جااااااااااااااااوبوني من فضلكم

[mimina 81]

السلام عليكم اخواتي الكريمات
في الحقيقة عندي استفسارين ، علابالي راح نسمط عليكم بصح علابالي انتم اهل كرم وراح تعاونوني
الاول اللي عندها وصفة المشوك نتاع الفرينة يعني اللي مايجيش فيها الكاوكاو في العجينة ناجحة تحطهالي من فضلكم
اما الثاني حول حفظ القاطو في الفريقو ، انا عرس خويا ان شاء الله في 22 اوت وحبيت نخدم القاطو على بكري نبدا يوم السبت ان شاء الله ونخبيه في الفريقو باش ماييبسليش بصح خفت مايكونش كيما الجديد ولا يفسدلي اللي موالفة تخبيه ومجربة من فضلكم تقولي الطريقة اللي تخبيه بيها باش يبقالي جديد واجرها على الله لانو رانا مع الماصو والصبيغة وماشكيتش نفرغو حتى السمانة الاخيرة يعني نكون نخمل مايكونش عندي وقت نخدم القاطو على هاذي قلت نخدمو ذرك
من فضلكم جاوبوني وحطولي ردود واجركم على الله

[raboha]

متقوليش نسمط مع ناس الجلفة سقسي و زيدي
تجاوبك على القاطو من بعد نمدلك وصفة المشوك
القاطو خبيه عادي و حتى و يقعد مدة طويلة تبقى البنة هايلة فرشي بلاستيك وحطي القاطووثان مابين القاطو ديري ساشي بلاستيك و اغلقي البوغت مونجي مليح و مثلا يكون غدوة العرس نتي ديكونجليه ليلة من قبل.
نوصيك كي تخدميه كثريلو فانيلا الميزان تجي فيه بنة هايلة مثلا في عبر 250غ زبدة ديري ملعقة كبيرة فانيلا
المشوك:
250غ زبدة طرية من الأحسن ماني هايلة
3بيضات كاملين
3صفار بيض
كأس سكر رطب
كأس مايزينة
فانيلا ملعقة أكل كبيرة
باكي خمارة
قرصة ملح
فرينة تلمي بيها
ضربي الزبدة و السكر مليح ثم باقي المكونات ثم لمي بالفرينة و خلي العجينة طرية
ديري كرات بحجم حبة الجوز و إذا حبيتي مرغيهم فالنواة كوكو أو الكوكاو مدشش و حطيهم في ليكيسات و دخليه يطيب
كي تخرجيه و بعسل بارد ديري في كل حبة ملعقة و نص عسل ما يكون عاقد ما مايه
و في الأخير ربي يدوم أفراحكم و يهني العرسان و العقوبة للعازبين و العازبات
تحيات أختك في الله أم لميس و لجين

[حياة نور الدين]

السلام عليك وصفة المشوك اللي نعرفها هيب نفس الوصفة اللي حطتها الاخت
وبالنسيبة للتجميد كيما قاتلك الاخت لكن انا رايي حلاوة العرس صنع الحلويات مع العائلة في سمانة العرس
وفي الاخهير ربي يدوم افراحكم

[mimina 81]

بارك فيك الاخت raboha علابالي ناس الجلفة اهل الجود والكرم، وربي يحفظلك لميس ولجين ان شاء الله

[mimina 81]

يعطيك الصحة اختي حياة
بصح صنع القاطو مع العائلة كانت بكري ذرك اللي تقوليلو يقولك راني عيان والسخانة وعلاش ماتكومونديش .............. وهاذي الهدرة على هاذي قلت نسلك راسي وحدي نخدمو نخبيه وامبعد نلتى بالدار ويعطيك الصحة مرة اخرى

[ام هاديل وياسين]

الف مبروك الله يكمل ان شاء الله على مااضن انتي الي حطيتي قطواتك في كوزينة الحراير يعطيك الصحة

قاطوك يهبل مشاء الله واسمحيلي عمري مخدمت المشوك بلا كوكاو وعلى القاطو رانا اليوم 7في شهر هداهوا الوقت الي يساعدك
وخبيه عادي ميصرالو والو غير حطي بلاستيك بين الطبقتين رايح يبقى كما راهو ربي يعينك اختي

[mimina 81]

ربي يحفظك اختي ام هدول

[idja]

