انا هندسة بيوطبية في تلمسان شكون معايا

[japoniya romi]

انا هندسة بيوطبية في تلمسان شكون معايا ارجو الرد

[kader41]

تحصلت هدا العام على شهادة ليسانس هندسة بيوطبية
ما لازمش يخلعك المعدل كي عاد 14.55 أو كلمة بيوطبية وخاصة طبية أنا ثاني دخلتلها ب14 لكن الأعوام لي فاتو دخلولها حتى ب 12 معدل يعني ما كانش منها القانون تع معدل طالع يعني حاجة مليحة

أنصحك بالتفكير جيدا قبل أن تدرسي هدا التخصص طبعا سيقولون كيف درسته أنت ان لم يكن جيد ...... جيد على الورق في الجزائر أحسن تخصص يصبح الاسوء

المهم هو خيار ومقامرة لازم الواحد يخير ويعمل على ربي وكل واحد وش يخرج عليه

سلام

[japoniya romi]

بس انا راني باغية نعرف ادا مليييحة و لا لا انتا في اي سنة تدرس؟

[japoniya romi]

شايديرو بيها كي يكملو و هل الدراسة فيها صاعبة

[kader41]

انا العام هاذا ندخل سنة أولى ماستر ان شاء الله
الدراسة يمككني القول أنها سهلة وليست صعبة على الاطلاق
شا يديرو بيها والله عندي 3 سنين نقرا فاها مانيش عارف وش رح ندير بيها
المهم يمكن تشتغل في المستشفى أو في مخابر الأبحاث لو كنت في الخارج او شركات انتاج الآلات الطبية الخ

كي وصلت سنة 3 ودرت ستاج عرفت بلي في دزاير ما كان والوا

المهم ممكن واحد تصحلو يدير delégué medical ولا يخدم في كش شركة تع آلات طبية الخ لكن الأغلبية راهم على الظلمة
الموقع الرسمي تع la filiére hadi
http://www.univ-tlemcen.dz/fgbm/
الا عندك سؤال ولا أي واحد عندو سؤال محدد نجاوبو عليه

ربي سهل
سلام

[kkhadidja7]

تحملي بها صيانة للاجهزة الطبية في المستشفيات

[japoniya romi]

هل اقدر نبلوكي العام ؟؟؟

فيها الفرووع ؟؟؟

[kader41]

هل اقدر نبلوكي العام ؟؟؟

فيها الفرووع ؟؟؟

في أي شعبة عند الحق تبلوكي العام بشهادة طبية
انا باك 2011 لوكيت العام وعاودت الباك بش مانديرش الهندسة البيوطبية لكن حتى بالباك الثاني 8 خيارات حمراء والخيار التاسع البيوطبية كانت كاتبتلي ان شاء الله فيها خير
يا بنت الناس الشعبة راهي ممكن تكون مليحة ليك وتعجبك يعني أنا عطيت رأيي ان كان لك اهتمام كبير بتخصص آخر لما لا تعيدي البكالوريا عام ما يزيد ما ينقص أما اذا كان عاجبك التخصص تع البيوطبي فلما لا ان شاء الله ربي يرزق ويعدل الأحول

التخصصات أو الفروع
العامين الأولين تقرا جذع مشترك والعام الثالث بش تختار تخصص من 3 تخصصات
tronc commun عيان صراحة كرهني في القاية وقريب عاودت العام لكن chef de departement قال لينا بلي رح ينحوه الله أعلم ابتداءا من هذا العام أو بعد لكن العام هذا برك (السنة ثالثة) وين حسيت بحلاوة الدراسة قليلا بعد اختبار تخصص informatique biomedical
التخصصات هي 3

informatique biomedical
electronique biomedical
image et signaux biomedical

وفي الماستر تخصص electronique يتفرع الى 2
instrumentation biomedical
télémedecine


سلام

[japoniya romi]

درت كونكور ولا لا ؟؟

ووينه الفررع الاحسن فيهم ؟؟

انت كنت تقرى علمي ولا رياضي ؟؟

[japoniya romi]

