اريد تقييمكم لي كمبتدئة [الأرشيف] - منتديات الجلفة لكل الجزائريين و العرب

مشاهدة النسخة كاملة : اريد تقييمكم لي كمبتدئة

منار 96

2015-08-02, 19:37

انا بنت عندي 19 سنة هوايتي الخياطة بديت في الاول باعادة تدوير الملابس القديمة ومبعد لقيت روحي فهمت نوعا ما الفصالة وبديت نفصل ونخيط باليد برك باسكو ماعنديش ماشينة الخياطة بلا ما يعلمني حتا واحد ومانيش عارفة روحي اسكو راني نخيط صح ولا راني نكرفس برك نتمى من الخبيرات يمدولي تقييم بدون مجاملة بليييييييز نواصل ولا قا نتوقف ما نخسر والديا يشرولي لقماش في كل خطرة
هاذو بعض الموديلات اللي خيطتهم لبنات خواتاتي
http://cdn.top4top.net/i_c85418a1c81.jpghttp://cdn.top4top.net/i_ea189efce62.jpghttp://cdn.top4top.net/i_ea189efce63.jpghttp://cdn.top4top.net/i_ea189efce64.jpghttp://cdn.top4top.net/i_ddb32798de6.jpghttp://cdn.top4top.net/i_ea189efce65.jpgهذي ملحفة نايلي http://cdn.top4top.net/i_ddb32798de7.jpg

ام ايوب3

2015-08-03, 15:42

نقولك حاجة الا راكي حابة لخياطة راح تتعلمي وتحققي هدفك .والناس كامل تبدا خطوة ماكانش الي زاد متعلم ما تقوليش نخسر في اهلي وما نعرفش اشري دوما قماشات ماهيش غالية وتعلمي فيما وراكي مليحة كمبتدئة واصلي الخياطات ومرات ومايلقاوش روحهم ويفسدو القماش بارك الله فيك.نتمنى تكوني فهمتيني انا ماني محترفة وماني مبيتدئة راني نص نص وتعلمت وحدي وشوية من مواضيع الاخوات ربي يحفضهم كامل وشكرا

حبيبة امها

2015-08-03, 15:57

ماشاء الله واصلي اختي ربي يتملك

ام نافع

2015-08-03, 18:07

يعطيك الصحة واصلي

منار 96

2015-08-03, 21:30

منار 96

2015-08-03, 21:32

ماشاء الله واصلي اختي ربي يتملك
يعطيك الصحا ان شاء الله اختي مشكورة على المرور

يعطيك الصحة واصلي
الله يسلمك ربي ينورك مشكورة على المرور

الخروبية

2015-08-04, 09:15

zizou b

2015-08-04, 09:56

هايلين بالنسبة لمبتدئة مثلك يعطيك الصحة اختي

لآلئ الجُمان~

2015-08-04, 09:57

ما شاء الله
جميل جدا
واصلي الابداع
في انتظار جديدك

منار 96

2015-08-04, 11:57

السلام عليكم
ختى الخياطة راهى فن ونتى دخلتى هاد المجال اكيد ريحا تبدعى فيه
قد ما تحبى لخياطة ولخياطة تحبك وتمدلك
نصيحتى ليك ركزى على الفينيسيو
وراكى مليحة
تحية من الخروبية للجميع سلام ياكرام
يعطيك الصحا اختي على النصاءح ان شاء الله رايحا ناخذ بنصيحتك في مايخص الفينيسو لقيت فيها شوي صعوبة باسكو ماعنديش ماشينة نخدم بيدي برك علابيها ماتخرجليش الخدمة مفينيا و نظيفة وبرب رابحا نركز عليها اكثر في المرة الجاية

منار 96

2015-08-04, 12:06

هايلين بالنسبة لمبتدئة مثلك يعطيك الصحة اختي

[QUOTE=حبيبة أمي;3994026605]ما شاء الله
جميل جدا
واصلي الابداع
في انتظار جديدك [/Q
UOTE]

يعطيكم الصحا على نشجيعاتكم والله قا هدرتكم طلعتلي المورال وحببتني اكثر واكثر في ألخياطة مروركم اسعدني و بربي ان شاء الله رايحا نواصل
Mmmmmmmmmmmmrrrrrrrrrrrrrrrrrrcccccccccccc:19:

باسم وبيسان

2015-08-04, 14:22

يعطيك الصحة الى الامام سر هههههه

منار 96

2015-08-04, 19:12

يعطيك الصحة الى الامام سر هههههه
ههههههههههههههه ان شاء الله:19:

