ستة مرات

[مشكلتي]

السلام عليكم


راه يهمني الرد ياسر ياسر

جاوبوني فانا معني بالاجابة وماتهونوش الموضوع



اذا شاب لاباس عليه معندوش مرض ولاباس في شكلو مقبول يعني

وخدام في القطاع الوظيفي

هل كل شاب كيما هو يلقى فتاة تقبل بيه عادي يعني يلقى فتاة صح ناوية معاه مش قصدها تهرب من العنوسة ولا ملقاتش غيرو ولا الي تمناتو مخطبهاش

عارف يمكن مشكلتي مخلطة بصح راني في مشكلة لاني خطبت ستة مرات كاملة وماعطاونيش حتى ولات الناس تقول كشما بيه وانا اااااااااااااا ما بيا والوووووووو

درك راني بطلت ووالديا راهم ورايا حبوني نزيد نخطب وانا مليت

راني ان شاء الله نكتب موضوع ونوضحلكم المشكلة مليح

شكرا

[رهف هبة الرحمان]

ربي يفرج عليك وتاكد بلي ازواج قسمة ونصيب

[ام افنان48]

يااخي بلاك الي خطبتهم ربي بعدهم عليك بلاك ماهيش ملاح ليك ربي كي يكتب يكتب كنت صغيرة سمعت كلمة من عند واحدة قاتلي طفل مازال مايجيه مكتوبك ضحكت قلت طفل كيما يبغي يزوج مع الوقت فهمت زواج قسمة ونصيب أإنا للبنى او الطفل انت برك مكتوبك تقيل والراجل عيبه أخلاقه برك احنا النسا الي فينا العيب ربي يفرحك يااخي بوحدة لحساب قلبك ونيتيك ومات تقلقلش وحدة وحدة

[جزائرية بافتخار]

ربي يجيبلك اللي فيها الخير

وييسرلك زواجك عاجلا غير آجل

ولي انا ولجميع بنات المسلمين نصيب من الدعاء

آمــــــــــــــــــــــــــــــين

[kika85]

اتاكد انو الي راهي كاتبتلك مازالك ما تلاقيت بيها.....كاين الي يخطبو شحال من مرة وفي الاخير يلقى الي تناسبو والي ربي كاتبهالو.....ممكن الي خطبتهم ما همش خير ليك فربي بعدهم عليك....

[محمد جديدي التبسي]

مكانش مكتوب باختصار كاين اللي خطب أكثر من عشر مرات !
ربما خطبت فتيات تافهات غرضهم العمل والخروج ولا يريدون العفاف والسترة
او قصدت جميلات يريدون الغني صاحب البيت الواسع او او او
انت شوف العائلة قبل يعني اخطب من عند الرجال بيت يحكم فيه الرجال والله يوفقك

[abir mimi]

ماتقولش فيا العيب ربي بعد عليك بنات ماشي ملاح

[أم عيشوش]

من نسابنا رجل خطب 9 مرات والعاشرة كانت زوجته وهي الان معه وعايشين اللهم بارك
اخطاك من هدرت الناس لانو حاجة ماترضيهم يجدواالاعذار لانفسهم فقط أما غيرهم فأنت أدري
ان كنت واثق في نفسك فلا يهمك شيء فالحياة حياتنا لماذا نترك غيرنا يعكرها علينا
وادعو الله بإلحاح فثلاثة حق على الله ان يعينهم منهم طالب العفاف
وكما تقول امي دائما كل شيء بالمكتوب

[سامر020]

وضح اكثر اخي

[noorsamaa86]

يا اخي احسن الضن بالله اكيد ما كانوش مالمكتوب واكيد فيها خير و ما تكرهش اسعى في البحث عن زوجة صالحة و توكل على ربي

[zizou b]

ربي يفرج عليك اخي

[الصديق قروف]

مكانش مكتوب باختصار كاين اللي خطب أكثر من عشر مرات !
ربما خطبت فتيات تافهات غرضهم العمل والخروج ولا يريدون العفاف والسترة
او قصدت جميلات يريدون الغني صاحب البيت الواسع او او او
انت شوف العائلة قبل يعني اخطب من عند الرجال بيت يحكم فيه الرجال والله يوفقك


بارك الله فيك ‏
هذا امر اصبح عادي ‏‎
‎

[sandy belle]

اخي مكتوبك مازال مالقيتوش وكي تلقاه ان شاء الله حاجة ماراح توقف في طريقكم لانه هذا شيء مكتب ومقدر من عند ربي سبحانه
والمرة الجاية كيما تجي تخطب خليها في السر يعني ابعث امك او ابوك لبيت العروس واذا تمت الموافقة اللهم بارك واذا لم يتم حد ماقال لاحد ما تخليش اطراف ثانية تسمع انك خطبت ورفضوك .
ربي يسهلك ان شاء الله

