لا استطيع النوم منذ ان اجتزت الباكالوريا

[مشكلتي]

السلام عليكم،،
بدون اطالة لاحظوا الوقت الذي اكتب فيه الموضوع يتبين لكم ما أعنيه
نعم انا لم انم منذ اليوم الذي سبق اعلان نتائج الباك...
بكيت كثيرا و يوم النتائج خاب ظني كثيييرا مع اني حمدت الله و بكيتتتت ايضا
و كي مدولي les choix تاني بكيييت و قلت معليه فيها خير مازال التوجيهات و لكن ما الجدوى خرجت التوجيهات و حسبي الله و نعم الوكيل مدولي حاجة ناس ديرها ب ١٠ و انا جبتو باكثر من 13 مستحيل نقراها ليس تكبرا و انما اعرف انا ليست لي و ماعلاباليش اصلا واش يديرو فيها
راني في حالة و من البكا ما حبستش اما الرقاد خلاص ماوليتش نعرفو الا في النهار اللي من المفروض ننشط فيه وليت نوض نصلي وندعي ونرجع لفراشي نخمم و نخمم و نخمم و الله التخمام قتلني
علابالي مازلت صغيرة 18 سنة و نقدر نعاود الباك لانني موقنة ان مستواي يؤهلني للكثير لكنها فكرة ترعبنننني و انا نشوف كل زملائي عطاولهم واش حبو و راحو بعيد مع انني نجيب اكثر من اغلبهم عادة
اعرف الباقي~~استخارة و دعاء و تقرب الى الله و همة نعم
لكنني تعبت و كانني احلم لست من تخيلت نفسي ابدااا خصوصا انني في المتوسط كانت معدلاتي 17و 18 و الثانوية 15 :(
المهم ادعووووولي تعيشو في صلاتكم ربي يعطيني واش راني حابة لاني ناوية على حاجة ووالديا راهم يجرو عليا ادعولي ربي يتمم بالخير
متنساوش في السجود تعيشو قولو هذيك اللي ماهيش ترقد ...... و كماوا
اسفة اذا طولت المهم انني فضفضت و الحمد لله
لااله الا انت سبحانك اني كنت من الظالمين
استغفرك ربي و اتوب اليك ~~
صلوا على النبي في كل رد :) ﴿

سلاام ^^

[thmaster100]

عليكِ بالصبر فلا تعلمي ما يخبئ الله لكِ

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

[كلمة مني]

وعليكم السلام ورحمة الله

ربي يفرج عليك أختي متخليش الحزن يأثر فيك صدقيني هذه حاجة ربي سبحانه ولعله خير ليك
ودعواتنا ليك ان شاء الله

[الأمين®]

يا أختي بعد 10 سنوات إن شاء الله ستذكرين كلامي سترين ناس قرات تخصصات ب 16 و 17 و قاعدين لا خدمة لا والو و ناس قرات تخصصات ب 10 تحضر في الدكتوراه و خدامين و لاباس عليهم ربي يهديك الأرزاق بيد الله روحي ترقدي و توكلي على الله و ما تقارنيش روحك بالناس عيشي حياتك بقناعاتك راه كل واحد و مكتوبو......

[ام رضوان]

السلام عليكم
اللهم صلي وسلم على سيدنا محمد وعلى اله وصحبه وسلم.
ربي يفرج كربك وكفف دمعك وينولك مرادك امين

[hanna25]

السلام عليكم
انا حالتي العام الماضي نفس حالتك وانا في الثانوية كانت معدلاتي 17 و 18 وبكيت وبعدها كتب الله ان يكون تخصصي مدرسة عليا أستاذة تعليم ابتدائي والآن انهيت العام لم اعد البكالوريا وقنعت بما كتب الله لي رغم اني لما التقي اساتذتي وزملائي يقولون لي كيف هذا وللكني تعلمت التجاهل ااذا كانت لك القدرة اعيدي ولا تخافي يوجد 3 زملائي العام الماضي تحصلوا على 14 ةهذا االعام اعادوا الباكالوريا اثنتين اخذوها ب 16 والأخرى ب 17 ولكن انصحك لازم تبلوكي وتبقاي في الدار وتعاودي ليكور وتفرغي روحك للباكالوريا
وبالتوفيق

[optimism]

السلام عليكم
تكملة على كلام ,,,,,elamine 619,,,,,,,,,,,,الانسان المجتهد والناجح ,,,,,,,,,سينجح في اي مجال
يمكنك التفوق والنجاح في تخصصك ,,,,,,,بالماجيستر ( ماستر ) والدكتورة ,,,,,,,,وسيفتح لك ابواب واختيارات
عسى ان تكرهوا شيء وهو خير لك
بالتوفيق

[cezar algerien]

الأمر عادي جدا، أكثر من 50 بالمئة من الناجحين لا ينالون التخصص الذي يريدونه، حاولي ديري طعن ممكن يبدلوك إذا مابدلوكش حاولي تديري تحويل داخل الجامعة إلى تخصص آخر أحسن منه، إذا ماقبلوكش حاولي اقراي عادي وحطي راسك باش تكوني من المتفوقات الاوائل لأنو فيها ممبعد ماستر وممكن تكوني من المتفوقات وتدخلي للدكتوراه

