اصدقاء زوجي

[مشكلتي]

السلام عليكم
مشكلتي باختصار هي اصدقاء او ان صح التعبير معارف زوجي لانه لا استطيع ان اصفهم بالاصدقاء
تزوجت منذ 8 اشهر زوجي مستقل عن عائلته يعني عندنا مسكنا الخاص يبعد عن منزل اهله ب حوالي 9 كلم وكحالة اي انسان عادي زوجي يذهب للعمل صباحا ويتناول وجبة الغذاء عند الوالدة لكون العمل قريب لها وفي المساء يعود لمنزلنا وينتظر نهاية الاسبوع لكي يستريح اما في منزلنا اما في منزل حماتي يعني حياة مستقرة عادية جدا الغير عادي هو شلة الفساد هاذي اللي يعرفهم اقصد بالفساد تدخلاتهم فكم من مرة يرن هاتفه يعيطله واحد منهم الناس تقول واشراك وهوما يبداوه بواش راك هارب للبلاصة اللي ساكن فيها .... واش داك تروح نتم وعلاش رحت نتم ؟ وكلام سمعته بام اذني لان هاتف زوجي صوته عالي وزوجي مش من النوع اللي ينوض باش يهدر يعني اذا رن الهاتف يهدر قدامي
المهم يلوحوله كلام ومعاني اقل ما اقول عنها من صنع بليس والله كيما نقولكم كل اسبوع انا ديما في المنزل وزوجي يجي حتى 19 سا يعني هاد الجمعة هي عيد لينا نقعد معاه يوم كامل يصبحوا على صباح ربي واحد يقوله نروحوا نتغداو واحد يقوله نتعشاو المهم وليت نحس حابين يفسدوا حياتنا
حتى البحر نسمع في واحد يقوله هيا تروح معانا للبحر نباتو سمانة ؟ هل هذا يعقل الراجل عريس جديد وعنده زوجته الحامل يروح يتبحر ويخليها تشوف مع الحيط ؟ شلة ابليس هاذوا كل سمانة والله كيما نقولكم يتبعوا فيه وهوما مش متزوجين مع العلم كانوا بكري ميسمعوش بيه خلاص غير مرة في الفال نسمع باللي راح مع اصحابه ومي تزوجنا عادوا اشتراك
هل من العادي يصرا هاد الشيء ؟انا صراحة وليت نحس فيهم حابين يخربولنا حياتنا فمهم مشرك وكلامهم سم قاعدين يعمروا فيه بطريقة غير مباشرة يا عجابة العجب السمانة الجاية عجوزتي قاتلي نروحوا للبحر راني قلت لزوجك زيدي اكدي عليه راهو ساكت حماتي المسكينة من الربيع ساخفة تروح للحمام راح مع اصحابه ومداهاش ودركا حاب يلغي هاد اليوم يفضل هادوك علينا احنا ؟
فهموني

[ام افنان48]

يا أختي خليه حتى يفهم روحه انا تاني راجلي هاك بلاك انا اكتب منك انا في الغربة خليت عائلتي وعملي وجئت هنا والله يا أختي كون نقولك كل شهرين نخرج مرة نقضي برك وصاحبه دائرين وقته مخليته على هواه حتى يصيب دواه

[mino 19]

انصحيه وقلي له زوجتك هي لي دوم لك وليس اصدقاء
جمعة =هاتف مغلق

[خالد عنابي2]

انتظري حتى يتكلم امامك معهم في امور مشابهة وانصحيه باسلوب لبق لا يجرح مشاعره

[زينة نور]

حاولي تخلقي اسباب باش مايخرجش من الدار كل مرة ديري حاجة مرة غدا سبيسيال مرات اعرضي اهلو واهلك حاولي دير حوايج سبيسيال بيناتكم يعني املي هذيك العطلة
بصح انا متأكدة بلي يجي اليوم الي يمل فيه منهم ويولي يحوس غير يقعد في دارو ربي يهنيك

[sarl02]

على حسب روايتك فزوجك لا يقضي اغلب اوقاته مع اصدقائه على حسابك انت يعني راه فالمعقول ...ولم افهم سبب انزعاجك من الاتصالات بينه وبينهم وتركيزك حتى على المكالمات الهاتفية بينهم ....لا تركزي على هذا الامر الا اذا زاد الشيء عن حده ....ولا يستطيع الرجل ان يتخلى عن صداقاته كليا بمجرد زواجه فهناك من الصداقات دامت سنوات وسنوات ....وفقك الله.

