اعينوني اعانكم الله

[مشكلتي]

السلام عليكم ورحمة الله وبركاته

سمحولي نعدر بلعامية لانو لغتي العربية ضعيفة

اخوتي في الله معلاباليش كيفاه نبدا انا بنت عمري 21سنة ادرس بلجامعة وهدا عامي الثالث في اول عام ليا جاني واحد اخر سنة قتلو اتفضل للدار معنديش تمسخير تع لبنات وش راهم يديرو دكا هو يسكن في بلاد غير بلادي اخلاقه عالية يصلي ويخاف ربي جا للدار مقبلوش بيه دارنا بحجة انو عربي كيعاد حنا قبايل رجع يجيني بزاف باه يقنعني بنهدر مع دارنا بحكم انو تعلق بيا من نهار ليشافني منخلط في حتى انسان غلطت ومديتلو نيميرو نتاعي مي جامي عيطلي وانا في دار ولا دارلي مشاكل تعلقت بيه بزاف مع خوف من دارنا جا شحال من مرا حكيت لمرت خويا عيات تقنع في امي باه تهدر مع ابي وتكمل ونتهناو من الحرام مي مبغاوش وامي خبرت اختي ورجعت تعاملني على اساس اني صغيرة واني نغلط مع اني جبت سيد للدار ديما يجرحوني ودك قطعت علاقتي به مع انو علابالي حينضر بزاف عندو angoise ويداوي ومرة تفاهمت على اساس نقطعو هاد العلاقة قريب جااتو سكتة قلبية وقدامي صرا وانا ليديتو المستشفى خفت لوكان نرجع نجبر ابي عليه ونرجع انا غالطة معييت كندير ختي لكبيرة معييت كنهدر معاها مع انها متزوجة بعربي وكاين خلافات بينو وبين خويا راني حاصلة خفت نقتل سيد لوكان نخليه مع انو معاوني بزاف فلقراية وخفت ممبعد من ردة فعل ابي كان نقولهم ياهدا يانقعد فدار عييت من المشاكل ومن اني نخبي هاد العلاقة على دارنا وامي مريضة نخاف نحكيلها تصرالها حاجة راني حاصلة عينوني

وجزاكم الله الف خير

[نورسين.داية]

لست ادري لكن كأني أرى مبالغة في حكمك على الشخص الدي يريد التقدم لكي .......؟؟؟؟ واش تعرفي راه كاين دي بروفيسيونال في التمثيل و ردي بالك ....كيفاش تخرجي معاه ؟؟؟؟؟؟؟؟؟؟؟؟؟؟؟ كوني حذرة

و لي ما يرضاوهش والديك ليك .....ماذا تفعلين به ؟؟؟؟؟؟؟

[أم عبد الكريم]

خوذ رأي والديك اذا مربحتش تسلك على خير

[abir mimi]

رضاية الوالدين اولى

[حياتي نبع امل]

عليك بالاستخارة .والدعاء وكثرة الاستغفار.وفي الاخير مايكون غير اللي كتبو ربي .يعني لازم تقوي ايمانك بالله وثقي بالله لانو اي شيء يكتبهولك ربي الا وفيه خير ليك .ربي يفرج عليك

[سامر020]

ربي يوفقنا لما يحبه و يرضاه

[zina flower]

صلي صلاة الاستخارة وتيقني بلي ربي يجيبلك الخير وثانيا الزواج اذا سقطت منو رضاية الوالدين ديري في بالك بلي 100%راكي خاسرة فيه ربي يفرج عليك

[~رآقية بأخلآقي~]

ما تفعلينه خطأ أُخيّتي..

عليكِ بإيجاد الطريقة المناسبة وإيقاف هاته العلاقة..

وربي يسهل لك أمورك ويجيب لك اللي فيه الخير

بالتوفيق

[*الجنرال*]

هذه العلاقة الموجودة بينكما غير جائزة ،،، و بتصميمك على الزواج منه دون رضا الوالدين ، أنت تدوسين على ركن عظيم من اركان الزواج- الولي-
و لهذا اقطعي علاقتك به فورا و الآن ، و لا تخافي ما راح يصرالو والو راه غير يبلعط فيك، و حتى ان حدث له شئ فأنت لست مسؤولة عنه ، و لعلمك أنه توجد هناك العديد من المستشفيات ..... كما توجد ايضا المقابر

[لينين1]

الله يجيب الخير

[zina flower]

