حياتي بلا بيه والو

[مشكلتي]

السلام عليكم
ارجو انكم تنصحوني من قلبكم لوجهه الله لانو حالتي يعلم بيها غير ربي
انا استاذة عمري 28 سنة كنت نحب ولد عمي وهو تاني صراو مشاكل بين العايلتين وتفرقو ولد عمي هذا ورغم واش صرا جا خطبني مرة وزوج وثلاث بابا قال غير هو الي ما تديهش ولازم باباه يترجاني وبلاك نمدها بصح احنا الي جينا في النص المهم عداو '3 سنين على الحكاية وانا جاو ناس خطبوني يعني تقدرو تقولو حتمت على روحي والظغط تاع الاهل لانهم قالولي نحبسوك من الخدمة وماتقبليش بيه والفاتحة تاعي بعد 15 نيوم بصح قلبي مزال معلق بابن عمي وروحي وكل حواسي ليه ومزالو يحبني ويبكي عليا وبعتلي مع وحدة قريبتنا انو عمرو مراح يفرط فيا وانو يحبني وهي اقسمتلي انو يبكي ويهدر معاها وانو رايح يحاول يصلح بين العايلتين ويرجع يخطبني طلب معلة شرين برك وراح نتاكد بلي عمرو ما يخليني انصحو انا جاتني نحبس الخطبة لاني كون نكمل نخون الي راني معاه ونغظب ربي راني في نار ارحمني يارحيم يارب اجع بينا في الحلال يارب وصلح بين العايلتين قلوبنا تحرقو يارب والدراهم الي تقابضو عليه هو رايح يمدهم لابي من عندو بصح يقبل برك يزوجنا لبعض ورايح يدير المستحيل على جالي انصحوني وربي يجازيكم

[زهرة الحديقة]

واللله بلوكيتيني اختي يا رب يفرج عليك كربتك وكرب جميع المسلمين والمسلمات

[أم ريتاج زهرة]

ربي يوفقك أختي و يجمع بيناتكم في الحلال و قوليلو مايخليهاش شهرين يعجل شوي و هدري مع هذا الي خطبك قوليلو ما راكيش قابلة و هدري مع باباك بالتوفيق أختي

[سيف الدين الطيار]

تاثرت بيكي اخت

[dania12]

ربي يصلح بيناتكم اختي ويحاول وليد عمك اصلاح بين العائلتين لعل باباك يرضى ويمدك ليه
ربي يفرج عليكم اختي

[مياسم الصمت]

السلام عليكم ورحمة الله وبركاته
ان كانت الامور كما ذكرت فمن الأفضل ان لا تظلمي نفسك وتظلمي الخاطب بقبولك وقلبك معلق بغيره
افسخي الخطبة وربما ستكون ورقة ضغط على والديك حين يجدانك رفضت الزواج من اجل ابن عمك
حاولوا تدخلوا في المشكل ناس كبار

وربي يصلح الاحوال ويجمعكما في الحلال

[visa uk]

نحير تاع الصح علاش الاباء يعرفو بلي 2 متحابين تاع الصح ومايحبوش يتزوجو هاو باينة بلي متحابين عندها معني كبير 2 راجل ومرا متحابين ويحرموهم من نعمة الزواج والحب اكيد اي راجل او امراة مايتحابوش مانكدبوش علي رواحنا يجي الزواج صامت كي شغل طعام بدون ملح كاين بزاف اباء منعو ولادهم وفي الاخير يااما زواج اولادهم راح للطلاق او مشاكل كثيرة واحينا انتحار ووو لايكلف الله النفس الا وسعها هدا 2 قلوب متحابين خليهم يتزوجو من بعد يدبرو راسهم نحير كفاه يخمو

[يونس معبدي]

نحير تاع الصح علاش الاباء يعرفو بلي 2 متحابين تاع الصح ومايحبوش يتزوجو هاو باينة بلي متحابين عندها معني كبير 2 راجل ومرا متحابين ويحرموهم من نعمة الزواج والحب اكيد اي راجل او امراة مايتحابوش مانكدبوش علي رواحنا يجي الزواج صامت كي شغل طعام بدون ملح كاين بزاف اباء منعو ولادهم وفي الاخير يااما زواج اولادهم راح للطلاق او مشاكل كثيرة واحينا انتحار ووو لايكلف الله النفس الا وسعها هدا 2 قلوب متحابين خليهم يتزوجو من بعد يدبرو راسهم نحير كفاه يخمو


