مشكلة داخل بيت

[مشكلتي]

السلام عليكم زوجت اخي هي تسكن معنا في بيت شيئ لي محيرني منها انها تستيقظ في اي وقت يحلو لها ما طيب والو غير بنفحتها كل اسبوع ممكن دير عشاء مرة فقط والله ما فهمت وش عقلية هذي انتاعها كامل بنات مزوجين ديرو هاك ولا غير هيا حتى حاجة لي خلاتني نكنب موضوع انا امي هي من تقوم باعداد طعام غداء والعشاء وهي لي تديها الى غرفتها وتقوم بطرق بابها وتقوم ايضا بجلب ماء لها وكل مسلتزمات امي مخلوقة تعامل فيها كانها ابنتها وعروستها علما انها تقريب عام وهي متزوجة باخي واخي لا يتحكم فيها كما نقولو حنا هي تحكم فيه الله غالب هذي شيئ خلاني نكرهها داير روحها ملكة وتفرج امامنا مسلسلات تركية بدون احترام والله زادت حرقني قلبي علما ان اخي سلفي او كما يقولون داير لحية ................................. وليت نكرهها نكرهها نتمى منوفهاش ديما تحكي على اولاد اعمامها وخاصة خالها لي ديما تشكر فيه وتحب دائما تروح بيتهم انا من سمعت كثرت شكرا خالها ولات .............................................حالتي متشكرش ولات كذابة تقول اني حاملة وتعبانة ومنقدرش نخدم حتى حاجة واخي متزوج بها مسكين مصدقها فوق قلبو علبالو بلي راها تكذب كي يجي وقت اعراس تروح بسرعة هل بنات متزوجات في منزل عائلة الزوج يفعلنا هكذا ام هي فقط ممكن تسلعدوني كيف اغيرسلوكها بدون ان يشعر اخي

[سفير النوايا الحسنة]

الحل بسيط جدا وهو انه اخوك يسكن لوحده ويتهنى الفرطاس من حك الراس

[مـحمد 88]

الاقارب عقارب و تزاورو و لا تجاورو
ما قل و دل

[كلمة مني]

الله يهدي الخلق

[om taki bacha]

يا اختي نت ما عندك ماديري اذا كان راجلها واهللك راضيين راه تربحي غير العيب وهذي راه تحوس على دارها وحدها

[محمد جديدي التبسي]

قولي لخوك ينفض الغبرة اللي على راسو واش هذا سبحان الله !!!!
اذا كلاك قلبك احكي معاها قوليلها تفيق لعمرها؟!!
ربي يهدي

[أم أماني أريج]

شوفي أختي إذا على تصرفات أمك مع زوجة أخيك عندك الحق تتقلقي و انصحي أمك و قوليلها تولها أنها عندها واجبات منزلية و الحمل ليس حجة للتهرب .......
أما فيما يخص علاقة زوجة أخيك مع أخيك فنصيحة لك أختي لا تتدخلي في خصوصياتهما لأنك في يوم ما ستكونين زوجة و أكيد لن يعجبك تدخل اخوات زوجك في خصوصياتك ..

[ابتسام smile &hope]

كاينة حاجة يسموها الدالة
يعني اليوم نتي طيبي وتغسلي وتمسحي وغدوة هي
يوم عليك ويوم عليها
ويماك خلوها تريح عيب عليكم في زوج
واذا التلفيزيون ماشي ف بيتها تقدري تسوبريمي القنوات اللي يديرو هاذوك المسلسلات

[Chaima h]

ربي معاك و ان شاء الله ربي يقرب الخير

[NooR Imen]

ماتخلوش امك تديلها ماكلة و تخدمها كولو و خلوها كي تجي تحوس ماتلقاش تطيب ولا تقعد جيعانة
و هدرو مع خوك قولولو زوجناك مرتك تخدمك مشي حنا ولا يما ايا ثم يحس و يولي يقوللها نوضي اخدمي

[♨محمد♨]

ربي يجيب الخير ...،،،.

[amine009]

و الله كي نسمع هذ الحكايات نخاف نتزوج قااع ... المهم نتي الاخت قللي الاحتكاك معاها و قلي للام نتاعك مدللهاش بززف ... و أما بالنسبة للطبخ و على حساب الموضوع حتى نتي مراكيش طييبي يعني ممكن راها تعاندك و علم لله

[yako02]

ايه يا اختي هدي حابة دير دارها وحدها تشوفي صنعة يديها مليح تحسبي مش هي لي كانت عندكم امك ربي يصبرها على هدي الكنة و لكن باش تديلها الماكلة حتى عندها لالا كي يطيب الفطور تفطر مع العايلة مش وحدها و اذا حبت تاكل وحدها جي تدي روحها ماما مهيش خدامتها و الله يا اختي عن تجربة خوك لازم يدير دارو وحدو لانو لو تبقاو هكدا رايحيين تولو في مشاكل كبار و نهايتها يدير دارو بالزعاف فمن الاحسن امك تفتح الموضوع مع اخوك باش يدير دارو وحدو و تاني حنونة الزعاف مش مليح للام من طرف الزوجة لانو رايح ينقلب على العلاقة بينها و بين وليدها

الخلاصة افرقو الحس كل واحد يبقى باحترامو

[الصديق قروف]

انا سعات نقول بلاك سحور

علبلي امك مهيش راح تسمعلكم

‏ ربي يهديهم
‏

[سجل أنا جزائري]

اسمحيلي لكن مثل هذه المشاكل لازم نسمع الجهتين لأنو معروف العداوة الفطرية بين الزوجة و اخت الزوج أكيد لو نسمع الزوجة سوف تقول انت من تفتعلين المشاكل معاها و معروف انو اغلبية المشاكل تأتي من السلفة خاصة اذا كنت تسكن معهم بدافع الغيرة

ثاني شيء أخوك باين انسان مدين و عارف بالحياة مستبعد يخلي أمو تخدم على زوجتو و يخاف منها !!! حتى امو كذلك تتحكم فيها و تخاف منها ؟

و في اثنيين اموك و زوجها راضين بها الا انت ؟ رغم ما ريها في بيتك ما راكي تخدمي عليها ما راكي مسؤولة عليها

من أحسن ما تتدخليش في حياتهم راه راجل بسلامتو خليه يعيش حياتو

اسمحيلي اذا كان تفكري خاطئي لكن لما تتزوجين سوف تفهمين وضع الزوجة لما تعيش بين اهل الزوج

[زينة نور]

الحل يااما انكم ديرو الدالة يااما ديرولها دارها وحدها وخلاص