الاقامة الجامعية

[lordgaga]

السلام1
ارجو من الاخوة الكرم1

1- افادتنا بخصوص تجربة الاقامة ?????

2 التدابير للتوفيق بين الدراسة و النضافة و الطبخ لان الصحة هي الاهم
????
3و كيف اجد اكل صحي????
4- كيف يمكنني ان اطبخ ???
5التدابير لكي اجعل هاته الحياة سهلة لكي استطيع الدراسة ?????
:sdf:

[اكرام13]

كل واحد والتجربة نتاعو هاد الامور تعرفها كي تكون في امر الواقع
ضروف تختلف من شخص ال اخر

[اكرام13]

المهم الانسان مايخالطش عباد ميعرف عنهم والو والباقي كلش ساهل

["نور الجنة "]

انا ماخالطت حتة وحدة عايشة في شمبرتي وحدي...البينوم نتاعي تجي مرتين في الشمانة برك ..قرايتي و القدام .. والطبخ كل مرة و كيف ياكمات تكون شارجي القراية نطيب حاجات خفاف برك و مين نكون الاز نتهلى في روحي ...الاغلب غدائي نشري من برة و العشاء نطيبو...........نصيحة لس نوصيك عليها ما تخالطي حتة وحدة ..خير مساء الخير ..متطمعيهمش يديؤو جمايع في غرفتك و ربي يسهل ان شاء الله ........راح تجيك صعيبة في الاول لكن راح توالفي .

[NOUR IMAYA]

السلام1
ارجو من الاخوة الكرم1

1- افادتنا بخصوص تجربة الاقامة ?????

2 التدابير للتوفيق بين الدراسة و النضافة و الطبخ لان الصحة هي الاهم
????
3و كيف اجد اكل صحي????
4- كيف يمكنني ان اطبخ ???
5التدابير لكي اجعل هاته الحياة سهلة لكي استطيع الدراسة ?????
:sdf:

و عليكم السلام ورحمة الله تعالى وبركاته

أولا

مبروك عليك الباك العاقبة لليسانس والماستر والدكتوراه بإذن الله
المهم
الإقامة تبان تخوف تسكني بعيدة على داركم ومع ناس ما تعرفيهمش مي من بعد توالفي نورمال وتولي تضحكي على روحك
بون
النظافة باينة..تديري الدالة مع البنات اللي تسكني معاهم كل يوم تسيق وحدة حنا كنا نسيقو مرة في السمانة مي ما تخرجش انا بالنسبة ليا نحب كل يوم تتسيق... الطبخ تاني نصيحتي طيبي وحدك بويسك كاين اللي يدريو الدالة كل يوم تطيب وحدة مي ماشي قع آفار و ثاني ما تكثريش طياب تصيعي الوقت كولي في الريسطو ولا طيبي حاجة خفيفة غلي الروز ولا البطاطا ولا البيض وخضر وهاذو العفايس و ما تكثريش ماكلة برا بويسك تمرض برك...وكولي مليح افطري مليح الصباح
الدراسة أول حاجة
شوفي على حساب قرايتك غذا كان عندك بزاف ولا لالا وعلى هذا الأساس شوفي إذا تقدري تطيبي ولا كشما تديري
حاجة وحدوخرا... ما تخالطيش أبدا أبدا مطلقا البنات خاصة اللي معاك في الشومبر خلي علاقاتك رسمية و انتبهي لنظافتهم اذا شفتيهم ما ينقوش موراهم قوليلهم بويسك من بعد تولي الشومبر بوبال أعزك الله
و من النهار الأول اغلقي خزانتك ولمي دوزانك و بينيلهم بلي ما تحبيش اللي يلحقلك لدوزانك

و النهار الأول اللي تروحي شغلي سورة البقرة للحتياط بويسك الإقامة في الصيف واحد ما ساكنها
و نقي السرير تاعك و نقي مع البنات الشومبر كامل وتفاهمو على السيستام مثلا البلايغ يبقاو برا الباب ولا تدخلوهم و الضو وقتاش يطفا بويسك من بعد تولي كل وحدة تحوس على الزلة لاخرى


و مارانيش نخوف فيك برك العام اللي فات ديت تجربة وخبرة مليحة
مالقري عام برك مي تعلمت بزاااف
وووووو حاجة أخرى مهمة
حافظي على صلاتك بالاك توخريها لأي سبب من الأسباب وأذكارك و القرآن بشكل يومي
و قرايتك طبعا و ما تبينيش بلي راكي فاهمة إذا سقساوك جاوبي سينون شدي فمك بويسك يبدا شغل الغيرة




عييت:d


اوووو
في أمان الله

[lordgaga]

انا ماخالطت حتة وحدة عايشة في شمبرتي وحدي...البينوم نتاعي تجي مرتين في الشمانة برك ..قرايتي و القدام .. والطبخ كل مرة و كيف ياكمات تكون شارجي القراية نطيب حاجات خفاف برك و مين نكون الاز نتهلى في روحي ...الاغلب غدائي نشري من برة و العشاء نطيبو...........نصيحة لس نوصيك عليها ما تخالطي حتة وحدة ..خير مساء الخير ..متطمعيهمش يديؤو جمايع في غرفتك و ربي يسهل ان شاء الله ........راح تجيك صعيبة في الاول لكن راح توالفي .

mais ama i9ama li konti fih w7dk ana n9ra nchlh f l'école supéerieur d'hydraluique -blida ????