ساعدو اختي

[مشكلتي]

السلام عليكم ورحمة الله وبركاته
اريد ان اطرح عليكم مشكلة تعاني منها اختي
انا عندي ختي في العشرينات من العمر عندها ولدين الكبير في العمر 2 سنتين واخر صغير وهي ساكنة وحدها وهي الان بالحمل وخايفة بزاااف من المسؤولية نتاعهم يعني كيفاش رايحة تربيهم وحدها راهي في زوج حاصلة فيهم وزاد راهي بالحمل وراها مزالها صغيرة وراهي تفكر في الاجهاض وراها متخوفة بزاااف واش تنصحوها جازكم الله الف خير راهي مترقدش في الليل تبات تخمم انصحوها واجركم عند الله

[yassmina93]

لا حول ولا قوة الا بالله مارنيش مامنة واش قريت يعني كل النعم اللي راهي فبها ختك زوج وبيت مستقل واولاد وحابة تقتل روح فقط خايفة من المسؤولية قوليلها تستغفر ربي وتحمده ليل و نهار ناس بزاف راهم مشتاقين هاد النعمة و مين تخاف من المسؤولية لوكان من النهار اللول دارت حسابها

[imenemalak]

أختي راهي غالطة اختك ربي يهديها ..... لازم تحمد ربي سبحانو والولد كي يجي يجيب الرزق معاه

[Zaki Dilmi]

اجهاض سقسي اي امام يقولك حرام و راح تقتل نفس يغني مايهمهاش تقتل نفس معندها حتى ذنب الله يهديها
يعني الجنين هذا اي ذنب دارواا
اسمحلي مي ختك تخمم على روحها و لوكان دير اجهاض ربي يمهل و لا يهمل و راح تضلم روحها
ربي يهديكم

[مانقراش]

اتزوج انت و جيبلها لي تعاونها
Au même temps
غادي يدو l'expérience
:1:
هدا هو حلها

[كلمة مني]

ربي يكون في عونها لازم من أهلها يعاونوها هذا شيئ طبيعي ، تربية الأطفال مسؤولية كبيرة وصعيبة ما شي ساهلة وقلها كامل يصرالهم هكذا وكون ربي معاهم ويتخطاو كل شيئ لازم تصبر لعله خير ليها ان شاء الله .

[مـحمد 88]

بسم الله الرحمن الرحيم
ولا تقتلوا أولادكم خشية إملاق نحن نرزقهم وإياكم إن قتلهم كان خطئا كبيرا
صدق الله العظيم

[مـحمد 88]

انت قلت ساعدو اختي ، ساساعد ان شاء الله راسليني على الخاص

[أم أماني أريج]

يا سبحان الله كيف هو حال الدنيا .......
ناس ما ترقدش في الليل من حرقة فقدان نعمة الأولاد ......
و ناس ما ترقدش من تفكيرها في عدم قدرتها على كثرة الأولاد .....
على كل حال ربي يفرج على أختك و يقويها على تربية أطفالها أكيد التربية صعيبة لكن تشوف فقط لأمهاتنا و جداتنا كن يلدن كل عام تقريبا و رباوا و كبروا عادي ..........

[najatbakta]

harammmmmmmmmmmmmmmmmmmmmmmmmm iskkato eljannine li anaho katlo roooohe rabi yahfadna

[ابتسام smile &hope]

تقدر تخليه عندكوم حتى يكبر شوية

[محمد جديدي التبسي]

فعلا وضع صعب ربي يكون في عونها لازم ترجع تسكن مع أهل زوجها باش تلقى اللي يعاونها!!
ولا تقول لزوجها يجيبلها ضرة تعاونها!! والا أمك تروح تعاونها

[NooR Imen]

علاه هكا هادا رزق من عند ربي الاولاد
قولولها نعاونوك فيهم و تجيبي اولادك يكبرو مع بعض خير
و اصلا الاجهاض حرام

[♨محمد♨]

قتل نفس بغير حق

[وصال سلام]

الله يهديها ويهديك معاااها

الكلام راهو قالوه الاعضاء لي قبلي

يا ريتني مادخلت وماقريت الموضووووع قلبي تعصر

كي عادت مش قادرة على المسؤولية علاه تزوج يخي كاين وسائل منع الحمل

حسبي الله ونعم الوكيل

وعجز اللسان عن الكلام

[نورسين.داية]

ماهو هذا المركز الذي سوف تجهض فيه أختك ؟؟؟؟؟ اللهم زدنا علما ؟؟؟؟؟

ياخي الجنين لما يتجاوز مدة زمنية معينة لا يمكن إجاضه .......و السبب الذي قدمته هل هو سبب مقنع لله عز وجل و القانون أم لا .؟؟؟

أنا نعرف إنسان ماش قادر على مسؤولية من البداية علاش جابهم ؟؟؟؟؟؟؟؟؟؟؟؟؟؟؟؟؟

[amira1989]

مدام تزوجت تتحمل مسؤليتها ..باش تتزوج عرفت ..مبانتاهاش راهي صغيرة ..ياخي حالة يا خي

[0ibtissam]

اختي الاولاد رزق من عند ربي كل طفل يجيب رزقو معها تتخيل يزيد ومعبد يمتلها ولا يقلها واحد معندوش ذراري مدهولي اكيد متقدرش تمدو كبدتها هي ريح تتعب في تربيتهم عمين اولين ومبعد خلاص تجيبهم مدام صغيرة يكبرو معها ربي يقدرها على تربيهم ان شاء الله ربي يطلعها على خير

[cezar algerien]

حاجة بسيطة بزاف، الولد الأول تخليهولكم لمدة معينة يتربى عندكم حتى تولد أختك ويكبر الطفل شوية كيما يديرو ناس بزاف

أو إذا كنتي انتي المتكلمة بنت روحي اسكني عن اختك مدة عاونيها

[lina.b]

ما شاء الله اختك راهي في نعمة انا نتمنى نجيب دراري في سن مبكر. بصح نقرااا.
امبعد تكبر معاهم حتى و لو انو لازم تجوز عقبات بصح كلشي يفوت و نتوما عاونوها.

[صفاء الروح]

ربي يهديها حراااااام حراااااام

[ندى العالم]

يا قاتل الروحو وين تروح
اختي الفاضلة المولود كي يجي يجيب رزقوا معاه
و الرزق ماشي النقود فقط قادر ربي يسهللها في تربيتهم
يا اختي بكري يولدوا ب 16 طفل و عاشوا عادي
المهم الواحد يدير النية و يتوكل على ربي و يدعيه سباركلو و يسهللو
قولوا اللهم ارزقنا العافية