اريد الطلاق

[مشكلتي]

انا متزوجه من 3 سنوات ونصف ..في هاد العوام التاليين راني كل يوم ندابز مع راجلي كل يوم عياط هو يعيط وانا نعيط هو راجل مليح ومدين بصح راني نكرهو مانيش نحملو ديجا لبارح دابزنا وضربني وقتله حابه نطلق ماشي هادي المره الاولى الي طلبت الطلاق كرهتو بزاف المشكله عندي بنت معاه هو راه خايف من الطلاق لخاطرش مايلقاش مرى كيفي معاوناتو في الدار وانسانه متعلمه ومن عايله محترمه ....البارح انا نقوله انا كرهتك وهو يقولي انا كرهتك..شحال من مره ندابز مهاه دارنا يردوني ويقولولي روحي لدارك...هو منارفي بزاف وحتى انا ..كل يوم كاين عياط في الدار انا ماوليتش نستحمل راني نحس قلبي يضرني كي نتقلق ..مره قبل رمضان دابزت معاه خرجت كي المهبوله من داري وهو يرد فيا ...كرهت معيشتي معاه ..قاع مايحتارمنيش يعرفني برك غير في الفراش.....حابه نطلق وخايفه على بنتي وخايفه من دارنا ..انا نحبش الي يمد يده عليا...قولولي واش ندير ..كرهت حياتي معاه والله لا كرهت (دايمن يعايرني ويقولي يا الحماره ..ياالبقره هاد ليام ولا يعيك كي المرا)قاع ما يقادرنيش ..خليت شحال من خطاب وديتو هو ...راني خايفه من بابا وراجلي صارحني وقالي باباك هو الي قالي ضرب مارانيش مامنا بابا الي عمره مارفد ايده على يما يقول لنسيبو ضرب بنتي ...ماتقولوليش نتي راكي غالطه انا والله لا راني مستحملاتو غير على جال بنتي ....كل ماتصرى حاجه بيني وبنينو يروح يقولها لبابا وبابا يشجعو ..كرهتهم في زوج.....قولولي واش ندير نطلق وناخد طريحات من بابا ولا نصبر معاه على جال بنتي:confused:

[sarl02]

راكي تحكي تقول عندك 40 سنة زواج و 12 طفل ....بلعقل على روحك يا اختي ...درجة الصبر و تحمل اعباء الحياة الزوجية راهي صفر ...انت خاسرة حتما ان طلبت الطلاق في هاته الحالة ...اصبري ورتبي روحك وكلش اهون بربي .

[~رآقية بأخلآقي~]

اصبري وحاولي حل الموضوع..ربما هي مشاكل عادية وتقع في جميع البيوت لكن طريقة معالجتكم لها لم تكن صحيحة..!!!

نصيحتي: كي تكوني هادئة أختي الكريمة اقعدي معاه وقوليلو ارواح نديرو النقاط على الحروف انا واش راني حابة وأنت واش راك حاب وحاولو توصلو لحل يرضيكم في زوج ويكون في صالح بنتكم المسكينة...



وربي يهديكم لبعض ويهنيكم...

[maya1991]

اختي الطلاق ماهوش الحل خصوصا بينتكم بنت لازم تصبري وثقلي روحك

وافهمي واش هي اسباب تخلي رجلك عيط عليك ويضربك راجل عمرو مايضرب اإلا اذا فوتي حدودك اقعدي مع روحك بشوية

وفهمي روحك مليح وادعي ربي يفرج عليك

[ivaoran]

السلام عليكم
احسن مايمكنني قوله لك هو ارقي
ارقي ليك و لزوجك و للبيت

تقربي من الله بالصلاة و الدعاء و قراءة القرآن
حاولي انت تتغيري من اجل حياة افضل
تعاملي بايجابية مع الامور
تزيتي لزوجك و حلي اللسان معاه
كي يعايرك تعاملي بذكاء
ماتخربيش بيتك مادام كاين امل في الاصلاح

الله يهدي لحوال

[OUMZIAD]

