تحافظي عليها استعمليها للقاطو و مطلوع الفرينة او خبز الدار فقط هل هذا صحيح
و ماهي الاكسسوارات التي ترافقها هل معها رحاية اللحم اكثر شيىء يهمني هو رحي اللحم و الخفاق تاع البيض والشانتي و الإناء تاعها الافضل يكون حديدي او زجاجي
اسفة كثرث الأسئلة ارجوكم ماتبخلوش عليا راني حابة نشري حاجة مليحة و تدوم حتى اذا كانت غالية
ارجوكم ساعدوني و ربي يجازيكم خير و ندعيلكم دعوة طيبة بظهر الغيب
اذا كتب ربي نشريها الاسبوع القادم ان شاء الله

[ام مؤمن]

من فضلكم الي تقدر تفيدني باي معلومة ماتبخلش عليا ربي يجازيكم

[همس المشاعر*]

اختي انا ماعنديش بيترا نتمنى نشري وحدى...الناس قاع يشكرة في كينووند ماركه مليحه الاصليه مانظنش تلقايها في الدزاير العجانه ماتعجنيش فيها السميد تفسدلك.. وماتكتريش العجين ادا كان بزاف قسميه على مراحل ...انا نفضل الى اينائها نتاع الحديد خير شوفي في قناة سميره وفتافيت كامل يخدمو بهاد النوع ونورمالمو يجو معاها الاكسسوارات نتاعها ورحاية اللحم طبعا....انا نفضل دايمن نشري الحاجه الغاليه تكون فور وان شاء الله يدخلو البنات يفيدوك ختي

[ام مؤمن]

ربي يعطيك ماتتمناي ام فافا ربي يحفظك راني رايحة نعمل بنصايحك ان شاء الله و ربي يوفقك ان شاء الله و تشري حاجة مليحة و الحاجة المليحة ماش خسارة فيها الدراهم انا مدة و انا نوفر من مصروفي باش نجمع مبلغ كافي يجيبلي حاجة مليحة تدوملي مع الوقت
شكرا لك حبيبتي و انا في انتظار نصائح الاخوات ان شاء الله

[أماني خروبي]

السلام عليكم اختي انا راني غير كي شريت وحدة وخرجتلي روعة الماركة هي bomann هي المانية جودة عالية 4en 1 فيها لي تعجن و لي تصنع les jus ولي تطحن اللحم وتشكل انواع مختلفة من المعكرونة
وننصحك بيها اشريتها زوج ملاين بصح ماهيش خصارة فيها

[ام مؤمن]

السلام عليكم اختي انا راني غير كي شريت وحدة وخرجتلي روعة الماركة هي bomann هي المانية جودة عالية 4en 1 فيها لي تعجن و لي تصنع les jus ولي تطحن اللحم وتشكل انواع مختلفة من المعكرونة
وننصحك بيها اشريتها زوج ملاين بصح ماهيش خصارة فيها

و عليكم السلام
اختي ربي يجازيك و يعطيك و يباركلك في صحتك بالفعل سمعت بمركة بومان و شكرو فيها بزاف راني حابة نسقسيك شحال تقدري تعجني بيها تهزلك حق 4 خبزات مثلا و هل جربتي فيها الكسرة تاع السميد او مثلا عجين الفطير او السفنج
الصراحة انا نخبز الكسرة دائما و ندير ايضا لفطير بزاف و عجين الشخشوخة و التريدة نقدر نتكل عليها لهذا قررت نشريها
اكسسوار رحي اللحم ايضا انا بحاجة اليه اما باقي الاكسسوارات عندي بديلها من الاجهزة الكهربائية بزاف
سعرها معقول جدا
ربي يخليك و الف شكر على ردك
و ان شاء الله الاخوات ايضا الي عندهم معلومات اخرى يفيدوني اكثر

[kamili1]

السلام عليكم تقدري تشري kenwood’عندنا واحد عندها محل الحلويات هده الماركة التي تسعمل شكرااااااااااااااااااااااااااااا

[ام مؤمن]

السلام عليكم تقدري تشري kenwood’عندنا واحد عندها محل الحلويات هده الماركة التي تسعمل شكرااااااااااااااااااااااااااااا

يعطيك الصحة اختي

[الخروبية]

السلام عليكم

شوفى ختى انا عندى فى الدار سانطوس راهى مساعدتنى والله خير من لمرا الحرة

وجربة فيها تقريب كلش انا من فسنطينة ونديرو براف التريدة وشخشوخة ورشة

وفى الشتا لمحجوبة وودرة فيما الكسرة بي انواعها وحتى القرصى (لغرايف)

ونحط الدقيق قد ما نحب مالازمش برك يكون يابس بزاف ومتخليهاش تمشي بزاف

يعنى كى تتعجن نحبس اما عن كينيود مع احترامى لراى الاخوات انا نشوف

بلى راهى مجرد روبو حطى بالك مع الناس الى يخدمو بيها فى قنوات

راهم غير يحطو فيها الفرينة محال تحط فيها الدقيق والى يبيع لازم يقلك

دير كلش علاه هو شرى السلعة باه يخبيها

وزيد لاه كنيود تعجنلك الشخشوخة كيما تحبي

هدا مجرد راى نتمنى تلقا واش يسعدك

سلام

[hafidha20010]

