هدية الخطوبة

[مشكلتي]

السلام عليكم
سأقوم بخطبة فتاة إن شاء الله الأسبوع القادم وانا في حيرة من الهدية الواجب اخذها معي ، وهل فعلا الهاتف النقل اصبح من الهدية وكما إتضح لي أنه إشارة لكي اتحدث معها وبصرحة أنا متحرج في الحديث معها ، من جهة أخرى أشارة علي أمي اخذ مبلغ من المال ب 2 مليون مع خاتم ومشروبات ، بالنسبة للكع لا يوجد خوفا من التسممات ، كما اني لا أريد أن أخذ أربعة أشخاص فقط مارأيك هل هي أمور عدية

[samirovich]

خذ لها كتاب قرآن + دبدوب + قرعة ريحة
بالتوفيق

[ام افنان48]

يااخي عند الخطوبة خد معك حلوى وباقة ورود فقط اما المال والهاتف بعد الخطوبة والخاتم يياخي وبالتوفيق

[محمد جديدي التبسي]

الهاتف لا ينصح به أبدا فهو يهدم الزواج قبل أن يبدأ
خذ معك طرطة وبعض المشروبات والفواكه وانتهى الأمر ما تصعبهاش على روحك
ولا تتبع العادات البالية
هناك من يأخذ هدايا عبارة عن عطور وعلبة مكياج لكن لا أنصحك بذلك ان كانت الفتاة تستعملهم خارج البيت فتكون مشاركا لها في الاثم
اديلها بعض الكتب الدينية تحفة العروس وفتاوى المرأة المسلمة أو ساعة يد وربي يتمم على خير

[رهف هبة الرحمان]

خد معك قاطو ولا لاتارت مشروبات فواكه هدا مكان والدراهم من بعد الخطبة والتيلفون من بعد العقد من رايي بالتوفيق وربي يكملك ان شاء الله

[bonbon]

خاتم + باقة ورد + لا تارت

و اذا اردت شيئا آخر ممكن اقراط او سوار

وفقك الله

[ام افنان48]

يااخي الدهب والدراهم بعد الخطوبة عندما تتم المفاهمة في كل شي.

[زينة نور]

اذا كنتت قابلين ببعضاكم والخطوبة هاذي رايحين تعتابروها تعارف بين الاهل خذلها طارط وخاتم وورد
ربي يهنيك

[طيب القلب]

خذ معك دبدبوب وعلبة حلويات وقارورة عطر وكتاب قرآن

[mariya buty]

اديلها لتارت وجي واعطيلها دراهم قيس متين ولا ميا حنا عندنا هاك فمسيلة وشكرا ربي يهنيك

[اخت الرجل]

قيلك متيليفون والدراهم خليهم بعد العقد اديلها تارتا ولاقاطو وديلها باقة ورد وساعة واياك الريحة والماكياجات ممكن تخرج بيهم وهاانت صنعت لروحك فخة
وبالنسبة لعدد الافراد فاربعة يكفو يعني ممكن امك واختك وجدتك اوخالتك او شي كدا ويكفي ليش اكثر وبالتوفيق
♥

[imenemalak]

أخي اول مرة ادي الخاتم وطارطة وباقة ورد هدا يكفي وكاافي ............ فيما يخص المال ولحوايج لي دكرتهم يعد الخطوبة ولا في المناسبات ........ وربي يكملك

[AMINA.Z]

الاصل انك تدي تارت و باقة ورد و خاتم
و ان اردت ادخال السعادة الى قلبها فلا باس بان تجلب اشياء اخرى
صراحة اعجبتني فكرة العطر و الدبدوب و المصحف و كتاب تحفة العروس او كتب قيمة اخرى . اما الهاتف فلا اراه مناسبا كهدية الان ربما في عيد ميلادها .
اؤكد لك انها ستفرح باي هدية كثيييرا فلا تحمل نفسك اكثر من طاقتها و لا تبالغ .

