تًحويــل من طـب الـى محروقــَات ْ #استفسار

[ʀᾄмἷ łᾄʀ]

السلام عـليكم و رحمة الله وبركآأــتــه ,!!

بسم الله الرحمآأن الرحيم ,,,

أريد ان أستفسـر عن ان كان بإمكـأني تغيـير اختصاص من الطب بكلية بن عكنون ألــى محروقات بمرداس ,.

وماذا يـلزم !! ..

[samirovich]

يا أخي في المحروقات تدرس 5 سنوات حتى تصبح ماستر
باش تروح للصحرا تصرعك الشمس
وفي الطب 7 سنوات وتفتح عيادة تحت داركم
5-7=2 عامين بيناتهم والو...
أبقى في الطب احسنلك
فكر جيدا قبل التحويل

[ʀᾄмἷ łᾄʀ]

اذاآ قــريــت طــب لازم 12 ســنة بــاه تـدير التخصص ! طبيب عام أفضل بطال عليــه
و زيـد طب في الجزائــر هو طمس للمواهب ,, فالنجاح فيـه ماهو الا حفظ ببغائي

[مريم عادل]

اخي من قال لك ان 7 سنوات وخلاص اليوم الطب بلا تخصص ولا شيء والتخصصات من 4 الي 5 سنوات زائد الخدمة المدنية اعتقد من 3 الى 4 سنوات لدى الدولة
والاخ مادام قرر يغير فهدا دليل انه لا يريد الطب وتخصص المحروقات هو تخصص رائد كما يوجد تخصصات تقنية اخرى لا تقتل الابداع

[bac2015]

انا وجهوني للمدرسة العليا للاعلام الالي بالجزائر وراني حاب نتحول للطب
بالنسبة لك تقدر تتحول عادي .. التحويلات تبدا في سبتمبر ان شاء الله
والاخ قالك الشمس تصرعك في الصحراء مكاش منها هادي
ادا كنت قاري وعندك منصب جيد في الصحراء ستعيش حياتك افضل والصحراء كدلك فيها بنايات وشركات وغيرها يعنني مش كيما نتخيلوها هه
بالتوفيق اخي
كم معدلك

[منال]

وي سجل مجسين نورمال و مع دابي تاع سبتمبر اعمل ترونسفار تاعك

[**خليصة **]

انا وجهوني للمدرسة العليا للاعلام الالي بالجزائر وراني حاب نتحول للطب
بالنسبة لك تقدر تتحول عادي .. التحويلات تبدا في سبتمبر ان شاء الله
والاخ قالك الشمس تصرعك في الصحراء مكاش منها هادي
ادا كنت قاري وعندك منصب جيد في الصحراء ستعيش حياتك افضل والصحراء كدلك فيها بنايات وشركات وغيرها يعنني مش كيما نتخيلوها هه
بالتوفيق اخي
كم معدلك

مبروك عليك اخي التفوق
فقط اردت ان تزودني بملخصاتك
ان امكنك فعل ذلك و جزاك الله خيرا

[aymen01]

البارح برك و ين اكدتو التسجيل درك حاب تبدل

هذا غير توسويس قرار ما تقدروش تتخذوه و حابين تكملو تقرو

[boughaba mohamed]

يا أخي يمكنك القيام بالطعن وإذا كان معدلك يفوق او يساوي معدل القبول في التخصص فسوف تناله بسهولة وهذا ساري بالنسبة لجميع التخصصات , أما عن الذي يقول ان الشمس ستقتلك في الصحراء فهو من المؤكد جاهل وأؤكد لك انه لايعرف شيئا لأن الكثيرين يعتقديون ان الصحراء مثلما يصورونها في التلفاز مجرد رمال وجبال صفراء وهذا خاطيء

[exellance]

حتى الطب رااائع لكن لاازم تحب التخصص حتى تبدع فييه

نعم تقدر دييير تحويل في بداية السنة

عندي سؤال المسيلة نظن يوجهوهم لسطيف مش بن عكنون ولا فقط هذه السنة ?

[نميرة 07]

تقدر تفتح عيادة بسهولة ؟؟ هادي نكتة و الله ... لا اقصد الاهانة بصح راح تتعب بزااف .. الطب مهنة نبيلة و شريفة لا اختلف معك بصح نص حياتك تروح فيها .. كي يولي عندك 30 عام تبدا حياتك و كي تشوف لور تلاقي ناس بدات قبلك ...7 سنوات تولي طيبيب عام زيدلهم 5 سنين تاع التخصص بلا حوايج بزااف ديرهم قبل ما تحل العيادة .. على العكس المحروقات اذا اجتهدت فيها يروح بيك الزمان ..و البترول ماهوش حكر على الجزائر فقط و الصحرا .. ما تشوفوش عندكم رجليكم
و كل واحد و الميول نتاعه

[boutaina21]

مبروووك لك أخي النجاح بامتياز

بخصوص التحويل حسب ما سمعت في سبتمير تقوم بدفع ملف التحويل للجامعة التي تريد التوجه إليها

مووفق

[عبد الرؤوف24]

تخصص المحرووقات هته السنة اعلى من طب والله فيهم فى زوج مستقبل ع انو الطب يستلزم جهد اكبر بكثير

[ʀᾄмἷ łᾄʀ]

exellance

درتـ الاقامة ولاية الجزائر !

[ʀᾄмἷ łᾄʀ]

boughaba mohamed

ن‘ــعم أخي الكريم ناجح بتقديـر امتياز ! ~

[exellance]

......................

[exellance]

exellance

درتـ الاقامة ولاية الجزائر !

ممكن تشرحلي كيفااش حتى درت هكدا اخي وعذراا على الازعاج

[ʀᾄмἷ łᾄʀ]

exellance

اقأمـتـي في الجزائر العاصمــة !!

[TheMan]

السلام عليكم
أخي أنا أيضا مثلك أريد التحويل ألى المحروقات
لكن هل يشترط الأقامة في العاصمة ؟

[أمل الاسلام]

المحروقات ....افضل بكثير على الطب بالنسبة للرجال ....تقرى 5 سنين والخدمة مضمونة ادا ماشي هنا في الخارج

يعني كانت ضمن اختياراتي ....درتها مع الرابعة مي قالولي خدمتها تاع رجال -_- ....و نروح نخدم في الصحرا سكنة كاين كل شي متوفر وعندي امتيازات خير من نقعد هنا نتعدب في الصبيييييطار >_<

وبالنسبة للتحويل تسجل في الجامعة عادي وفي سبتمبر دير تحويل ولكن روح لجامعة بومرداس قبل ما تخرج دوسي ديالك من بن عكنون وسقسيهم

وانت كي ديت الباك يتقدير ممتاز يسهلولك كلش ان شاء الله

[TheMan]

سمعت أنه يشترط أن تكون عند غيسيدونس في بومرداس هل هذا صحيح ؟

[hamzagolf6]

اخي اذا كان لك معدل دخول esi الجزائر او المدرسة العليا الوطنية لمتعددةة التقنيات قم بالتحويل لاحداهما
بخصوص المحروقات لا انصحك بها لان نضام الدراسة lmd التخرج بشهادة ماستر فقط (قديم كانت متعاقدة مع سونطراك )
بعد التخرج يجب ان تتددخل iap سنتين وشوفلك اذا تلقا خدمة
او حول لطب اسنان مثلي :)

[ʀᾄмἷ łᾄʀ]

hamzagolf6

نعم يسمح ليــ لكن أبقـى أفضل محروقات