إلى كل من إجتاز باك حر سابقا وسجل بالباك الجديد

[*محب النجاح*]

السلام عليكم
هل يوجد هنا من فوت الباك حر سابقا وسجل بالباك الجديد
يقولنا وش هي الإجراءات لي يديرها الحر خاصة ملف المنحة وسحب الباك الأول
وبارك الله فيكم

[kader41]

باك 2011 بلوكيت وسجلت باك 2012
ملف المنحة نفس الملف المطلوب عادة لا يتغير من حر الى متمدرس
أما سحب البكالوريا لم أسحبها مازالت في الجامعة الأولى التي سجلت بها
ربما تكون مجبرا على سحبها ان كنت ستسجل في نفس الجامعة بالباك الجديد

سلااااام

[*محب النجاح*]

بارك الله فيك أخي

[رميساء خولة]

القانون الجديد اقول سحب البكالوريا

كاين جامعات طبقوه وكاين لي لالا
اخي محب النجاح مادا وجهت ............................

[la pierre précieuse]

انا رحت اليوم نسحب قالولي روحي.مركي و في سبتمبر ارواحي اسحبي
بصح خايفة نلقئ مشاكل ف التسجيل
يا رب
ماذا عنكم

[فيصل.المخادمة]

باك 2011 بلوكيت وسجلت باك 2012
ملف المنحة نفس الملف المطلوب عادة لا يتغير من حر الى متمدرس
أما سحب البكالوريا لم أسحبها مازالت في الجامعة الأولى التي سجلت بها
ربما تكون مجبرا على سحبها ان كنت ستسجل في نفس الجامعة بالباك الجديد

سلااااام

السلام عليكم أخي

انت قلت بلي راك بلوكيت الباك ... هل تظن بأن هذا الأمر غير سيء. ؟ أرجوك أأفدني

[*محب النجاح*]

القانون الجديد اقول سحب البكالوريا

كاين جامعات طبقوه وكاين لي لالا
اخي محب النجاح مادا وجهت ............................

ميرسي أختي على المعلومة
تم توجيهي للطب والحمد لله

[*محب النجاح*]

انا رحت اليوم نسحب قالولي روحي.مركي و في سبتمبر ارواحي اسحبي
بصح خايفة نلقئ مشاكل ف التسجيل
يا رب
ماذا عنكم

أنا تاني مثلك
خاصة أنو الإدارة نتاع تخصص قديم مغلقة حاليا وتفتح في سبتمتبر
إحنا نروحو نسجلو عادي وفي سبتمبر نسحبو

[la pierre précieuse]

أنا تاني مثلك
خاصة أنو الإدارة نتاع تخصص قديم مغلقة حاليا وتفتح في سبتمتبر
إحنا نروحو نسجلو عادي وفي سبتمبر نسحبو

ايه هذا هو الحل
نسجل غذا باذن الله و في سبتمبر نولي
اي ولاية جامعتك القديمة

[la pierre précieuse]

اي جامعة اخي?

[فخامة انا]

السلام عليكم
نفس الاستفسااار
راني نخااايف نشقا باااااااطل
تباا هي كل جامعة كيفاااااش كاين لي يقبلوا عادي وكاين لي يقولك جيبلي الباك لقديم معااك وكاين لي يقووولك الوصل تع السحب

[la pierre précieuse]

يا ربي مانلقا حتى مشكل يا ربي
لانهم ماحبوش يمودولنا السحب
كي اش رايحين نديرو درك

[ali1994k]

في سطيف طلبو من تعهد بلي نقرا تخصص واحد
بالصح في العاصمة طلبوا مني نسحب الباك

[المتميز فيرو]

في سطيف طلبو من تعهد بلي نقرا تخصص واحد
بالصح في العاصمة طلبوا مني نسحب الباك

كيف عرفوا انك مسجل بباك اخر هل قلت لهم دلك ام وجدوها في الحاسوب؟

[la pierre précieuse]

في سطيف طلبو من تعهد بلي نقرا تخصص واحد
بالصح في العاصمة طلبوا مني نسحب الباك

و كيفاش درت?
سحبولك نورمال ؟
و التعهد درتو نتما بعد ؟ في مكان التسجيل و في نفس اليوم?

