اسهال حاد لمدة 8 ايام لرضيعتي هل من نصيحة بالله عليكم

[الطائعة لزوجها]

السلام عليكم جميعا
تعاني ابنتي من اسهال لمدة اسبوع اخذتها للطبيب اعطتها ادوية لكن دون جدوى ...الامس اعدتها للطبيب وصف لها دواء اخر و لم ينفعها ماذا تنصحوني ارجوكم

[sabrine82]

اعطيها الماء و بكثرة تخافي تنشف من الماء اللطف عليها شحال عمرها الا كانت تاكل طيبيلها الارز و الجزر و كذلك الموز و حبذا لو كان طايب شوية ربي يشفيها

[Simassim]

ربي يشافيها. اعطيها تشرب الما. وسميكتا حبسي مشتاقات الحليب ماعدا حليبك اذا كانت ترضع. وماتمديلهاش الفواكه.
ماتنسايش الاملاح.
ادا كانت عمرها اكتر من اربع اشهر. طيبلها روز تاكلو او تشرب الماء تاعو. والجزر
اذا ماحبتش تشرب الاملاح وكان فعمرها عام او اكثر. خدي كوكاكولا وديري فيها سكر وامخضيها مليح حت يروح الغاز ومدلها تشرب. راه يعوض فالاملاح وينفع للاسهال وديريلها الفلان في الما تشرب. و المايزينة تاني.
اذا كانت تدير السنين يمكن هم السبب خاصة النيبان. حتى وليدي خرج نيبان دارلو اسهال مدة اسبوعين. ربي يشافيها ويقدرك يارب

[Simassim]

راقبي الاكل تاعك. حاولي تعقمي البيبرونات والسوسات الصيف تكتر فيه الامراض

[the lady shy]

hata ana 3indi wahd na3rfo sratlo haka

[الطائعة لزوجها]

اعطيها الماء و بكثرة تخافي تنشف من الماء اللطف عليها شحال عمرها الا كانت تاكل طيبيلها الارز و الجزر و كذلك الموز و حبذا لو كان طايب شوية ربي يشفيها

شكرا لك اختي اني اعطيها الماء و الاملاح عمرها عام و نصف طيبتلها الارز و الجزر و اعطيتها الموز لكن دون جدوى ياربي يستر معرفت ماندير راني حايرا

[Simassim]

شكرا لك اختي اني اعطيها الماء و الاملاح عمرها عام و نصف طيبتلها الارز و الجزر و اعطيتها الموز لكن دون جدوى ياربي يستر معرفت ماندير راني حايرا

ماتقلقيش مادام الطبيب ماقالك والو شوفيها اكيد النيبان. ولدي كان فعمرو عام ونص مين مرض


كاين بعض الناس يقولو على مرض الجدات ويقطعولوا. انا مانامش بهاد الصوالح :d.

[الطائعة لزوجها]

ربي يشافيها. اعطيها تشرب الما. وسميكتا حبسي مشتاقات الحليب ماعدا حليبك اذا كانت ترضع. وماتمديلهاش الفواكه.
ماتنسايش الاملاح.
ادا كانت عمرها اكتر من اربع اشهر. طيبلها روز تاكلو او تشرب الماء تاعو. والجزر
اذا ماحبتش تشرب الاملاح وكان فعمرها عام او اكثر. خدي كوكاكولا وديري فيها سكر وامخضيها مليح حت يروح الغاز ومدلها تشرب. راه يعوض فالاملاح وينفع للاسهال وديريلها الفلان في الما تشرب. و المايزينة تاني.
اذا كانت تدير السنين يمكن هم السبب خاصة النيبان. حتى وليدي خرج نيبان دارلو اسهال مدة اسبوعين. ربي يشافيها ويقدرك يارب

اعطتيتها smecta راني محبسا مشتقات الحليب حبسستلها قاع الفواكه غييير التفاح و الموز و الاجااص لكن دون جدوى اعطيتها كوكا لكن لم تفد
فعلا راهي تسنن خسرت 1كلغ في اسبوع ياربي استر و شافيها ادعولها ارجوكم

[الطائعة لزوجها]

راقبي الاكل تاعك. حاولي تعقمي البيبرونات والسوسات الصيف تكتر فيه الامراض

اختي راني مراقبا جيدا الاكل نتاعي و هي ما تأخذ لا بيبرونا و لا سوسات ترضع الا صدري