ام سيرينة

2015-08-04, 20:06

يعطيك الصحة في هادوك اليدين راكي جايبتها بالنسبة لمبتدئة واصلي ما تفشليش وبالممارسة راكي غادية تشدي يدك وتزيد تتحسن خدمتك

وفاء الياسمين

2015-08-04, 20:34

ماشاء الله واصلي في التقدم
الممارسة تعطيك خبرة و التعلم من الخطأ يعطيك الجودة و الارادة تكسر جدران الفشل
بالتوفيق

منار 96

2015-08-04, 20:47

يعطيك الصحة في هادوك اليدين راكي جايبتها بالنسبة لمبتدئة واصلي ما تفشليش وبالممارسة راكي غادية تشدي يدك وتزيد تتحسن خدمتك
واو ردك زاد من عزيمتي mrc على المرور الكريم :):):):):):):):):):)

منار 96

2015-08-04, 20:51

ماشاء الله واصلي في التقدم
الممارسة تعطيك خبرة و التعلم من الخطأ يعطيك الجودة و الارادة تكسر جدران الفشل
بالتوفيق
مشكورة اختي ان شاء الله رايحة نوصل لمرحلة الخبرة كنت نشوف فيها بعيدة مي من هدرتكم الحلوة و تشجيعاتكم حسيت روحي ديجا وصلتلها :)

امّ اياد

2015-10-03, 20:05

مشاء الله منار راكي صدمتني كتكوتة صغيرة وحاذقة خمسة وخموس

Nedjemet al bahr

2015-10-04, 17:36

خياطتك الله يبارك كملي ومدامك تحبي لخياطة ان شاء الله ربي يوفقك وتبعي الورشات لي في المنتدى واكيد راح تستفادي

Amani Madridista

2015-10-04, 20:22

الله يبارك عليك حنونة

ربي يوفقك ، قريبا نعود نجيك خيطيلي ههههه

farah112

2015-10-05, 15:50

اذا تحبي الخياطة راح تنجحي حوسي في google على دروس الخياطة للمبتدئات و بداي من الصفر( اي كيف تأخذين المقاس تم رسم الباترون للاطفال ...الخ) و تعلمي الخياطة انا كنت نحكم الحوايج المخيطين و نشوف كفاه مخيطين واذا اخطأتي حلي و عاودي ما تكرهيش و تعلمي في درا قديم في عباية قديم...)
الله ينجحك بنتي

fatima zahra tah

2015-10-05, 16:02

:19::19::19::19::19::19::19::19::19:

طموحة لابعد حد

2015-10-05, 19:40

رووووووووعة راك خياطة صح تروحي بعيد اكيد

خوخة02

2015-10-05, 20:55

راكي جايبتها ماشاء الله راكي غير بيدك واصلي

sandybelle1

2015-10-06, 08:17

ربي يبارك كملي راهم ملاح

كنوزة

2015-10-07, 14:20

الله يبارك

مشني خبيرة لكن على حساب الشوفة راكي جايبتها

بالتوفيق

Lola120

2015-10-08, 15:35

صحيح انه techniquement مازالك ناقصة لكن وش درتي وحدك بلا قراية راهو هايل
و إذا كان على القماشات أنا كي كنت نتعلم كنت نروح عند لحوانت نشري القماشات لفضالولهم يقولولهم Les chutes تلقاي 1M حتال 1,5M ب 250َDA او 300DA

om_nour

2015-10-08, 15:44

اللَّهُمَّ إِنِّي أَعُوذُ بِكَ مِنْ شَرِّ مَا يَلِجُ فِي اللَّيْلِ وَشَرِّ مَا يَلِجُ فِي النَّهَارِ، وَشَرِّ مَا تَهُبُّ بِهِ الرِّيحُ.

اللَّهُمَّ إِنِّي أَعُوذُ بِكَ أَنْ أَضِلَّ أَوْ أُضَلَّ، أَوْ أَذِلَّ أَوْ أُذَلَّ، أَوْ أَزِلَّ أَوْ* أُزَلَّ، أَوْ أَظْلِمَ أَوْ أُظْلَمَ، أَوْ أَعْتَدِيَ أَوْ يُعْتَدَى عَلَيّ.