[المتميز فيرو]

انا رحت اليوم نسحب قالولي روحي.مركي و في سبتمبر ارواحي اسحبي
بصح خايفة نلقئ مشاكل ف التسجيل
يا رب
ماذا عنكم

و كيف علموا انك مسجلة في جامعة اخرى هل اخبرتهم ام سألوك ام وجدوها في الحاسوب؟
و شكرا

[la pierre précieuse]

لالا مرحتش نسجل
رحت ديراكت للجامعة القديمة نسحب
ولكن اغلب الظن انهم يعرفو من الحاسوب

[المتميز فيرو]

لالا مرحتش نسجل
رحت ديراكت للجامعة القديمة نسحب
ولكن اغلب الظن انهم يعرفو من الحاسوب

لكن ان كنت تسجل في جامعة في ولاية اخرى عن الجامعة التي سجلت بها الباك الاول؟

[kader41]

السلام عليكم أخي

انت قلت بلي راك بلوكيت الباك ... هل تظن بأن هذا الأمر غير سيء. ؟ أرجوك أأفدني

ما بلوكيتش الباك بلوكيت عام واحد فقط وعند التسجيل جبتليهم وثيقة بلي بلوكيت العام تصبح تربح والباك الأول مازال في الجامعة الأولى يعني لو نحب ندرس بيه ندير transfer وندرس عادي على عكس الباك المسحوب قالولي تقريبا يصبح دون فائدة
المهم أنت الى درت التخصص لي راك حابو ما تفرقش الباك القديم اسحبوا واتهنى

[hiso4a]

في سطيف طلبو من تعهد بلي نقرا تخصص واحد
بالصح في العاصمة طلبوا مني نسحب الباك

خويا منين جبت هذا التعهد من تما؟ ولا رحت ووليت ؟ لاني راح نسجل في سطيف تاني صحيت

[la pierre précieuse]

ما بلوكيتش الباك بلوكيت عام واحد فقط وعند التسجيل جبتليهم وثيقة بلي بلوكيت العام تصبح تربح والباك الأول مازال في الجامعة الأولى يعني لو نحب ندرس بيه ندير transfer وندرس عادي على عكس الباك المسحوب قالولي تقريبا يصبح دون فائدة
المهم أنت الى درت التخصص لي راك حابو ما تفرقش الباك القديم اسحبوا واتهنى

اااا تسما كي نديلهم الورقة بلي اني بلوكيت يقبلوها نورمال و يمركيوني?

[*محب النجاح*]

أنا في تلمسان
المشكل السحب حتى سبتمبر

[*نسيم الفجر*]

نقلك حاجة روح سجل بصفة عادية و في سبتمبر اسحب الباك تاعك باش ما يديرولكش المشاكل بالتوفيق

[Lina Benb]

محب النجاح مادا تم توجيهك والى اين؟

[*محب النجاح*]

محب النجاح مادا تم توجيهك والى اين؟

الحمد لله الطب في جامعة تلمسان
وأنت ؟

[ميار الصحراوية]

السلام عليكم أنا جوزت هاذ العام باك حرة ونقرا في الجامعة ماجبتوش بالمعدل اللي كنت حابة، حبيت نكمل سنة ثانية في التخصص تاعي
راني حابة نسجل بالباك الجديد ونبلوكي العام يعني مايقبلوليش هكذا على حساب أقوالكم ؟؟؟؟

[*محب النجاح*]

نقلك حاجة روح سجل بصفة عادية و في سبتمبر اسحب الباك تاعك باش ما يديرولكش المشاكل بالتوفيق

صح أختي أنا تاني كنت ناوي هكذا
لكن خفت يمنعوني الآن من التسجيل مادام لم أسحب الباك
وسحب الباك مستحيل حاليا لأن إدارة التخصص القديم مغلقة ولن تفتح حتى سبتمبر

