هل اتزوجها ام لا

[visa uk]

السلام عليكم اخواني اريد ان استفسر منكم بخصوص زواجي من بنت عندها 23 سنة اكملت دراستها الجامعية مؤخرا وانا كنت تعرفت عليها في الجامعة المهم تطورت العلاقة بيني وبين البنت والمشكلة انو اصبحت متعقة بي جدا وانها وصل بها الحد انها تتمني بالحاح اني نتزوجها وانا صراحة مانيش نفكر في الزواج رغم اني عمري 27 سنة وحمد لله حالتي المادية مقبولة جدا ووحيد الطفل في عائلتي لي 3 بنات مزوجات وبديارهم واسكن حاليا مع والديا ونملك ايضا شقة تاع الوالد يعني كي شغل شفتي لاني نروح ليها نريح ونجوز يامات وهي فيها كل شيء وهي تهلم بكل تفاصيلي صغيرة وكبيرة وارتاحت لي المشكلة في انا اني لااثق فيها لحد الان انها تحبني فعلا من قلبها رغم انو عملتلي عدة اشياء صراحة يعني تشريلي من عندها بدون ان اقولها احيانا هدايا بسيطة ولكن معبرة مثل نونورس وبوبون ووووو وتشريلي شوكولاطة وحلويات وكي تعمل قاتو تعطلي وانا نده للدار وعائلتي وامي تعمل بعلاقتي بتلك البنية وامها ايضا تعرفني وانها فعلا تريدني زوجا لابنتها حتي انها تشريلي من عندها ملابس سواء في الصيف او شتاء ك سراويل او قميص او تيشارت ووو واحيانا باصرارها تمنح لي اموال ونقولها لا لا لاني حمد لله وهي تصر
يعني هل انا مشكل فيا من عام واا نقولها مانيش حاب نتزوج مانيش حاب وهي تصر عليا وتضغط عليا وتقولي تندم حياتك ماتديرش مرا ودراري خصوصا وحدة كفي تحبك بزافوتخاف عليك
صراحة هكدا واشك في حبها لي هدا السبب لي قتلني وخلاني مانتزوجهاش رغم انها بنت فاميليا وتاع زواج وحمد لله لم نعمل اي شيء وهي تريد الزواج باش يسترها راجل
هل اتزوجها ام لا وانزع الافكار الشيطانية والوساويس من راسي
علي فكرة صديقتها اقول صديقتها تحرضني عليها وتقولي هادك مش تاع زواج وتضل تصر علي دلك رغم اني اعرفها وعسيتها كم من مرة وحمد لله خرجتلي مراة ونصف

[malek firdaouss]

سلام
يا اخي ننصحك دير نيتك وتخطبها وتتزوج بيها مادام كيما راك تقول عستها

وعاجبااتك وننصحك ادي وحدة تحبك وطيعك ويكونو والديك راضيين عليها هكذا باش متكونش مشاكل قدر الله

وهذيك صحبتها غير حابة تفسد عليها ربي يهدي هاذو لبنات

وكلش بالمكتوب

ربي يهنيك

[جمعي البشاري]

خلاص راكم متزوجين قبل العرس ^^ الف مبرووووك
ارحموا من في الارض يرحمكم من في السماء ..اتقوا الشبهات
اتزوج قبل مايكثروا المشاكل ويطيح الفاس على الراس استر روحك واسترهااا
وباب التوبة مفتوح

[abir mimi]

ربي يسهلكم اموركم

[الأمين®]

تزوجها و بسرعة ............................أزرب راك تندم

[Bēlla]

السلام عليكم أخي انا من رأيي أنك تصلي صلاة الاستخارة الله يعلم ان كانت خيرا لك ام لا و تزيد تشاور عايلتك و غيرهم فإذا عزمت فتوكل على الله أخي ربي يسهلك ان شاء الله و يوفقك للخير آمين يا رب

[محمد جديدي التبسي]

زينة المرأة في حيائها وان تكون مطلوبة وليست هي من تطلب الزواج خاصة بهذه الطريقة الملحة
ربما هي على نيتها وساذجة نوعا ما أنت أدرى منا
الأهم أن لا تتساهل في الحديث مع البنات لأنك تجد كثير منهن مخادعات يجدن رجل ظروفه جيدة ويملك سكن فتستغل الفرصة وتغريك بنفسها
زيد شوف لأخلاقها وسمعة عائلتها وخاصة أمها واستخر الله وربي يفتح عليك