انتي راكي بنت وعندك 18 عام وصغيرة ووالديك فوق راسك لا داعي للقلق واحمدي ربي كي جبتي الباك لأنو 50 بالمئة من المترشحين ماجابوش الباك ويتمناو لوكان جابوه ب 10 فقط ماشي 13 كيما انتي

والعام الجاي عاودي الباك ثاني وحطي راسك وممكن تجيبيه بمعدل أحسن بكثر وكثير وتديري التخصص لي انتي حاباتو

بالتوفيق

[Boubahabouba]

عسى ان تكرهوا شيئا وهو خير لكم
ماعلابالكش واش كاتبلك ربي سبحانه
ربي يعينك ويعين والدين في واش راهم يسعاو

[الصديق قروف]

وقت يعدي وتنساي
ولكي تعلمي ان مشكلك سغير اقراي المشاكل التي تعرض هنا

[AMINA.Z]

اعتقد من البداية كنت تعلمين ان كان معدلك اقل من 15 فلن تنالي ما تريدين

و هذا الامر اصبح واضح الان

انصحك بما ان معدلك اكبر من 13 بالدخول الى مدرسة الشبه طبي ان كنت من هواة المجال الطبي
و الا اعيدي امتحان الباكالوريا ان كان هناك تخصص محدد ترغبين فيه

[ايمان4]

عادي جدا اختي لماذا الحزن ؟ و ما الذي ستربخينه جراء حزنك؟
عندك 3 اختيارات
-- تبلعي العام و تقراي غير للباك هاد الشرط ايلا كنت تقدريله خاطرش ماشي كامل ينجحو مثال صديقتين لي نجحو معي باكالوريا 2014
وحدة نجحت السنة الماضية 14.25 هاد العام 14.10 يعني طاحت بالمعدل مع انها بلعت العام و كانت تدرس و تدير لي كور غي لبريفي يعني راسها و راس الاستاذ و عندها المعريفة حتى كانو يخليوها تدرس ف الليسي و ذكية و كانت جابنت شهادة التعليم المتوسط ب 17 المعدل
الثانية ربحت العام لي فات ب 12 بلعت العام و عاودت و جابت 15.22 و دارت صيدلة ربي وفقها مع انها مدارتش قااع لي كور خلاص
---الاختيار الثاني تقراي ف الجامعة و تعاودي الباك في ان واحد باش تربحيهم ف الزوج بالصح رح تتعبي بزاف بالصح كاينين لي نجحو بعدا التوتو ميكونش عندك و تربحي زوج صوالح
--الاختيار الثالت
تديري حاجة تبغيها من هادوك ف الجامعة و تقرايها و تكملي دكتوراه و حتى حاجة ما صعبية التوفيق من عند ربي سلام
--

[♥ترانيم قلم♥]

اختي ربي يفرج عليك
رانا كيف كيف
المهم هذا مكتوب وانتي ديري اللي يخرج عليك
نورمال ايلا عاودتي الباك
كاين ناس بزاف هاك

[حاتم48]

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

[محمد جديدي التبسي]

آخرتها الكوزينة ما تقلقيش روحك بالدراسة وما نعرف واش ماكش راح طلعي صواريخ ولو جبت 19
كوني قنوعة واقري اللي جا واذا جاك مكتوبك تزوجي وهني على روحك
ما فهمتش لبنات وين رايحين بالعقلية هاذي تاع القراية زعمة والخدمة وما نعرف واش؟!!
ربي يهديكم هذا ما نقول

[المسلمة عفاف]

آخرتها الكوزينة ما تقلقيش روحك بالدراسة وما نعرف واش ماكش راح طلعي صواريخ ولو جبت 19
كوني قنوعة واقري اللي جا واذا جاك مكتوبك تزوجي وهني على روحك
ما فهمتش لبنات وين رايحين بالعقلية هاذي تاع القراية زعمة والخدمة وما نعرف واش؟!!
ربي يهديكم هذا ما نقول
Bon!!!o
عييت شادة روحي و قلت مانكشفش روحي مي الظاهر ولات لازمة
هاكم عرفتوني دوك انا صاحبة المشكلة
المعم عجبوني بزاف ردةد الا ردك يا أخي ربي يهدينا و يهديك
العقلية اللي راك تهدر عليها وسمها (طلب العلم فريضة على كل مسلم و مسلمة) و الكوزينة اللي راك تهدر عليها تاني ايلا عندكم هكا يمشي احنا عندنا لالا الطفلة تقرا و كلشي في وقتو هي تتاخذ قرار حياتها في حدود ربي طبعا
واذا على الزواج انا 18 سنة و ماهوش داخلي ni من ni من
و الاهم انا راني قانعة و الحمد لله و اذا قريت الموضوع مليح انا راني طالبة دعاءكم ماقلتش دبرو عليا وواش من تدبيرة==>"الكوزينة" -_-
شكرا على كل حال و الحمد لله