سلام
بالنسبة للمشوك الوصفة اللي معتمدتها هي :
٢٥٠ غ مارغرين ماني او فلوريال هاااااايلة
٢ صفار بيض
نصف كاس سكر
نصف كاس جلجلان محمص
نصف كاس كاوكاو مرحي
فرينة
٢ بياض بيض
ملعقة صغيرة خميرة
كاوكاو ايفيلي
عسل
كرز او عنب مصبر
الطريقة مارغرين+ سكر بالباتور زيدي صفار البيض و الفانيلا الكاوكماو و الجلجلان ثم خميرة و فرينة حى الحصول على عجينة متماسكة و خفيييفة شكليها كويرات ديريها في بياض البيض ثم ماوكاو ايفيلي و الفوق حطي نص حبة كرز احمر يجي شكلها ولا اروع
كي تخرجيها ن الفرن حطيلها ملعقة توسطة عسل بارد
بالنسبة للحلوى هذا هو الوقت و زيد رايحة تيلك الوقت للتزيين . التجميد نفس الطريقة اللي ذكروها الاخوات فقط ردي باللك اذا كانت فيها طلية او شكراطة لازم تكون ناشفة مليح بش تحطيها في المجمد و الا تفسد و اذا كانت الحلوى تتفتت و طرية حاولي متكتريش الطبقات لانه الحبات اللي لتحت يتفتتو.
و بمزيان السعد لاخوك

[idja]

سلام
بالنسبة للمشوك الوصفة اللي معتمدتها هي :
250 غ مارغرين ماني او فلوريال هاااااايلة
2 صفار بيض
نصف كاس سكر
نصف كاس جلجلان محمص
نصف كاس كاوكاو مرحي
فرينة
2 بياض بيض
ملعقة صغيرة خميرة
كاوكاو ايفيلي
عسل
كرز او عنب مصبر
الطريقة مارغرين+ سكر بالباتور زيدي صفار البيض و الفانيلا الكاوكماو و الجلجلان ثم خميرة و فرينة حى الحصول على عجينة متماسكة و خفيييفة شكليها كويرات ديريها في بياض البيض ثم ماوكاو ايفيلي و الفوق حطي نص حبة كرز احمر يجي شكلها ولا اروع
كي تخرجيها ن الفرن حطيلها ملعقة توسطة عسل بارد
بالنسبة للحلوى هذا هو الوقت و زيد رايحة تيلك الوقت للتزيين . التجميد نفس الطريقة اللي ذكروها الاخوات فقط ردي باللك اذا كانت فيها طلية او شكراطة لازم تكون ناشفة مليح بش تحطيها في المجمد و الا تفسد و اذا كانت الحلوى تتفتت و طرية حاولي متكتريش الطبقات لانه الحبات اللي لتحت يتفتتو.
و بمزيان السعد لاخوك

[mimina 81]

سلام
بالنسبة للمشوك الوصفة اللي معتمدتها هي :
250 غ مارغرين ماني او فلوريال هاااااايلة
2 صفار بيض
نصف كاس سكر
نصف كاس جلجلان محمص
نصف كاس كاوكاو مرحي
فرينة
2 بياض بيض
ملعقة صغيرة خميرة
كاوكاو ايفيلي
عسل
كرز او عنب مصبر
الطريقة مارغرين+ سكر بالباتور زيدي صفار البيض و الفانيلا الكاوكماو و الجلجلان ثم خميرة و فرينة حى الحصول على عجينة متماسكة و خفيييفة شكليها كويرات ديريها في بياض البيض ثم ماوكاو ايفيلي و الفوق حطي نص حبة كرز احمر يجي شكلها ولا اروع
كي تخرجيها ن الفرن حطيلها ملعقة توسطة عسل بارد
بالنسبة للحلوى هذا هو الوقت و زيد رايحة تيلك الوقت للتزيين . التجميد نفس الطريقة اللي ذكروها الاخوات فقط ردي باللك اذا كانت فيها طلية او شكراطة لازم تكون ناشفة مليح بش تحطيها في المجمد و الا تفسد و اذا كانت الحلوى تتفتت و طرية حاولي متكتريش الطبقات لانه الحبات اللي لتحت يتفتتو.
و بمزيان السعد لاخوك
بارك الله فيك اختي وجعله في ميزان حسناتك

[idja]

بارك الله فيك اختي وجعله في ميزان حسناتك

اميييييين و فيك بركة