اللَّهُمَّ إِنِّي أَسْأَلُكَ الْهُدَى وَالتُّقَى وَالْعَفَافَ وَالْغِنَى، وَالصِّحَّةَ وَحُسْنَ الْخُلُقِ، وَحُسْنَ الظَّنِّ بِكَ.

اللَّهُمَّ اغْنِنِي بِحَلاَلِكَ عَنْ حَرَامِكَ، وَبِطَاعَتِكَ عَنْ مَعْصِيَتِكَ وَبِفَضْلِكَ عَمَّنْ سِوَاكَ.

اللَّهُمَّ إِنِّي ضَعِيفٌ فَقَوِّنِي، وَإِنِّي ذَلِيلٌ فَأَعِزَّنِي، وَإِنِّي فَقِيرٌ فَاغْنِنِي.

اللَّهُمَّ عَلِّمْنِي مَا يَنْفَعُنِي، وَانْفَعْنِي بِما عَلَّمْتَنِي، وَزِدْنِي عِلْماً.

ام سراج وملاك

2015-10-09, 12:45

ماشاء الله عليك منار محطيتكش صغيرة في لعمر ربي يبارك شاطرة وين نمحطوك نلقاوك

منار 96

2015-10-09, 13:04

مشاء الله منار راكي صدمتني كتكوتة صغيرة وحاذقة خمسة وخموس
ميرسي رتاج
خياطتك الله يبارك كملي ومدامك تحبي لخياطة ان شاء الله ربي يوفقك وتبعي الورشات لي في المنتدى واكيد راح تستفادي
بعد ماحطيت الموضوع بمدة وشفت تشجيعاتكم دخلت نتعلم عند خياطة والحمد لله راني بديت نتحسن
الله يبارك عليك حنونة

ربي يوفقك ، قريبا نعود نجيك خيطيلي ههههه
مرحبا بيك اماني مي اذا فسدتلك مانعرفك ماتعرفيني ههه

اذا تحبي الخياطة راح تنجحي حوسي في google على دروس الخياطة للمبتدئات و بداي من الصفر( اي كيف تأخذين المقاس تم رسم الباترون للاطفال ...الخ) و تعلمي الخياطة انا كنت نحكم الحوايج المخيطين و نشوف كفاه مخيطين واذا اخطأتي حلي و عاودي ما تكرهيش و تعلمي في درا قديم في عباية قديم...)
الله ينجحك بنتي
يعطيك الصحا مام انا نتبع في هذي الطريقة

:19::19::19::19::19::19::19::19::19:
:mh92::mh92::mh92::mh92:
رووووووووعة راك خياطة صح تروحي بعيد اكيد
من فمك لربي ميرسي اختي
راكي جايبتها ماشاء الله راكي غير بيدك واصلي
بربي ان شاء الله ميرسي حنونتي
ربي يبارك كملي راهم ملاح
يبارك فيك متشكرا

Ya3tik saha kamal mlah nchalah mazid mina el ibda3
مشكورة على الاطراء
الله يبارك

مشني خبيرة لكن على حساب الشوفة راكي جايبتها

بالتوفيق
الله يوفقك مشكورة

منار 96

2015-10-09, 13:09

صحيح انه techniquement مازالك ناقصة لكن وش درتي وحدك بلا قراية راهو هايل
و إذا كان على القماشات أنا كي كنت نتعلم كنت نروح عند لحوانت نشري القماشات لفضالولهم يقولولهم les chutes تلقاي 1m حتال 1,5m ب 250َda او 300da
بعد مادخلت نتعلم الخياطة عرفت كل القلطات اللي درتهم وراني نحاول نتفاداها ومشكورة ختي على المعلومات لي ميديتهملي وان شالله رايحا نطبقهم

يعطيك الصحة
مزيدا من التالق
باذن الله شكراااا
ماشاء الله عليك منار محطيتكش صغيرة في لعمر ربي يبارك شاطرة وين نمحطوك نلقاوك

اووو يعطيك الصحا حشمتيني هههههههه مشكورة اختي على الاطراء ربي يخليلك سراج و ملاك

مسلمة81

2015-10-09, 13:13

برافو واصلي

منار 96

2015-11-12, 00:17

برافو واصلي

ان شاء الله .

ibtihal18

2015-11-12, 18:45

ماشاء الله ماشاء الله تبارك الرحمان ربي يخليلك ذوك اليدين هذو بلا ماشينة جاو هكذا واش تستني اشري المشينة و اتكلي على ربي
بالتوفيق

زهرة عالم

2015-11-12, 22:56

يعطيك الصحة ...واصلي مشوارك وتغلبي على كل عقباتك بالصبر والمثابرة وان شاء الله نشوفك في المستقبل خياطة مشهورة
.............................................بالتو فييييييييييييييييييييييييق..................

