مشكلتي في البكالوريا

[مشكلتي]

السلام عليكم اخوتي انا جد قلق لقد اعدت البكالوريا هذه السنة لاول مرة وكان هذا الشيء صادم جدا لي ولم اتوقعه ابدا
مشكلتي هي اني لم اكن اجد في الذهاب الى الثانوية فائدة في الشهر الاخير فبقيت ادرس لوحدي كمعظم الطلبة ظنا مني اني ساتحصل على البكالوريا ولن ارجع اليها مجددا ولكني سمعت ان من ينقطع عن الدراسة في الثانويةحتى في الاشهر الاخيرة سيفصل ويحرم من اعادة البكالوريا نظامي وسيعيدها حرا ارجوكم قولو لي هل هذا صحيح فانا جد قلق ومتوتر من هذا الامر

[~رآقية بأخلآقي~]

قدر الله وما شاء فعل

فيما يخص استفسارك لستُ أدري إن شاء الله يفيدوك الإخوة والا من الأفضل اتصل بالثانوية واسألهم الأكيد أنهم على دراية بالقوانين وان شاء الله ربي يوفقك ويفتح عليك يارب..

[Zaki Dilmi]

Ih Srat wahad sahbii Madjawz exma wahad ta3 bac blanc
Psk ra9add Lah gHALab hadak 3am madjaboch
alr darhom Mhawaz kI RAh kifach 9alolo psk madjawztch sa3a ta3 exma lazam tabriir 3lach madjawztch djabo 9abloh
Lazamlak Tabriiir

[mariana1]

هل بررت غيابك أم لا ؟ إذا بررت غيابك بشهادة طبية إن شاء ما يكون غير الخير ، لكن حسب حديثك أنك أعدت البكالوريا المرة الأولى نظاميإذا عاودتها المرة الأولى نظامي مانعرف لا يسمحولك تعاود أولا ؟ روح شوف مع الثانوية أنتاعك

[حبيبة امها]

يجب عليك الحصول على مبرر طبي وإذا لم يكن لديك لا داعي للقلق بامكانك اعادتها حر واين المشك انت تملك المنهاج وهنالك دروس دعم في النت وفي كل مكان
بالتوفيق إن شاء الله

[حية بذكر الله]

لست ادري لكن يمكن حل أي مشكلة اذا كانت علاقتك وطيدة بالادارة أو المدير

خيرا إن شاء الله

[redeye]

اخي عليك أن تستخرج شهادة مدرسية من الثانوية التي تدرس بها
إذا كانت الشهادة فيها تاريخ الخروج شهر جوان فلا مشكل عادي جدا
أما إن كان تاريخ الخروج هو ليس شهر جوان مثلا ماي أو افريل فهكذا ستعتبر ان ليس لديك مستوى 3 ثانوي
كان لدي صديقي تخلى عن الدراسة في شهر أفريل و عندما لم ينجح في الباكالوريا قرر الذهاب إلى الجيش فلم يتم قبوله لانه ليس لديه شعادة مدرسية بتاريه الخروج في شهر جوان
كما لم يستطع ان يسجل في نعهد التكوين المهني في تخصص يتطلب مستوى 3 ثانوي
إذا كان تاريخ الخروج ليس 30 جوان الحل الوحيد هو أن تسجل من جديد في الثانوية و تدرس إلى نهاية العام

[إنشراح ^_^]

قلقك في محله الله يكون بعونكم

[abir mimi]

كل شئ طبعي انا تاني درت كيما انت وماربحتش الباك وعاودت ليبر لكن جبتو العام التاني وزدت عاودت ليبر جبتو العام التالت وديت 15.93 مي نفترح عليك تروح ل طبيب عام تحكيلو القصة وتقولو يخدملك شهادة طبية لمدة شهرين وننصحك طبيب عام يعني فاتح عيادة وحدو ماشيفي المستشفى يخدملك واديهالهم ادا قالولك ماعندكش مستوى 3 تانوي مدهالهم رايح تغلبهم ادا عندك مستوى 3 تانوي عاود باك نورمال وحتى ولوكان ليبر انا نضن ليبر خير وبالتوفيق

[fati_zohraa]

السلام عليكم

[صرخة مظلوم]

السلام عليكم : اختي كيما قالوا الاخوة هنا تقدري تعاوي نظامية اذا كانت علاقتك وطيدة مع الادارة وخاصة معدلاتك في الفصول + معدل الباك اذا كانوا قراب يعني المعدل نتاع الباك 9 والفصول فوق المعدل عندك امل باش تعاودي نظامي + اخلاقك طبعا في المؤسسة يعني عن طريق الاساتذة تتحل ان شاء الله

اما اذا كنتي احرار راح يطلبوا منك شهادة اثبات المستوى 3 ثانوي . اذا خرجتي في الاشهر الاخير مثلا افريل او ماي ميقبلوكش احرار . والله اعلم

ربي يوفقك اختي

[zouzou2010]

انا رحت حتى للنهار اللخر وماديتوش شوف ربي واش راه كاتبلك انا ماشكيتش يفصلوهم خاطر يشوفو على حساب معدلاتك الفصلية ويشوفو على حساب حسن السلوك هادي هي بالتوفيق

[❀ مَـلاَكُ الأوُرْكيِـدِ ❀]

ربي يوفقك اختي

[abdelka22]

أنا صرالي نفس الشيء ..في 2012 خسرت الباك و لكن من أفريل ماعاودش وليت للثانوية ..في سبتمبر كي بغيت نولي نقرا قالولي راك مشطوب من القائمة ..قلتلهم مدولى نقاط تاع الإمتحانات الفصل الثالث لكي أستطيع تغيير الثانوية بالرغم من أني إجتجزت الباك بلان و بعض الفروض و لكن قالولي ماعدكش البيلتان ..المهم بعد ما جريت و العرف خدمولي بيلتان و بدلت بيه الثانوية و ربحت الباك في الثانوية الجديدة و الأن راني في السنة الثالثة جامعي و الحمد لله ... أخي كلش يفوت و يسلك أنا تاني كنت نخمم كيفك و مقلق