لو كان كلامك صحيح ..فكيف تفسر من تزوجوا من خلال النظرة الشرعية فقط
وهم اليوم سعداء
لو كنت سأصدق ما تقول لما رأيت زواج ناجح الا من الذين سبق زواجهم حب
بالنسبة لمشكلة الأخت فأنا ارى ان المشكلة تكمن في الصلح بين العائلتين
فان حدث نالت مرادها وتوج الصلح بالزواج
والا فمالفائدة من الزواج واهله واهلها على خلاف
اصلح الله اموركم ووفقكم لكل خير
آمين

[cezar algerien]

إذا عندك عمومك أو خوالك أو جدك أو جداتك أو شخص يحترمو باباك بزاف ويحشم منو احكيلو لعل وعسى يلين قلب باباك

مي في كل الحالات ماتدي غير لي كتبهولك ربي سبحانو سواءا وليد عمك أو انسان وحدخر وماتقدريش تعرفي وين راه الخير إذا في وليد عمك أو في الخاطب الجديد هادا لي جا ليك أو في انسان وحدخر

في الحقيقة الإنسان كي يحب يرجع تقريبا أعمى يرجع ما يشوف والو ماعدى الإنسان لي حبوا ومايرجع يشوف الخير إلا في هاداك الإنسان لي حبو ولكن ممكن بعد مدة يموت هاداك الحب وتروح الضبابة لي كانت قدام عينيه ويشوف في حاجات وحدخرين

المهم نوضي في الثلث الأخير من الليل وادعي ربي يفرج عليك ويلين قلب باباك اتجاهكم

[رهف هبة الرحمان]

اثرت بقصتك اختي ربي يفرج عليك ويجمع بينك وبينو بالحلال

[قدوتي رسولي]

ربي يفرج عليك اختي ويعينك
الافضل انك ماتظلميش روحك والخاطب افسخي الخطبة
موفقة

[دانيا1982]

ربي يفرج عليك اختي

[صبرينة لوتس]

السلام عليكم
ارجو انكم تنصحوني من قلبكم لوجهه الله لانو حالتي يعلم بيها غير ربي
انا استاذة عمري 28 سنة كنت نحب ولد عمي وهو تاني صراو مشاكل بين العايلتين وتفرقو ولد عمي هذا ورغم واش صرا جا خطبني مرة وزوج وثلاث بابا قال غير هو الي ما تديهش ولازم باباه يترجاني وبلاك نمدها بصح احنا الي جينا في النص المهم عداو '3 سنين على الحكاية وانا جاو ناس خطبوني يعني تقدرو تقولو حتمت على روحي والظغط تاع الاهل لانهم قالولي نحبسوك من الخدمة وماتقبليش بيه والفاتحة تاعي بعد 15 نيوم بصح قلبي مزال معلق بابن عمي وروحي وكل حواسي ليه ومزالو يحبني ويبكي عليا وبعتلي مع وحدة قريبتنا انو عمرو مراح يفرط فيا وانو يحبني وهي اقسمتلي انو يبكي ويهدر معاها وانو رايح يحاول يصلح بين العايلتين ويرجع يخطبني طلب معلة شرين برك وراح نتاكد بلي عمرو ما يخليني انصحو انا جاتني نحبس الخطبة لاني كون نكمل نخون الي راني معاه ونغظب ربي راني في نار ارحمني يارحيم يارب اجع بينا في الحلال يارب وصلح بين العايلتين قلوبنا تحرقو يارب والدراهم الي تقابضو عليه هو رايح يمدهم لابي من عندو بصح يقبل برك يزوجنا لبعض ورايح يدير المستحيل على جالي انصحوني وربي يجازيكم

:dj_17: نصيحتي أن لا تتزوجي هذا الرجل ، تزوجي ابن عمك

هذا رأيي لأن الارتبط العاطفي مهم في الزواج

لن تكوني سعيدة مع هذا الرجل

هذا رأيي والله اعلم

سلام

[amira1989]

ed3i rebi bezzzaf

[thorpe]

انا تبانلي خطيك من الفاميلا
يخرجو ولادكم دي مونغول حسب علمي
وربي ييسرلك امورك ان شاء الله

[رندة نهاد]

بطلي عرسك لا تظلمي روحك وراجلك وعايلتك خمي مليح

[houssem zizou]

أولا: أسأل الله أن يصلح بين عائلتيكم و يجمع بينكما

ثانيا: قال رسول الله صلى الله عليه و سلم: (ما رأيت للمتحابين مثل الزواج) نصيحتي افسخي الخطبة و زيدي أصبري مع ابن عمك

ثالثا: ابحثوا عن رجل حكيم يستطيع الإصلاح بين العائلتين أو حتى إقناع الطرفين بتزويجكما

[اياد حياتي]