[Simassim]

سقسي على طريقة البصل. لتخفيف عليها انا قالولي عليها بعد ماخرجو النيبان.
مارانيش عاقلة ادا تقطعي البصل وتحطيه ديراكت على راسها او تطيبيه وتحطيه على راسها. ومرة واحدة قالتلي مديله البصلة يلعب بيها ويشمها. تخفف عليهم انا ماجربتهمش لكن قالولي عليها

[الطائعة لزوجها]

ماتقلقيش مادام الطبيب ماقالك والو شوفيها اكيد النيبان. ولدي كان فعمرو عام ونص مين مرض


كاين بعض الناس يقولو على مرض الجدات ويقطعولوا. انا مانامش بهاد الصوالح :d.

شوفي يا اختي فعلا راهي تسنن واقيلا نيبان لانها نوضت 2 فوق و 2 زوج التحت و خلاص و هذا الاسبوع راني نشوف اللثة منتفخة جهة الانياب حاجة غريبة

[Simassim]

التفاح قادر يدير الاسهال. حبسيه وحت الاجاص. الا اذا كانت قطعتلك الماكلة والحليب وشفتها تاكلهم لي مدلها شوي باش ماتفشلش

[الطائعة لزوجها]

سقسي على طريقة البصل. لتخفيف عليها انا قالولي عليها بعد ماخرجو النيبان.
مارانيش عاقلة ادا تقطعي البصل وتحطيه ديراكت على راسها او تطيبيه وتحطيه على راسها. ومرة واحدة قالتلي مديله البصلة يلعب بيها ويشمها. تخفف عليهم انا ماجربتهمش لكن قالولي عليها

يا اختي =Simassim اشكرك جدا على الاهتمام تعرفي بالامس سلفتي دارتلها recette الحنة و الفيجل و البصل و الما الزهر و النعناع رحاته في المهراز و درناه فوق راسها

[Simassim]

اذا تشوفيهم منتفخين بزاف وعندك كوراج. خدي كومبراس وحكيهملها حت تنجرح اللثة. انا ماقدرتش نديرها وراجلي نفس الشي. صاحبتي دارتها لولدها ريح

[الطائعة لزوجها]

اذا تشوفيهم منتفخين بزاف وعندك كوراج. خدي كومبراس وحكيهملها حت تنجرح اللثة. انا ماقدرتش نديرها وراجلي نفس الشي. صاحبتي دارتها لولدها ريح

مانقدرش يا حبيبتي قلبي يضرني بصح راني نديرها dolodent

[Simassim]

ايه صعييييبة انا ماصبتش شكون يديرهالو بصح يرتاحو بالخف.
انت حاولي معاها باش تاكل الخضر وترضعك باش تقتات. انا ولدي حبس كلشيييييي كنت حامل وفطمته واكله قليييل وزاد الاسهال مزية كان يشرب الما والكوكا وسمكتا هذا باش كان بصح نهار لي فتح الولد ارتااااح والشهية انفتحت الحمد لله فاتت بدون مايدخل للمستشفى. السنيين واعرين بزاف

[الطائعة لزوجها]

ايه صعييييبة انا ماصبتش شكون يديرهالو بصح يرتاحو بالخف.
انت حاولي معاها باش تاكل الخضر وترضعك باش تقتات. انا ولدي حبس كلشيييييي كنت حامل وفطمته واكله قليييل وزاد الاسهال مزية كان يشرب الما والكوكا وسمكتا هذا باش كان بصح نهار لي فتح الولد ارتااااح والشهية انفتحت الحمد لله فاتت بدون مايدخل للمستشفى. السنيين واعرين بزاف

صح السنين واعرين بزاف الله يكون في عون اطفالنا في اسبوع نقصت 1كلغ هذا لي راه خلعني

[حية بذكر الله]

ربي يجيبلها الشفاء العاجل ان شاء الله

[الطائعة لزوجها]

ربي يجيبلها الشفاء العاجل ان شاء الله

اامين شكرا احتي

[الطائعة لزوجها]

مازالت ابنتي مريضة اخذتها للطبيب للمرة 4 لكنها لم تشفى تماما هل من مساعدة