طب اسنان او مدرسة عسكرية عليا/علما اني جد متواضع ماديا/جاوبوني

[سيف الدين الطيار]

السلام غليكم
انا متحصل على الباكلوريا بمعدل 15.92
عمري 19
اخترت طب اسنان/مدني/
كما تم استدعائي من طرف المدارس العسكرية التالية
1-القوات الجوية/تم قبولي في الفحص الطبي/
2-قوات الدفاع الجوي عن الاقليم/تم قبولي في الفحص الطبي/

كما تم استدعائي لاجراء الفحص الطبي في
1-الحرس الجمهوري
2-المدرسة العليا للاشارة
3-القوات البحرية
4-العتاد/بالحراش/
5-المعتمدية
6-المدرسة العليا لدراسات مهندس
علما ان ظروفي المادية مزرية بحيث ان درست طب الاسنان ساعاني كثيرا
هل ادرس طب اسنان/او اقوم بالتحويل الى الطب/
ام التحق باحدى المدارس العسكرية/باي مدرسة تنصحني
ملاحظة1/كرهت الفقر و اريد ان اسعد امي و ابي....بحجة متلا/
ملاحظة2/منذ الطفولة اتمنى ان اكون طبيبا او طيار/

بارككم الله:d:d:d:d:d:d:d:d:d:d:d:d:d:d:d:d:d:d

[TheMan]

أنصحك بالأبتعاد ع نالطب المدني
لأ نالمدارس العسكرية أفضل و لا تتطلب المال مثل الطب المدني
و حسب حلمك فيبدو أن 1-القوات الجوية/تم قبولي في الفحص الطبي/
هي المناسبة لك

[سيف الدين الطيار]

أنصحك بالأبتعاد ع نالطب المدني
لأ نالمدارس العسكرية أفضل و لا تتطلب المال مثل الطب المدني
و حسب حلمك فيبدو أن 1-القوات الجوية/تم قبولي في الفحص الطبي/
هي المناسبة لك
شكر اخي على النصيحة بارك الله فيك

[smart dude]

طب الاسانا تخصص جميل اخي

[smart dude]

انا ايضا اخررت هذا التخصص

[سيف الدين الطيار]

انا ايضا اخررت هذا التخصص

لكن ليس لدي الماال حتى للدراسة
/الحمد لله/

[smart dude]

ممكن نتكلم على الخاص

[boutaina21]

الســـلام عليكم

اولا مبرووك لك أخي المعدل الراائع

ليت لدي خبرة في المدارس العسكرية لكن إذا كنت تحلم بالطيراان فاختر القريبة لحلمك ( مجرد رأي )

او اختر الطب العسكري ( بما أن وضعك المادي لا يسمح لك بالدراسة في المدني )

تحياتي لك اخي + موفق في حياتك ودراستك

اتمنى السعادة لك ولعائلتك ان شاء الله

[aymen.dz]

السلام عليكم

طب الأسنان فيه مستقبل مليح صديقي

مادام وصلت حتى هذا المستوى و درست 13سنة يعني قادر تكمل تقرا 6سنين

ماكانش مصاريف بزاف ’ لابورس تغطيلك على كل مصاريف الدراسة

بالنسبة للجانب العسكري الأفضل قواة جوية أو مدرسة الرويبة لدراسات مهندس

لكن شخصيا لاأحبذها خاصة و معدلك يسمحلك يكون عندك مستقبل زاهر لا بعيدا عن العسكر

كنت أريد العسكر أنا تاني لكن الآن نحمد ربي اللي مارحتش

عليك بصلاة الإستخارة

بالتوفيق

[سيف الدين الطيار]

الســـلام عليكم

اولا مبرووك لك أخي المعدل الراائع

ليت لدي خبرة في المدارس العسكرية لكن إذا كنت تحلم بالطيراان فاختر القريبة لحلمك ( مجرد رأي )

او اختر الطب العسكري ( بما أن وضعك المادي لا يسمح لك بالدراسة في المدني )

