اريد طريقة تساعدني

[مشكلتي]

السلام عليكم
انا اعاني من مشكلة اصبحت الان عقدة
انا في سن 31 سنة و مازلت لحد الان اعزب وانا اعمل فقط في عقود الادماج المهني ( عقود صالحة لمدة 6 سنوات)
كل اصدقائي و جيراني من هو في سني تزوجو بقيت انا فقط في الحي وحدي اعزب في سن 31 سنة
حتى ان بعض الاصدقاء من يصغرني ب 6 سنوات اصحب يدعوني لزفافه بالرغم من انهم لم يدرسو لكنهم توظفو في الجيش و الامن و الدرك استطاعو الزواج في سن لا يتعدى 24 سنة
و انا درست في الجامعة و تخرجت منذ 2007 لكن لا حياة لمن تنادي بالرغم من اني شاركت في مسابقات عديدة كالشرطة و ادارة السجون و لم انجح ...مشكلتي سببت لي مرض الربو لاني اصبحت بسبب التفكير الحزين في المستقبل
اصاب بضيق التنفس الحاد و اصبحت اعتمد على مضخة التنفس
للاسف اضعت حياتي في الدراسة فمن ستقبل برجل بدون عمل حتى اني انا في حد ذاتي لا استطيع ان اتقرب لطلب يد امراة و انا شبه عاطل كما اني لا استطيع الكلام معها مباشرة لاني قليل متى اتكلم مع امراة
انصحوني مذا افعل

لانه كثر السؤال على من الجيران و من اصدقائي على حالتي و الى متى ابقى اعزب حتى انهم اصبحو يحدثونني بكلام ضمني يجرح المشاعر
هناك من نصحني بالبحث عن فتاة من الانترنت لانه مكان جيد للتخلص من التوتر في التحدث و التعرف عليها لكني لا اعرف حتى اين اجدها

[سجل أنا جزائري]

ربي يفرج خويا و يسهل عليك ان شاء الله

شوف خدمة ستاابل مش لازم تكون في قرايتك و لا

راهم يخدمة باللانام برك و يتزوجو و عادي كاينين بنات فاميلية

كي تكون في يدك خدمة ابد حوس و خطيك من انترنات طريق هذي ما توصلش وصي عائلتك اصدقائك معارفك اكيد تكون عندهم معرفة و يقترحو عليك و يكون عندهم معرفة بوضعك اذا سهل ربي روح اخطب مش لازم تتعرف من قبل و

[لحن الحياة.]

راك عادي جددددددددددددددددددددددا انت برك كبرت القصة

مادامك عندك ديبلوم و خريج جامعة ما تخافش ........................ راهم اميين و كوافا و يجو يخطبو عادي .... عااااادي عادي
ربي يوفقك اخي

[وصال سلام]

شوف راني حاسة بيك بزاااف خويا لكبير قدك في السن وبدون زواج ولكن انت ماتكبرهاش بزااااف انت راجل وسنك مايتعابش مش كيما المراة سنك مناسبة جدا للزوااج وغير بنات الفاميليا لي كاينين انتم فقط ماتنتبهوووش نقولك حاجة ولاد خالتي صح اقل منك ولكن يتفتفو فقط ماهومش شهارين صنعة ايد وخفيفة تاني راهم يخطبو وبنت خالتي راجلها سنة برك تخرج ومازالو لقدام العسكر والخدمة وووووو وخطبها وخويا الصغير كيما انت عقود ماقبل التشغيل وصغير في السن راه ناوي يخطب وكيما قال الرسووول تزواجو ترزقون والله ماك عارف نهار لي تزوج تنجح في كاش كونكور وتعود بخدمتك لابااااااس عليك
اصدم يا صدام انت اعقلها وتوكل وربي معاك
ربي يفرج عليك ويفك حيرتك ياااااااااااااااااااارب

[ريان 7]

السلام عليكم و رحمة الله و بركاته

أكيد تلقى وحدة تقبل بظروفك حوس برك و كل شي من عند ربي مرحبا منو .