[houda_jijel]

وينو ضميرك اخي تدير علاقة مع بنت الناس و تحصلها فيك و مبعد تحب تسحب روحك انا من رايي استخر الله و توكل على ربي و اخطبها انت اعلم منا باخلاقها و كل شيء فيها
وفقك الله

[اخت في الاسلام]

يا اخي روح اخطب الطفلة الشيطان يديرلك في التوسويس باش يبعدك على الحلال و يخليك في الحرام

خاف ربي هي ناوية معاك و كون تخليها ماتربح غير دعوة الشر منها و من امها
و هذيك الي زعمى صحبتها ماهيش صحبتها هذيك عدوتها و ماتزيدش تسمعلها

[catia]

يا ابني اذا اتحبها اتزوجها واذا ما تحبهاش وعلاه اتعلقلها قلبها واتخليها تصرف عليك حرام عليك اما اتزوجها ولا خليها تشوف حالها في جهة اخرى ما تضيعهاش

[الأزرق الملكيّ]

السلام عليكم

لم اتقبل فكرة بنت فاميليا وخرجت معاك في الجامعة .

لكن حسب ما قلت بنت فاميليا و تاع زواج و انها متعلقة بك

هذا يذل على انها لايوجد فيها عيوب كبيرة .واهلها موافقين مبدئيا .

الرجال قضو طوال اعوام ولم يجد زوجات تناسبهم .

هذه فرصة لاتعوض لانك ستندم ولن تجد مثلها مرة اخرى .

[zina flower]

السلام عليكم

لم اتقبل فكرة بنت فاميليا وخرجت معاك في الجامعة .

لكن حسب ما قلت بنت فاميليا و تاع زواج و انها متعلقة بك

هذا يذل على انها لايوجد فيها عيوب كبيرة .واهلها موافقين مبدئيا .

الرجال قضو طوال اعوام ولم يجد زوجات تناسبهم .

هذه فرصة لاتعوض لانك ستندم ولن تجد مثلها مرة اخرى .




هناك تناقض في كلامك يااخي عدم تقبل ان الفتاة خرجت معاه في الجامعة معناه انو الفكرة من اساسها غالطة حسب رايك ثم تقول هذه فرصة لا تعوض ولن تجد مثلها مرة اخرى يعني حسب رايي اما انو يتغاضى على امر خروجها معه وينسى ومايدرش هاذ الشي اصلا في بالو واما يبعد عليها ويشوف في جهة اخرى
ارجو المعذرة منك اخي فقط اردت التوضيح سلام

[chahinez benyahia]

بنت فميليا = خرجت معاك و تحاول فيك باش تزوجها ....؟؟ :confused:
في بالك هذا تعريف لبنت الفاميليا ...:confused:

[الأزرق الملكيّ]

هناك تناقض في كلامك يااخي عدم تقبل ان الفتاة خرجت معاه في الجامعة معناه انو الفكرة من اساسها غالطة حسب رايك ثم تقول هذه فرصة لا تعوض ولن تجد مثلها مرة اخرى يعني حسب رايي اما انو يتغاضى على امر خروجها معه وينسى ومايدرش هاذ الشي اصلا في بالو واما يبعد عليها ويشوف في جهة اخرى
ارجو المعذرة منك اخي فقط اردت التوضيح سلام

بالنسبة لي لم اتقبل فكرة انها بنت فاميليا لو كانت كذلك فإنها لاتخالط الشباب من الاصل هذا بديهي .

لم اتقبل بمعنى اني غير متاكد حتى اراها بنفسي و نسقسي عليها واجزم فعندها ساتقبل انها بنت الاصول

بعني انها بين وبين لم اقدف بنت الناس وانا لاااعرفها هناك إحتمالات فقط .

وهو ادرى بامرها أكثر منا جميعا بما ان قال عنها بنت فاميليا .فنصحته بما قال لانه من عاش الموقف ويعرفها ولست انا.

