كيف تنشرين غسيلك

[ام اماني وهاجر]

[b]السلام عليكم ورحمة اللّٰه تعالى وبركاته شاهدت على اليوتيوب حصة منزلية مصرية تعرض فيها كل أمرأة حكايتها مع غسيل الملابس ونشره فبادرتني الفكرة لما لا تسرد لنا كل واحدة وفكرتها في الغسيل والنشر وفي نفس الوقت نستفيد ونفيد بناتنا اللواتي لم تتزوجن بعد :)أنا عن نفسي عانيت في طفولتي مع الوالدة رحمها الله واختي الكبيرة حفظها الله مع نشر الغسيل فكنت احيانا اضطر الى إعادة العملية مرتين ومع كل هذا المعايرة هههههه اللي كنت نسمعها لكن الحمدالله تلقينا درسا اجابيا رفع لي راسي عند أهل زوجي حفظهم الله وبين جاراتي الكريمات وصديقاتي اللاتي لم يحرمنني من المدح احم احم احم هههههه في الحقيقة تعلمنا اولا ان نمسح الحبل او السلك .....ثم نقوم بترتيب المساسك حسب الألوان كل لون مع بعض ....ثم نبدأ بالنشر الملابس الصغيرة اولا ثم الكبيرة وعند النشر ننفضها جيدا لكي لا تتكمش هههههه.....وفي نفس الوقت نختار الالوان الباهتة قبل الداكنة .....اما الطريقة فالقمصان والفساتين والتنورات تعلق من الأعلى والسراويل من أسفل ههههههههه هذا كل مافي الامر ويستحسن في الصباح لأن أشعة الشمس تقضى على اي نوع من البكتيريا ......والله المعيييين نسأل الله التوفييييق والأجر والثواب

[~عبق الجنة ~]

و عليكم السلام و رحمة الله تعالى و بركاته
هههه اعجبني موضوعك اختي
بارك الله فيك

[همس المشاعر*]

انا طريقتي انشر الملابس بالمقلوب خصوصا الملابس الجديده هده الطريقه علمتها لي امي لكي لا تفسد الملابس من الشمس..ولكي لا يبهت لونها ..انفض الملابس ثم انشرها ..وايلا كانت عندي مثلا جلابه او بدعيه او (شوميزة راجلي) نركب فيها علاقة الملابس وننشرها هاكدا يبقاو مسرحين ...وابدا بغسل ملابس زوجي اولا ثم ملابسي ثم ملابس بنتي وكل واحد وجيهتو في النشير ..ونبدا بالملابس البيضاء اولا

[ام اماني وهاجر]

انا طريقتي انشر الملابس بالمقلوب خصوصا الملابس الجديده هده الطريقه علمتها لي امي لكي لا تفسد الملابس من الشمس..ولكي لا يبهت لونها ..انفض الملابس ثم انشرها ..وايلا كانت عندي مثلا جلابه او بدعيه او (شوميزة راجلي) نركب فيها علاقة الملابس وننشرها هاكدا يبقاو مسرحين ...وابدا بغسل ملابس زوجي اولا ثم ملابسي ثم ملابس بنتي وكل واحد وجيهتو في النشير ..ونبدا بالملابس البيضاء اولا

شكرا على الملرور الطيب والافادة جعلها الله في ميزان الحسنات

[الوردة المتفتحة]

افكار جيدة ومانيش بعيدة عليكم ف5الطريقة فقط نقولكم كل ماكان شوية غسيل نغسلهم مانخليهمش يتراكمو طريقة احسن من انك تخليهم يتراكم

[الجواهر]

اكره نشر الملابس .. طريقتي بسيطة
مقابل الشمس في الحبل الاول و اللثاني انشر الملابس البيضاء و في الحبال الداخلية في الظل الملابس الملونة و تكون مقلوبة لتحافظ على لونها
في الحبل الملاصق للجدار اخفي الملابس الداخلية و الجوارب

[ام اماني وهاجر]

افكار جيدة ومانيش بعيدة عليكم ف5الطريقة فقط نقولكم كل ماكان شوية غسيل نغسلهم مانخليهمش يتراكمو طريقة احسن من انك تخليهم يتراكم

فعلا من الأحسن عدم تركهم يتراكمو شكرا

[ام اماني وهاجر]

اكره نشر الملابس .. طريقتي بسيطة
مقابل الشمس في الحبل الاول و اللثاني انشر الملابس البيضاء و في الحبال الداخلية في الظل الملابس الملونة و تكون مقلوبة لتحافظ على لونها
في الحبل الملاصق للجدار اخفي الملابس الداخلية و الجوارب

شكرا على المرور الجيدوالأفكار المفيدة

[ام كندا]

انا عن نفسي ننشر كل الملابس مقلوبة لكن عندي مشكل مع القندورة عياتني

[ام اماني وهاجر]

