الصغيرة قبل الكبيرة

[مشكلتي]

انخطبت قبل اختي الكبرى و لااحس بالسعادة كنت اتمنى ان تتزوج قبلي
في عمرها 28 و انا 26 ......احس انها تغار و تكرهني و اليوم ضربتني
تحوسلي علا سبة باش تضارب معايا ...لااحس بالسعادة ..كرهت حياتي
علا عكس صديقتي تزوجت قبل اختها تكبرها ب4 سنوات هيا لي خيطتلها التصديرة و فرحتلها ماشي كيما اختي انا
قاتلي منحضرش للفاتحة و خلاتني ندير الميناج وحدي
وش الحل

[amira1989]

ربي معاك ياا اختي

[ddalal]

ربي يجبلها المكتوب

[مجرّد إنسان]

عامليها بالحسنى وحاولي أن تشعريها بأنّك تحبين لها الخير

يقول تعالى:
(ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)

[مناد بوفلجة]

مجرد وسوسة أنتي تعانين منها

[- بصمة خير -]

راجعي نفسك كيفاه راكي تتصرفي معاها
و الا كيفاه تصرفتي لما تخطبتي

و شوفي صاحبتك كيفاه تصرفت لما تخطبت قبل ختها

شوفي روحك و من بعد شوفي ليها

ادعيلها ربي يرزقها الزوج الصالح

[ايمان4]

اؤيد الاخت اعلاه راجعي نفسك كيفاش تصرفتي معاها لانها مستحيل توصل معاك هاكا غير هاكك انت راكي تديري تصرفات توجع القلب و تقولي كلام جارح بدون ما تقصدي لانها في الاخير تبقى اختك مستحيل ما تبغيلكش الخير و من قبل ما تحاسبيها حاسبي عمرك و ان شاااء الله يا ربي يجيبلها ح المكتوب وليد لحلاك لي تتهنى معاه اختك مسكينة خاطرش شعور صعب ليها اتفهمها مسكينة واعرة عليها بزااف بزااااف ... و انت تاني ان شاء ربي يكملك و ما تحسبيش روحك عليها يالك هادي هي السبة لي خلاتها تكرهك .....

[نُـون]

السلام عليكم ورحمة الله وبركاته


أظن أنّك تنظرين للأمور من زاوية حرجة
ولا بأس ما دامت أختك، كلّ شيء يمضي فقد تكون غيرة زائدة
بالنّسبة لي تزوجت جميع أخواتي الأقلّ سنّا منّي ومرّ الأمر بشكل طبيعي بل أنا من شجعتهن على الزواج
كلّ واحدة ومكتوبها
إلاّ أنّ أختا أكبر منّي وقبل عشر سنوات رفضت الأمر وحلفت يمينا ألاّ تخرج أيّ منّا قبل أن تتزوج هي
وكان لها ذلك :)
دعيها ولا تزيدي حجم غيرتها والزمن كفيل بأن ترضى
ولا تعطي الأمر أكثر ممّا يستحق
فكلّ الفتيات يتزوجن (جات غير على أختها)


مبارك لكِ

[عبدو 90]

كلش راه بالمكتوب وانت عليك تصبري

[houssem zizou]

لن تجدي حلا لهذه المشكلة مثل العفو عنها و الصبر على أذاها
فأنت إن عفوت عنها زادك الله عزا و انقلبت تلك العداوة إلى مودة و محبة ألا تقرأين قوله تعالى: (فإذا الذي بينك و بينه عداوة كأنه ولي حميم)

[خالد عنابي2]

كي تقلقك قوليلها :

كل شيئ بالمكتوب

وخليها تفهم بلي راكي فاهمة وش يدور في راسها وهكذا تتوقف

[ROMMEL]

تفكرت قصة نبي الله يوسف

[sarl02]

انت لا حرج عليك واختك هاته من شدة غيرتها وحسدها اصبحت في عداد المرضى النفسيين وما عليك الا ان تكوني اكبر منها عقلا ورزانة ورجاحة الى ان تذهبي لبيت زوجك ....الغريب انها ليست في سن كبيرة جدا لكي تغار منك لهاته الدرجة والله هناك من في سن 40 و45 واشرفو هم على تزويج اخواتهن الاصغر منهن ...قولي لها لها ان تصفي خاطرها وقلبها لتنال مرادها من رب العالمين ...وفقك الله.

[AMINA.Z]

ما ديريش عليها
اذا كانت الاسباب تافهة خليها وحدها تشعلها و انتي ابقاي ساكتة و كي تكمل قوليلها ربي يهديك
و ااحكمي في روحك على قد ما تقدري
مع الوقت راح تفهم بلي اي غالطة و بهدلت بروحها
و الله يا اختي ما كي وحدك نفس المشكل بنات خالي راهم فيه .
ربي يهدي ما خلق

[محبة حبيب الله]

السلام عليكم
انا كمان اختي الثانية تزوجت قبل اختي الكبرى و حصل بعض المناوشات بينهم مضى 5 سنوات ولا زال هناك بعض المشادات الكلامية الصغيرة
لكن الحمد لله الغالب الان السلام و الهدنة
انصحك اختي ان تصبري عليها و ان تكوني مرنة في التعامل معها لانها تشعر انها عانس او انها هي من يجب ان تتزوج اولا
ادعي لها ان تتزوج و ان ربي يرزقها الصبر و الرحمة
مثلا اهديها هدايا تحبها -هكذا فعلت اختي و نجح الامر معها-
لكن انصحك انلا تدعيها تتحكم فيك او تمرر كلامها عليك افعلي ما ترينه ينفعك لكن دون ان تجرحي مشاعرها
هذي تجربة اختي .....كان الله في عونكما
و مبروك خطبتك و زواجك الله يسعدك و يرزق اختك الزوج الصالح

[اخت الرجل]

ربي يجيبلها زوج صالح وانتي حاولي تبينيلها بلي تحبيها وربي يسرلك امورك

[جزائرية بافتخار]

والله حيرتيني اختي
كاين ناس يفكرو هكا ؟؟؟؟؟؟؟؟؟؟؟
انا اختي اقل مني ب 2عامين وتزوجت قبلي وعندها طفلة ربي يحفظها بالعكس انا اللي زوجتها وتخلي عندي بنتها وتروح تخدم بالعكس تشوف فيها بنتي انا ماشي بنتها هي
وكون يجيب ربي عريس لاختي الاخرى اللى اقل مني ب 4 سنوات ربي يسهل بالعكس انا اللى نوّجد لعرسها ونبعثها لعريسها
ربي يسهل لبنات امة محمد- ص- ويرزقنا الازواج الصالحين اللي يخافو ربي
اختي راجعي روحك بالاك الغلطة منك

كي تروحي تشري حاجة لروحك تع العرس اديها معاك وشاوريها على الحاجة الصغيرة قبل الكبيرة وشوفي واش ناقصك وشاوريها واش راح تديري
وبيناتنا ماكانش وحدة تفرحلك قد اختك
ربي يسهلك ويفرج على اختك

[first first]

ربما غارت منك ..............لكن لعلها تمر بفترة صعبة لاغير
ادعيلها رب يفرحها كيما فرحك ويتمملكم الاثنين بالخير

[dania12]

راهي اختك ما تراعيلها ولازم والديك يدخلو ويهدو اوضع

[Nada Alomer]

كل وحدة و مكتوبها

[dibbilel]

ربي يجبلها المكتوب