المساعد الشخصي الرقمي

مشاهدة النسخة كاملة : سيد الرايس نح عنا بن غبريط (شعر ملحون ردا على بن غبريط

محمد الشاعر
2015-08-10, 15:12
شاعر يرد بالعامية على وزيرة التربية :قصيدة (سيد الرايس نح عنا بن غبريط)

سيد الرايس راه حالي متغَّبـْرط***///*** وتغبريطي اسبايبو ذي بن غبريط
سيد الرايس كيفاه نفسي ما تقنط///***// وجيل الأمة خلطوه أهل التخليط
سيد الرايس راه قلبي متشلفط//**//وعدياني زادو لأمتنا تشـــــلفـــــيط
عديان الاسلام تجري وتخطط//**// و مذلولين احنا نفــذ فالتخطيط
كي خرّجنا فرنسا رجعت تنشط//**/// مخططها اقديم ماهوشي بسيط
عديان الله جايــــبين المخطط///**/// ويجونا بالضحك حيلة وتبلعيط
بلاد الشهداء عادت تتخبط///**/// هويتنا ضايعة والضر ايشــــيط
ما نبغيش فرانسا عنا ضابط///***///وين نروحو نلقاوها ليها وَسيط
ما نبغيش فرانسا فالبر تحط///***/// وهي شرالبر واشرار المحيط
التربية ساس لازم ما يسقط//**//عند الناس الفاهمة وأهل التخطيط
من يبني لجيال يعلى ما يهبط///***// ومن دمرها تبقى اجيالو مَزاليط
ومن ضَّيع لجيال يبقى متورط///**/// اللي هدَّم اصالتو سهم التوريط
رومية رمعون عنا تتـسلط//**///وبن زاغو أستاذها مول التخطيط
وزيرة رمعون جابت مخطط***///** امسطرمعروف من شق المحيط
العربية عديانها حبو تسقط //***///ولغة فافا مسلطة عنا تســــــليط
وزيرة في لغتي غير اتخلط***///*** لغة قال الله تضربها فالحيط
خطة حزب فرنسا ماني غالط ///***//واضح بالداليل باين راس الخيط
تحوس هاذ الجيل يتربى هابط ***///*** يتربى بالجهل و يتخرج خابيط
ما يفهم لادين لالغة تنقط***///*** من أصلو مسلوخ ومخلبط خلبيط
ماهو عربي لاقاوري قاع امخلط ***///*** ممسوخ ومفسوخ ويتبَّع شاليط
والاســـــلام يعود جامد ومحنط//**//والقبلة باريس وفرنسا شانبــــــيط
يبغونا في أصلنا كل نفرط///***//وجيل الأمة يعود من جيل التفريط
مدارسنا جيلها يعود املقط***///*** مثقف فالواي واي- وطيطي- طيط
سيد الرايس الحل عندك ها شاوط///***///فـــــــك الأمة نح عنها بن غبريط
يا المجاهد يالفصيح الناشط//**//فك ابلادي نح عنها بن غبـــــريط
فك بلادي نح عنها بن غبريط //***// فك بلادي نح عنها بن غبريط
بن عامرمحمد الأغواط10/08/2015
:dj_17:
ام هالة شهرزاد
2015-08-10, 15:22
الله يعطيك الصحة اخي
نتمنى توصل هاد القصيدة لبن غبريط
ولاحسن انو واحد يقراها على مسامعها لان للاسف لا تفقه الحروف العربية
محمدان1965
2015-08-10, 19:46
سي محمد رآك صادق في المنطق******وليعرف رآه يحكم رآس الخيط
هذا الوقت ايليقلو ضرب المطرق ******و التربية في الوطن هي ساس الحيط
فاطمة شلف
2015-08-26, 12:20
السلام عليكم
الله يبارك اخي محمد الشاعر
تقديري لك
Moahmedfawzy
2015-09-15, 21:38
جميل اووووووووووووووى
فاطمة شلف
2015-09-16, 08:25
السلام عليكم
الله يبارك اخي الكريم محمد راني في هذا الامرنتحدث و نتكلم
حنا ولاد الدين والقيم وباللغة ننطق
جاء الرسول صلى الله عليه وسلم يفسرنا هذا القول
كلام الله المنزول
والقران بها تكلم