تحياتي لك اخي + موفق في حياتك ودراستك

اتمنى السعادة لك ولعائلتك ان شاء الله

شكرا اختي بارك الله فيك

[سيف الدين الطيار]

ممكن نتكلم على الخاص
نعم اخي ممكن لا توجد مشكلة

[profit]

6-المدرسة العليا لدراسات مهندس رائعة و تحتوي على منحة شهرية تصل الى 7000 دج
و تسجل عقد بعد النجاح خلال فترة الدراسة لمدة 19 عام عمل ثم تتقاعد
6 سنوات دراسة ثم العمل مباشرة

[boutaina21]

اخي كاينة المنحة راهي تساعدك شوية

[سيف الدين الطيار]

قلولي الحرس الجمهوري مليحة

[mounirblk]

عسكري افضل لاسباب كثيرة! !

[zino18]

تم قبولك في القوات الجوية هي أحسن اختيار اخطيك من الطب و طب الاسنان
راك تشيب ومادير والو حتى توصل ل 28-30سنة
القوات العسكرية فيها مستقبل وأموال
عجبتني خويا بالكلمة تاع كرهت الفقر و اريد ان اسعد امي و ابي
مالا شوف لي يساعدك وتوكل على ربي

[سيف الدين الطيار]

تم قبولك في القوات الجوية هي أحسن اختيار اخطيك من الطب و طب الاسنان
راك تشيب ومادير والو حتى توصل ل 28-30سنة
القوات العسكرية فيها مستقبل وأموال
عجبتني خويا بالكلمة تاع كرهت الفقر و اريد ان اسعد امي و ابي
مالا شوف لي يساعدك وتوكل على ربي

شكرا اخي بارك الله فيك
شكرا

[j_dog]

اخي الكريم

كان عندي صاحبي كيفك بعد .......الميزيرية تاع الفقر

واختار العسكر لانو كان حاب يجيت شوية مصروف اك تاعرف ومبعد ولا يقولي تكلحت ودرك راه كاره لانو المصروف جا بصح حاس بلي حياتو راحت

ظرك انت ادا حبيت تروح للعسكر على جال الصوارد ....اك ديرهم بصح مبعد تندم خاصتا في يدك شعبة مليحة

وادا كنت حاب تقرا طب اسنان دير القلب ولابورس تعاونك شوي وزيد اخدم فالصيف والله تجيبها بادن الله

وعندي تان واحد صاحبي يقرا طب القراية تخلص من يبدا الخدمة من وعاجبتو نورمال

في الاخير دير واش حاب نتا حاب تقرا ولا حاب تروح للعسكر حتا القوات الجويبة مليحة ادا كنت حابها مشي رايح علاجال المال بالتوفيق

[Telaghost]

القرار يرجع لك اخي صلي صلاة الاستخارة ثم توكل على الله.

[sweetness]

صلاة الاستخارة أفضل حل
وفقك الرحمن لما تحبه ويرضاه

[bochraneena]

صلي استخارة فما خاب من استخار
ثانيا انا درست طب والدراسة مكلفة بعض الشئئ واظن ان الجانب العسكري احسن لك وغير مكلف مثل طب الاسنان "وفيه دراهم خير من الجانب المدني"
مجرد راي شخصي وانت شوف واش يناسبك
بالتوفيق

[~طالب العلم~08]

أخي
الزرق من عند الله
ان كنت تريد طب الاسنـان فيجب ان تضحي من أجله ولا تجعل المال يكون عائقا لك
فيوجد الالاف من الامثلــة نجحوا في وجود فقر مدقـع
اما ان كنت تريد المجال العسكري فأيضا يجب ان تضحي بقليل من الحرية
وأنت و ميولك
هدا رأيي الشخصـي
والله أعلــم
وفقك الله لما يحبه ويرضـاه

[Afaf007]

خويا ننصحك بالقوات أحسن ليك فيها مستقبل
حبيت تعرف إذا عادي يعيتولك كامل و انت تخير وذا كاين منها كي مايقبلوكش في وحدة ما يقبلوكش في المدارس الأخرى؟؟؟