[سوسو95]

عاااااااااااااااااااااااادي جدا ربي يقدر ليك بنت لحلال لي تسر خاطرك

[ranou gigi]

كيما قالوا الاخوة ماكانش مكتوب و الي مكتوبك مازال ماتلاقيتش باها انت رقي روحك و اكثر من قرآة سورة البقرة

[~رآقية بأخلآقي~]

في 2015 مثل هذا الأمر أصبح عادي للأسف -_-


والدات الشباب عندنا يقولو: "كي نشوفو نلقاو الدنيا معمرة بالبنات وكي نحبو نخطبو روسنا تشيب باش نلقو وحده تصلح بينا أو تقبل ولدنا"


وذلك لأنه يحدث لهم مثل الذي حدثَ لكَ وأكثر...وتتعدد الأعذار و أسباب الرفض بحجج "تافهة" بالرغم من أن أبناؤهن لا يعيبهن شيء إلا أن زماننا تغير وأصبح العفاف والحلال فيه صعب جدااا..

لذا لا تيأس أخي...

وبإمكانك أنك تكلف والدتك بالموضوع هذا وربي يسهل لك أمورك يارب ويرزقك الزوجة الصالحة عاجلا غير آجل..

[معتزة باسلامي]

خويا عليك بالرقية الشرعية

[أبو معاذ محمد رضا]

مكانش مكتوب

ما هذا الكلام؟
ألسنا مؤمنين؟

[ahlam t]

الى الاخ محمد التبسي
هل المراة العاملة هي مراة تافهة .....................كاين بنات راهم يخدمو على والديهم في حين كاين مراة في البيت ودايرة رايها ومنهن الاف اتق الله ولا ترمي المحصنات ولا تفتي بما لا تعرف

[لينة نور]

السلام عليكم

لذلك الكتمان في هذه المسائل أمر ضروري ، لمذا يذهب الواحد منكم للخطبة عليه أن يجعل الامر محصورا بين والديه لا أكثر ..

زوجت أحد اخوتي ، لم يعلم بالخبر الا أهل الدار وقد دامت مدة الخطبة أكثر من عامين ولم يعلم الناس الا أسبوع قبل الزفاف

نحن في مجتمع للأسف يحشر نفسه في أمور الغير ، ما دخل الناس وحياتك الشخصية ولعلك تخطب سابعة وثامنة ولايتم القبول

أين المشكل ؟ وكل واحدة وأسبابها أخي لو أطلعك الله على غيبه لربما وقعت ساجدا له اذ صرف عنك اللواتي سبقن

ولنا في سورة الكهف عبرة .

بسم الله الرحمن الرحيم

قَالَ أَرَأَيْتَ إِذْ أَوَيْنَا إِلَى الصَّخْرَةِ فَإِنِّي نَسِيتُ الْحُوتَ وَمَا أَنْسَانِيهُ إِلَّا الشَّيْطَانُ أَنْ أَذْكُرَهُ وَاتَّخَذَ سَبِيلَهُ فِي الْبَحْرِ عَجَبًا (63)

قَالَ ذَلِكَ مَا كُنَّا نَبْغِ فَارْتَدَّا عَلَى آَثَارِهِمَا قَصَصًا (64) فَوَجَدَا عَبْدًا مِنْ عِبَادِنَا آَتَيْنَاهُ رَحْمَةً مِنْ عِنْدِنَا وَعَلَّمْنَاهُ مِنْ لَدُنَّا عِلْمًا (65)

قَالَ لَهُ مُوسَى هَلْ أَتَّبِعُكَ عَلَى أَنْ تُعَلِّمَنِ مِمَّا عُلِّمْتَ رُشْدًا (66) قَالَ إِنَّكَ لَنْ تَسْتَطِيعَ مَعِيَ صَبْرًا (67)

وَكَيْفَ تَصْبِرُ عَلَى مَا لَمْ تُحِطْ بِهِ خُبْرًا (68) قَالَ سَتَجِدُنِي إِنْ شَاءَ اللَّهُ صَابِرًا وَلَا أَعْصِي لَكَ أَمْرًا (69)

قَالَ فَإِنِ اتَّبَعْتَنِي فَلَا تَسْأَلْنِي عَنْ شَيْءٍ حَتَّى أُحْدِثَ لَكَ مِنْهُ ذِكْرًا (70)