ان اللغة العربية هي لغة الجنة
موضوع قيم
شكرا لك
piratack007
2015-10-16, 17:53
بارك الله فيك
محمد الشاعر
2015-11-08, 16:23
هاذ الغاشي قاع وقيل اتغبرط///***//// وارماهم غبريطهم عنا راحو
لا واحد يقرا حروفي كي تنقط///***/// ولاواحد يرد ويهز سلاحو
رنديتو يا لحباب طحتو في مسقط///**/// والشاعر مسكين مكوي باجراحو
فاطمة شلف
2015-11-09, 11:29
[quote=محمدان1965;3994073245 هذا الوقت ضرب المطرق ******و التربية في الوطن هي ساس الحيط[/quote]]سي محمد رآك صادق في المنطق******وليعرف رآه يحكم رآس الخيط
maya_phy
2015-11-09, 12:17
هههههههههههههههههههههههههههههههههههههههه
يعطيك الصحة
البدار12
2015-11-09, 12:58
هذالغاشي ماتعول ڨاع عليه **احسبهو وابدا بيا انايا
فاقد الشيء عمرو مايعطيه **انت قاوم واحنيا اقعود اهنايا
محمد الشاعر
2015-11-09, 14:43
هذالغاشي ماتعول ڨاع عليه **احسبهو وابدا بيا انايا
فاقد الشيء عمرو مايعطيه **انت قاوم واحنيا اقعود اهنايا

المومن مفروض قلبو دايم حي///***//// ما يرضى بالذل والمنكر يخطيه
مهما صار وصار مهما عم الفي///***//// يبقى الباطل يكرهو مايرضى بيه
مايرضى رشوات لا علاليش الشي///***/// ما يعطي مال الحرام ولا يدّيه
مهما الباطل كان يكوي فينا كي///***///لابــــــــــــد للحق يرجع ويدهميه
المومن محال يشمت يا لوخي///**/// مايقبل بالعاهنة ودينو يرميـــــــــــــــه
االمنكر يزيد ول يعود شوي///***///المومن مع شرع ربي عايش فيه
البدار12
2015-11-09, 15:12
يابن عامر رفد الضرب الڨرابة ديس
رني منيش في مستواك
اسلاحك رشاش وانت متمكن* مكحلتي جعبا اتخيبني مرات
في وسط الميدان تڨطعلي واتكن *ڨلي واش اندير كي تعلى لاصوات
محمد الشاعر
2015-11-09, 16:19
يالبدار راني انعزك يا رجل ////***///فوق الراس خلاص احنايا درناك
نعزك ونقدرك فيك انبجل///***//// وندعيلك بالخير دايم في مولاك
وسلاحك رشاش والضرب الكامل///***/// ياويحو من كان ياراجل عاداك
ماتحشم ما تهاب واصل ما تفشل///****/// يافارس ربي اعطاني نا وياك
البدار12
2015-11-09, 20:13
احسنت وبرك الله فيك
يرحم ذاك الفم بشوية دقلة * مزينها كي إكون ليها كاس أحليب
والدسير إكون من عسل النحلة * هذا راه قليل عنك يالحبيب
زمردة الاسلام
2015-11-26, 18:27
الله يبارك عليك
واصل
مزيدا من التميز والتألق ان شاء الله
تحياتي ~
youcefb29
2015-12-29, 19:55
بارك الله فيك
ــ جعفر كريستيانو ــ
2016-01-02, 20:15
الله يعطيك الصحة اخي
الرميصاءْ
2016-01-24, 23:14
روععععععععععععععععععععععة
أم لبنى
2016-02-06, 21:58
جزاك الله خيرا
medcherif03
2016-02-11, 12:21
السلام عليكم عبارات رائعة و كلمات في المستوى