بعدت عن الشاطيء

[visa uk]

يااختي انا والفتها صراحة واعجبتني ولكن متردد جدا في حبها لي صراحة حتي ملاباس اطفال صغار وتشريهم وتقولي هام ليك خبيهم اضنها هبلت فعلا ونقولها لاتشري وانا ماعنديش اولاد باه نشد حوايج تاعهم ولكن تقولي ولادنا حرت

[visa uk]

[QUOTE=chahinez benyahia;3994072682]بنت فميليا = خرجت معاك و تحاول فيك باش تزوجها ....؟؟ :confused:
في بالك هذا تعريف لبنت الفاميليا ...:confused:

علي حساب فهامتك ايضا لي تكونكتي في الجلفة وتهدر في النت ايضا بنت فاميليا نعم مرا ونص وندافع عليها للمات الله غالب مشكل فيا انا مش فيها لانها تلح وتلح وعندها فايس بوك فيه الا العائلة تاعها وصديقاتها المفربين جدا وانا فقط ماعندها ني فايبر ني ***** ني واتساب ني والو ورقمها تحت سادا ماكتبش نتزوجها نتمنالها كل خير يطرتي ودرت لها عدة مقالب للتاكد من نيتها والحمد لله لمرا هادي حلايلية وادا ماكانش مانتوجهاش لقدر الله نتمنالها كل خير
اما لي تقول تدعيلك نعرفها مليح قلبها طيب جدا ومش من نع لي تدعي كما نساء تاع هدا وقت اغلبهم

[chahinez benyahia]

[QUOTE=chahinez benyahia;3994072682]بنت فميليا = خرجت معاك و تحاول فيك باش تزوجها ....؟؟ :confused:
في بالك هذا تعريف لبنت الفاميليا ...:confused:

علي حساب فهامتك ايضا لي تكونكتي في الجلفة وتهدر في النت ايضا بنت فاميليا نعم مرا ونص وندافع عليها للمات الله غالب مشكل فيا انا مش فيها لانها تلح وتلح وعندها فايس بوك فيه الا العائلة تاعها وصديقاتها المفربين جدا وانا فقط ماعندها ني فايبر ني ***** ني واتساب ني والو ورقمها تحت سادا ماكتبش نتزوجها نتمنالها كل خير يطرتي ودرت لها عدة مقالب للتاكد من نيتها والحمد لله لمرا هادي حلايلية وادا ماكانش مانتوجهاش لقدر الله نتمنالها كل خير
اما لي تقول تدعيلك نعرفها مليح قلبها طيب جدا ومش من نع لي تدعي كما نساء تاع هدا وقت اغلبهم



(https://www.google.dz/url?sa=t&rct=j&q=&esrc=s&source=web&cd=10&ved=0CE4QFjAJahUKEwjXiOOpkZ_HAhXJaxQKHbdwD_E&url=http%3A%2F%2Fakhawat.imanhearts.com%2Fshowthre ad.php%3Ft%3D5496&ei=JOzIVdfmAcnXUbfhvYgP&usg=AFQjCNEVMF47F54oj4reyUTcfl9yhqa2nQ&sig2=2ms9rbNoGBOIRBNbKTbueA&bvm=bv.99804247,d.bGg&cad=rja)

{وَلا مُتَّخِذَاتِ أَخْدَان}
أظن انك تعرف جيّداً معنى الاية ولا داعي للتفسير .... أنا لم أعبها في شيئ ...و ربي يسرلك

[zina flower]

اخي راني نشوف فيك بلي راهي معمرتلك عينك وراك دافع عليها وراك قلت بلي درتلها مقالب ونجحت فيهم وبانت بلي ناس ملاح اذا توكل على ربي وزيد صلي صلاة الاستخارة وتاكد بلي ربي مايخليكش المهم انك تصفي نيتك مع ربي ومع البنت واذا كتب ربي وكمللكم بالزواج نصيحة مني ليك انسى الماضي وانسى بلي خرجت معاك وابدا معاها صفحة جديدة ونتمى انك في الايام الجاية تحط موضوع وتقولنا الاخبار المليحة ربي يقدملك اللي فيه الخير المهم النية الحسنة والصافية