[Lina Benb]

بالتوفيق^^

[ميار الصحراوية]

السلام عليكم أنا جوزت هاذ العام باك حرة ونقرا في الجامعة ماجبتوش بالمعدل اللي كنت حابة، حبيت نكمل سنة ثانية في التخصص تاعي
راني حابة نسجل بالباك الجديد ونبلوكي العام يعني مايقبلوليش هكذا على حساب أقوالكم ؟؟؟؟

[*نسيم الفجر*]

صح أختي أنا تاني كنت ناوي هكذا
لكن خفت يمنعوني الآن من التسجيل مادام لم أسحب الباك
وسحب الباك مستحيل حاليا لأن إدارة التخصص القديم مغلقة ولن تفتح حتى سبتمبر

lala nta matgolhomch que c ton deuxiéme bac ! w khlass haka rayha ndir ana

[*محب النجاح*]

بالتوفيق^^

شكرا أختي
ماذا عنك ؟

[*محب النجاح*]

lala nta matgolhomch que c ton deuxiéme bac ! W khlass haka rayha ndir ana

صح أختي
لكن ماذا عن ملف المنحة ؟ يقدرو يفقولنا بيه ؟

[abir mimi]

ربي يوفقكم ان شاء الله

[babydoll]

ana nhar sadjalt be 2eme bac mahedrouch m3aya khlass madouli sanyit ta3ahod beli ma3andich wa7ed khlaff wmeme pas blokit lannée khalitou hakak :D

[*محب النجاح*]

ana nhar sadjalt be 2eme bac mahedrouch m3aya khlass madouli sanyit ta3ahod beli ma3andich wa7ed khlaff wmeme pas blokit lannée khalitou hakak :d

شكرا أختي
هل صحيح أنو كي تسجل بالباك الثاني دون سحب الأول ويكتشف أمرك يلغى الثاني تلقائيا ؟؟؟

[la pierre précieuse]

وكي يمدولنا نمضيو التعهد نمضيو نورمال?

[رميساء خولة]

والله حالة كل جامعة وقانونها وارواح وافهم...........

[babydoll]

شكرا أختي
هل صحيح أنو كي تسجل بالباك الثاني دون سحب الأول ويكتشف أمرك يلغى الثاني تلقائيا ؟؟؟
لست متاكدة لكن هذا احتمال بعيد ولدي صديقات مثلي عندهم اكثر من شهادة باكلوريا و لم يواجهو اية مشاكل ولن تواجهها ان شاء الله ;)

[la pierre précieuse]

لست متاكدة لكن هذا احتمال بعيد ولدي صديقات مثلي عندهم اكثر من شهادة باكلوريا و لم يواجهو اية مشاكل ولن تواجهها ان شاء الله ;)

انت كي فاقو بلي راكي حرة مدولك التعهد ولا انت لي قلتيلهم
وتاني كيفاش نمضيو و احنا رانا عندنا باك خلاف??
ارجوكي اختي جاوبيني

[babydoll]

وكي يمدولنا نمضيو التعهد نمضيو نورمال?
انا نهار روحت نسجل بالبك الثاني لقيتهم يمدو التعهد للناس بكل مضيت عادي و لال مشكل صرا مبعد و الله اعلم :1:

[babydoll]

انت كي فاقو بلي راكي حرة مدولك التعهد ولا انت لي قلتيلهم
وتاني كيفاش نمضيو و احنا رانا عندنا باك خلاف??
ارجوكي اختي جاوبيني
انا كي رحت لقتهم يمدولك التعهد مع استمارت التسجيل بعد هاديك ما يسقسوك ما والو نتوما لا ادري

[la pierre précieuse]

حسنا ربي يجيبها ف الصواب
سؤال آخر
الباج badge
نفسو التعهد?