أنتم مشكورين... أنتما لثنين*********محلاكم بكلام شهد العسالة
كلام مرسع ثابت وارزين*********وتبارك الله هذا حد الرجالة
محمد الشاعر
2016-03-23, 16:20
يجازيكم بالخير ربي مولايا///**/// يامن زرتو صفحتي في هاذ اليوم
شكري ليكم ما نعدوش انايا///***/// شكري ليكم نبعثو وافي مقيوم
اتغبرطتو الكل ياناس امعايا///***/// ومن وزارتنا كلكم شفتو لهموم
وزيرتنا محال لا تقرا آية///**/// وماشفناش لسانها واضح مفهوم
وترحي كل اجيالنا فالرحاية///***/// يعود مخلط شبابنا تايه ويهوم
البدار12
2016-03-23, 23:15
يجازيكم بالخير ربي مولايا///**/// يامن زرتو صفحتي في هاذ اليوم
شكري ليكم ما نعدوش انايا///***/// شكري ليكم نبعثو وافي مقيوم
اتغبرطتو الكل ياناس امعايا///***/// ومن وزارتنا كلكم شفتو لهموم
وزيرتنا محال لا تقرا آية///**/// وماشفناش لسانها واضح مفهوم
وترحي كل اجيالنا فالرحاية///***/// يعود مخلط شبابنا تايه ويهوم

السلام عليكم
برك الله فيك ايها الشاعر الفحل هذه الابيات هادفة حقيقة
وليس شعر من اجل الشعر اذهب انت بقلمك قاتل ها نحن لكا قارئون

هل أهلال العيد عنا شهدناه *** كي بن عامر جاد عنا واتكلم
هذي مدا لاأضهر ولا شفناه *** حط اسلاحو قلت شكيتو سلم
ابن الصحراء شجاع واحد ميصفاه ***كي يبقا وحيد تلقاه إقاوم
محمد الشاعر
2016-03-24, 14:13
السلام عليكم
برك الله فيك ايها الشاعر الفحل هذه الابيات هادفة حقيقة
وليس شعر من اجل الشعر اذهب انت بقلمك قاتل ها نحن لكا قارئون

هل أهلال العيد عنا شهدناه *** كي بن عامر جاد عنا واتكلم
هذي مدا لاأضهر ولا شفناه *** حط اسلاحو قلت شكيتو سلم
ابن الصحراء شجاع واحد ميصفاه ***كي يبقا وحيد تلقاه إقاوم



يا البدار ذا خوك محال ايسلم //*******/// مايرجع محال يوم المعماعة
الله غالب غبت والوقت امحتم ////***//// وعيانا ذالوقت ناسو قوطاعة
نهار اللي نغيب نقعد نتألم ///***/// ما نشتيش نغيب عالخاوة ساعة
واذا غبت ارجال اورايا تفهم ///***/// مزينهم بحديث ذوك الجماعة
رجال الملحون اورايا تنظم ///***/// مدافع وسيوف زينة لماعة
منهم البدار والشريف الأكرم ///***//// ومعاهم بنت الشلف واهل الطاعة
اورايا راهم ايهنو يا فاهم ///***/// زينين المـــــــــــــــــــــعاد ليهم سماعة
سليلة الغرباء
2016-03-25, 08:58
سيد الرايس راه حالي متغَّبـْرط***///*** وتغبريطي اسبايبو ذي بن غبريط

بارك الله فيك

غبرطتنا جميعا واخلطت أوراقنا ، تريد تضييع شخصية الجيل الناشي ء ومحو هويتهم بتلك البرامج ، أم ماذا أرادت ببرنامجها الذي ابعد اللغة العربية لغة القرآن وطلبت محلها اللهجة العامية ولسانها الذي ينطق اللغة الفرنسية لغة المحتل ، وبهذا أخلطت الأمور وعبرطتها غبرطة مثل لقبها الذي لا نعلم من أي أصله ومتى أشرق فصله ومتى برعم نصله ،،،،،،،،،،،،،، اللهم احفظ بلادنا وشعبنا واجيالا مسلمة مما لا نعلم سره
medcherif03
2016-03-31, 19:30
السلام عليكم تقبل اضافتي يا سي محمد و شكرا

ما نلومش قبريط جانا قبرطنا****اللوم على من ولى علينا ذالقبريط؟
يا سبحان الله شوف وين وصلنا****ضيعنا أجيالنا بضعف التخطيط
اسقعد يابن باديس ونيف علينا****و يابن نبي منهاجكم بقى ع الحيط
علماء و شيوخ أمرهم حيرنا****حتى من الزوايا يرضوا بالتبلعيط!؟
سكتوا لطيار و نطقت رخمتنا****وعظم الله أجرنا راه القيض يشيط
لا قيرة لا نيف راحت نخوتنا****و تلهوث عنا الجهل كي الاخطبوط

و السلام
عبد العزيز الرستمي
2016-04-15, 00:07
https://www.youtube.com/watch?v=NmP-HIAQlwQ