الف مبروك

[سفير الأيام]

انت حاب تخطب تمد الكلمة ولا تركب الخاتم فه روحك

الخطبة الاولى كي تروح تمد الكلمة وتشوف الطفلة مع المحرم ديالها

دي معاك كعكة بزاف عليهم وكي يردوا لكم الكلمة بالقبول هنا خويا وجد روحك باه تروح

وتتفاهموا على الشروط هنا دي لها مصحف و عطر و لباس الحجاب


وعند تفاهمكم كليا على الشروط يبقى لك الدفوع

عاود رجع بتحديد اليوم المناسب و ادفع المبلغ المالي حتى تتبقى لك الطفلة ضمان لكن انصحك عدم العقد قبل مدة زمنية كبيرة من اقامة العرس

لانه في كثير من الاحيان تنشا خلافات وغالبا ما يكون نهايتها الفراق

غير تخسر المبلغ المالي ولا تخسر المبلغ وزيد تحط لها كامل الشروط ديالها من مهر




اخر نصيحة


تجنب الهاتف النقال هو سبب المشاكل


انت تخطبها خلي معزتها في قلبك والهيبة بيناتكم كون كالغيام وحرز تخطبها تظل داخل خارج من عندهم على جال شي عباد كابهائم والعياد بالله الحرمة تخلاو عليها

يبقى في الحق راك عارف العيدين والعواشير

اما عيد المراة والشكيل ليس من الشريعة لكن تنجم تقدم لها ان استطعت ورايت ان الهدية توطد العلاقة اكثر

المهم : تجنب الالتصاق بالحكايات صباح وعشية في الهاتف نهارات الاوائل عسل بصح غادي تولد الملل والهم

[first first]

ذا كانت خطبة غير رسمية يعني رايحين تهدرو برك وتطلبو يدها فطارطة قاطو + دراهم 2000دج او اكثر تكفي ...... انت ومقدورك
اما اذا كانت خطبة رسمية ...........يعني تفاهمتو ورايح تلبسلها خاتم الخطبة كاعلان للخطبة ............ فالخاتم وقاطو وباقة ورد ..............تكفي وتوفي
يمكن ان تضيف قارورة عطر مرفقة بمزيل روائح وجال دوش من نفس الماركة على سبيل المثال لكن اعتقد انه يمكنك الاستغناء عن ذلك .
بالنسبة للدبدوب براي؟ ............لايصلح البتة خاصة في مناسبة الخطبة ............بصراحة الناس عقليات وهناك من تضحكها قصة الدبدوب واخرى قد تبكيها ولااعلم ان كانت هناك من تسعد به؟؟؟؟؟؟لان غالبا هذيتك يوم الخطبة ستكون على مراى الجميع فاختر شيء فيه فائدة والدبدوب سامحني ...............سيقلل من شانك..........وان احترت ستاتي المناسبات واهذها على راحتك

حتى لايزعل اهل الدباديب .................الدباديب حلوة ..........لكن في سائلر الايام
ربي يتمملك بخير

[dibbilel]

اذا كنتت قابلين ببعضاكم والخطوبة هاذي رايحين تعتابروها تعارف بين الاهل خذلها طارط وخاتم وورد
ربي يهنيك

[نرجس37]

اذا كنت راح تشوف الطفلة لاول مرة ادي معاك طورطة لا شيئ اخر واذا كان رايح تقطعوا الشرط يعني الرجال راح يكملو الهدرة كيما نقولو فخذ معك هدية على حساب مقدورك خاتم بسيط يوفي الغرض اضافة الى طورطة و باقة الورد وبالنسبة لحفلة الخطبة الامور باينة و بالنسبة للدبدوب ننصحك ما تديهش ما يوالمش هاد المناسبات وحتى الهاتف ايضا مازال يمات اخرين اهديلها واش تحب بصح على حساب مقدورك لان المهم الهنا بعد الزواج

[labed bisen]

ادي تارت تكون مليحة
وزيد ادي سلة يكون فيها انواع فواكه لي قدرت عليها
وادي خاتم الخطوبة
وهاذي نتاع تدي هاتف لا نتارايح تخطب ملزمش تدي حاجة هك خليها في العيد او مناسبة اخري
والكتب الدينية وعلاش رايح دير محاضرة ولاتخطب

[ام آدم]

ربي يسهلك ادي واش قدرت لا تكلف نفس الا وسعها

[سهيلة2013]

راك عاد باغي تخطب لا تارت و الفاكية ومن بعد ك تتفاهمو الدي شا تبغي

[cezar algerien]

أدي بياس مونتي + الخاتم + 2000 دج

إذا عجباتك الطفلة اعطيها الخاتم (ماشي انت تديرهولها) وزيدلها الدراهم وإذا ماعجباتكش اعطيلها الدراهم برك

بالتوفيق