انا متزوجه من 3 سنوات ونصف ..في هاد العوام التاليين راني كل يوم ندابز مع راجلي كل يوم عياط هو يعيط وانا نعيط هو راجل مليح ومدين بصح راني نكرهو مانيش نحملو ديجا لبارح دابزنا وضربني وقتله حابه نطلق ماشي هادي المره الاولى الي طلبت الطلاق كرهتو بزاف المشكله عندي بنت معاه هو راه خايف من الطلاق لخاطرش مايلقاش مرى كيفي معاوناتو في الدار وانسانه متعلمه ومن عايله محترمه ....البارح انا نقوله انا كرهتك وهو يقولي انا كرهتك..شحال من مره ندابز مهاه دارنا يردوني ويقولولي روحي لدارك...هو منارفي بزاف وحتى انا ..كل يوم كاين عياط في الدار انا ماوليتش نستحمل راني نحس قلبي يضرني كي نتقلق ..مره قبل رمضان دابزت معاه خرجت كي المهبوله من داري وهو يرد فيا ...كرهت معيشتي معاه ..قاع مايحتارمنيش يعرفني برك غير في الفراش.....حابه نطلق وخايفه على بنتي وخايفه من دارنا ..انا نحبش الي يمد يده عليا...قولولي واش ندير ..كرهت حياتي معاه والله لا كرهت (دايمن يعايرني ويقولي يا الحماره ..ياالبقره هاد ليام ولا يعيك كي المرا)قاع ما يقادرنيش ..خليت شحال من خطاب وديتو هو ...راني خايفه من بابا وراجلي صارحني وقالي باباك هو الي قالي ضرب مارانيش مامنا بابا الي عمره مارفد ايده على يما يقول لنسيبو ضرب بنتي ...ماتقولوليش نتي راكي غالطه انا والله لا راني مستحملاتو غير على جال بنتي ....كل ماتصرى حاجه بيني وبنينو يروح يقولها لبابا وبابا يشجعو ..كرهتهم في زوج.....قولولي واش ندير نطلق وناخد طريحات من بابا ولا نصبر معاه على جال بنتي:confused:
أختي أنا أريد نصحكي عن تجربة فأنا متزوجة منذ 6 سنين أو راني حاسة بيك هدا كلو من الشيطان هو اللي راهو يكبرلك في المشكل او راكي تشوفي بلي هد الرجل مراكيش قادرا تعيشي معاه او نتي كي كل دقيقة طلقني مع الوقت تولي جيه عادي او يديك لدار باباك واش رايحة ديري انا منقولكش دلي روحكك ولكن حوسي على اساس المشكل لماذا انا وزوجي منتفاهموش اين الخلل او اخطيك من الطلاق

[oosaisdo]

اتحدى اي زوجيين متفاهمين غي 60 في المئة / الأختلاف شيء طبيعي
حل هو التنازل عن بعض الكبرياء وكظم الغيظ
- رشي بعض الملح المذاب في الماء مرقي فهو يخفف من النزاعات

[OUMZIAD]

اختي عمري وقتك بهواية او علمي روحك هدرتو انسايها لانو هو غير يخرج ينسى او كي تقولي ميلقاش لا لا يلقا او كاين لي راهم يسناو كوني ذكية او حاوسي تجبديه يبان يحبك لان يفوتلك لعياط او زيدي في داركم مراكيش رايحة تلقاي لخير

[- بصمة خير -]

اختي نصيحة عيشي مع زوجك على اساس لا يوجد اي امل للانفصال
يعني راكي مع شخص تعيشي معاه مدى حياتك و لا يوجد اي حل للانفصال عليه، تفكري في طرق لانجاح الحياة
انساي حاجة اسمها الطلاق
ماشي على جال بنتك على جالك انت، راكي قولتي خليتي الخطاب بزاف و خيرتيه هو يعني يوما ما كانتي تحبيه يعجبك تفكري الايام الاولى للزواج ايام الخطوبة و شوفي
راكي قولتي يعرفك في الفراش يعني المشاكل و يجي ليك راكي تهميه لو كان يكرهك مانظنش يقرب لك
كاين رجال يتهاوشوا مع نساهم و الا يزعفوهم و الا يكرههم و الله مايقربوا ليهم بالسنوات عادي جداااااااااااااااااا
و انت راه يهتم بك في هذه الناحية راكي تهميه مايكرهكش
حتى انت ماتكرهيهش
ممكن تعابنة من المشاكل فقط
هنا نقلك ان نجاح زواجك يعتمد عليك و اذا تحوسي على عائلة هادئة لبنتك كلشي عليك لانك انت طرحتي المشكل راكي تحوسي على حل و الحل عليك انت تطبيقه
1. النية باش تصلحي علاقاتك مع زوجك
2. الاتكال على الله وحده بيده قلب زوجك
3. ديري سورة البقرة كل يوم في دارك
4. صلاتك في الوقت
5. تقراي كل يوم حزب من القران و اذا اكثر مليح
6. فكري تصلحي نفسك فقط ماتفكريش لازم زوجك يتبدل
7. اتفكري و الكاظمين الغيظ
8. ادعي ربي يوفقك مع زوجك و يعطيك القوة باش تصبري و ماترجعيش الهدرة لراجلك
9. كثري الاستغفار اي وقت تكوني قاعدة استغفري صلي على الرسول اذكري الله
10. اتفكري هذا زوجك قبل كل شيء حتى لو غالط ماتغلطيش معاه من اجل الاجر و اتذكري الحديث
لَا تُؤْذِي امْرَأَةٌ زَوْجَهَا فِي الدُّنْيَا إِلَّا قَالَتْ زَوْجَتُهُ مِنَ الْحُورِ الْعِينِ: لَا تُؤْذِيهِ قَاتَلَكِ اللهُ؛ فَإِنَّمَا هُوَ عِنْدَكِ دَخِيلٌ يُوشِكُ أَنْ يُفَارِقَكِ إِلَيْنَا