سلااام

[طالبة علم شرعي]

تقدم للخطبة وتوكل على الله فانت متخوف ومتردد دون التجربة .... ابحث عن الفتاة وتقدم لعل الله يحدث امرا
كما انه يوجد بطالين تزوجو وانت تعمل !!!
التكلم مع الفتيات للتخلص من التوتر هاته اسوء نصيحة يمكن تقديمها فزوجتك ليست اي فتاة ومع الوقت ستتخلص من المشكل
بالتوفيق ...

[ولد حمد الباتني]

هاك قلتها هوما امقراوش ونتا قريت
أبقى تدي مليون ونص للشهر وفوطي على بوتفليقة ....

[كلنا راحلون]

الله يشافيك اخي واعلم كل انسان ورزقو وتأخير حكمة لا يعلمها الا الله


وفي مايخص زواجك مازال بنات عايلة وتواضع وشوف مع بادية دوار ناس متواضعين

وماتسمع متشائمين واطفال سباعيات

[houda_jijel]

ربي يهديك اخي راك الله يبارك قاري و حاقر في روحك و منقص من قيمتك ادا كان عملك ميكفيكش اخدم في اوقات الفراغ الاخرى و بريكولي و متقوليش مكانش لانو اللي يحب يلقا يلقا و اكثر من الاستغفار و ادعي ربي و حوس على بنت صالحة و اخطبها مادامك حاب تعف روحك ربي رح يوفقك اكيييد
بركاك من السلبيية دير الصقة في روحك
ربي يسهلك

[أم شروفة]

مواصفاتك الف واحدة تتمناها ...........كونك شاب ومتخرج .روح اخطب اي واحدة .روح اخطب طبيبة تقبل بيك ...رانا في وقت يا اخي الرجال قلال .غير قول كلمة 100واحدة متخرجة وصغيرة وعاملة تقبل بيك.....دير الكوراج واخطب

[salem1985]

السلام خويا ربي يوفقك رانا في الهواء ساوى انا عامين وانا نحوس تقول رانا في كوكب بلا بنات والله كي تعكس تعكس اصبربرك انا راني خدام وبداري ومتخرج كيما انت من الجامعة وعامين ماقدرت نلقى بنت فاميليا وما شرطت والو خدامة ولا مريحة قارية ولا والو طويلة قصيرة بيضة سمرة شابة باشعة والله ما لقيت 3مرات نحاول ونفشل يا يرفضو عائلتها ولا عائلتي والله سبحا الله تقول العائلات حابين يتزوجو انا قابل هي قابلة عائلات انتاعنا لالا كل شئ متوقف الى اجل غير مسمى والله خطرات تقول نرحل كامل من هدا البلاد لتونس ولا ليبيا ياتموت يا تعيش مليح حنا رانا في عقوبة من الدرجة الرابعة المرة ما ولاتش تفكرفي الزواج خلاص عندها الدار الخدمة والصحاب والحرية واش تدير بالراجل وصحابها بالمئات ربي يقدر الخير صاحبي في وقتنا الحلال موش صعاب ما بقاش خلاص ربي يهدينا

[زرابة]

اخي سادلك على طريقة رائعة استخدمتها بنفسي لالرزق ارجو منك الاستغفار بعد كل صلاة وقراة سورة الواقعة اقسم لك بالله ان النتائج مبهرة وربي يرزقك الزوجه الصالحة اجلا

[محمد جديدي التبسي]

والله يا خويا حطيت ايدك ع الجرح رغم اني أفضل حالا منك لكن أكثر عجزا منك واقع مزر فعلا الفقر صعيب
نصيحة لي ولك استعن بالله وتوكل عليه ولن يخيبك
ابحث عن عمل آخر عند الخواص ودعك من هذه العقود الوهمية
او تعلم حرفة كهربائي أو تركيب أنابيب أو حتى مونيفري والله يعينك أخي