الاخت الخروبية من فضلك ممكن تحطيلنا الصورة انتاع العجانة لنتاعك وهذا الماركة انا والله عمري ما سمعت بها هل هي فرنسية ام المانية وكم ثمنها واشحال عندك ملي اشرتيها
اختي العزيزة راني نستنى في الاجابة
سلام

[الخروبية]

السلام عليكم
ختى هاهى الصورة واصل العجانة من الاتحادالاروبي مكتوب فيها ce هي عجانة برك مديرش العصير ومترحيش اللحم

عندى عام ملى شريتها

http://im55.gulfup.com/AGVVDV.jpg

[hafidha20010]

يعطيك الصحة يا اختي وهذه صح شفتها بصح مولاها اقصد البائع قال لي هذه يشروها لعندهم عايلة كبيرة ولا يخدمو بيها البيتزا يعني انتاع محلات البيتزا والمحاجب من بعد انا خذيت برايو
شفتي والله ما فقت ما شريتهاش يعني مازالو يتباعو شحال ادير هكذاك والله كنلقاها نشري واحدة ادعيلي ويعطيك الصحة على الاجابة رب يحفظك
سلام

[ام مؤمن]

السلام عليكم

شوفى ختى انا عندى فى الدار سانطوس راهى مساعدتنى والله خير من لمرا الحرة

وجربة فيها تقريب كلش انا من فسنطينة ونديرو براف التريدة وشخشوخة ورشة

وفى الشتا لمحجوبة وودرة فيما الكسرة بي انواعها وحتى القرصى (لغرايف)

ونحط الدقيق قد ما نحب مالازمش برك يكون يابس بزاف ومتخليهاش تمشي بزاف

يعنى كى تتعجن نحبس اما عن كينيود مع احترامى لراى الاخوات انا نشوف

بلى راهى مجرد روبو حطى بالك مع الناس الى يخدمو بيها فى قنوات

راهم غير يحطو فيها الفرينة محال تحط فيها الدقيق والى يبيع لازم يقلك

دير كلش علاه هو شرى السلعة باه يخبيها

وزيد لاه كنيود تعجنلك الشخشوخة كيما تحبي

هدا مجرد راى نتمنى تلقا واش يسعدك

سلام

يعطيك الصحة يا جارتي أنا تاني من قسنطينة شكرا على النصيحة أنا أيضا ندير العجائن بزاف و محتاجتهاللعجين واش حال شريتها و شحال فيها كيلو بارك ألله فيك

[fatisousou]

انا عندي bomann مليحة لكن عندما نعجن فيها منكثرش لعجينة فقط اما الاشياء الاخرى مثل العصير او نرحي اللحم او الحلويات فهي رائعة واختيار لك مع تحياتي

[الخروبية]

السلام عليكم
مساء الخير جارتى انا شريتها من لوناما ب زوج ملاين و سبعمية وتحطيلها حتى 5 كلغ دقيق
وزيدى خمي مليح بتوفيق

[iris blanche]

السلام عليكم ورحمة الله وبركاته


اختي الفاضلة ربي يسهلك وتشريها بويسك تنحي عليك تعب كبير

حنا عندنا كينوود وراهي حاجة فور ونديرو بها كلش شخشوخة وتريدة ، خبز دار كسرة بكل أنواعها صح لازمك ما تتولهي منها مي دير كلش

عندها 4 رؤوس و طاس تاع العصير وطاس تاعها حديد وكاين لتباع معها تاع اللحم

[abdo nadir]

سلام خواتاتي أنا على نفسي عندي عجانة ماركة انتاعها بومان ألمانية الله يبارك هايلة تعجن وتخدم العصير وترحي اللحم وتخدم أنواع العكرونات أنا ننصحك بيها وربي يهنيك

[نهلةن]

يا اختي انا كانت عندي ماركة بومان شدتلي 5سنين خدمتها وبعتها بصح شرتها غالية هاذاك الوقت وضركا عندي عام وانا نخدم بكنوود شريتها ب 5ملاين فيها رحاية اللحم تخدم المرقاز وفيها طوابع لحد الان مفهمتهمش وفيها طاس يرحي يدير العصير ويرحي لاسوب وووووووو الخ ندير فيها المطلوع تاع السميد عادي جدا بشكل يومي اصلا شريتها علة جال الكسرة وندير فيها خبز الدار المحاجب الغرايف بزاف حوايج الحمد لله نافعتني وحتى بومان تاعي القديمة خدمت بيها كل شئ اتوكلي على ربي واشري راهي تعين بزاف
بصراحة منقدرش نستغنى عليها ضركا ربي يخليهالي راهي ذراعي ليمن ههههههههههه

[أم أنفال 80]

kenwood مركة مليحة بزاف و اذا لاحظتي أغلبية الشيفان في التلفاز يستعملو هذه المركة و هذه هي صورته
http://www12.0zz0.com/2015/11/22/16/711408831.jpg

[nazjo]

احسن بيتران بالنسبة لي هي كيتش اد ثمنه 45000

[fatyph2012]

انا ثاني حابة نشري واحدة وعاجبتني بومان ماركة المانية ومش غالية