فَانْطَلَقَا حَتَّى إِذَا رَكِبَا فِي السَّفِينَةِ خَرَقَهَا قَالَ أَخَرَقْتَهَا لِتُغْرِقَ أَهْلَهَا لَقَدْ جِئْتَ شَيْئًا إِمْرًا (71)

قَالَ أَلَمْ أَقُلْ إِنَّكَ لَنْ تَسْتَطِيعَ مَعِيَ صَبْرًا (72) قَالَ لَا تُؤَاخِذْنِي بِمَا نَسِيتُ وَلَا تُرْهِقْنِي مِنْ أَمْرِي عُسْرًا (73)

فَانْطَلَقَا حَتَّى إِذَا لَقِيَا غُلَامًا فَقَتَلَهُ قَالَ أَقَتَلْتَ نَفْسًا زَكِيَّةً بِغَيْرِ نَفْسٍ لَقَدْ جِئْتَ شَيْئًا نُكْرًا (74)

قَالَ أَلَمْ أَقُلْ لَكَ إِنَّكَ لَنْ تَسْتَطِيعَ مَعِيَ صَبْرًا (75) قَالَ إِنْ سَأَلْتُكَ عَنْ شَيْءٍ بَعْدَهَا فَلَا تُصَاحِبْنِي قَدْ بَلَغْتَ مِنْ لَدُنِّي عُذْرًا (76)

فَانْطَلَقَا حَتَّى إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَنْ يُضَيِّفُوهُمَا

فَوَجَدَا فِيهَا جِدَارًا يُرِيدُ أَنْ يَنْقَضَّ فَأَقَامَهُ قَالَ لَوْ شِئْتَ لَاتَّخَذْتَ عَلَيْهِ أَجْرًا (77)

قَالَ هَذَا فِرَاقُ بَيْنِي وَبَيْنِكَ سَأُنَبِّئُكَ بِتَأْوِيلِ مَا لَمْ تَسْتَطِعْ عَلَيْهِ صَبْرًا (78)

أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ فَأَرَدْتُ أَنْ أَعِيبَهَا وَكَانَ وَرَاءَهُمْ مَلِكٌ يَأْخُذُ كُلَّ سَفِينَةٍ غَصْبًا (79)

وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَنْ يُرْهِقَهُمَا طُغْيَانًا وَكُفْرًا (80)

فَأَرَدْنَا أَنْ يُبْدِلَهُمَا رَبُّهُمَا خَيْرًا مِنْهُ زَكَاةً وَأَقْرَبَ رُحْمًا (81)

وَأَمَّا الْجِدَارُ فَكَانَ لِغُلَامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنْزٌ لَهُمَا وَكَانَ أَبُوهُمَا صَالِحًا

فَأَرَادَ رَبُّكَ أَنْ يَبْلُغَا أَشُدَّهُمَا وَيَسْتَخْرِجَا كَنْزَهُمَا رَحْمَةً مِنْ رَبِّكَ وَمَا فَعَلْتُهُ عَنْ أَمْرِي ذَلِكَ تَأْوِيلُ مَا لَمْ تَسْطِعْ عَلَيْهِ صَبْرًا (82)


وعليه الصبر لازم في هذه المسائل ، الزواج ليس لعبة بل هي عشرة العمر ، وعليك باختيار أم أولادك !

ومن المفروض كل هذا الوقت وهذه التجارب في صالحك ، أخلص الدعاء الى الله ساعة السجود

وأطلبه بأن يرزقك الزوجة الصالحة وأوصيك أخي بالصدقات ....

[Rimsamwaz]

السلام اخي ربي يعينك انت ماعندك حتى عيب باذن الله والف بنت حلال تتمناك توكل على ربي ودير في بالك اذا اعطاك الله واحد مايقدر ينحيلك وكل شي مكتوب ادعي في صلاتك وروح لراقي شرعي في هاذ الزمان الناس ماتخافش ربي لعللا عندك عين او سحر
ربي يوفقك ويرزقك بنت حلال امين

[محمد جديدي التبسي]

ما هذا الكلام؟
ألسنا مؤمنين؟
اقصد مازال مكتوب ولم يكتب الله له مع الفتيات اللاتي تقدم لهن

الى الاخ محمد التبسي
هل المراة العاملة هي مراة تافهة .....................كاين بنات راهم يخدمو على والديهم في حين كاين مراة في البيت ودايرة رايها ومنهن الاف اتق الله ولا ترمي المحصنات ولا تفتي بما لا تعرف
من تفضل العمل على الزواج اراها تافهة
ثم اني لم اعمم ولم ارم محصنات لأني لا اقصد شخص بعينه
والمضطرة للعمل يجيها زوج صالح تشرط خدمتها؟؟
ويبقى كلامي وجهة نظر