حائرة بين زواجي ام طلاقي

[مشكلتي]

تخطبت من حوالي عام من انسان كان يخدم معايا متعرفناش مليح ، في البداية كان حب واحترام متبادل و عملنا الفاتحة ، مع الوقت بدا يحس انو شخصيتي مش عاجبتو طلب مني اكثر من مرو نتبدل ، حاولت جهدي لكن مقدرتش نبدل شخصيتي تمنيت لو يقدر يحبني كيما راني ، اكتر من مرة قالي نحبسو انا رفضت اولا متصورتش نعيش من غيرو وايضا على جال كلام الناس ، المهم مرت الايام احيانا نحسو يحبني بزاااف واحيانا نحس بلي مش مقتنع بيا ، طلب مني نعملو عقد رسمي ..ترددت و رفضت ... هو اصر ، انا قلت ممكن ادا عملنا العقد القانوني حنستقرو وتحبس المشاكل ..عقدنا و شهر بعد العقد قالي حاب نطلق .. عقليتك مبقيتش نقدر نتحملها .. انا حايرة هل نحاول نصلح العلاقة معاه مع العلم انو اعطاني الخيار .. اما نطلقو .. ولا نعملو عرس ونتزوجو فقط قدام عينين الناس !!! انصحوني

[houssem zizou]

متى يكون الطلاق أفضل؟ و كيف يكون؟

الجواب: http://www.alandals.org/gets.php?fid=136&id=15352&pid=150809

لفضيلة الشيخ العلامة ابن عثيمين

[غوّاص]

السلام عليكم
أظن أن اﻹنفصال في بداية الطريق أفضل، لأن التوافق بين الزوجين هو أهم شرط لنجاح العلاقة .

[l'espoire de la vie]

الان احسن بعد الزواج

[ام افنان48]

زواج عشرة من نهار الاول المشاكل يا أختي نقولك حاجة انا زوجت راني في عامين زواج صعيب بزاف المراة تتحمل خاصة المراة العاقلة الي ماتقول والو ساكتة برك نصيحتي حبسي قبل ماتندمي وضيعي حياتك اعلمي انا زواج امر ليس سهل زغ اريد وحفلة عرس الزواج بين الجدران انت زوجك الزواج في الأول مفاهمة وأحيانا بعد زواج تكون أمور صعب تحملها فمابلك انت من الاول جدل وشجار ربي سهله ويستهلك

[& تسنيم &]

السلام عليكم
عزيزتي التفاهم والانسجام ضروريان لنجاح العلاقة ، بعض الطبائع مستحيل تتغير فينا خاصة اذا كانت عفوية ويوجد امور يمكن نغييرها
نصيحة من اختك في الله انك تصلي الاستخارة واذا فيها خير طلقي الان افضل من بعد ، مافهمته ان الرجل غير مقتنع بك ولم يجد فيك المواصفات التي يتمناها في زوجته ،
المعروف ان الرجل في الخظوبة يعد الايام اللي تجمعه بخطيبته وهو يقترح عليك الانفصال بهدوء
انا متزوجة وفاهمة واش راني نقولك ، الزوج اذا احبك السعادة تملا حياتك واذا كرهك راح تكرهي حياتك وترجعي مجرد الة في البيت طبخ وغسل وانجاب فقط
انا كذلك زوجي كان يعمل معي في فترة الخطوبة وهو اللي ماحبش المدة طول شهرين وتزوجنا وعندنا سبع سنين زواج والحمد لله قابلته بطبايعه وهو ثاني ،
فكري مليح الزواج حياة وعشرة اذا كنتو بعاد وماتفاهمتوش كيفاش تكونوا بعد ما تعيشوا مع بعض وتمروا مواقف صعبة تتطلب الصبر والتضحية، وكاين مواقف طبايعكم يبانوا مليح ،

[أم ريتاج زهرة]

أختي العزيزة نقولك حاجة و صدقيني مازال ماشفتي والو حبسي خير ما يجي النهار و تندمي و قبل صلي صلاة الإستخارة و الزواج ليلة تدبيرو عام خمي من كل النواحي و إذا درتي على هدرة الناس أنتي الخاسر الأول و الأخير الزواج مسؤولية كبيرة خمي و خمي و خمي بالتوفيق

[zina flower]

والله انا محتارة من الزواج تاع اخر زمن نتوما ماكمش متفاهمين ويحطك بين خيارين اما نطلقو او نتزوجو قدام الناس برك والله العظيم راسي حبس ختي ديري في بالك بلي اللي يحبك يتقبلك كيفما كنتي وكيفما كانت عقليتك واذا ماعجباتوش حاجة فيك يقولهالك بادب ويحترم مشاعرك وهو يساعدك باش تغيري الطبع اللي ماشي مليح وواش راه يبانلي في السيد هاذا بلي ماهوش راضي بيك وماكيش عاجباتو زيدي صلي وادعي وربي هو اللي يشوف اللي فيه الخير ونقولك"بدل المراح تستراح"ربي معاك

