خطيبي أم زوجي

[مشكلتي]

السلام عليكم

دون اطالة حبيت ندخل في التفاصيل ،قبل مدة تقدم لي شاب طيب من عائلة محترمة واحنا سألنا عنو ولقينا بلي بن فاميلية وناس ملاح ، ربي سهل في الامور ومشات ودارولي الخاتم واهلي كي قالو مكاش هدرة في التلفون وافق وقال بلي منيش مرتو ، وتمت الخطبة والفاتحة ولحد الآن الامور مليحة
لكن المشكل بدا بعد ما جابلي تلفون بعد الخطبة
أنا علابالي وعلابالكم كامل وشحال يديرالتلفون المشاكل بصح قبلت وحكيت معاه حتى وانا منيش متحمسة للفكرة ،وفعلا بدات المشاكل بعد سمانة من الخطبة السيد بدا يحكي معايا على أساس اني مرتو ولا داعي للدخول في التفاصيل وأنا حبستو في أول مرة ومنيش عارفة مرة اخرى كيفاش نتصرف
أنا علابالي بلي حرام ومحقلوش هاذا الشي ونتمنى تنصحوني بالحل ، هل نفسخ الخطبة معاه مع أنو شخص مليح باستثناء هذا المشكل ؟ ولا واش ندير ؟ والأهم شكون لي غالط أنا ولا هو ؟

[خالد عنابي2]

لا ماكيش غالطة ولكن حاولي احتواء الموقف ولا تتسرعي

لا تتساهلي او تتجاوبي معه في ذلك الكلام وان اصر واصلي صده لعله يختبرك مع انها طريقة قذرة لاختبار عفة وطهارة امراة ولكن اصبري لعله يتراجع

واذا لم ينفع ذلك حينها تفكرين في فسخ الخطوبة

[~رآقية بأخلآقي~]

وعليكم السلام ورحمة الله

الأكيد هو المخطئ ومن المفروض أنتِ كان عندك موقف وثبتي عليه منذ البداية..فما الذي تغيّر يا تُرى حتى تغيري رأيكِ؟؟

نصيحتي

أخبريه بأن هذا الأمر لا يجوز وأن حديث الهـــآتف منهيُّ عنه في شرعنا لأن الخطيبين يعتبران "أجنبيّــــآن" ولا يجوز الخلوة بينهما لا في الهــآتف ولآ غيره..

إن قبل بالأمر فبها ومرحبـــآآ وإلا فلآ طــآعة مخلوق في معصية الخـــآلق وتأكدِّي بأنّ الله سيعوضكِ خيرًا..

[رجائي فيك]

السلام عليكم اختي هو الغالط و فهميه غالطتو ان الهدرة معاه تتعد حرام و اذا حب يهدر معاك يجي يدير معاك لقاء شرعي

[kika85]

حبيبتي قوليلو بلي حرام هاد الهدرة بيناتكم وانتوما ما زال مخطوبين برك وممكن انو ما تكتبيلوش وتكوني مرتو هادا احتمال وارد...فهميه بالعقل لانو ممكن هو تاني عمرو ما هدر مع واحدة على هاديك كي خطب راه عقلو غير في هادو الصوالح واي راجل غير يخطب واحدة يبدا يخمم في هادو الحوايج معاها...همال فهميه بلي كي هدرتي معاه باش تتفاهمو على حاجات في حياتكم المستقبلية والهدرة هاديك تجي من بعد وقوليلو كل شي في وقتو حلو...يعني خلاصة قولي ما تتسرعيش حاولي تسايسيه بلا ما تخسريه وادا شد في رايو هدديه انو تفسخي الخطبة وخلي الفسخ اخر الحلول....بالتوفيق حبيبتي ربي يسهلك

[صمت الرجوله]

