عاجل: مساعدة / روشارشي

[zizo92]

خلي نفتح الجديد مادام القديم واحد ماحب يرد

أنا عاصي وحبيت نروح نعقب ونتهنا
أعطيوني واش لازمني ندير برك
+
شيئ آخر: ماعندي لاملف كفالة لاملف طبي ومانقدرش نديرهم. واش في اعتقادكم راح يحكموا عليا في المحكمة



أرجوا التفاعل على خاطراكش قريب نروح. مابقاش الوقت

[عصام720]

اتكل على ربي خويا العزيز تدي غير وش كتبلك ربي انشالله يكتبلك غير الخير

[zizo92]

ياجماعة ماشي هكذا! مانيش نسقسي إذا نروح ولانقعد. خلاص راني رايح
أنا حبيت تفهموني أولا وين نتوجه، كيفاش الإجراءات اللي رايح نمر بيها... الخ هاذو الحوايج

+
الأسبوع هاذا مشغول حتى نروح الأسبوع القادم. يخي يطيشوني في دفعة سبتمبر ولا زعما مانلحقش عليها؟

[ADER]

الله اعلم و لكن حسب علمي عليك بالدهاب الى مكتب التجنيد ، هناك يسعطون لك رسالة فيها تاريخ المحاكمة العسكرية ، ثم تجوز المحاكمة و هناك تبقى عندهم بعض الايام حتى يدوك الى الثكنة أين تأدي خدمتك العسكرية

[minou alg]

الدهاب الى المحكمة العسكرية بدون ملف طبي او ملف عائلي يعني انك 100/100 حتلبس و تروح الافلو حبيبنا

[minou alg]

بالتوفيق اخي الكريم

[karim175]

وجد دوسي طبي و روح هز ورقة من مكتب التجنيد لي تابع ليه تروح بيه للمحاكمة العسكرية و استنى الحكم و اغلب الظن اذا ماقبلوش ملفك الطبي تروح تعقبها و تتهنى

[أحمد زابانة]

يا أخي أصعب حاجة تفوت الخدمة الوطنية عاصي . راح تكون صعيبة بزاف عليك و كأنك سجين في ثكنة . إذا أردت أن تذهب عليك أولا المرور إلى المحكمة العسكرية . تذهب إلى مكتب التجنيد يعطوك أمر بالتوجه إلى المحمة العسكرية إستدعاء و هم يحددون لك التاريخ يعني لا يمكن ان تجزم انك ستذهب في الدفعة القادمة . أخي إذا أردت الذهاب إلى المحكمة العسكرية عليك أولا أن تجد أسباب مقنعة خلاتك ما تروحش للخدمة الوطنية في وقتها ، مثلا ملف طبي أو شهادات مدرسية للدراسة أو التكوين . يعني لازم تدي معاك حاجة هكذا على الأقل يخففوا لك العقوبة .

[mohamed sougii]

السلام عليكم، حالتي تشف والله،مالقيت واش مدير غير ندعي ربي ليل ونهار.حكايتي اني حبست دراستي الجامعية في 2010 ،ما عن دي حتى ديبلوم،ترشحت الباكالوريا عدة مرات ماكتبش ربي .لقيت خدمة مستورة الحمد لله،ودرك عندي عامين وانا خاطب وقريب العرس ،بصح مازالني ماسويتش وضعيتي مع العلم اني روشارشي....صرقوني مانرقد ليل ولا نهار. مصيبة وطاحت فوق راسي،الله يخليكم خاوتي كيفاش مدير راني حاصل

[just do it]

والله اخوتي هذا هو الامر الذي كنت اودكم ان تجتنبوه لذلك كنت احثكم على الذهاب باي طريقة ولكن اتهمت بشتى الاتهامات ولليوم لا زلت اتهم وسياتي اليوم الذي سيندم فيه نفس الاعضاء الذين اتهموني
المهم اخي لست اود تحطيم معنوياتك ولكني حقا تاسفت لحالتك وهي حقا حالة عويصة كان المفروض الا تتعجل الخطبة او على الاقل الا تتعجل الزفاف
لان الزواج اصبح اليوم اجباري ان تكون مسوي لوضعيتك
يمكنك فقط ان تعقد الزواج العرفي
لا اود تحطيمك لكن كان معي شخصان في الخدمة العسكرية سنهما 28 و 29 متزوجان ويؤديان الدمة العسكرية
اخلص الدعاء لله تعالى عسى ان يفرج همك
والله حالة مؤسفة يصل اليها الشباب بسبب الاراء التي يسمعونها عن عدم الالتحاق بالخدمة
قل بربك اين هم الان الذين كانو يشجعونك على العصيان ؟
وفقك الله اخي

[mohamed sougii]

بارك الله فيك آخي،هذي حقيقة وآنا اعلم العواقب لكن كل هذا كان تدريجيا... ماعنديش دركا حل لازمني نحبس الخطبة ونروح نفوتو ،ديما ديما نربح حاجا.

[amineomeir]

Just do it
من قال لك بان الزواج يلزمه تسوية الوضعية انه خبر عار من الصحة . ولا يوجد ولن يستطيعو حتى اقتراحه
وبالنسبة للاخ مادامك تعمل وراك تجيب في الخبز الحلال فاقول لك تزوج وانجب ولتذهب الخدمة الوطنية الى الجحيم . اقول لك فقط تجنب الفنادق و كثرة الطرق خارج ولايتك . اما ان وقعت في يدهم فانها قضية مكتوب وفقط . لا تكن سلبي في تفكيرك .

[mohamed sougii]

Just do it
من قال لك بان الزواج يلزمه تسوية الوضعية انه خبر عار من الصحة . ولا يوجد ولن يستطيعو حتى اقتراحه
وبالنسبة للاخ مادامك تعمل وراك تجيب في الخبز الحلال فاقول لك تزوج وانجب ولتذهب الخدمة الوطنية الى الجحيم . اقول لك فقط تجنب الفنادق و كثرة الطرق خارج ولايتك . اما ان وقعت في يدهم فانها قضية مكتوب وفقط . لا تكن سلبي في تفكيرك .

والله يا آخي هذا واش مخوفني اذا كان العقد المدني يتم بن la carte jaune,والله عيييييييييييييت نخمم نانولي العرس والخطبة ،ونروح نفوت الخدمة العسكرية ،وكي نجي نلقا خدمتي راحت ،والزواج تاني يروح،ونحكم الحيوط ونقعد.

[amineomeir]

ياو قتلك ماكانش منها .انا راني عقدت في ماي نورمالو مانيش فاريها مع العسكر و مانيش معول نروح . فهذه الاشاعات هي التي تزيد الشباب كرها في البلد .