[قدوتي رسولي]

اللي مش مليح ومافيهش خير يبان من نهارو
وكيما قالت الاخت في تعليقها هذا الشخص لايحترمك ولايكنلك اي شي من محبة
شخص متناقض وربما مش فاهم واش حاب وانت مرأة وسمعتك بالدنيا كون جات اختو في بلاصتك نتحداك كون يرضالها هاد شي
اختاري راحتك وتطلقي ضرك خير من تطلقي بطفل ولازوج
واستخيري ربي قبل اي تصرف
وفقك الله لمايحبه ويرضاه

[الصديق قروف]

واش معجبوش فيك
اذا كان رايه على حق يجب ان تغيري نفسك
‏ متهتموش بكلام اناس فيها فيها
متفاهمتوش اطلقو

[الجواهر]

اي واحد يقول الانفصال الان افضل من الطلاق بعد الزواج
ولكن ... ربما هذا هو مكتوبك و لن ياتيك احد بعده فستتحسرين و تقولين يا ندامتي
هو من خطبك و انت وافقت و انتهى الامر
لا تدعيه يترك الفراق امر رهن اشارتك
ان كان يريدك اكملي الزواج
ان كان يريد الانفصال فانفصلي
الخلاصة دعيه يقرر وحده ...هذا رايي

[ranou gigi]

تبعي نفسيتك اذا كنت مرتاحة معاه كملي و اذا ماكش حملاتوا بعدي خير

[~رآقية بأخلآقي~]

لا حول ولا قوة إلا بالله..

ربي يفرج عليك أختي..

[زينة نور]

يااختي على الاقل فهمينا واشي هي الحاجة الي ماعجباتوش في عقليتك مكانش حاجة متتصلحش
حاولي تلقاي الحل هذا طلالالالالالالالالالالالالاق ماشي حاجة ساهلة

[*الجنرال*]

مادام أمر الطلاق تركه بيدك ، فهذا الشخص ليس برجل - من قوامة الرجل ان تكون العصمة بيده- ،،،، و في نفس الوقت هذا دليل على انه غير متمسك بك
فطلقيـــــــــــــــــه بالثلاث '' في زمن اصبح الطلاق بيد المرأة '' لا حول و لا قوة الا بالله

[KARIO]

ضيعي حياتك و دوك هدرة الناس اللي راكي خايفة منهم تنفعك

[كوجيتي]

ادا كان العقد لم يمر عليه 3 اشهر يمكن ابطاله و كانه لم يكن هدا العقد و هدا الخيار الوحيد

[OUMZIAD]

اختي علاش نتي لي لازم تتبدلي او كي عارفك علاش دار لعقد ولا العقد ساهل هدا غير اخطيك منو مراهوش مقتانع بيك و اختي يتعبك او يخلييك كئيبة ربي راهو ينبه فيك او زيدهو كامل الاوصاف لي يحب مينتقدش و اختي ربما راهو يستنا فيك ما خير او هو يلغي الزواج ماشي نتي اخرجي نفسكي و خلي رجال يتفاهمو هذه الامور يناقشها مع لي جا خطبك من عندهم

[hodahodahoda]

اصعب شيئ لما تكون المراة و الرجل يعملان مع بعضهما
يا اختي ادا رايت ان الامور قد تتطور الى ماهة اسوء الاحسن ان تتفارقا بالمعروف
واظن ان في حالتك هدا هو الحل
لعله يغار عندما يراك تكلمين زميلا او تضحكين مع زميل

[magica]

أظن الطلاق اليوم أفضل من غدوة
وأدعي ربي يرزقك بالزوج الصالح
رحمة ربي واسعة

[عمر منير]

مساءالنور
لا تقولي لا استطيع تغيير شخصيتي فعندما تكون هناك نية صادقة تستطيعين فبالمحاولة و صبر زوجك معك تستطيعين
يحسب لزوجك ثلاثة امور:
01- انه هو الذي طلب ان يعقد رسميا و هذا يدل على حبه لكي و حسن نيته فلو كان العكس لتركي بدون عقد و انتي تعريفين المشاكل
02- انه طلب منكي تغيير شخصيتك او باحرى تصرفاتك و لم يساومكي
03- انه صبر معكي و يبدو من كلامك انه انسان طيب
اعلمي ان الزواج اختيار و طريقة التعامل بين الزوجين قرار و المشاكل و المصاعب هي بحد ذاتها مسؤوليات
اذا اردتي الاستمرار انه اختيار
اذا اردتي الطلاق انه اختيار
الاختيار ينجر عنه مباشرة قرار و بعد القرار تظهر امور تستلزم تحمل المسؤولية
من الممكن ان يكون كلامي مبهم لكن القرار بيدكي وحدك اختاري ثم قرري ثم تحملي المسؤولية و شكرا

[TITA TITA]

صلي إستخارة...رايحة ترتاحي