إيمان

[مولود حداد]

السلام عليكم ورحمة الله[center][b][size="4"]هذه قصيدة تحكي قصة بنت سنها 5 سنوات أول مرة تخرج لوحدها لتشتري شكولاتة فتصدمها سيارة


قالت وفي وشها الفرحة *** يا يما اسمعي ليا
راني هابطة رايحة *** نشري الشيكولة القهوية
ودارت شوية ريحة *** وعطاتها بذيك الجرية

نزلت طيّارة فالدروج *** تحسب الدراهم في يديها
دينار واحد زوج *** والأمل مالي عينيها
دارنا سمحولي الخروج *** نشوف الدنيا وما فيها

لحقت للطريق جات تقطع *** قالت نشوف يسار يمين
فالتلفزيون ديما نسمع *** أمشو فممر الراجلين
الحذر كي تاخذو ينفع *** وما تديرش ثقة فالسائقين
الناس ولاّت غير تطبع *** والبارميات صارو مغشوشين

رمات الخطوة اللولى *** كي الضواوي لحمورا شعلو
وجات الطوموبيل شاعلة *** ميتين وعشرين فالطابلو
ضربتها طيرتها جسمها تعلّى *** وطاحت ورجليها للزوج نصلو
خرجو الناس يشوفوا الحالة *** وشافو السواقة عندنا كيفاه هبلو
لكنهم سكتو ما قالو لالا *** وخلاوها ولديارهم عاودو دخلو
واللي قاسها شق الطلة *** هرب وهي حايرة ما فهمت والو

قاتلو علاش عليك يا إنسان *** نت ما راكش من بني البشر
صفتك صفة شيطان *** والسم منّك واد يقطر
إذا قدرت تهرب الآن *** غدوا عند ربي ما رح تقدر

قالت وش ذنبي أنا نتحمل *** أخطاء ناس متهورين
والناس صارت تتحلل *** من معاونة المستغيثين
هل يا أخي بهذا تقبل *** وهل راك قابل وش صرا لأطفال فلسطين

إذا هاذي قمعتها طوموبيل *** هوما تسحقهم دبابات
كل يوم يشوفوا الويل *** في جنين بانو إرهاصات
قتل وتشريد وتنكيل *** وإيمان حجوا خير الشاهدات

طفلة سنها 6 اشهر *** خرقوا جسمها شوهوه
وهي براءة وعالم آخر *** حب لحياة عندها عدموه
الصهاينة قساة وفيهم لغدر *** وحنان الكبدة ما ملكوه

وبالمناسبة راهي تنادي *** ما تنساوش يا خاوتي القضية
القدس بلادكم وبلادي *** دافعو عليها وخليوها حية
كونو كامل درة ولا هنادي *** واحملو النفس الإسلامية

دعاكم
القصيدة صوتية من هنا (اصبر مع البداية مقتطفات من الشريط ثم تبدأ القصيدة)
http://www.nojoomcirta.com/upload//./extension/mp3.gif (http://www.nojoomcirta.com/upload//uploads/files/nojoomcirta.com-954a659b8c.mp3)

[** مريم **]

بارك الله فيك اخي الكريم لم تخطه بأناملك التي تعكس ما تحمله بداخلك من احساس و انسانية و قومية و غيرة عن اخواننا و ديننا.
رحم الله كل مسلم توفي من امة سيدنا محمد صلى الله عليه و سلم .
اسلوب جميل و طريقة خاصة تكتب بها . بارك الله فيك . لم اسمع الشريط بعد

[مولود حداد]

السلام عليكم
جزيت خيرا الأخت الكريمة وهي قضيتنا المركزية نتطرق لها من زوايا مختلفة
المسموع في الملحون أحسن
موفقة ومشكورة