فتاة اجنبية

[مشكلتي]

السلام عليكم انا شاب عمري 23 ،تعرفت على فتاة اجنبية تبلغ 21 عبر لعبة في انترنت ، كانت الفتاة طيبة جدا و الله قمة في الاخلاق ، طلبت منها حساب فايسبوك ، فاعطتني اياه، اول مرة اطلب من فتاة ، النهم كلمتها ثم سالتها عن دينها قالت هي مسيحة ، هي من بلد اخر طبعا ، احبتني وقلت لها ان هذا لا يمكن ان يحدث لانك بعيدة وووو، المهم غضبت و قالت انا من اجل الحب احارب كل الشيء حتى الاله ،.قلت لها ان تتراجع عن الكلام و ابقي معك ، طيب قبلت ، و بعدها قلت لها اريد ان اعلمك الاسلام ، قالت نعم ، ولكن بعد فترة رايت الفتاة لا تريد الاسلام ، الا الحب ، فابتعدت عنها و قلت لها المسلمين فقط من يدخل الجنة و انت اختاري مع من تكوني ، فضحكت و لم تعطه اهتمام ، المهم ان هجرتها و لا اريد ان اسمع عنها شيئا ، اخوتي هل ما فعلته صحيح ؟ من الان قررت ان اتزوج مسلمة سنية متحجبة متدينة جدا و اسال الله ان يرزقني اياه

[ROMMEL]

تهنيت منها اغلب الاجنبيات الصليبيات على هذه الشاكلة يتجرأن على كل شئ و من بعد تقولك مسيحية و المسيح منهم براء

[ranou gigi]

مادامها رفضت ديننا فيلامان علاها انت كي بعدت احسن

[اخت الرجل]

بما انها عطاتك حسابها في الفيسبوك وهدرت معاك حتى شبعت فاكيد متصلحش زوجة فكيما هدرت معاك تهدر مع غيرك يا المهبول وانت تامن لبنات واش من حب يرحمن الوالدين ماكانش حب قبل الزواج ياااا اخي
زيد على هذا غير مسلمة
ريحت منها وليه كملو بنات بلادنا مسلمات محجبات والحمد لله
♣ربي يفرحك ♣

[ايمان4]

كنت قادر تفهمها بالتي هي احسن و الدين بالحسنى ماشي تقلها غير حنا لي ندخلو للجنة طبعا فهذا جهل بطريقة توصيل المعلومة و احيطك علما يا اخي العزيز كوننا مسلمين لا يعني ان ندخل الجنة الجنة بالاعمال و الله من يقرر عظم شانه و جل جلاله ربي العزيز الكريم و هو يغفر جميع الذنزب سوى الشرك به ...يعني كان لازم تكزم لين كيس في دعوتك يعني حتى لولم تتزوج بها فعلى الاقل لا تقل لها من الكلام المعسول ما يلين الحجر الصخر عند سماعه ثم تتركها .. و من قال ان من تتكلم معك ممكن تكلم غيرك و ا بل اكيد الا المريض النفسي المعوق ذهنيا من يفكر بهاته الطريقة .. راهمم باينين بنات الشارع و الحمد لله لست منهن و لا اؤيد العلاقات و لكن ما يغضبني اكثر هو ان الرجل يقول و بكل رجولة لا لن اتزوج فتاة تكلمت معها قبل الزواج و اتزروج غيرها من هي اشد حياءا و جديرة بالثقة و هنا اهنئك اخي العزيز بصحتك الخداعة لي دارت على كامل الناس بصحتك ربي وعدنا و قال الطيبون للطيبان و الخبيثون للخبيثااات المهم اسفة اخي خرجت عم الموضوع نظرا لبعض الاراء الغير المشرفة ..

[اخلاص المخلصة]

فاظفر بذات الدين تربت يداك.

[rush7]

الله يرزقك زوجة صالحة

[mrmilano1984]

اخي نعطك نصيحة لوجه الله تعالي واسمعني مليح والله والله والله تاع انترنت اغلبهم ان لم اقل كلهم كدابات وخداعات ومنافقات ولو اجنبيات ترف لو نحكيلك تهرب وتقول حمد لله انك بعدت منها بلاك تلقا عربية احسن منهم مالقري عندهم بهض الصفات غير جيدة ولكنها مسلمة وتعينك في دينك ودنياك وتربيلك اولادك وتحترمك ووو كاين صوالح بزاف
الاجنبيات خبيثات وحدة تحب اللهو والزهو وتلعبلك علي مشاعرك واحساسيك وقلبك ومع الاخر كي تشوفك جايح ونية تلعبلك الغولة تتلاقا بيها وتقولك نحبك ونحب نتزوج بيك وهي شيطانة في راسها دايرا حساباتها بلي تتقعد بك وتسرطلك اموالك وتقولك باي باي وكي تولي ادا هدرت معاك تقولك سمحلي مانقدرش نولي ووالديا وغيرها من القوالب لي نعرفوهم
شعال من وحدة قاورية دارتها بجزائري صكاتو سواء هنا او في تونس نتا نية بزاف بزاف لازم تكون مرحي في راسك وماتمنهمش ابدا امن باباك ويماك لي جابوك للدنيا وخاوتك طبعا تعرفهم من غير هادو كامل احدر منهم عن تجربة مني ا