[AMINA.Z]

هذا المشكل تعاني منه الكثيرات و حسب رواياتهن الامر في بداية الزواج طبيعي.
لان الرجل لا يتغير مباشرة بعد الزواج و لا يزال لا يشعر بحجم المسؤولية لكن بعد مرور الوقت سيتمكن من تنظيم حياته بما يناسبك و يرضيك و لكن ضعي في الحسبان اصدقاءه جزء من حياته و لن يتخلى عنهم و ان كان لك صديقات فاياك و التخلي عنهن و اجعلي لنفسك حياة مستقلة بعض الشيء عن زوجك كي لا تحاصريه و لا تشعري بالوحدة .
ان كنت فتحت الموضوع معه فانصحك بالاستمرار في تذكيره لكن ليس باسلوب اللوم و الشجار و انما بليونة و بذكاء و اكرر عليك ان تراعي بان الرجل لن يجعل المراة كل حياته لكنه يحتاج للمساعدة ليستطيع التوفيق بينك و بين اصدقاءه.

[صمت الرجوله]

السلام عليكم
مشكلتي باختصار هي اصدقاء او ان صح التعبير معارف زوجي لانه لا استطيع ان اصفهم بالاصدقاء
تزوجت منذ 8 اشهر زوجي مستقل عن عائلته يعني عندنا مسكنا الخاص يبعد عن منزل اهله ب حوالي 9 كلم وكحالة اي انسان عادي زوجي يذهب للعمل صباحا ويتناول وجبة الغذاء عند الوالدة لكون العمل قريب لها وفي المساء يعود لمنزلنا وينتظر نهاية الاسبوع لكي يستريح اما في منزلنا اما في منزل حماتي يعني حياة مستقرة عادية جدا الغير عادي هو شلة الفساد هاذي اللي يعرفهم اقصد بالفساد تدخلاتهم فكم من مرة يرن هاتفه يعيطله واحد منهم الناس تقول واشراك وهوما يبداوه بواش راك هارب للبلاصة اللي ساكن فيها .... واش داك تروح نتم وعلاش رحت نتم ؟ وكلام سمعته بام اذني لان هاتف زوجي صوته عالي وزوجي مش من النوع اللي ينوض باش يهدر يعني اذا رن الهاتف يهدر قدامي
المهم يلوحوله كلام ومعاني اقل ما اقول عنها من صنع بليس والله كيما نقولكم كل اسبوع انا ديما في المنزل وزوجي يجي حتى 19 سا يعني هاد الجمعة هي عيد لينا نقعد معاه يوم كامل يصبحوا على صباح ربي واحد يقوله نروحوا نتغداو واحد يقوله نتعشاو المهم وليت نحس حابين يفسدوا حياتنا
حتى البحر نسمع في واحد يقوله هيا تروح معانا للبحر نباتو سمانة ؟ هل هذا يعقل الراجل عريس جديد وعنده زوجته الحامل يروح يتبحر ويخليها تشوف مع الحيط ؟ شلة ابليس هاذوا كل سمانة والله كيما نقولكم يتبعوا فيه وهوما مش متزوجين مع العلم كانوا بكري ميسمعوش بيه خلاص غير مرة في الفال نسمع باللي راح مع اصحابه ومي تزوجنا عادوا اشتراك
هل من العادي يصرا هاد الشيء ؟انا صراحة وليت نحس فيهم حابين يخربولنا حياتنا فمهم مشرك وكلامهم سم قاعدين يعمروا فيه بطريقة غير مباشرة يا عجابة العجب السمانة الجاية عجوزتي قاتلي نروحوا للبحر راني قلت لزوجك زيدي اكدي عليه راهو ساكت حماتي المسكينة من الربيع ساخفة تروح للحمام راح مع اصحابه ومداهاش ودركا حاب يلغي هاد اليوم يفضل هادوك علينا احنا ؟
فهموني
خليك من الكلام الفارغ تاع "حابين يخربولنا حياتنا" و عيب عليك تسمي ناس ماتعرفيهمش بشلة الشيطان و الفساذ...يدخل على السابعة هذا شيئ معقول جدا وانت راكي تحوسي عليه يكون سجين بيتك بانانيتك ...لمعلوماتك اختي الرجل ماهوش كيما المراة هو مايقدرش يتخلى على اصدقاءه و يعيش بلا بيهم لمجرد وجود امراة في حايته هاذي هي طبيعة جميع الرجال بذون اسثناء و لازم عليك تتقبليها بصدر رحب و حذاري تحاولي تقطعي علاقته مع اصدقائه

[om_hadil]

مشكل عادي جدا و انت كبرتيه ،،،، الرجل لاااا يحب الضغط و الا سينفجر.... كل الرجال هكذا ،،، مثل الطيور لاااا يحبون الاقفاص

و عيب تقولي على اصدقائه شياطين ....