11. احفظي هذا الدعاء لتجنب غضب الزوج او اكتبيه في ورقة و ادعي بيه في اي وقت

اللهم البسنى حله من حلل صفوك عند لقاء عبدك الجبار
اللهم اجعل غضب زوجى على بردا وسلاما كم جعلت النار بردا وسلاما على سيدنا ابراهيم
اللهم حببني الى قلبه وجملني قي عينه واستر عيوبي عنه واستر عيوبه عني وألف بين قلوبنا واجمعنا في الفردوس الأعلى من الجنة
اللهم أرزقني بره وأرزقه بري
اللهم باعد بينه وبين رفقاء السوء كما باعدت بين المشرق والمغرب فأنهم لايعجزونك
ولا تصلط علينا من لا يرحمنا ولا يخاف منك يا الله يا الله يا أحد يا صمد يا رب يا غفور يا شكور برحمتك أغثني... يا من هو لا إله إلا الله بسم الله مجريها ومرسيها إن ربي لغفورٍ رحيم... وصلى الله على خير الخلق محمدٌ وأله وأصحابه أجمعين... برحمتك يا أرحم الراحمين
اللهم تقبل منا ومنكم صالح الاعمال والدعاء انك سميع مجيب..
اللهم صلي وسلم على نبيك محمد صلى الله عليه وسلم وعلى آله وأصحابه تسليما كثيرا


اما في حاله غضب الزوج فكري:
اللهم اجعل خيره بين يده وشره تحت قدميه..اللهم اجعل غضبه بردا وسلاما علي كما جعلت النار بردا وسلاما على ابراهيم
اللهم ياولي نعمتي وياملاذي عند كربتي اجعل شدته وقوته بردآ وسلامآ كما جعلت النار بردآ وسلام على ابراهيم ...
اللهم اني اسئلك باسمك العظيم ورضوانك الاكبر ان تكفيني كل اموري مع زوجي وسخره لي ..
اللهم اجعل له شغلآ فيما يليه وعجزآ عما ينويه ..

12. ادعي لزوجك بالهداية و الهدوء و السكينة و ربي يسخرلك زوجك كاين ادعية بزاف حوسي تنقاي

13. اذا زوجك حتى هو مستعرف بالمشاكل يحوس على حل قوليليلو يدير كيفك و اذا لالا ماتهدريش معاه ادعيلوا و لما يشوفك متغيرة هو يتغير باذن الله
14. لما يتهاوش و يعيط اسكتي و ماتروحيش من قداموا خليه يهدر و يعيط اتفكري بنتك و استغفري و ادعي
و الله تكبري في عينو و يتغير باذن الله للاحسن
15. ديريلو واش يحب

بالشوي حتى حياتكم تولي خير من ماكانت
ييييييييييييييييييارب

[الصديق قروف]

ماشي حل تطلقي على مشاكل تافهة لم تضكريها
متعانديهش وكوني امراة اذا تعصب وشفتيه راح يضربك ابتعدي عنه مسافة معينة او روحي لبيتك وقفلي الباب
خممو في بنتكم راح تتحاسبو عليها ‏
و تقولي متدين ! اذا كان كذالك لايعتدي عليك
راجعي نفسك مدام بباك وقف مع وراجلك ‏‎ ‎ممكن انتي المخطئة
كي تكونو هديين اتحاورو

[- بصمة خير -]