اللعنة كلكم تهرفون بما لا تعرفون...راكم قاع تحرموا فيما احل الله ...على الاقل سقسوا اهل العلم اذا كنتوا ماتعرفوش و متجوش غير تفتوا وليتو قاع علماء و تعرفوا...السيد راه خطب و هز الفاتحة حب يقول راه جاب شروط الزواج الاربعة الولي و الصيغة و الصداق و الشهوذ بدل شاهذين واش راح يزيد اكثر من هاك عند ر بي راهي حلالو راه عقد عليها شرعا مازال حاجة يسموه العقد المدني لي راهوا قانون حطو العبد موش ربي....مالا ماتكونوش جهال عيب عليكم راكم مثقفين في كلش غير في الدين
......رد بالك تكوني غبية اختي و تفقدي زوجك فتفاهاتك و جهلك

[cezar algerien]

راكي تقولي الخطبة و(الفاتحة ) ....يعني فتح عليك ودار العقد الشرعي عليك ؟ مانيش متأكد واش تقصدي بالفاتحة هنا

إذا فتح عليك وخلاص وعقد عليك العقد الشرعي (على حساب كلامك) أؤكد العقد الشرعي فهذا يعني أنك زوجته ولا حرج في حديثكما في الهاتف أو الالتقاء أو غيره ولكن الأحسن لكما أن تصبرا إلى غاية إقامة حفل الزفاف وتكونو متشوقين لبعضكم بعض وتذوقو حلاوة الحياة الزوجية، وأيضا لتفادي بعض المشاكل التي من الممكن أن تحدث

ولكن إذا تقصدين بأنه مجرد خطيبك فقط بدون عقد شرعي فهنا لا يجوز لكما هذا الفعل تماما ولازم تقطعي إتصالك به إلى غاية إقامة العقد الشرعي

ولكن حاولي تفهميه بهدوؤ وبروية وبدون جرح لمشاعره أنو هذا التصرف سابق لأوانه ولا يجوز في الوقت الحالي إلا بعد إقامة العقد الشرعي

وربي يبارك فيك وفي خطيبك ويجمع بيناتكم في خير

[الأمين®]

اللعنة كلكم تهرفون بما لا تعرفون...راكم قاع تحرموا فيما احل الله ...على الاقل سقسوا اهل العلم اذا كنتوا ماتعرفوش و متجوش غير تفتوا وليتو قاع علماء و تعرفوا...السيد راه خطب و هز الفاتحة حب يقول راه جاب شروط الزواج الاربعة الولي و الصيغة و الصداق و الشهوذ بدل شاهذين واش راح يزيد اكثر من هاك عند ر بي راهي حلالو راه عقد عليها شرعا مازال حاجة يسموه العقد المدني لي راهوا قانون حطو العبد موش ربي....مالا ماتكونوش جهال عيب عليكم راكم مثقفين في كلش غير في الدين
......رد بالك تكوني غبية اختي و تفقدي زوجك فتفاهاتك و جهلك




إذا عقدتو راه زوجك و لكن الإحترام و الحياء مطلوب و ينبغي عليه أن تكون الأمور بتدرج ....

في موقع الشيخ أبو عبد المعز فركوس - وفقه الله
الفتوى رقم: 246

الصنف: فتاوى الزواج
في اكتمال العقد الشرعي بالعقد المدني
السؤال: هل يكفي العقد الشرعي للخروج مع الزوجة أو الخلوة بها بدون عقد مدني؟ أفيدونا.
الجواب: الحمد لله ربِّ العالمين، والصلاة والسلام على من أرسله الله رحمة للعالمين، وعلى آله وصحبه وإخوانه إلى يوم الدين، أمَّا بعد:

فالذي يقتضيه الواجب أن يقال بعدم كفاية العقد الشرعي أو العرفي إلاّ إذا اكتمل بالعقد المدني أو الاكتفاء بالعقد المدني ليكون منتجا لآثار العقد، ذلك لأنّ العقد الشرعي مجرد خطبة في نظر القضاء الجزائري فلا يكون للمرأة الحصانة القضائية الكافية للمطالبة بحقوقها فيما إذا توفي أحدهما أو حدث نزاع بينهما أدّى إلى الفراق بعد أنِ اختلى بها واختلط، لذلك يجب إتمام العقد الشرعي بالعقد المدني.