ميرا97

2015-11-18, 11:20

ماشاء الله هايلة
كملي راكي في الطريق الصحيح
في الحقيقة حتل انا نشتي الخياطة بصح راني لاهية حاليا مع القراية في الجامعة ربما الصيف وبيدا نتعلمها ان شاء الله
مشكورة

radia25

2015-11-18, 11:22

ربي يوفقك حبيبتي واصلي تعلم الخياطة راكي مبدعة

أم أصيل

2015-11-19, 20:14

بارك الله فيك

ملكة النت

2015-11-24, 14:47

حاليا راكي تكرفسي ههههههههههههههههههههههههههه
بصح ولا يهمك باين عندك موهبه وتحبي الخياطه وان شاء الله رح تتعملي
ربي يوفقك

Sasau

2015-11-27, 23:07

444444444444

djimibio

2015-11-28, 18:15

يعتيك اصحة. انا حابا نتعلم مي رني خيفا نفزد لقمش

Bleu Azur

2015-12-10, 14:43

bon courage, termine comme ça et tu va y'arriver nchallah

om ayoub 2

2015-12-10, 18:43

مبتدئة و ماعندكش مشينه وتخيطي بيدك ماشاء الله أعجبتيني

لامست فيك الحب والإصراروبما أنك دخلتي في هذاالميدان واصلي

وماترجعيش للوراء وعمرك ماتقولي نخسرفي حرفه تعلمتيها
فكرتيني في روحي كي بديت واليوم الحمد لله
بالتوفيق إنشاء الله

souheila dz

2015-12-10, 19:23

الله يبارك يا لفحلة كملي هاك ان شاء الله توصلي لهدفك

الشهباء

2015-12-11, 20:57

kousouvali

2015-12-11, 23:36

يعطيك الصحة

منار 96

2015-12-12, 01:11

ماشاء الله ماشاء الله تبارك الرحمان ربي يخليلك ذوك اليدين هذو بلا ماشينة جاو هكذا واش تستني اشري المشينة و اتكلي على ربي
بالتوفيق
خلاص الحمد لله الان راني شريتها الماشينة بصح حاليا راني توقفت على الخياطة في الثيف ان شالله نرجع بهمة
مشكورة على المرور الراىع

يعطيك الصحة ...واصلي مشوارك وتغلبي على كل عقباتك بالصبر والمثابرة وان شاء الله نشوفك في المستقبل خياطة مشهورة
.............................................بالتو فييييييييييييييييييييييييق..................
ان شاء الله يا ربي من فمك لباب السماء ربي يحفظك

ماشاء الله هايلة
كملي راكي في الطريق الصحيح
في الحقيقة حتل انا نشتي الخياطة بصح راني لاهية حاليا مع القراية في الجامعة ربما الصيف وبيدا نتعلمها ان شاء الله
مشكورة
مام انا راني مع القرايا حاليا في الصيف نرجعو للخياطة مع بعض ونكسرو الدنيا

ربي يوفقك حبيبتي واصلي تعلم الخياطة راكي مبدعة
شكرا ان شاء الله باذن الله
ربي ينورك

بارك الله فيك
زادك الله بركة

حاليا راكي تكرفسي ههههههههههههههههههههههههههه
بصح ولا يهمك باين عندك موهبه وتحبي الخياطه وان شاء الله رح تتعملي
ربي يوفقك
هههههههه ميرسيييي حنونة نتم معاها حتان نتقنها ان شاء الله

444444444444
ميرسييييي
يعتيك اصحة. انا حابا نتعلم مي رني خيفا نفزد لقمش
انا كي مانلقاش لقماش نستعمل ملابس قديمة او خمارات و محارم لدرجة انهم عادو يخبو عليا حوايجهم باش مانقطعهالهمش قداش من خطرة تتودر لماما كاش حاجة وما يلقاوهاش تطيح التهمة على راسي ويقولولي عندك لاراكي عاودتيلها لخياطة:1::1:
bon courage, termine comme ça et tu va y'arriver nchallah
ان شاء الله اختي ميرسيي
مبتدئة و ماعندكش مشينه وتخيطي بيدك ماشاء الله أعجبتيني