اختي عمري وقتك بهواية او علمي روحك هدرتو انسايها لانو هو غير يخرج ينسى او كي تقولي ميلقاش لا لا يلقا او كاين لي راهم يسناو كوني ذكية او حاوسي تجبديه يبان يحبك لان يفوتلك لعياط او زيدي في داركم مراكيش رايحة تلقاي لخير
حتى انا راني نشوفوا يحبها لكن للصبر حدود
راه يحبك و صابر على المشاكل معاك
استغلي حبو الان خير من بعد جي وحدة دور بيه و دوخلو راسو

[محمد جديدي التبسي]

العناد ليس جيدا اذا غضب انت اسكتي او ابتعدي غيري المكان
في كلامك تناقض يدل على ان للرجل ايجابيات تغطي سلبياته والتي ابرزها العصبية وهي سمة أغلب الشعب الجزائري بل حتى أنت عصبية على ما يبدو ..اهدئي وفكري بروية وراجعي حساباتك هناك بنت في النص لا تجعليها تعيش اليتم والحرمان خاصة ان اسرتك تقف مع الرجل لانهم يعرفون طباعك والله أعلم ربي يهدي النفوس

[OUMZIAD]

حتى انا راني نشوفوا يحبها لكن للصبر حدود

راه يحبك و صابر على المشاكل معاك
استغلي حبو الان خير من بعد جي وحدة دور بيه و دوخلو راسو
صح اختي البنفسجية كلامك جواهر لوكان ميحبهاش او شاد فيها راهو طلقها بلا ما تطلب او زيد الراجل مثل لولد الصغير بلحنان او تاني الرضا مشي خطبوني خلاص دوك

[محفوظ البسكري]

معليش لو قال ابوكي لزوجك يضربك

يضربك بالعقل ضربات خفاف مش كيما رانا نشوفو دوك الرسول وصى بالزوجات و قال رفقا بالقوارير


الله يصبرك اختي و مديريش حاجة بدون تفكير لانك قد تندمين مستقبلا

[moussabm]

أختي الطلاق ليس بحل
هذا النوع من الرجال يريد منك أن تحترميه وتقدريه أصبري معه وعندما يراك تغيرت سوف ترين معاملته سيتغير 180 درجة
أشعريه باهتمامك وهو سيضعك ملكة على عرشه
تغيري من أجل بنتك وضعي مصلحتها قبل كل شيئ

[أمـــــــــِينَــــة♡]

اختي ليس هناك بيت يخلوا من المشاكل و دائما على المراة ان تتنازل قليلا عن حقها
انت كوشفت قصص اخرى تقولي راكي الرحمة عليهم اصبري فقط على جال بنتك
و اكيد ربي غادي يفرج عليك

[kalli]

اصبري و استعيني بالله و ادعيه تضرا و خفية . لعل الله يصلح بينكما

[اريج الامومة]

نقلك حاحة اختي فرضا تطلقتي تقدري تلقاي زوج احسن من زوحك او راح يرجعو ليك لي خطبوك انساي اذا تطلقتي راح تقعدي في داركم وتربي بنتك وهو يعاود الزواج ويجيبها طفلة صغيرة ويجدد شبابو وتكوني انت من الماضي ويجيب ولاد وكلي ماتزوحش وانت اذا تزوجتي تزوجي واحد مطلق او مرتو ميتة واكيد يكون عندهم اولاد على خاطر انت عندك بنت ومن بعد تدخلي في دوامة اكبر من دوامتك الحالية بيين بنت و زوجك والربة وحليها
علاه توصلي روحك لهاذي المعيشة وانت الحل في ييدك وبسييييط دلي زوجك ساعفيه كوني ليه الزوحة وصديقة والام صدقيني راح تعيشي اجمل ايام حياتك
اسمحيلي انت لي منكدة حياتك بيدك المرا مهما كان ماتكونش ند لراجل وترد عليه كلمة كلمة
المرا لي باغية تتعيش حياة مستقرة تحاول تكظم غيضها و تساعف وووو
كوني امة له يكن عبدا لكي ...خمي فيها مليح وطبقيها ورديلي بالخبر اذا مارجعتش حياتك جنة
واسمحيلي على الاطالة

[ساجده 82]