ساقول لك بكل صراحة مكانش كيما رضا الوالدين اذا كان انسان طيب راح تحبيه مع الوقت لانو زواج تقليدي ناجح اكثر من الي عن حب والله راح تظهر مشاكل ويقولولك انتي لي بغيتي واش راكي حاسبة راح تعيشو في رومانسية دائمة هذه عن تجربة انا تزوجت عن حب والله راني نعاني هي الحمد لله بصح احيانا كاني والله ما نعرفو خصوصا مع نعيش مع اهلو بلا ما نزيد علابالي اختي صعيبة عليك استخيري ربي ودعي ربي في ثلث الاخير اذا كان خير ليك ربي يوفقك

[رَكان]

السلام عليكم ..
تدخل رقم 1 /
عن ابن عباس قال جاء رجل إلى النبي صلى الله عليه وسلم فقال إن عندنا يتيمة وقد خطبها رجل معدم ورجل موسر وهي تهوى المعدم ونحن نهوى الموسر فقال صلى الله عليه وسلم: لم ير للمتحابين مثل النكاح
الحديث صحيح...(السلسلة الصحيحة برقم (196) و في صحيح الجامع برقم (5200)
وقد رواه ابن ماجه في سننه بسند صحيح...


ضعي حدا لهذه الخطوبة ...
لاترتبطي برجلين ..لأحدهما جسدك وللآخر قلبك ..إحذريها فعله ..فإن العاقبة ستكون وخيمة ..عليكم ثلاثة ...
سيلحق الرد رقم 2 /

[وفاء الياسمين]

السلام عليكم و رحمة الله وبركاته
أولا اعانك الله على ما أنتِ فيه فماهو بالشيئ الهين لعل نفسك ينقطع ولعل الدموع تجف ولعل الاعين يتراء لها السواد لكن في الاخير قضاء الله و قدره هو ما سيكون النهاية
الحمد لله على نعمة الدعاء ادعي ربك ان ييسرلك مافيه خير لكِ
لا تحسبي اختي بارك الله فيك ان الحياة ستتوقف عند ابن عمك بل الحياة موجودة به او بدونه وهذا هو الواقع
استغفري ربك و توقفي للحظة صلي صلاة الاستخارة وتوكلي على الله حق التوكل و اكثري اكثري من الاستغفار و اتركي امركي بين يدي الله
أريد ان انبهك الى اشياء و اعتذر مسبقا ان اثقلت بالكلام قبل ان نتزوج نحسب الزواج حب و رومنسية و سراب و اوهام
الزواج اختي هو ترابط بين انسانين و عائلتين و مجتمعين يعني لايخصك وحدك و لا تعتقدي ان مابعد الزواج مربوط بكما فقط هناك مشاكل الحياة بانواعها و جل من يقدر على التماسك امامها
سيجيء وقت يتذمر فيه ابن عمك و يمل و يكره و يشمئز وكل هذه المشاعر ستكون صادمة لكِ و ستتغير نظرتك للحب الذي تتوقعين العيش فيه طول حياتك
لا تنسي اختي ان الخير فيما اختاره الله و اذا كان هذا الخطيب هو قدرك فتأكدي انه هو الخير بإذن الله
اعلم و يعلموا كلنا انه صعب جدا جدا الفراق لكن ليس مستحيل اربطي على قلبك و انزعي الغشاوة على عينيك و استغفري كثيرا و صلي كثيرا و سلمي امرك لخالقك
هناك قصص و قصص عايشت الكثير منها عملوا المستحيل من اجل الزواج لكن في الاخير اصبح اتفه الاشياء يخلق عندهم مشكل لان الجو المشحون يبقى يحوم في البيت دائما
ليس انك احببتي ابن عمك يعني قلبك انتهت صلاحيته
جددي توبتك لله و استغفري و ادعي الله ان يلهمك الصبر و صلاح القلب و ستنسي بإذن الله و ستعيشين الحياة التي كتبها لكِ خالقكِ
اعلم اني اطلت في الكلام لكني لا اريدك اختي ان تنجري وراء حماسة الحب و تخطئي في قراراتك تأكدي انك في هذه الحالة لن يكون قرارك صائبا
صلي ركعتين استخير الله فيهم بصدق و بخشوع و اتمي توكلك على الله بكل ثقة و احسني الظن في الله و ستجدين الخير بإذن الله
تريتي ودعي القدر يرسم ما قدَّر و كل مُيسر لما خُلق له
اعانك الله عما تصفين

[hodahodahoda]

الزواج بدون رضا اهلك سيكون خطا كبيرا
هده الدنيا تطيح بيك تلقاي غير اهلك
فكري فكري