السلام عيكم و رحمة الله
الله يحفظ لسانك يا شيخ

http://www.djelfa.info/vb/images/icons/Hourse.gif
محمد الشاعر
2016-06-01, 15:12
راكم شفتو الباك ماذا صاري فيه///***/// جيل الأمة غشنا بالكوبياجcopiage
جيل امكعرر قادي الأمة تحصل بيه///***/// مهزوم ومنهار جيل الديقوتاج dégotage
متمرد عالأصل والحق معاديه ///****/// خايف يخرج يا خاوتي ولدي سوفاج sofage
لا خدمة لا علم لا شان يعليه ///***//// ما عندو سلاح ما عندو باقاج bagage
فارغ هاذ الجيل والريح امدويه ///**//// رصدوه الكفار كي الزاوش في كاج cage
مخو ذالشباب الكفرة تلعب بيه///***/// غسلوه ونشروه دارولو لافاج lavage
البدار12
2016-06-01, 18:10
راكم شفتو الباك ماذا صاري فيه///***/// جيل الأمة غشنا بالكوبياجcopiage
جيل امكعرر قادي الأمة تحصل بيه///***/// مهزوم ومنهار جيل الديقوتاج dégotage
مترمد عالأصل والحق معاديه ///****/// خايف يخرج يا خاوتي ولدي سوفاج sofage
لا خدمة لا علم لا شان يعليه ///***//// ما عندو سلاح ما عندو باقاج bagage
فارغ هاذ الجيل والريح امدويه ///**//// رصدوه الكفار كي الزاوش في كاج cage
مخو ذالشباب الكفرة تلعب بيه///***/// غسلوه ونشروه دارولو لافاج lavage

السلام عليكم
كلمات تعالج المناسبة صحيح برك الله فيك
إذا كان الساس فاسد يابنيه ///***/// ميطلعش الحيط لازملو يعواج
والغرس الي غارسو لزم تحميه///***///والى هنتو راه يطلعلك سوفاج
اسمحلي على هذه الاظافة ياشعرنا
سلام
محمد الشاعر
2016-06-02, 09:14
شكرا يالبدار رايك نفخر بيه ///***/// وكلامك عاراس انا درتو تاج
عياني ذالوقت روح ضاقت فيه///***/// الباطل والجور عنا ظروك هاج
كلش ولى مر لاواش يحليه///***//// مول الغيرة يموت بالعلة محتاج
متهوم ومحقور والنا س تعاديه///***//// راها زينة وطيبة لللي سوفاج
مول النيف اليوم يسكت ماذا بيه///***//// لا يطلع لاطاسيو ويموت خماج
البدار12
2016-06-02, 20:00
وسع ڨلبك مديرش ذاك عليه///***///هذا الجيل امريض واخصو علاج
كيما ڨلت اڨبيل الريح امدويه///***///هامل حارڨ راه ضايع في لمواج
ضن الجنة عندهم تستنا فيه ///***///يرجع في صندوڨ من ثما بڨاج
أنانطلب خالقي ربي يهديه///***///ربي قادر على كل شيء هو فراج
medcherif03
2016-06-02, 21:08
سيد الرايس واش شدك نوض ارميه***بدل ذ القانون عنا راه اعواج
هاذ الرومية واحد فينا ما تبغيه***و ها عندك ذ الباك مستواه اخماج
التخطيط اضعيف كول شي بان عليه ***زيرتو قا على الزوالي والمحتاج
ما قدرنا على اسكات لحجر نطقتيه***و الرخمة اذا نطقت تملينا هراج
و النص الا قراتو ما تعرف تمليه***حشومة عنكم يا معيزاتي و انعاج

خسارة...
medcherif03
2016-06-02, 23:02
شكرا سي محمد على الكلمات و لكن الفرج قريب ان شاء الله
محمد الشاعر
2016-06-05, 10:34
محمد نحييك ياسر يا زعيم ///***//// والتحية تعود واجب للبيدار
ماننساشي بنت الشلف ليها تكريم ////*****///// وبوبكر وجماعتو نالو لفخار
يجازيكم ربي الملك الكريم ///***///// ويحفظكم جميع ما طالت لعمار
لزهاريhg
2016-06-05, 15:12
شكرا جزيلا روعة وابداع وامتاع
في المستوى