[*محب النجاح*]

لكن في الجامعة التي أسجل فيها لا يوجد تعهد
فقط إستمارة تملأ لمعلومات شخصية ثم تمضي

[babydoll]

البادج هو عباره عن بطاقة تعريف خاصة بالجامعة تمكنك من الدخول الى الجامعة وملحقاتها ويتم طلبها عموما كي تعودي تعقبي باختبار لتاكيد هوية الطالب

[createur80]

انا بعثوني ال نفس الجامعة
يعرفو بلي عندي باك قبل ؟
ولا نسجل عادي وفي سبتمبر نسحب الاول ولا واش ندير

[la pierre précieuse]

و ملف المنحة نعاودوه?

[babydoll]

انا بعثوني ال نفس الجامعة
يعرفو بلي عندي باك قبل ؟
ولا نسجل عادي وفي سبتمبر نسحب الاول ولا واش ندير
من المستحيل انهم يعرفو جيع الممتحنين اذا هناك احتمال بعيد بان يعلمو ان كنت حرا ام لا

[babydoll]

و ملف المنحة نعاودوه?
بالطبع لازم تعاودي كولش عادي كانو اول باك:rolleyes:

[la pierre précieuse]

Emmmmmmmmmmmmmmm

[createur80]

يعني نروح نسجل عادي بلا مانقولهم ؟

[babydoll]

ana hakak dart nhar sadjalt ntouma zidou confirmiw ;)

[mecied]

عندي باك اول بلوكيت + الان لدي باك ثاني
ماذا افعل لادرس التخصص الثاني

[babydoll]

عندي باك اول بلوكيت + الان لدي باك ثاني
ماذا افعل لادرس التخصص الثاني
تسجل عادي نفس الوثائق :)

[*محب النجاح*]

عادي نقدرو نروحو لرئاسة الجامعة ونديرو سحب
ماشي لازم غير إدارة كلية تخصص قديم ؟

[la pierre précieuse]

تسجل عادي نفس الوثائق :)

اختي انت من اي ولاية و اي ولاية تدرسين?

[babydoll]

اختي انت من اي ولاية و اي ولاية تدرسين?
انا من قسنطينة سنة ثالثة طب اسنان :mh92:

[*محب النجاح*]

عادي نقدرو نروحو لرئاسة الجامعة ونديرو سحب
ماشي لازم غير إدارة كلية تخصص قديم ؟

[la pierre précieuse]

انا من قسنطينة سنة ثالثة طب اسنان :mh92:

اها و انا من قسنطينة و ساسجل غدا في الشالي باذن الله
ان شاء الله منلقاش مشكل كيما انت يارب سهلي راحا تكوني غدا موجودة مع ugel ?

[la pierre précieuse]

عادي نقدرو نروحو لرئاسة الجامعة ونديرو سحب
ماشي لازم غير إدارة كلية تخصص قديم ؟

كاااامل يقولولك في سبتمبر ولي لاشتة يفتحو يقولولك في سبتمبر والله اعلم

[babydoll]

اها و انا من قسنطينة و ساسجل غدا في الشالي باذن الله
ان شاء الله منلقاش مشكل كيما انت يارب سهلي راحا تكوني غدا موجودة مع ugel ?
ان شاء الله ماتخافيش تفوت عادديي باذن الله
للا سف لست منخرطة مع اللجنة لن اكون هناك لكن ساتواجد عند الدخول المدرسي ان شاء الله اي استفسار انا في الخدمة :mh31:;)

[la pierre précieuse]

ان شاء الله ماتخافيش تفوت عادديي باذن الله
للا سف لست منخرطة مع اللجنة لن اكون هناك لكن ساتواجد عند الدخول المدرسي ان شاء الله اي استفسار انا في الخدمة :mh31:;)

يا رب آمين
شكرا باذن الله سنلتقي

[*محب النجاح*]

