مشاكل لا تنتهي

[narmine nor]

السلام عليكم ورحمة الله وبركاته
انا متزوجة جديدة عندي 2 أشهر و عندي مدة في مشاكل مع زوجي كل مرة يخرجلي بحاجة جديدة
الشك الغيرة و انا تعبت كل يوم بكاء هم تعب
الجلباب لازم ماقلت والو
نحي مكياج نحيناه غير شوي كحل

متهدريش مع الرجال لكن اعمل في صيدلية ولازم
متروحيش لدار أهلك و إذا رحتي ماتباتيش
ممنوع الانترنت و هو في الخارج
انا تزوجتك لميتك و سارت
يا ناس تعبت
غلبت ممكن رايحة نهبل

[فاطمة*]

ربي يكون معاك أختي ربي يفرج عليك أكثري من الاستغفار في كل وقت والدعاء*ربي أني لما أنزلت الي من خير فقير*

[رمال1]

اختي نرمين مازلك جديدة ورايحة تتاقلمي مع عقليتو
كبري بالك .....فهناك من تعيش في اسوء الحالات
ربي يوفقك

[amine009]

ياا أيمن علاش تشدد فاللهجة فهمها بالعقل و بالعربية .... المهم الأخت راكي جديدة و تعرفي حنا نغيرو بزف فالبدية نتاع الزواج لأنك تشوف المراة نتاعـك شابة ايا تخاف و تغيير عليها ... هذا أمر عادي يمنعك من بعض الأشياء و لكن مع الـوقت تبدا تتفتح العقلية هكذا صاري لمعظم ان لم اقل كل المتزوجين الجدد ....

نصيحة : حاولي تبيــنيله أنه ممكن يثق فيك و عززي روح الثقة و الأمان بيناتكم ف مثلا حتا كي يكون فدار ما تستعمليش الانترنت قللي منها ... و هكا يعني على حساب واش تشوفي أنه ممكن يريحه و أيضا حكيله أشياء سرات فالعمل يعني تقوليله جاتني مرا حاسلة و عاونتها و كذا وكذا.. ولكن متحكليهش على تعاملات مع رجال خاصة و انكي صيدلانية .... و اتمنى انني افدتك و لو قليلا

[abir mimi]

ربي يفرج عليك ويقضي ما في قلبك

[narmine nor]

الحمد لله انا بنت فاميليا و حاكمة قدري و صاينة روحي
لكن المشكل فيه هو اليوم لقا رقم مسجل في هاتفو قالي نت لي كلمتيه و كان نقاش حاد و مبعد كي كلمو لقاه صاحبو
هو لي سجل رقمو البارح لكن حتى الاعتذار مكانش
تغيضني روحي و بانتلي منسواش

[amine009]

الحمد لله انا بنت فاميليا و حاكمة قدري و صاينة روحي
لكن المشكل فيه هو اليوم لقا رقم مسجل في هاتفو قالي نت لي كلمتيه و كان نقاش حاد و مبعد كي كلمو لقاه صاحبو
هو لي سجل رقمو البارح لكن حتى الاعتذار مكانش
تغيضني روحي و بانتلي منسواش

الـله يفرجها عليك الأخت . . . راها المنكرات كثيرة فالشارع و كل يوم تسمع خبر مفجع علابيها راه يتوسوس و الله أعلم ..... و ليس بضرورة ان يكون كلامي صح و كما انني لا أبرر افعاله و شكراا :19::19:

[أمَةُ الرحمان]

الله يفرَّج عليك

[♥قمر♥]

rabi yfaraj 3lik

[NassriKaita]

بارك الله فيك شكرا

[imenemalak]

اختي ربي معاكو يفرج عليك وماتقلقش

[مــحــمــد]

في بداية الزواج لازم تكون هناك مشاكل واضرابات لكن بعد مرور العام الأول تعود المياه إلى مجاريها

[narmine nor]

حتى كي قلت مكياج قصدي في المنزل

[Rimsamwaz]

ماكانش بيت يخلو من المشاكل ولكن الصبر هو المفتاح كوني حليمة وكبري بالك والشي اللزم انك تكثري من الدعاء بالهداية لزوجك وماتنسيش انه كل شي مكتوب
ربي يخفف عليك

[ام تقوى 34]

السلام عليكم الازواج كلهم كانو هكداك كبري قلبك واستغفري الله كثيرا

[aerolachi]

yamat walala howa hakda et apres kol 7aja twali noremale khatarche maya3rtefakche mli7 man 7a9o

[اميرة باخلاقي2]

اختي ربي يفرج عليك
جربي الرقية الشرعية و كثري من الدعاء و الاستغفار

[karim.bensallehdz]

ربي يفرج عليك

[dalin]

ربي معاااك اختي .......اختي جربي حل النقاش الهادىء ....كيتلقايه مليح ادخليلوو في بعض المواضيع وحاولي تناقشي معااه مي بالشوية برك و بالكلام لمليح .....وتشوفي النتيجة ان شاء الله

[fati21]

معليش اختي بالشوية برك فالاول تجيك صعيبة بلعقل توالفيه وتعرفي وش يحب ووش يكره تولي وحد تفهميه
ماتقلقيش روحك بزاف

[M3sRine]

ربي معاك الاخت

بالنسبة للجلباب فهو حق من حقوقه يريد ان يصون زوجته في زمن قل فيه الحياء
اما بالنسبة للشك فمعظم شباب هذا الزمان شكاكون و انا واحد منهم و ذلك لما نراه يوميا من مظاهر فسق و انحلال اخلاقي في مجتمعنا
لذلك عليك بالصبر و محاولة كسب ثقته لانه اذا وثق بك صدقيني كل هذه المشاكل ستختفي و ستعيشون زينة الحياة
ربي يكون معاك

[Mizou123]

حبيبتي الله يفرج عليك و يهدي سركم. صدقيني اختي دائما في بداية الزواج يصراو مشاكل فما عليك الا بالصبر و الاستغفار ان شاءالله ربي يكون معاك. ونصيحة اخرى لما يكون مشكل بيناتكم حاولوا تحلوه و تعالجوه مهما كان و ما ترجعوش ليه. باه كي يكون مشكل اخر ما تتخلطش الامور و ان شاء الله ربي يفرج عليك و عليه. و ادا ممكن اتصلي بيا على الخاص

[Mizou123]

اصبري اختي الكريمة إن الله مع الصابرين.

[Mizou123]

ان شاءالله المرة الجاية تسمعينا اخبار طيبة

[أم محمد ساجد]

هذا النوع من الرجال حاب يضعك في اختبار كوني ذكيه ولا تخسريه وفي نفس الوقت ما تقبليش كل الاوامرباه ماتبانلوش راكي ضعيفة يعني عندما ترينه مصر على امر ما حاولي ان لا تناقشيه وقضية المبيت في بيتكم كل الرجال يكرهونها في بداية الزواج والله الموفق

[yacine_cbc]

ربي يكون معاك أختي ربي يفرج عليك.........

[narmine nor]

chokran 3la nasaa.ihkom wallah mahtara kol mara ndirlo rayo lakin raai ana win t3abt

[kasarim2]

ربي يفرج عليك