[amira1989]

ربي يزوجك ببنت صالحة

[mrmilano1984]

تحب تتزوج اخي وتكون مهني في راسك نصيحة روح شوف وحدة تاع الزواج صح وماشي لي تلعب وقاعدة تتمسخر شوف مع الوالدة او الاخت او العائلة او مانعرف نتا شوف وميز كاينين بنات يحبو يتزوجو صح وعاقلات ومتخلقات ويتمناو ويدعيو بالزوج الصالح اعرف برك تخير احسن ليك من اجنبية قليل بزاف تلقا قاورية سيريو وتحب اسلام وتولي تطيعك ووو قاع عندهم عقلية السيطرة وتحب تدير واش تحل وو

[~رآقية بأخلآقي~]

اكيد ما فعلته صحيح..

ونصيحة من أخت لأخاها وكيما قال الأخ من قبل....اخطاك من بنات الإنترنت الأجنبيات وحتى العربيات..لانّو باللي كان الانترنت لا تظهر لكَ الواقع وقد تنخدع وتنصدم بما ستجده في الحقيقة.لذا من الافضل لا تختر هذا الطريق في تحديد مصيرك....

وربي يرزقك ببنت الحلال...

[~~ أغيلاس ~~]

اخي نعطك نصيحة لوجه الله تعالي واسمعني مليح والله والله والله تاع انترنت اغلبهم ان لم اقل كلهم كدابات وخداعات ومنافقات ولو اجنبيات ترف لو نحكيلك تهرب وتقول حمد لله انك بعدت منها بلاك تلقا عربية احسن منهم مالقري عندهم بهض الصفات
أخي الكريم حوست معاها!

من فضلك احذف مشاركتك لأنك تعلم بعض الشباب ما يجهلون من طرق الفساد، و كلامك هذا خطير لأنك تجاهر بالمعصية، كيف تقوم بمثل هذه المعاصي و في الأخير تريد من الله أن يرزقك فتاة متحجبة و متدينة، إلا أن تكون تبت و التائب لا يجاهر بمعصيته،

بالنسبة للأجنبيات فعادي أنها تسافر و تلتقي بشاب من دولة أخرى من أجل المتعة، العيب أن شباب المسلمين من يفعلون هذا!

[صفاء الروح]

تهنيت منها مسلمات وملقاولهمش الحل حتى تلقا نت الحل مع وحدة صليبية
الله يهديك

[KARIO]

مليح ربي قطع بيناتكم الخيط قبل الزواج، انت مخطئ في تفكيرك، فانت تستطيع الزواج من مسيحية او يهودية حتى لو لم تسلم بل و عليك ان تحافظ على دينها و ان تعينها عليه، هي لن تقبل الاسلام لانها تعودت على ان كل شيء مباح، شيء اخر الله عز و جل هو فقط من سيحكم من له الجنة و من له النار، تكلمت معها و كانك ضامن للجنة و هذا ليس صحيح، الزواج من غير ملة سيجعل حياتكما جحيم، و الاولاد راح يحتارو اي دين سيختارون، المشكلة في العشرة الطويلة فانت لم ترى سوى البهرج الخداع، شوف للمتزوجين اللي حولك، نفس الدين نفس العادات و التقاليد و نفس العقليات ولكن حياتهم كلها مشاكل فما بالك بالاختلاف

[طيور الجنان]

طبعا اكيد مافعلته صحييييييح جدا ربي يرزقك الزوجة الصالحة المتدينة

[thorpe]

نصيحة اذا حبتك صح قوللها تجي واديها زواج وخليها تشوف الاسلام فيك ما تحكيلهاش عليه
راه يجوز تتزوج كتابية بما انها مسيحية فهي حلال محلل
وان شالله ربي يهديها
ما تبعدش نصيحة ما تراطيش مي عيش لهنا باه بنات بلادك يقعد قلبهم يحرق كلما يشوفو ولادك خاريجن ليماهم