[dibbilel]

مشكل عادي جدا و انت كبرتيه ،،،، الرجل لاااا يحب الضغط و الا سينفجر.... كل الرجال هكذا ،،، مثل الطيور لاااا يحبون الاقفاص

[أسيل 0022]

جوابك في كلامك يا اختاه لقد قلت أنه كان لا يسمع بهم أصلا إلا بعد الزواج فكلنا مررنا بهذه المرحلة و ليس المهم ما يقولون هم المهم ما تفعلين انت
حاولي بذكائك اللذي اكتشفت بهم كلامهم ان تجعليه يبقى كلاما في الهاتف أصلا لا أكثر و إن كانو يريدون الخروج للتبحر فليس مهما فانت من تملكين زوجك و تعرفين كيف تقومين بذلك على ما أعتقد فاذهبي معه في شهر عسل أو أسبوع حتى و إن كان يومين المهم أن تكوني معه
و في الاخير حاولي بكل فطرتك أن تجعلي كل شئ يبقى في الهاتف لا أكثر و مجرد خسارة لأموالهم

[sabrine82]

الرجل لا يتخلى عن اصدقائه بمجرد زواجه عكس المرأة تتخلى تقريبا عن كل معارفها بمجرد زواجها ربما لانك تسكني وحدك تحسي بغيابه اكثر اصبري تولدي و تنشغلي بمولودك ضرك انت تعودي تقوليلو اخرج بدل جو

[*الجنرال*]

خليك من الكلام الفارغ تاع "حابين يخربولنا حياتنا" و عيب عليك تسمي ناس ماتعرفيهمش بشلة الشيطان و الفساذ...يدخل على السابعة هذا شيئ معقول جدا وانت راكي تحوسي عليه يكون سجين بيتك بانانيتك ...لمعلوماتك اختي الرجل ماهوش كيما المراة هو مايقدرش يتخلى على اصدقاءه و يعيش بلا بيهم لمجرد وجود امراة في حايته هاذي هي طبيعة جميع الرجال بذون اسثناء و لازم عليك تتقبليها بصدر رحب و حذاري تحاولي تقطعي علاقته مع اصدقائه

بـــــــــارك الله فيك ،،،،، كفيت و وفيت

[cezar algerien]

الأمر عادي جدا وماشي بالضرورة شلة الفساد، ممكن صحابو هادو يكونو ماهومش متزوجين، يعني يعاملوه معاملة انسان أعزب،
أنصحك يا أختي لا تفريط ولا إفراط، عندو مرتو يقضي معاها وقت وعندو صحابو يقضي معاهم وقت معين في المعقول

أنا واحد من الناس لي مانقدرش نتخلى عن صحابي وحبابي ونتلاقا بيهم كل وقت ومرات حتى لل 11 تاع الليل وكلهم متزوجين، ولكن مرتي جامي قالتلي علاه ولكن في نفس الوقت وقت كبير أيضا نقضيه مع مرتي ونخرجو أنا وياها والخ

الرجل ليس كالمرأة ، الرجل لم يخلق للبيت مثل المرأة .... يحب يخرج ، يحب يبدل الجو انتي في الأوقات لي يحب يخرج مع صحابي ويسهر قوليلو يديك لدار أهلك انتي ثاني تنحي على خاطرك، يديك لعجوزتك، اشغلي نفسك بحاجات وحدخرين ماتبقايش خانقاتو

أنتي جزء من حياة زوجك ولست كل حياته، وهو جزء من حياتك وليس كل حياتك

[kalli]

الله يهدي ما خلق

[حديث الروح]

:1:حلك الوحيد.....اصنعي عالما...جميلا خاصا بك....عيشي اهتماماتك...وهواياتك...واتصالاتك...مع الصديقات والاخوات وامك....مارسي هواياتك....لا تنتظري ان يجلس بقربك ...او يحن عليك....هؤلاء هم الرجال بصفة عامة.....اجعليه مكملا لك...وانيسا...لا كوكبا تدورين حوله...:1:ربي يوفقك....:cool:

[mina924]

والله بنات الزمان هدا يحوسو يدو راجل ماشي يزوجو مع راجل بمعنى كل واحدة تزوج تحس بلي هدا العبد ملكها وما تحوس حتى واحد يشاركها فيه لا اهلو لا صحابو لا فاميلتو يعني تحجر عليه لكان هدر مع يماه تقعد معاهم بحجة راها تعمرك راسك علي مالا نلعب ولا نسمط ولاكان خرج مع صحابو راهم شلة فساد وشياطين ولاكان قعد مع بنات خالتو والا عمتو رايحين يدوه لاه هدا الراجل بوبية شراوهالك والديك مايخرج وا يقعد مع لافامي ما والو خلو القافلة تسير وراه بشوي يقعد مع الاولاد ويجي النهار اللي انت بنفسك تملي منو وتقوليلو اخرج علي فكبرو عقولكم الزواج شراكة مودة ورحمة ماهوش استعباد واستغلال بحجة رانب بالحمل

[Rimsamwaz]

ربي يهدي انشاء الله ويبعد عليكم اصحاب السوء حاولي تفهميه انك محتاجاتو اكتر منهم وانك انت شريكة حياتو ماشي هوما وفي وقت الشدة يلقاك انت وربي يصلح حالكم