لامست فيك الحب والإصراروبما أنك دخلتي في هذاالميدان واصلي

وماترجعيش للوراء وعمرك ماتقولي نخسرفي حرفه تعلمتيها
فكرتيني في روحي كي بديت واليوم الحمد لله
بالتوفيق إنشاء الله
ان شاء الله نكون كيما انتي في المستقبل صح انا نموت على الخياطة من بكري بصح مشكلتي مانداومش عليها في الصيف برك نهتم باسكو الشتا نلها بالقرايا
ربي يجازيك على الرد طلعتيلي المورال

الله يبارك يا لفحلة كملي هاك ان شاء الله توصلي لهدفك

ان شاء الله من فمك لباب السماء

منار 96

2015-12-12, 01:15

يعطيك الصحة ولوكان توخذي رايي تعلمي الخياطة زيي انا انا وحدة تعرف انا قريت 3 اشهر و الحمد لله المودال لي نشوفو نفهمو و نطبقو لازم تتعلمي القياسات و الاسرار كامل باه تتقني خدمتك علا خاطر عندك شوي اخطاء
بعد ماحطيت الموضوع وشفت تشجيعات كبيرة من الاخوات دخلت نتعلم عند خياطة تعلمت بعض الاساسيات مي للاسف كيما قلت من قبيل القرايا جاتني في الطربق راني الان منقطعة على الخياطة بربي رايحا نرجعلها وندي منك الخبرة

يعطيك الصحة
الله يسلمك اختي

djazia87holi

2015-12-12, 11:08

يعطيك الصحة عندك الطموح صدقيني كل عمل يبداخطوة بخطوة وانت كمبتداة نهنيك على انجازاتك وكملي تحقي هدفك لانو الخياطة عندك فطرة ماشاء الله مع العلم اني حاولت نتعلم الخياطة وعندي مشينة خياطة حاولت غير لبنتي لكن بلا جدوي

منار 96

2016-02-09, 11:01

ام طارق :)

2016-02-09, 20:37

ياختي راكي كيما انا ادربت في صغري انخيط للبوبيات انتاوعي ومن بعد في حوايج اقدم وظركي راني استفدت من الاخوات في المنتدى الى الامام حبيبتي ماتيئسيش

منار 96

2016-04-09, 18:26

ياختي راكي كيما انا ادربت في صغري انخيط للبوبيات انتاوعي ومن بعد في حوايج اقدم وظركي راني استفدت من الاخوات في المنتدى الى الامام حبيبتي ماتيئسيش
ان شالله اختي ربي يجازيك على التشجيع
و مرورك نور الصفحة

أم محمدامين

2016-04-09, 23:03

ماشاء الله وصلي حنونة

ضحى5

2016-04-11, 13:53

روووووووووووووووووووووووعة رووووووووووووووووووعة واصيلي

منار 96

2016-04-14, 11:35

مشكورة الاخت ضحى

Merida

2016-05-17, 21:59

اختي مادام كاين العزيمة كل شيء ساهل واصلي وتبعي الدروس في المنتدى و ماتتردديش اذا كان عندك استفسارات واحدة ماراح تبخل عليك ربي يسعدهم دنيا وآخرة

بسمه العمر

2016-05-18, 14:57

يعطيك الصحة المهم كملي وخذي القياسات تخرجلك لفصاله مليحة استعملي الميترا بكل تحركاتك

fofo annabia

2016-05-21, 20:27

ربي يكمممملللك

اشرقت نفسي

2016-05-28, 14:11

هايلة يعطيك الصحة

منار 96

2016-05-30, 13:55

شكرا لكن على التشجيع

نسيبة2012

2016-05-30, 18:14

يعطيك الصحة اختي ....دائما الفضل يرجع للاخت هي الوحيدة لي تقبل التجغبيل تاعنا في بداية المسار لانها تحبك وتتقبل اخطائك المهم عندها تشوفك ماشية وتتطوري .
انا ثاني موهبتي الخياطة ما تعلمتش عند حتى وحدة وما عنديش ديبلوم ..درت الكوراج وافونصيت مثلك تمتما نخيط غير بالابرة في الاول تديري ديفوات ومن بعد تتعلمي ..انا شجعتني عجوزتي ولي ما نعرفهاش علمتهالي ومرة على مرة هزيت الحرفة وحاليا الحمد لله ...صراحة مانيش راضية على مستواي حبيت نكون محترفة جيدة

ღ Jannah ღ

2016-06-07, 11:15

ماشاء الله اكيد واصلي