مدرسة عليا بالمسيلة

[said2808]

السلاام علييكم
تم توجيهي علووم دقيقة استااذ التعليم الثانوي مدرسة عليا بالمسيلة
شكون راه معايا؟
ومن لديه معلوومات عن المدرسة ومتى تبدا التسجيلات واي معلومة ممكن تفيدني
وشوووكرآآ

[said2808]

هل من جوواب لوو سمحتم

[jasmin_dz]

ممكن تقولنا شحال معدل القبول ؟
و ان شاء الله يجاوبوك الاخوة .. انا لحد الان معندي حتى معلومة
شكرا :)

[said2808]

معدل القبول14.55
انتي اخترتيها؟
ان شاء الله

[jasmin_dz]

لالا .. بنت خالتي ندمت ما دارتهاش في الاختيارات .. حبت تعرف الا المعدل تاعها يلحقها ولا لالا .. ظهر ما يلحقهاش �� هي عندها 13 ..
معليش ان شاء الله خير ... ربي يوفقك و مرسي ;)

[المسلمة الأصيلة]

انا تم قبولي فيها بصح فرنسية تعليم ثانوي ولحد لان واحد ماعنده معلومات عليها

[شـــهاب]

هي مدرسة تم افتتاحها هذه السنة فقط في مكان المعهد التكنولوجي ،و لا توجد معلومات وافيـة.

[said2808]

قالو حولوها لــ بوسعآده صح؟؟

[Meymouna*]

معدلاتها كثر من طب رياضيات بالنسبة للعلمي 15.40

[said2808]

رياضيات ثاانووي 14.55
اما العلمي معلابااليشش

[~_~جميـــلة~_~]

أنا أيضا تم قبولي فيها ،أستاذ التعليم الابتدائي لغة عربية ،
االيوم رحت للمعهد التكنولوجي الذي من المقرر ان تكون فيه المدرسة العليا لكن لايبدو أنه مفتوح ،حاولت نروح للجامعة نسقسي لكن كان الغاشي بزاف مالحقتش ومانيش موجدة الوثائق اللازمة
قبيل كنت نسمع في تصريح وزير التعليم العالي حول هذه المدرسة قال انو المدرسة ستكون في بوسعادة ،وهناك من يقول أنها في متقن محمد بوضياف ببوسعادة ،
لكن لاشيء رسمي لحد الآن ،وأظن أن التسجيلات والمقابلات الشفوية لهذه المدرسة ستكون في مقر جامعة بوضياف أو القطب الجامعي ،خاصة مع اقتراب نهاية آجال التسجيلات ،،،لستُ متأكدة من ذلكْ ،
سأذهبُ غداً للتسجيل بإذن الله وسأوافيكم بما سأعلمه ان شاء الله ....
وفَقَكُم الله جميعاً

[said2808]

راهم يقولو ممكن يحولونا اما الى سطيف والا الاغواط ..كاين منها هاد الهدرة؟؟
فات نهار من التسجيلآت ومبان والو عليهآ
شكرآ ليك ع المعلومآت اختي جميلة ...متنسايش غدوة تدخلي رانا نستنااوو فيكك

[~_~جميـــلة~_~]

أنا أيضاً سمعتُ عن التوجيه نحو احدى ولايتي سطيف أو الأغواط ،لكن أظن أن هذا غير وارد حاليا لأنهُ تمَ توجيهنا الى ولايةِ المسيلة وسيحدثُ خلطٌ كبير اذا تم توجيهنا خارج المسيلة ،،
في احدى المجموعات الخاصة بهذهِ المدرسة على الفيسبوك ،هُناكَ من يقولُ أنهُ قد أنهى التسجيلات ،ومُعظمهم من ولاية برج بوعريريج ،وحسبما فهمت ،فقد توجهوا الى معهد الري الموجود قرب جامعة محمد بوضياف ،لكني لستُ متأكدة ،سأُحاولُ أن أتأكدَ غداً ان شاء الله ....

[said2808]

اووكي نحن في انتظآركك اختي

[basma.lm]

المدرسة العليا رسميا في مدينة بوسعادة حسب ما ورد في الجريدة الرسمية اليوم

[said2808]

و التسجيلآت ويين في معهد الري سآبقآآ؟؟

[~_~جميـــلة~_~]