[الأمين®]

آخرتها الكوزينة ما تقلقيش روحك بالدراسة وما نعرف واش ماكش راح طلعي صواريخ ولو جبت 19
كوني قنوعة واقري اللي جا واذا جاك مكتوبك تزوجي وهني على روحك
ما فهمتش لبنات وين رايحين بالعقلية هاذي تاع القراية زعمة والخدمة وما نعرف واش؟!!
ربي يهديكم هذا ما نقول

علاه الزواج كوزينة الناس تزوج تدير أسر و تحوس على السكينة و تربي ولاد و ناس تزوج تجب بنات ناس ديرهم خادمات

لا حول و لا قوة إلا بالله على الفهامة لي وصلنا ليها

[حبيبة امها]

ربي يوفقك يا اختي ويوصلك لاعلى المراتب هي فقط ضغط في الاول وممكن يستمر ادا كنت غير مقتنعة اعيدي البكالوريا حتى لا تبقى تلك الحرقة في قلبك دائما عام ماراح ما جا ما زالك صغيرة وهوني عليك

[شيماء 28]

لماذا القلق والجزع والياس والقنوط اياك ان لاترضي بقضاء الله وقدره فليس هذا من صفات العبد المؤمن الم تسمعي فول الله تعالى (لئن شكرتم لازبدنكم) انا كنت الاولى على مستوة ثانويتي اجتزت باك 2014 وتحصلت على معدل لم يكن يخطر على بال احد 13.30 وكانت الصدمة على عائلتي كبيرة جدا خاصة ابي الذي علق علي امالا كبيرة حتى ادرس الطب اما انا فوالله كنت راضية جدا لاني كنت على يقين ان الخير فيما اختاره الله وان الله لايضيع اجر المحسنين وقررت ان اعيد الباكالوريا جمدت السنة الدراسية في الجامعة مادرت لاكور لاوالو توكلت على الله ودرست بنفسي وكنت دائما دائما اردد ( ومن يتوكل على الله فهو حسبه ) وكنت داءما ادعو الله ان يوغقني لما يحب ويرضى اجتزت الباك وكلي توكل علة الحي الذي لايموت والحمد لله كثيرا تحصلت على معدل 16.22 والحمد لله الذي لايضيع اجر من توكل عليه واحر من احسن عملا صديقيني اختي الغالية حتى لوتحصلته عليه بمعدل 10 اقسم بالله كنت سارضى لان يقني بالله كبير واعلم انه سيوفقني لما يحبه ويرضاه مادمت متوكلة عليه انصحد اختي بكثرة الاستغفار يقول الرسول صلى الله عليه وسلم ( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب ) ودامي ايضا على قراءة القرءان فيه الشفاء والدواء باذن الله اختم واقول مثلما قال الشافعي رحمه الله الهي ايقلقني امري وهو بين يديك الهي اني متكل عليك ان ضاق امري او استضاق فوضته ربي اليك بالتوفيق حبيبتي

[saliset]

اختي هي فترة و ستمر ان شاء الله ، كلنا اجتزنا هذه المرحلة سواء بعد النجاح او بعد الزواج ، يأتيك الشيطان و يبدأ في الوساوس ، ليس هذا ما تستحقينه ، انظري الى هذه ، انت كذا انت كذا ، و يحاول ان يحرمك الفرحة ، افرحي بنجاحك اختي و اذا لم يعجبك الاختيار قدمي طعن هذا من حقك او اعيدي البكالوريا مرة اخرى المهم تيقني ان الحلول موجودة و لا تتركي الشيطان يدخل القنوط الى قلبك وفقك الله و رعاك

[محمد جديدي التبسي]

bon!!!o
عييت شادة روحي و قلت مانكشفش روحي مي الظاهر ولات لازمة
هاكم عرفتوني دوك انا صاحبة المشكلة
المعم عجبوني بزاف ردةد الا ردك يا أخي ربي يهدينا و يهديك
العقلية اللي راك تهدر عليها وسمها (طلب العلم فريضة على كل مسلم و مسلمة) و الكوزينة اللي راك تهدر عليها تاني ايلا عندكم هكا يمشي احنا عندنا لالا الطفلة تقرا و كلشي في وقتو هي تتاخذ قرار حياتها في حدود ربي طبعا
واذا على الزواج انا 18 سنة و ماهوش داخلي ni من ni من
و الاهم انا راني قانعة و الحمد لله و اذا قريت الموضوع مليح انا راني طالبة دعاءكم ماقلتش دبرو عليا وواش من تدبيرة==>"الكوزينة" -_-
شكرا على كل حال و الحمد لله
طلب العلم الفريضة هذاك راه العلم الشرعي يا الفاهمه
زيدي واش من علم في جامعات معمرة بالاختلاط والفساد؟!!
العلم راح بكري يا بنتي
اقري اللي جات وشوفي مستقبلك وتفقهي في دينك تعرفي انو الزواج خيرلك من كل هذه الاوهام وستريك الأيام والوقائع صدق كلامي
ربي يهديني ويهديك واسمحيلي