شوفي اختي مانقولك لا 16 لا 17 هاهو الحل قولي اللهم فارج الهم كشف الغم تجيب المضطر رحمان الدنيا والاخره ورحيمهما.......) (ياحي ياقيوم برحمتك استغيث اصلح لي شاني كله ولا تكلني الا نفسي طرفه عين ابدا) حق لك على ان ينصرك قوليه باستمرار ههههه علمولي زوجي قالي قوليه كي تحسي باللي ظلمتك.اكثري من الاستغفار ماتقعديش طلعي وتهبطي واقراي سوره البقره يوميا مش تحطيها غي التلفاز اوو ماتدي منك والو بالكثير ساعه ونص قسم بالله الذي لا اله الا هو يجي يجري عندك جري ولا تستعجلي الاجابه واطيلي السجود ياختي ماتبكيليش ابكي لله هو الوحيد الذي ينصرك نحن بشر مثلنا مثلك صح الواحد اذا ماهدرش ومافضفضش يييي طرطق فضفضي لله على وجه ربي ثم وجه البنت اللي بينكم وزيد ابحثي حكم المراه اللي تطلب الطلاق راح تلقاي جميع اللي جاوبوك ضدك لاننا نحبك في الله على حساب واش فهمت زي بعضاكم ههههه راسكم خشين في زوج لا لاختي لازم الواحد يخلي من نفسو وماكاش زوج متفاهمين الا ادا كان منهم الواحد يكدب على الاخر الازواج كامل هذا واصعب سنوات الزواج الاولى وضرك راكي امراه رزني روحك هدا مش معناه رانا مادين لو الحق ضرب وشتم ووو ويجي يقولك قال ربي والنبي ووو اذا كان الحيوان وصى به خير الخلق خيرا فما بالك الانسان تعدي تعدي برك ادعي وانا والله ندعيلك من قلبي لانني يوما مل تتفكريني وتدعيلي شفتي اكثر من هيك طماعه احبك اخي في الله

[hodahodahoda]

انت تقولي نتعاركو
علاه تتعاركو لم تدكري السبب
لعلها اسباب تافهة
فكري هل زوجك فيه محاسن فكري جيدا

يعرفك في الفراش فقط هو ادا يحبك لو كرهك ما اقترب منك

راجعي نفسك
ثم لمادا عندما يعط هو تعيطي انت
اسكتي عليه

[OUMZIAD]

انا متزوجه من 3 سنوات ونصف ..في هاد العوام التاليين راني كل يوم ندابز مع راجلي كل يوم عياط هو يعيط وانا نعيط هو راجل مليح ومدين بصح راني نكرهو مانيش نحملو ديجا لبارح دابزنا وضربني وقتله حابه نطلق ماشي هادي المره الاولى الي طلبت الطلاق كرهتو بزاف المشكله عندي بنت معاه هو راه خايف من الطلاق لخاطرش مايلقاش مرى كيفي معاوناتو في الدار وانسانه متعلمه ومن عايله محترمه ....البارح انا نقوله انا كرهتك وهو يقولي انا كرهتك..شحال من مره ندابز مهاه دارنا يردوني والاخت ماذا قررتي ولا تصالحتي مع زوجك او خليتينا حايرين لانو حنا نسا نتقلقو او نحلفو او من كلمة ننساو كلش ربي يهنيك او يفتح عليك يقولولي روحي لدارك...هو منارفي بزاف وحتى انا ..كل يوم كاين عياط في الدار انا ماوليتش نستحمل راني نحس قلبي يضرني كي نتقلق ..مره قبل رمضان دابزت معاه خرجت كي المهبوله من داري وهو يرد فيا ...كرهت معيشتي معاه ..قاع مايحتارمنيش يعرفني برك غير في الفراش.....حابه نطلق وخايفه على بنتي وخايفه من دارنا ..انا نحبش الي يمد يده عليا...قولولي واش ندير ..كرهت حياتي معاه والله لا كرهت (دايمن يعايرني ويقولي يا الحماره ..ياالبقره هاد ليام ولا يعيك كي المرا)قاع ما يقادرنيش ..خليت شحال من خطاب وديتو هو ...راني خايفه من بابا وراجلي صارحني وقالي باباك هو الي قالي ضرب مارانيش مامنا بابا الي عمره مارفد ايده على يما يقول لنسيبو ضرب بنتي ...ماتقولوليش نتي راكي غالطه انا والله لا راني مستحملاتو غير على جال بنتي ....كل ماتصرى حاجه بيني وبنينو يروح يقولها لبابا وبابا يشجعو ..كرهتهم في زوج.....قولولي واش ندير نطلق وناخد طريحات من بابا ولا نصبر معاه على جال بنتي:confused:
الاخت ماذا قررتي ولا تصالحتي مع زوجك او خليتينا حايرين لانو حنا نسا نتقلقو او نحلفو او من كلمة ننساو كلش ربي يهنيك او يفتح عليك