السلامُ عليكم ،أعتذر عن التأخير
اليوم رحت نسجل ،التسجيلات ليست في معهد الري بل في جامعة محمد بوضياف وبالضبط في المكتبة المركزية ،
رحت على 8ونص تع الصباح وماعقبتش للمقابلة حتى لل10 ،،شوية طولو مع أنو مكانش الغاشي بزاف ،..
أنا بديت بالمقابلة الشفوية وراحت أختي جابتلي وصل حقوق التسجيل ،الأسئلة كانت عادية جدا ،أصلا ماسقساونيش على أي شيء يتعلق بالدراسة ،فقط عن العائلة والعمل ،وعن الاسم واللقب ،لكن هُناكَ أشخاص آخرين طلبوا منهم أسئلة بسيطة ،مثلا عن بعض الشعراء أو اعطاءهم بيت شعري ...أسئلة بسييييطة جدا ،المهم الالتزام بالتكلم بالفصحى ،
كما لاحظت أنهم دققوا على الهندام واللباس ،وحدة معانا كانت لابسة سروال قالولها هذا لايليق بمتحجبة ....لذلكَ أرجو الحرص فيما يخص هذا الأمر ،خاصة للذكور ،ماتروحوش بشورت ولا كلاكيت ،والبنات المتحجبات لازم يكون اللباس طويل ومحتشم ،،مع أنو هذا أمر غريب لكن ،ماعليش ،أردت فقط أن أنبهكم ..
وبعدها رحت سجلت ،التسجيل الجامعي ،ديت معايا وصل حقوق التسجيل وكشف النقاط الأصلي وشهادة النجاح ،ونسختين عن كشف النقاط و3 صور شمسية وبطاقة التعريف الوطني ،راهم يعاونوكم ثما ويتهلاو فيكم ،،مكانش الغاشي بزاف ،
بعدها رحت نحاول نسجل في الاقامة والنقل والمنحة لكن وثائقي كانو ناقصين ،اذا كنتو موجدين وثائقكم نورمال ،تقدرو تكملو بسرعة ،وراهم يقولولكم وشمن بلاصة تروحو ليها ،اليوم مثلا ،كان التسجيل تع الايواء والنقل والمنحة في المدرج 30 ،اليوم ممكن يبدلوه ،ماعرف ،،راكم تلقاو بزاف عاملين سقسوهم ويوجهوكم
اليوم خرج قرار رسمي بلي مقر الدراسة راه في بوسعادة مش في مسيلة ،لكن لا أعرف أين بالضبط في بوسعادة ،

[المسلمة الأصيلة]

السلامُ عليكم ،أعتذر عن التأخير
اليوم رحت نسجل ،التسجيلات ليست في معهد الري بل في جامعة محمد بوضياف وبالضبط في المكتبة المركزية ،
رحت على 8ونص تع الصباح وماعقبتش للمقابلة حتى لل10 ،،شوية طولو مع أنو مكانش الغاشي بزاف ،..
أنا بديت بالمقابلة الشفوية وراحت أختي جابتلي وصل حقوق التسجيل ،الأسئلة كانت عادية جدا ،أصلا ماسقساونيش على أي شيء يتعلق بالدراسة ،فقط عن العائلة والعمل ،وعن الاسم واللقب ،لكن هُناكَ أشخاص آخرين طلبوا منهم أسئلة بسيطة ،مثلا عن بعض الشعراء أو اعطاءهم بيت شعري ...أسئلة بسييييطة جدا ،المهم الالتزام بالتكلم بالفصحى ،
كما لاحظت أنهم دققوا على الهندام واللباس ،وحدة معانا كانت لابسة سروال قالولها هذا لايليق بمتحجبة ....لذلكَ أرجو الحرص فيما يخص هذا الأمر ،خاصة للذكور ،ماتروحوش بشورت ولا كلاكيت ،والبنات المتحجبات لازم يكون اللباس طويل ومحتشم ،،مع أنو هذا أمر غريب لكن ،ماعليش ،أردت فقط أن أنبهكم ..
وبعدها رحت سجلت ،التسجيل الجامعي ،ديت معايا وصل حقوق التسجيل وكشف النقاط الأصلي وشهادة النجاح ،ونسختين عن كشف النقاط و3 صور شمسية وبطاقة التعريف الوطني ،راهم يعاونوكم ثما ويتهلاو فيكم ،،مكانش الغاشي بزاف ،
بعدها رحت نحاول نسجل في الاقامة والنقل والمنحة لكن وثائقي كانو ناقصين ،اذا كنتو موجدين وثائقكم نورمال ،تقدرو تكملو بسرعة ،وراهم يقولولكم وشمن بلاصة تروحو ليها ،اليوم مثلا ،كان التسجيل تع الايواء والنقل والمنحة في المدرج 30 ،اليوم ممكن يبدلوه ،ماعرف ،،راكم تلقاو بزاف عاملين سقسوهم ويوجهوكم
اليوم خرج قرار رسمي بلي مقر الدراسة راه في بوسعادة مش في مسيلة ،لكن لا أعرف أين بالضبط في بو
سعادة ،
شكرا انا تاني سجلت اليوم مي فرونسي ودرت نفس الخطوات لي درتيهم

[~_~جميـــلة~_~]