انا عن نفسي ننشر كل الملابس مقلوبة لكن عندي مشكل مع القندورة عياتني

ههههههه وعلاه عياتك القندورة

[الرجاء الاماني المجد]

شكرا على الافادة

[ام اماني وهاجر]

شكرا على الافادة

لا شكر على واااجب

[هديل 19]

شكرا لكم راكم علمتوني

[ام اماني وهاجر]

شكرا لكم راكم علمتوني

وهذه هي غايتنا اختي الكريمة

[*أم جابر*]

السلام عليكم ورحمة الله وبركاته
ما شاءالله أفكار مميزة
انا عن نفسي ننشر الملابس البيضاء اولا ونبدأ من الطويل للقصير والسرابت مع بعضاهم وكذلك ننشر الجبب والحجابات والاقمصة من تحت الابط يعني ماشي من الكتف باش ما تبقاش لاتراس تع المساك.

[ام تقوى 34]

شكرا للاخوات

[saja safia]

من فظلكم افضل طريقة لنشر سروال كلاسيك

[امونة الشاوية]

نفس طريقتي بوركتي
اظيف عن طريقة غسلي للملابس البيضاء وتريكوات الداخلية والدواخل
نغسل بالما الساخن والصابون طرف نرابيه الجرة الاولى والجرة التانية نغسل بامو ونزيدلو الجافيل
خاطر الجافيل كي نشلو بيه ياذي البشرة وزيد يصفر ونشل وننشر في القايلة يخرجو ابيض يشعلو

[Massilyawissel]

? salam alikom srawil ki golti men taht tssema men rajline , tanachrihom men rajlihom hakda

[ome yahia]

شكرا على الموضوع ... بالنسبة لنشرالقندورة و وجلبابي وقمصان زوجي استعمل السانتر تبقى الملابس مستوية كما أنها لا تأخذ مساحة أما السراويل الجينز فأعلقها من أسفل وسراويل الكلاسيك أثنيها حسب الطية وأعلقها كذلك من أسفل.

[ManouraHilwa]

كل امراة حسب نوع الملابس والظروف المفروضة عليها تنشري في الحوش ماشي كيما بالكون

[dadoua]

موضوع اعجبني كثيرا واستفدت من تجارب الاخوات وانا عن نفسي اتبع نفس طريقة الاخت جواهر .

[jana jiji]

ان ننشر الملابس البيضاء ومبعد البيج ومبعد الملونة من الطويل للقصير وحوايج البيبي نغسلها بصابون الجيراف

[آسيا 25]

حفظك الله أختي فعلا أول مرة نشرت فيها الملابس المغسولة في بيت زوجي كانت حماتي حاضرة و أصرت أن تراقبني و أنا أقوم بنشر غسيلي هههه الآن فهمت السبب.

[الامل في الشفاء]

شكرا على الافادة

[nadiatlemcenia]

يعطيك الصحة اختي على الموضوع
انا تاني تعايرت من عند امي ربي يحفظها على النشير ككنت عزباء هههههه
لكن كلش لمصلحة الوحدة فينا
كانت تقولي النشير فن ماشي حط الغسيل ولصق بالمساك
نفض تاع الكسوة مهم جدا
ترتيبها حسب اللون والحجم السراويل وحدهم والقش الدق وحده
وحتى كنجي نحيه بعدما ينشف
مالازمش ينحط كما جات لانو يتكمش لازم يتنطوا على اربعة هكدا يبقا منظم

[olove]

salam banat machkorin 3la hada almawdo3
pllllzzz momkin tcharkona b des photos bach nastafid akthar
w baraka allaho fikom

[نهلةن]

اناتاني نكره نشر القش بصح ملي شريت هذيك الادات لنشر القش والله احسن ننشر وانا قاعدة الحمد لله على نعمه وفيها80 متر يعني تهز وانا تاني منخليش القش يتراكم عليا خاصة تاع زوجي تعرفو الرجال قادر ينحيه في الليل والصباح يقلك شاح ولالا ههههههههههههههههه والحمد لله المشينة تقوم بواجب العصر وزيادة بكري عند ماما صح علمتنا نغسلو ونعصرو وكيما كانت تقول عصرة خير من غسلة ومن باعد ننشرو وطبعا الحبل تاع النشير في السماء ههههههههههه وانت لازم تنشري مليح ولا تستناك العصا والتبهديل بصح ضركا وسائل التقدم نساونا في التعب تاع بكري والله يا اختي موضوعك فتحلي الذاكرة تاعي وردني لورا وللسراول تاع الدجين الي يتغسلو بالشيتة ووووووو ربي يخلينا الوالدة كانت تتعب وتعلمنا وتتعب في تعلامنا والحمد لله كل يوم نلقاو الجديد والتقدم في كل شئ بناتنا ان شاء الله ميتعبوش كيما تعبنا احنا بكري الحمد لله

[oum imane83]

موضوع رائع

حتى انا نقلب كامل الملابس قبل ما ننشرها سواء كانت جديدة ولا قديمة وننفضها مليح .......
التريكوات ولي شوميز ننشرهم في خيط .. تريكوات نحكمهم من التحت كامل.. ولي شوميز من الكرافطة باش ما تقعدليش لا طراص ..