[* حبّ الله *]

اياك ان تضيع المدارس العسكرية اخي اياك .....في رأيي الجوية وو دراسات مهندس افضل المدارس العسكرية و لان معدلك مرتفع. اظن انك ستقبل علا عكس الطب العسكري الذي يطلبه الكثيرون من اصحاب ال17 مما يضعف فرصك في الدخول اليه

لدي فكرة :::انت اذهب و سجل في جميعها.
و اجتز المسابقات التي تطلبها بعضها
و التي تراها رحبت بك. اي دخولك. موافق عليه من جميييع النواحي
انضم اليها

المهم اخي نظرا لظروفك او لا. ...لا تضيع المدارس العسكرية

[ܔْށعَبْدُالرًحْمََـــــ~ــنِܔْށ]

السلام عليكم اخي نتا باين فحل و راجل انا فالحقيقة جبت الباك لعام ليفات ب 12 و درت باراميديكال مع انو اتيحت لي كل المدراس العسكرية دخلت للقوات البرية لكن خرجت مع اني بنفس ضروفك لكن الحمد لله حنا ميسوري الحال و عوت الباك سنا و جبتو ب 15 و درس طبيب اسنان نصيحة اخي الكريم مهما خيرت ابتعد عن العسكر فوالديك انت من يسعدهما و ليس اموالك كي تقعد 6 اشهر بعيد عليهم و تدي 7 ايام ثم تعرف قيمتهم العسكر و زيد تمضي عقد ب 25 سنة صح تخلص 7 ملاين مي حياتك ضايعة و ما تتطورش و لكن اضن في ما يخص التخصصات الطبية ابتعد تماما عن الصيدلة لانك تهرم و ما تلقاش عمل و الطب 7 سنوات اومباعد تخلص 5.6 مليون و الاخصائي 6.2 مليون لكن طب الاسنان مع انو يخلص حوالي 4.8 مليون لكن العمل جد متوفر و تقدر تفتح بحوالي 80 مليون او دعم تاع لونساج و رح تعود الدخل من 15 الى 20 مليون شهريا لذا اختر العسكر ترتاح 5 سنوات ثم تعاني بقية حياتك او تعاني 6 سنوات طب اسنان قم ترتاح بقية حياتك و الله الموفق

[CrossbowMan]

روح حرس جمهوري لو طولك مناسب و تكون الدراسة سهلة تقرا و تخلص

[ibrahimm]

الطيران بدون تفكير و لا تقارن باي تخصص اخر

[hamzagolf6]

اخي الطيران ليس 100% يعطوك طيار
ففي السنوات القليلة لم يفتحوا مناصب الطيارين
بالاضافة انو فيها معريفة كبيرة جدا باش تتحصل على طيار
فالطياران مقسم الى عدة اختصاصات وتستطيع ان تعرف تخصصك بعد ان تمضي عقد 25 سنة اي بعد عام شرشال
اذا كنت تريد العسكر انصحك بمدرسة رويبة
فهي مدرسة رائعة وجميلة جدا لديك كل الضروف المناسبة حتى شرشال ولم يدخلوا

[syliasmine]

دراسات مهندس

[سيف الدين الطيار]

شكرا اخواني...........
بارك الله فيكم

[smart dude]

يا اخي اخطيك من الطيران شوف المدرسه التحضيريه لدراسه مهندس لكان حاب العسكر
و لكان تقرى مدني فطب الاسنان تخصص ممتاز

[مريم عادل]

اعتقد ان طيران لو نقص بصرك راحت اعليك تنزل للارض تاكد من الامر هدا ماسمعته

[سامي 123]

لي يقولك العسكر فيه الدراهم يكذب عليك

7 ملاين في الشهر مقابل الحرية نتاعك

العسكر هو سجن نختاره بأيدينا .. من أجل الحصول على بعض المال

الحياة المدنية هي التي تحقق لك الثروة .. فمهندس بسيط في السنطراك يخلص

12 مليون و يخدم شهر بشهر .. أنا أنصحك بطب الأسنان أحسن بكثيــــــــــر

و تقدر تخدم في الصيف .. العمل متوفر بقوة في الصيف .. العمل في مطاعم الوجبات السريعة

