عاجل

[مشكلتي]

السلام عليكم ورحمة الله تعالى وبركاته اخوتي حبيتكم تعاونوني اعطوني نصائح
المهم عندي صحبتي كان يقرى معاها واحد زميل عادي وفي عام الباك راكم تعرفو تعاونو كشما خصو ولا وهي تتعاون معاهم كامل ونيتها صافية والله المهم هو عندها في الفيسبوك وهي مبعد عرفت بلي حبها هي حاطتو كي خوها وماشي حاباتو يبقى كيما هك حالتو حالة شافتها من روحها ماشي حابتلو الشر و زيد خي مش حابة تكون في علاقة المهم تعيشو عاونوها حابة تريح ضميرها وتريح هداك السيد عاونونا تعيشو وربي يبارك فيكم ان شاء الله

[الصديق قروف]

يجي يخطبها
ولا تهني على روحها
تحبس لعلاقة قبل ميطيح الفاس فراس

[محمد جديدي التبسي]

خليه ياكل بعضاه واش دخلها فيه
من ناحية اخرى مكانش منها وحدة تحط واحد كي خوها
اذا راهي متعاطفة معاه فمعناه انها تكن له مشاعر يعني يقدر يخطبها عادي
والشيطان هو اللي يقولها راه كي خوك باه تبقى في علاقة محرمة
قوليلها ادا ممكن يجي يخطبها ولا تنحيه من بالها ومن الفيسبوك والتلفون تبدلهم وانتهى الموضوع
ربي يهدي الجميع

[ولد حمد الباتني]

في عمرهم 17 سنة ايه عيش تسمع ................
تقلو روح اشري الطابلية والمحفظة صحيت واخطاك من السوق لكبير عليك

[ريان 7]

السلام عليكم و رحمة الله و بركاته

أولا فهمي صاحبتك بلي مكانش أخوة بين مراة و راجل إلا أذا كان من لحمها و دمها .

ثانيا البز هذا ما يحبها ما والو اعجاب تاع مراهقة و لعب ذر و هذا الخطأ تاعها لأنها تعاملت معاه بداعي الأخوة او ربما الصداقة لي هي علاقة محرمة مقننة في مجتمعنا.

ثالثا قولها تبلوكيه من الفايسبوك و تحط النقاط على الحروف . لا صداقة لا حب لا عمي علي .



بالتوفيق :19:

[houssem zizou]

هذه من تلاعبات الشيطان ياتيها دائما من باب الطاعة
معليش أو زميل تاعك أو كي خوك
و هذا كله كذب ما كانش منها و لا وجود لصداقة بريئة بين الجنسين بل إن ذلك من أعظم المحرمات
و سبب من أسباب الإفتتان و الوقوع في الفاحشة
إنصحي صحبتك بأن تتقي الله عز وجل و تبتعد عن مخالطة الذكور قدر المستطاع و لو بحجة الدراسة

كل المشكلات مبدأها من النظر***ومعظم النار من مستصغر الشرر
كم من نظرة فعلت في قلب صاحبها***فعل السهام بلا قوس و لا وتر
يسر ناظره ما ضر خاطره***لا مرحبا بسرور عاد بالضرر

[أنور]

هذا هو لعب الذر بامتياز ، قولي لصديقتك تتهلى في قرياتها ومستقبلها ، وما هته الترهات إلى طيش مراهقة لا غير

[ibtihal18]

قوليلها تتهلا في قرايتها ...........هذا الشيطان راه يلعب بيها ..........والله تكبر و تولي تضحك على روحها صدقيني ....................ربي يفرج

[djamel125]

الهاو بقرايتكم وعفكم من عقلية المسلسلات التركية هذي وكي تكبرو شوي تضحكوا على انفسكم وتعرفوا بلي كنتوا ذراري الله يهديكم

[سيف الدين الطيار]

انتم براعم

[amira1989]

aaaaaaahhhhhhhhhh mazalkoum sghar akhtikoum

[abdelka22]

أنا كشاب أرى حلها هي تدعي بأنها تحب شخص اخر من العائلة و والديها راهم حابينه و يجي نهار ويجي يخطبها ... يعني راهي مريزارفيا