شكرا انا تاني سجلت اليوم مي فرونسي ودرت نفس الخطوات لي درتيهم


مليح ،قبلوك يخي ؟
سمعت بلي راهم كاينين بزاف اللي ماقبلوهمش في الفرونسي

[said2808]

شكرآ ليك اختي جميلة
ووانتي قبلووك؟ واي تخصص؟
نهآر الآحد ان شاء الله نروح نسجل مآلآ
ربي يحفظك
ملآحظة انا طفلة

[المسلمة الأصيلة]

مليح ،قبلوك يخي ؟
سمعت بلي راهم كاينين بزاف اللي ماقبلوهمش في الفرونسي


اي الحمد لله قبلوني ما علاباليش وعلاش رفضوا الأغلبية

[~_~جميـــلة~_~]

شكرآ ليك اختي جميلة
ووانتي قبلووك؟ واي تخصص؟
نهآر الآحد ان شاء الله نروح نسجل مآلآ
ربي يحفظك
ملآحظة انا طفلة


ايه الحمدُ لله قبلوني ،أستاذ لغة عربية ابتدائي ،
بلامزية أختي ،

اي الحمد لله قبلوني ما علاباليش وعلاش رفضوا الأغلبية

الحمد لله ،مبروك عليك ،
سمعت بلي راهم ماعرفوش يهدرو بالفرنسية علابيها ماقبلوهمش ..

[said2808]

مبروك عليك اختي
ربي يووفقك

[رجاء و أمل]

السلام عليكم ، مبروك عليكم كااامل ، أنا ذهبت يوم الاربعاء و قبلوني *الحمدلله* و قمت بالتسجيل ، المهم الآن هو موضوع بوسعادة ، أرجو منكم اخباري هل الانتقال الى بوسعادة سيكون في أول العام ؟ هل المدرسة و الاقامة جاهزتان أم هما في طور البناء؟؟ و هل هذا الخبر اكييد ؟؟ كذلك هل سيتم نقلنا الى بوسعادة للدراسة فقط ام الدراسة و الاقامة فالمسافة طويلة لنقطعها كل يوم متنقلين بين الدراسة و الاقامة !! ارجو منكم الرد و عذرا على كثرة الاسئلة و شكراااا

[said2808]

اوالله رانا كيف كيف نفس التسآؤلآت
لي يسكنوو في المسيلة يفيدوونآ رجآء النآس كملت التسجيلآت واحنا معلآبآلناش حتى وين نقرآوو

[رجاء و أمل]

اوالله رانا كيف كيف نفس التسآؤلآت
لي يسكنوو في المسيلة يفيدوونآ رجآء النآس كملت التسجيلآت واحنا معلآبآلناش حتى وين نقرآوو

السلام عليكم ، ربي يستر ... و ان شاء الله نلقاو الاجابة

[said2808]

وعليكم السلآم...ان شاء الله

[المسلمة الأصيلة]

انا سجلت بصح ما سمعت والو على هادي بوسعادة وسجلت الايواء عادي مع تاع الجامعة
يعني ما قالوليش انتاع المدرسة العليا وحدهم ولا
الله اعلم

[~_~جميـــلة~_~]

ايه أنا ثاني سمعت بلي راها في بوسعادة ،قالهالي وحد العامل في الجامعة وزيد شفتها في الجريدة الرسمية
كاينين اللي يقولو بلي راهم رح يديرونا في متقنة قديمة في بوسعادة اسمها محمد بوضياف ،وماناش رح نحتاجو للنقل خاطر الاقامة مع المدرسة والعدد تاعنا ماهوش كبير ،،بصح لحد الآن ماكان حتى حاجة رسمية ،هذي الهدرة كامل سمعتها غير من مواقع التواصل الاجتماعي ،
والله غير تبهديلة ،ماعرفوش حتى يديرو مقر لمؤسسة هامة كيما هاذي ،وزيد راهم جماعة مسيلة وجماعة بوسعادة يتعافرو ويسبو في بعضاهم علاجالها ،،عيب والله ...

[said2808]

انا سجلت اليووم والحمد لله قبلوني علوم دقيقة ثانوي
وحده تخدم تما قاتلي هادا العام نقراو في المسيلة والعام الجاي ان شاء الله في بوسعاده؟؟
مفهمنا ووالوو .كل واحد وش يقول
حتى المصدر الرسمي لي نسمعو ليه مكانش يخي حاله..

[رجاء و أمل]

انا سجلت اليووم والحمد لله قبلوني علوم دقيقة ثانوي
وحده تخدم تما قاتلي هادا العام نقراو في المسيلة والعام الجاي ان شاء الله في بوسعاده؟؟
مفهمنا ووالوو .كل واحد وش يقول
حتى المصدر الرسمي لي نسمعو ليه مكانش يخي حاله..

السلام عليكم ، مبروك أخي ....و بالتوفيق . و شكرا على المعلومة .