تأخذ 3 ملاين في الشهر في 4 أشهر نتاع صيف عندك 12 مليون .. أظن أنها كافية و الحمد لله

إذا تحب الحياة العسكرية .. إختر دراسات مهندس فهي الأحسن

[* حبّ الله *]

واش خونا سيف ؟؟؟؟؟؟الظاهر دوخوك الاراء انتاعنا !!!!! عليك ان تتخذ القرار بسرعة اخي و الا راحت عليك الفرص .......موفق ان شاء الله

[ضوء الايمان]

السلام عليكم .................. اولا احتراماتي لك لانك رغم الوضع المتوسط تخمم في والديك و عقلك كبير ماشاء الله ............... المهم انا ننصحك دير طب اسنان و حاول تبرز فيه و تقرى مليح الدراهم ما تخممش بزاف مثلا السنة الاولى ممكن ما تسرفش اكثر من 5 ملاين و هدا باه تدير الدروس و تتنقل دون ان نحسب مصاريف الاكل و غيرها باعتبار انك في المنزل او في الاقامة باقي السنوات لازمك تكون اقتصادي و بما انوا ما عندك ما تدير في الصيف روح اخدم اي حاجة مثلا المطاعم في المناطق السياحية و ممكن تخرج بمبلغ محترم يغطيلك كل مضاريف العام و يفضالوا تاني ................ انا ما ننصحكش بالعسكر على خاطر الاولاد بسبب الضروف يروحوا يرميو رواحهم في العسكر مقابل مبلغ مبعد كي تكبر ماراحش يعبيلك عينيك زيادة على ذلك شبابك بكل يروح في نظام عسكري ماراحش تتمتع بحياتك و زيد الاخطار و المشاكل ما راحش تعيش مرتاح ................ هذا مجرد راي خمم مليح و شوف مخروجك ...... موفق باذن الله

[*محب النجاح*]

العسكر تفقد حريتك ولن تجد وقت للإستمتاع بالمال لأنك على طول في منطقة ما أو أخرى حسب الأوامر

[Lina Benb]

العسكر يقيدلك حريتك
بصح راكم بالغتوا بزاف

نعرف عسكريين راهم يحووسوا
لاباس عليهم..

الحمد لله

لا ولات على المزيرية عليك بال enpei
ستسعدهم فور بداية دراستك
حيث يوجد راتب رمزي احسن من راتب الجامعه
شهري

وفقكَ الله وايانا

[zahra la reine]

اهنيك على هذا المعدل الرائع و على تواضعك ،،، قليل الناس المجتهدين أمثاااالك بارك الله فيك ،،، حبذا لو اخترت طب عسكري ،، و صلي صلاة الاستخاارة أخي و بالتوفيييق ....

[سيف الدين الطيار]

شكرا اخواني و بارك الله فيكم

[سيف الدين الطيار]

واش خونا سيف ؟؟؟؟؟؟الظاهر دوخوك الاراء انتاعنا !!!!! عليك ان تتخذ القرار بسرعة اخي و الا راحت عليك الفرص .......موفق ان شاء الله

شكرا لك لكن لا استطيع الرد في الخاص مشاركاتي لا تسمح بدلك
لكن بارك الله فيك على النصيحة/90/100 ساعمل بها/
و شكرا لكل الاعضاء الدين تفاعلوا مع موضوعي
:19:

[* حبّ الله *]

شكرا لك لكن لا استطيع الرد في الخاص مشاركاتي لا تسمح بدلك
لكن بارك الله فيك على النصيحة/90/100 ساعمل بها/
و شكرا لكل الاعضاء الدين تفاعلوا مع موضوعي
:19:

العفو اخي .....

[madaninho]

3-القوات البحرية