[سجل أنا جزائري]

معلوم ان عادتنا لما يقومون بما يسمى بالفاتحة هي في الدين العقد الشرعي أي يحضر الامام و الولي و يتفقو على المهر و قبول بهذا يتم الزواج شرعيا أي اها زجتوه شرعا

طبعا مراعاة للعادات في هي عند الناس مخطوبة فقط و أغلب العلماء يقولون ان لا حرج في كلام بينهم بما أنه زوجتوه شرعيا لكن مراعاة للعارف الناس من أحسن ترك الحديث حتى بعد العرس

في حالى أخت ما قام به زوجك خطء صحيح و عليه الا يتمادى لانه يمكن ان تفسخ خطبة في أي وقت و عليك ان تنبهيه و ليس سبب لفسخ العقد

طبعا اذا فعلا قمتو بالعقد الشرعي وفق الشرع

[optimism]

السلام عليكم
واهلي كي قالو مكاش هدرة في التلفون وافق وقال بلي منيش مرتو ، و,,,,,,,,,,تمت الخطبة والفاتحة,,,,,, اليس هذا اقرار بانه زوجك ؟؟؟؟
بعيدا عن ان يجوز الكلام في ذلك او لا ,,,,,,( مع ان عندنا قسم اسلامي لما لايتكرمون علينا بفتوى )
هل نفسخ الخطبة معاه مع أنو شخص مليح باستثناء هذا المشكل ,,,,,,,,,وهل استنفذت الحلول ؟؟؟؟؟
المراة في تلك المرحلة ,,لاتريد التحدث في, ذلك,,,,,لان ,,من اولو ياتها الاحترام والثقة,,,,,وكذلك تخوفها من ان تكون تحت مجهر الاختبار
من اجل ذلك ياصاحبة المشكل ,,,,,,,,فاذا لم تريد التحدث في ذلك من حقك
اما ,,,,,,,,ان تصرح و تطلب منه ذلك
او ,,,لاتصرح,,,يمكنك التهرب بطريقة ذكية وفتح مواضيع اخرى ,,,,,,,يعني هنا مليون موضوع يمكنك التحدث فيه ( بما ان يقال نحن التساء مذياع وراديو لايتوقف ونتكلم حتى في مواضيع التي ليس لها معنى ) كوني مثل لالة شهرزاد ,,,,,,دائما فتحي موضوع
وقولي له ان يكون ذلك اخر موضوع ,,,,,,,حتى ياتي موعد الزفاف وسلام
بالتوفيق

[mazaya]

افي رأيي المتواضع لأخت قالت فاتحة أي عقد شرعي كما يقال ، لكنها ليست زوجته لأن فسخ هذا الرباط لا يوجب حقوق ولا واجبات ولا عدة وغيرها من تبعات الانفصال

[محمد جديدي التبسي]

أسبوع واحد نزع الحياء منه ماذا لو كان الزواج بعد عام أو عامين؟!! راجعي حساباتك في أخلاق هذا الشخص
أخبريه أنك لا تريدين الحديث بالهاتف مطلقا وانتهى الأمر
خاصة اذا كان الزواج سيتم بعد عام أو عامين الأفضل لا اتصالات قوليهالو
واللي فيه الخير يجيبو ربي

[رندة نهاد]

لا حول ولا قوةو الا بالله

[AyOuB0587]

اطفي الهاتف واعزميه للمنزل للغداء واخبريه بالسبب
انتهى

[agronomali]

انت محقة بارك الله فيك المشكل انه قد يتخذها دريعة

[thorpe]

راكي مرتو مادامو داير الفاتحة
بركاوكم من الشكليات
صح عندك حق تحبسيه في حال ما هزيتوش فاتحة
بصح مادام السيد تزوج بيك على سنة الله ورسوله العرس وليلة الدخلى غير شكليات
كون يحب يجي غدوا يهزك من دار بابا واحد ما عندو حق يقولو احبس ولي يهدر معاه يدخلو للحبس نورمال
باسك هو ثاني كون يموت ضروك راكي تورثيه شرعا
غير ازربو قدمو موعد العرس وعيشو حياتكم يا مادام

[Rimsamwaz]

خيريه بين انو يتوقف او انك تخليه واذا ماتوقفش اتركيه ربي يرزقك احسن منو المهم الاخلاق ماشي الماديات