هلمو

[مشكلتي]

السلام عليكم راني حايرة .شاب كبير عليا ب سنوات متربي مدين عاقل مثقف ابن عايلة طيب القلب قابل بيا يريد خطبتي تقليديا لكن انا مزال مدخل قلبي لانو قصير نحيل ليس وسيم و جاي طيب بزاف حتى نخاف يكون ضعيف الشخصية صليت صلاة الاستخارة هو كون صاب يهدر معايا كل وقت

[thmaster100]

لا تعليق صراحة اترك الاعضاء يردون

[فاطمة الزهراء 29]

مع الاسف ما نقدروش نساعدوك
الامر يعود ليك انت لانو انت لي راح تقضي معاه كل حباتك
بما انك صليتي صلاة لاستخارة فربي يجيب الخير ان شاء الله

[mino 19]

ربما اختي تلقاي واحد طويل +وسيم +لاطاي كارثة لكن لا يحبك

[سلسبيل88]

بالتوفيييييييييييييييييييييييق

[sarl02]

ما انهلمو ما والو ....انت راكي اتحوسي على واحد كيما تومكروز مالا خلي المخلوق هذا اشوف على روحو من جهة اخرى وفرات.

[biberse1192]

نوصيك سقسو عليه وزيدي استاخري ربي و استاشري والديك، الوالدين قلبهم خبيرهم

[محمد جديدي التبسي]

مواصفاتو مثالية يبقى تقبلك لمظهره وشكله مهم لازم تستخيري وربي يعينك

[imiouss]

زيدي صلي صلاة الاستخارة بزاف
ىبي يسهلك ان شاء الله

[samico1996]

بدون تعليق واش تحوسي اكثر O___o

[exellance]

صح مواصفاتو مليحة بصح هذا الشيء يرجعلك اولا واخيرا يعني نتي لتعرفي روحك اذا راح تكوني سعيدة معاه ولالا

[baalache]

اختي اتا هده عندي مشكلة يعني مستحيل نزوج بوحدة ما نريحلهاش وجهيا هههههههههههههههههههههههه

[~رآقية بأخلآقي~]

صلي استخارة+من خلال النظرة الشرعية راكي تشوفي إذا ريحتيلو فبها ونعمة وإلا فلا تقبلي به لأنو قادر يجيك واحد بالصفات اللي حابتها بالصح متريحيلوش...

وربي يجيب لك اللي فيه الخير

[المكارم]

شاب كبير عليا ب سنوات متربي مدين عاقل مثقف ابن عايلة طيب القلب قابل بيا يريد خطبتي تقليديا

الشاب مثالي وصالح للزواج .. تتمناه أي فتاة تريد تكوين أسرة صالحة



قصير نحيل ليس وسيم و جاي طيب بزاف

لأجل تكوين أسرة .. الشاب مقبول وصالح للزواج ، بشرط أن لا تكون فيه علّة معيبة جدا

لأجل مسابقة ملك الجمال .. الشاب لا يصلح .. حدّدي هدفك أولا أختي ثم استخيري وقرّري

كل التوفيق أتمناه لك

[ندى الصبح]

هلمواوين راهو المد :mad:
هذه اولا
ثانيا اذا ما عجبكش شكلو ما تقبليش بيه وربي يرزقك ويرزقو

[رجائي فيك]

يكذب عليك لي يقولك شكل الراجل ما يهمش لا لحبيبة قري اول قصة للخلع في عهد خلافاء الراشدين

[djamel125]

المهم الاخلاق خليك من السطحية هذي وزيد بزيادة مضنيتش تعودي انجلينا جولي

[seridz]

ساهليها تسهال صعبيها تصعاب اذا راكي حابة واحد طيب و شكله ترتاحيلو ارفضي و اذا راكي حابة واحد طيب و ولد فاميليا و ميهمش شطله اقبلي ما عيب ما حرام العيب و لحرام كي تدي واحد و من بعد تغبنيه معاك