قالولي هناك تمييز عنصريي و ما يعطوك حقك صحييييح ؟؟

[kader41]

قالولي هناك تمييز عنصريي و ما يعطوك حقك صحييييح ؟؟


كلام غير صحيح

الفرع الأحسن أنت وميولك كل واحد وش يساعدو وش مبرمج يدير
اما بخصوص الجامعة بالمقارنة مع باقي الجامعات الحمد لله ديما نكملو اللولين واللافيشاج ليه ليه ومنظمة الحالة عموما

[kader41]

درت كونكور ولا لا ؟؟

ووينه الفررع الاحسن فيهم ؟؟

انت كنت تقرى علمي ولا رياضي ؟؟

أنا كنت علمي

لا كونكور لا والو

[japoniya romi]

متى كانت اول دفعة ؟؟
و انتو عددكم كثيييير

[japoniya romi]

انا اعطاو هالي و رح روح سجل فيها انشاء الله بس بدي شوية معلومات مو اكثر

[kader41]

العدد لا يعتبر كثير خصوصا مع وجود التخصصات
أول دفعة تخرجت ماستر 2 تخرجت هذا العام (خمس سنوات دراسة)

[japoniya romi]

انت علمي ما وجدت صعوبة لانهم قالولي فيها دراسة تخص تاع شعب تقنية

[japoniya romi]

انت بصفتك علمي ما وجدت صعوبة لانهم قالولي فيها اشياء تخص اصحاب الشعب التقنية

[kader41]

من وجهة نظري لا مشكل اي مادة يمكن دراستها على العكس تكون علمي خيرلك

[japoniya romi]

قريت انو في 2012 صار اضراب شو قصتو و هل جاب نتيجة ؟؟؟

[japoniya romi]

وانت بعد هادي الدراسة تشوف هادا الفرع مليييح اقصد هندسة بيوطبية على العمووم

[kader41]

الاضراب دام 6 أشهر انتهى بخوف الطلبة ورجوعهم الى مقاعد الدراسة وتم مقابة نواب الأقسام باعادة السنة بتهمة التحريض

المطالب كانت بأن تكون هناك status خاصة بالهندسة البيوطبية في الوظيف العمومي لحد اليوم وحسب علمي لا توجد وضعية

الفرع أعتبره مقامرة يمكن تصحلك حاجة فور عند اكمال الدراسة والا أخطط لدراسة شىء آخر من جديد

[japoniya romi]

ماذا تقصد ب

حسب علمي لا توجد وضعية

الفرع

[japoniya romi]

ماذا تنصحنيي؟؟

[سامي 123]

كم معدلك أختي ؟

[japoniya romi]

14.73 هادا هو معدلييي

[kader41]

un status dans le fonction public
يعني مثلا الطبيب العام لديه سلم في الوظيف العمومي أي أجر قاعدي ومنح والخ وكذلك أي عمل آخر في سلك الدولة أما الشعبة تاعنا على حد علمي لا يوجد مهندس بيوطبي في الوظيف العمومي

النصيحة أهم شيىء الواحد يتبع الرغبة تاعه وميوله اذا تميل مثلا الى الاعلام الآلي والتكنولوجيا اختار شعبة تناسب ميولك حتى لو كانت صعبة تلقى روحك لأنها رغبتك أما اذا اخترت تخصص حسب كلام الناس او فرص العمل فستجد نفسك دون رغبة في الدراسة أو تدرس من أجل تطلاع العام فقط

يعني المختصر اذا كان عندك رغبة ملحة في تخصص تميلي ليه ولم يلحقك المعدل عاودي الباك ان كان من الممكن لك ذلك
اما اذا كان لا يوجد تخصص يستهويك فالهندسة البيوطبية لا بأس بها تعد شعبة نادرة في الجزائر لكن تبقى مقامرة ان كنتي تريدين العمل المظمون
هناك أيضا مدارس عليا تجارة أو فلاحة جيدة جدا مستوى دراسي وشهادة معتبرة

سلام

[japoniya romi]

ماكانش لي معايا

[ilyes1996]

اختي ديري مدرسة عليا للبيوتكنولوجيا اظن انها افضل