سراويل في خيط ....وكاين سروايل نعلقهم من الفوق من السبتة باش تقعد لا فورم سورطو كلاسيك

والجبات وحوايجي في خيط اخر..

[ibtihal18]

موضوع رائع ..بارك الله فيك
انا عن نفسي اولا نغشل الملابس البيوضة ثم الملابس اللي ما تسقطش ونزيد اللي تسقط **يعني اللي تطلق اللون تعها *** و الملابس الداخلية هي الاخيرة نبدل و ما نغسلش كلشي فالغسالة خاصة الحجابات غير الفراش و الملابش الشتوية اللي خشينة و في جميع الاحوال نغسل الملابس بالمقلوب
اما عن نشر الملابس تعلمنا نمسحو الخيط ننشر الملابس البيضاء اولا ثم الملونة و النشر يكون بالمقلوب على خاطر الحوايج يتبدل اللون تعهم خاصة كي يتنشرو على الوجه تاعهم لي ثريكو و لي شوميزي تاع الراجل ننشرهم ف لي سانثر و اذا ماكانش لي شوميزي ننشرهم من تحت و نحكمهم قدقد مع الخياطة اللي فالجنب هكذا باش ما يفسدوش و السراول تع الجين نحكمهم مع الصلب قدقد مع الفتحات اللي تدخل فيهم الحزامة اللي فالجنب من الجهة الخلفية لانو كون يتنشرو من تحت يحكمو لاطراس تع المساك و على فكرة كي نغسلهم ما نعصرهمش نشللهم مليح و ننشرهم بلا ما نعصرهم و القنادر اللي ما يحكموش لاثراس ننشرهم على النص و اللي يحكمو لاثراس نحكمهم عند الكتاف و السراول كلاسيك ننشرهم مطبقين على زوج كيما تشريهم باش ما يفسد الخط تع الحديد اللي فالنص و ما نعصرهمش و لي ثريكو دو بو هما المشكلة ثالمون تتبدل لافورم تاعهم ننشرهم على النص
هذي هي طريقتي اللي عندو فكرة احسن ينفعنا بيها

[MouhaKamikaz]

بارك الله فيك

[kamal34]

barak allh fik

[ام لؤي 21]

انا ام لؤي عضو جديد في المنتدى والسلام عليكم
:dj_17:

[linatta]

وعليك السلام ورحمة الله وبركاته اهلا بك ام لؤي بيننا حللت اهلا و وطئت سهلا

[soumia92]

شكرا الاخوات أفدتونا بزاف أنا تاني ماما دائما تقولي النشير فن.
جزاكم الله كل خير

[hiba ghrieb]

merciiiiii a vous

[Amine456]

اخوات السلام عليكم انا متزوجة حديثا وما كنتش نعرف بان النساء يراقبن النشير ويعلقن عليه كيف عرفت عندما جات جارتنا كبيرة في السن وقالت لعجوزتي ما شاء الله على هذا الغسيل واش سر هذا البياض في الملابس السر انه عندما اقرر الغسيل اقوم بجمعه مدة ثلاث ايام من اغطية الاسرة وغلاف المخايد وملابس الداخلية لزوجي وكذلك لي وبعض الاقمصة وكذلك المناشف التي اتعمد استعمال البيضاء من اجل الغسيل الجماعي منها اقتصد في الصابون وكذلك الماء والجافيل اولا اغسلهم بالصابون القالب والماء الساخن ثم اضع في وعاء غسيل اخر اومو+جافيل واتركهم ينقعوافيهم جيدا ثم اغسلهم جيدا وفي التشلال اقوم بقلب الغسيل اين كان باش من بعد ما طولش في النشير بطبيعة الحال نمسح الخيط انشير ثم اقوم بالنشر مثل الاخوات الكريمات المهم اني اخصص يوم لغسيل الابيض من اجل الجافيل اخاف على الملابس الاخري من البقع

[lafleur eglantine]

merci ma soeur

[افكار خياطة]

بارك الله فيك

[ران الذكية]

بارك الله فيكم افدتوني بزاااااااااااااااف

[fofa08.ss]

شكرا على التنظيم

[doudouche]

chay badihi mais baraka allaho fiiik

[امّ اياد]

انشرهم كلهم مقلوبين