كاااامل يقولولك في سبتمبر ولي لاشتة يفتحو يقولولك في سبتمبر والله اعلم

صح لكن إدارة تخصص قديم تفتح في سبتمتبر
لكن ماذا عن رئاسة الجامعة ؟ هي من مفروض تكون مفتوحة على طول ونقدرو نسحبو منها ونسجلو في نفس اليوم خير ما نقعدو حتى سبتمبر وهكذا نريحو راسنا من الهم ههه

[babydoll]

يا رب آمين
شكرا باذن الله سنلتقي
العفو اختي ان شاء الله سنلتقي :d

[ميتشو]

لسلام عليكم اخوتي
لقد تم توجيهي الى المدرسة العليا للاساتذة بالقبة
وسجلت بالامس في ظروف عادية

منحنا الشهادة المدرسية ووجهنا الى مكاتب المنحة والايواء
بالنسبة للمنحة قيل لي يجب سحب الملف الاول من الجامعة الاولى

وعندما اتجهت الى الايواء منحت ورقة كتب فيها موقع
وقيل لنا يجب سحب تقرير الغرفة من الموقع

لكنني تفاجئت برسالة مفادها ان رقم التسجيل او الشعبة خاطئة
مع العلم ان المعلومات صحيحة مئة بالمئة

[ميتشو]

!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

[~عبق الجنة ~]

الله اعلمممممممم

[la pierre précieuse]

زاني سجلت اليوم والحمد لله ملقيتش مشاكل
مدولنا كااااامل تعهد كيما قالت الاخت و مضيناه كامل
مام الاحرار لانك راح تسحب الباك امضيه

[*ميما*]

السلام عليكم و رحمة الله و بركاته
اريد ان اعرف كيفية التسجيل للاحرار اقصد التسجيل ببكالوريا ثانية و ما هي الوثائق اللازمة و هل سنعيد ملف المنحة و التامين ام نكتفي بالملف القديم مع تجديده

[بريق الأمل14]

انا سجلت نورمال و ماسحبتش الباكالوريا 2014 و ماراحش نسحبها لان باك2014 في بلاد و 2015في اخرى

[naima01]

السلام عليكم
انا مزالني نقرا وعندي العام هذا بااك نجم نسجل بيه العام الجاي عادي يعني العام هذا مانروحش نكمل التسجيل النهائي ولا هكا ما تصلحش ؟ ممكن اجابة لاهل الاختصاص

[KAISER12]

والله يا الأخت راني واقع في نفس الحالة أنا بعتوني طب ولكني راني نقرا في تخصص اخر وحب نكمل انشاء الله و نقر تاني طب هل من الممكن التسجيل العام القادم وشكرا

[لؤلؤة الجزائرية]

أهلا ( محب النجاح )

مبارك لك النجآح ,, هل قمت بتجميد السنة او إكمال الدراسة الجامعية واعادة الباكالوريا ,,

حلمي التفوق ,, ما نصيحتك لي ؟

[بوسماحة 31]

http://im74.gulfup.com/aVwgED.jpg (http://www.gulfup.com/?SX9xiG)

[بوسماحة 31]

http://im74.gulfup.com/9yrKIQ.png (http://www.gulfup.com/?3TRwGn)

[بوسماحة 31]

http://im74.gulfup.com/vOYP3g.jpg (http://www.gulfup.com/?ZYyAgB)

[amoulette]

عليكم سحب البكالوريا الاولى للتسجيل بالجديدة
اما بخصوص ملف المنحة فيحول من الجامعة القديمة الى الجديدة

[rosa mariposa]

جماعة انا ثاني عندي بروبلام ... ديت باك 2012 و فريت شبه طبي و خلصت الحمد لله و عندي باك 2014 مسجلتش بيه خلاص حابة نسجل بيه السنة هل نقدر نسجل نورمال مع انو شبه طبي تابعة لوزارة الصحة ماشي وزارة التعليم العالي ’’؟

[فخامة انا]

سلاام
انا كي سجلت قاتلي نعطيك مهلة حتى لـ 30 سبتمبر باه تسحب البااااك وتجيبولنا والا نلغيلك التسجيل