هذه العلاقة الموجودة بينكما غير جائزة ،،، و بتصميمك على الزواج منه دون رضا الوالدين ، أنت تدوسين على ركن عظيم من اركان الزواج- الولي-
و لهذا اقطعي علاقتك به فورا و الآن ، و لا تخافي ما راح يصرالو والو راه غير يبلعط فيك، و حتى ان حدث له شئ فأنت لست مسؤولة عنه ، و لعلمك أنه توجد هناك العديد من المستشفيات ..... كما توجد ايضا المقابر

ردفي محله اخي لكن قاسي نوعا ما

[baalache]

يعني انا ما فهمتش لو كان الاب تاعك مثلا صابك مع قبايلي كما هو نورمال اسمحيلي هده عنصرية و كاين ناس المفروض يشكروا العرب الي ورالهم الاسلام والعربية و ما تتقلقيش انا من اصل امازيغي بصح عربي

[خالد عنابي2]

ردود الاعضاء مستفزة جدا لي يقول رضا الوالدين ولي يقول راكي فالحرام ولي يقول ممكن راهو يمثل

كل هذا للهروب من الواقع وهو ان الرفض بسبب عنصري عرقي كونه عربي وهم قبايل

وطبعا سبب الرفض هذا غير معتبر شرعا ووالدا الفتاة آثمان فيما يفعلانه


والى صاحبة الموضوع اقول فعلا مشكلتك مشكلة وليس لدي الحل صراحة فادعي الله ان يفرج عنكي هذه الكربة

[youcefas07]

السلام عليكم ورحمة الله وبركاته

سمحولي نعدر بلعامية لانو لغتي العربية ضعيفة

اخوتي في الله معلاباليش كيفاه نبدا انا بنت عمري 21سنة ادرس بلجامعة وهدا عامي الثالث في اول عام ليا جاني واحد اخر سنة قتلو اتفضل للدار معنديش تمسخير تع لبنات وش راهم يديرو دكا هو يسكن في بلاد غير بلادي اخلاقه عالية يصلي ويخاف ربي جا للدار مقبلوش بيه دارنا بحجة انو عربي كيعاد حنا قبايل رجع يجيني بزاف باه يقنعني بنهدر مع دارنا بحكم انو تعلق بيا من نهار ليشافني منخلط في حتى انسان غلطت ومديتلو نيميرو نتاعي مي جامي عيطلي وانا في دار ولا دارلي مشاكل تعلقت بيه بزاف مع خوف من دارنا جا شحال من مرا حكيت لمرت خويا عيات تقنع في امي باه تهدر مع ابي وتكمل ونتهناو من الحرام مي مبغاوش وامي خبرت اختي ورجعت تعاملني على اساس اني صغيرة واني نغلط مع اني جبت سيد للدار ديما يجرحوني ودك قطعت علاقتي به مع انو علابالي حينضر بزاف عندو angoise ويداوي ومرة تفاهمت على اساس نقطعو هاد العلاقة قريب جااتو سكتة قلبية وقدامي صرا وانا ليديتو المستشفى خفت لوكان نرجع نجبر ابي عليه ونرجع انا غالطة معييت كندير ختي لكبيرة معييت كنهدر معاها مع انها متزوجة بعربي وكاين خلافات بينو وبين خويا راني حاصلة خفت نقتل سيد لوكان نخليه مع انو معاوني بزاف فلقراية وخفت ممبعد من ردة فعل ابي كان نقولهم ياهدا يانقعد فدار عييت من المشاكل ومن اني نخبي هاد العلاقة على دارنا وامي مريضة نخاف نحكيلها تصرالها حاجة راني حاصلة عينوني

وجزاكم الله الف خير



رضاية الوالدين اولى فكري مليح

[ام خليل المصطفى]

رايي هو ان تدعلي الله ان يهديك للراي الصحيح والله يسرلك

[صفاء الروح]

ربي يفرج عليك اختي وعلاه هاذ التميييز العنصري
ربي يهديهم

[houssem zizou]

أنت ذكرت أنه على دين و خلق و والديك لم يقبلانه يا ترى لماذا ؟
كيما عاد عربي زعم ؟ قال تعالى (إن أكرمكم عند الله أتقاكم)
و احذري يا أختي من الخروج معه و لو بحجة الذهاب إلى المستشفى
فهو أجنبي عنك و لو كان خطيبك
ينضر إيامات و مبعد تتنحالوا أو راجل !
ربي يرزقك بزوج صالح