شريت petrin ممكن تنصحوني؟؟

[ام نور78]

السلام عليكم أخواتي ..الحمد لله شريت petrin ماركة h-koenig وبحثت عليها في قوقل والحمد لله ماركة مليحة ..لكن بغيت كل وحدة عندها من هذا النوع او نوع أخر مثل :bomann - kenwood -kitchenaid تساعدني في طريقة الاستعمال وبعض نصائح الحفظ والوصفات اللي ديرهم فيه ...الخ وشكرا
http://www.mrkzgulf.com/do.php?img=24921

[ام نور78]

52 مشاهدة ولا رد ؟؟؟؟؟؟؟؟؟؟

[أم عمار السطايفية]

انا عندي بومان استعمله لصنع المطلوع والمفرمسة وكل عجائن الفرينة كما استعمله لفرم اللحم و صنع العصائر و الله اصبح اليد الثانية لي لكن حذاري تستعملي فيه الكسرة تاع السميد راهو ما يقدرش عليها موفقة

[fatisousou]

انا كذالك عندي بومان نستعملوا في كل شيء الا الكسرة تع السميد

[منال100]

السلام عليكم
انا عندي كنوود نستعمل فيه كل شيء ولكن احترم الاوزان
يعني يجب ان تقرأي الكتيب الذي جاء معه جيدا فهو شارح كل شيء واذا احترمت المقادير والمقاييس فراح يشدلك بزاف
مبروك عليك والعاقبة لشيء آخر

[first first]

على حد علمي اختي كل انواع العجانات التيي ذكرتها موجهة للفرينة بالدرجة الاولى لذا حاذري عند استعمال السميد

[يووفااالطائر]

يجب ان تقرأي الكتيب الذي جاء معه جيد

[ميمي مازوني]

السلام عليكم.انا عندي pitren من نوع brand شكون لي عندها كيفه تقولي كي دير تخدم بيه ورلله يجازيها بلخير

[rrahma]

هناك عجانات مخصصة للسميد ك سانتوز مثلا

[♥ياسمين عاشقة العلم♥]

طاطا مبرووووووووووووووووووك عليك ان شاء الله تستعمليه بالصحة والهنا حتى ماما عندهاpetrin وحساب ماقتالي الماركةةةة تاعك ممتازة بصح ولا كان البيتران يرفد 3كيلو انت حطي فيه غير واحد اونص والى اللقاء

[أم عروة]

اختي انا عندي بومان كومبلي نعجن بيه مع احترام الاوزان كيما قالولك
ندير العصائر
نرحي اللحم
على كل فيه العديد من المزايا ماشاء الله

ولكن كيما قالولك الاخات بالاكي الكسرة تاع السميد

[ام مؤمن]

من فضلكم واش من ماركة او نوع عجانة مخصصة لعجن كسرة السميد هل المقصود ان كل العجانات غير صالحة لعجن كسرة السميد او عجينة الفطير او عجينة الشخشوخة

[om lara]

لالا اكيد ديري فيها كسرة السميد و الشخشوخة و كل شي فقط احترمي الاوزان راهي عندنا منذ مدة طويلة بومان نديرو فيها كسرة السميد عادي جدا

[ام مؤمن]

لالا اكيد ديري فيها كسرة السميد و الشخشوخة و كل شي فقط احترمي الاوزان راهي عندنا منذ مدة طويلة بومان نديرو فيها كسرة السميد عادي جدا

يعطيك الصحة كي جاوبتيني ربي يفرحك انا حابة نشري ماركة كينوود و كلما نقرا تعليق يقولو حذاري من كسرة السميد و الله توسوست و انا حابة نشريها باش نعجن فيها الكسرة بالدرجة الاولى و المعجنات الأخرى كيما تاع الشخشوخة او الفطير يعني اللي يحتاجو جهد في العجن المفروض ان العجانة هذه هي خدمتها العجن و الاكسسوارات الاخرى تجي مبعد
راني درت موضوع في نفس القسم ماقدرتش نحط الرابط راني من الهاتف

[أم بسملة]

بصحتك ام نور ان شاء الله يفرحك ربي في القريب العاجل
وربي يدوم الهناء :)
كي نجي نزورك ان شاء الله نشوفو بلاك نشري واحد ام عبد الرحمن و انس راه مسلم عليك بزاف :d

[rayen73]

من فضلكم واش من ماركة او نوع عجانة مخصصة لعجن كسرة السميد هل المقصود ان كل العجانات غير صالحة لعجن كسرة السميد او عجينة الفطير او عجينة الشخشوخة
أنا عندي Kenwood major والله روعة تُعجن فيها كسرة مطلوع العدد من 4. 5 خبز الدار بالفرينة واكتر شيء سميد والشخشوخة والمفرمسة وجميع انواع الحلويات ، نرحي اللحم نعصر الفواكه نحلل بها البقلاوة ونرحي الخضر مثل الجزر انواع السلطات طبعا اذا اشتريتها بجميع اكسيسواراتها هي غاليه شوية لكن والله رائعة اشتريتها في 2010 ب 8 ملاين،.....

[محبة رسول الله]

انا ندير فيها عجن كسرة السميد نورمال تعجن مليح
فقط كيما قالولك اخواتي احترام الكمية وكلشي عجينة البيتزا لانو عجينة البيتزا تلصق في الايدي البيترا تسهل عليك
والقاطو والميرانغ وقدااااااه من حاجة اختي مبروك عليك