اتخلطت عليا

[مشكلتي]

شاب في بدابة الثلاثين موظف والحال ميسور والحمد لله....اعرف بنت منذ تقريبا سنتين ...صراحة لو جيت العالم طولا وعرضا لن اجد بنت تحبني واتساعفني وتحترمني وقررت التقدم اليها ومن المفروض عقد الفاتحة والخطبة من على شهر على اقصى تقدير ...العائلتين على اتصال والتحضيرات جارية ...مؤخراا ذهبت في جولة سياحية قصيرة ...قاعد في امان ربي الى ان جاءني صاروخ ارض ارض تعرفت بالصدفة على بنت اية في الجمال صراحة ابهرتني وبنت عائلة ونسب عريق ومثقفة ..وجدت فيها ما لم اجده في الاخرى وهي ايضا تلح على الارتباط الرسمي في اقرب وقت ....والله صراحة افشلت واتشبكت عليا انحبس مع الاولى على بالي ما تسمحليش طول العمر ...لكن هاته الاخيرة ايضا سكنتني ...انا الان اجلت كل شيء مع سابقتي والاهل ما فهمو والو وهم يضغطون ...على بالي راح اتلوموني لكن الكارثةت حل منذ جاءت هذه الحية في طريقي كنت مليح .....ارجو منكم الدعاء لي بانفراج الامور في اقرب وقت ان شاء الله .

[moussabm]

.صراحة لو جيت العالم طولا وعرضا لن اجد بنت تحبني واتساعفني وتحترمني .

هذي تكفيك راك غالط أرجع لصوابك وأرجع للبنت للتساعفك وتحترمك
إذا خليتها راح تندم أو ماتلقاش كيفها

[ranou gigi]

اعلم انه قرار صعب و صعب للغاية لكن مادام القلب دق لوحدة اخرى يعني انت عمرك ماحبيت الاولى و اذا شايف روحك ماكش راح تقدر تكمل معاها غير ابعد علاها و خلاها تعيش حياتها بلاماتعذبها معاك و صلي الاستخارة و راح ربي اسهلهالك الممكن التانية شفت فيها كلش مي تقدر تكون شر لك مش خير او العكس اكثر من صلاة الاستخارة و راح تسهال في وجهك ربي معاك

[mino 19]

خويا لي تعرفها سنتين خير من لي تعرفها اسبوع
نصحية لك
اولى احسن لك خمم لللـــقدام ماشي عند نيفك كيما يقولو
راك فاهمني

[محمد جديدي التبسي]

ابقى مع الاولى وهني على راسك
الثانية عجبك جمالها فقط اما الاولى فعرفت جزء من روحها ويكفيك ذلك لتذهب حيرتك

[*الجنرال*]

وحدة عندك معاها عامين صحبة و وو و وحدة شفتها بالاك في البحر

اخطيك منهم في زوج . . . روح ازوج بنات الفاميليا لي راهم قاعدين في ديارهم احسن ليك

[j-med]

أخي كن ذكيا، فكر في نفسك فقط و لا تفكر في أي أحد

صدقني البنت لو تجد أفضل منك تتركك في دقيقة حتى و لو بينكم عشرة 20 سنة

[houssem zizou]

ما تبعش الزي ياسر يا أخي

قد تكون المرأة جميلة لكنها ذات نفس خبيثة

فكر في أولادك تختار لهم الأم الصالحة لا الأم الجميلة، - فإن ابنك لا يهمه أن تكون أمه جميلة أم قبيحة، لا يهمه أبدا.
هي أمه أمه لكن إذا كانت صالحة يفخر بذلك. يفخر فخرا عظيما-

و أنصحك بنصيحة جامعة مانعة قال صلى الله عليه وسلم (فاظفر بذات الدين تربت يداك)
ثم عليك بالإستخارة
أسأل الله أن يعينك في شأنك و لا يكلك إلى نفسك طرفة عين

[مانقراش]

انت باينة عليك خلاط
كاع و لو كان تدي الاولى ، و مع الوقت تروح ل deuxième
شفتها غير نهار الاول ايا عجباتك و annuelite الخطبة ؟
باينة حكيتلها و قلتها راني بطلت الخطبة على جالك
كونك عند كلمتك ، كمل واش راك بنيته ، ماتوليش ل l'arrière و ستعقل شوية

[alhoudja]

دير شادي مادي
الناس راهي حاصلة مالقاتش وانت حاصل في الاختيار
يا راجل - اذا راجل صح طبعا -
الأصل في الزواج التعدد
يعني زوج وطلع ثلاثة اربعة
وانت جاوك في زوج وكيما راك اتقول ميسور الحال
اعطيهم الحس في زوج
هاجم عليهم في زوج
وكون راجل

[AMINA.Z]

لطالما كان تلوفاء من صفات النساء و الخيانة من صفات الرجال

حسبي الله و نعم الوكيل

[oum sohaib]

التخلاط ماشي ملييييييييييييييح
كما تدين تدان

[صدق العطاء]

لسلام عليكم
انصحك بالاولى انصحك بها سنتين معاك وفي الاخير طفلة اخرى ......
الجمال يزول والاخلاق تبقى

[mounyabiskra]

أخي كن ذكيا، فكر في نفسك فقط و لا تفكر في أي أحد

صدقني البنت لو تجد أفضل منك تتركك في دقيقة حتى و لو بينكم عشرة 20 سنة

حرام عليك..... :mad:

[الأمين®]

نتا خلطتها على روحك

[سجل أنا جزائري]

مشكلتك ليست في الثانية

مشكلتك انك مكش قنوع و كون متأكد حتى لو اخترت الثانية سوف تمل و تأتي أخرى لتخطف قلبلك و تقول يا ليتني انتظرت قليلا و في أخير ما راح تدي حتى وحدة تجد نفسك وحيد تحصل كيفاش تلقى وحدة تعجبك

راجع نفسك أخي مليح و علم نفسك ان تقنع لما تخير خلاص ما تبقاش تشوف منى و لا منى نت غلطت كي بديت تشوف و تعرف لو من لول كي شفتها دورت عينك و قلت راني خاطب خلاص ما تبقاش في قلبك هكدا

[melissa lola]

كما تدين تدان

[أم أماني أريج]

ما دمت أطلقت العنان لبصرك رايح توقع في نفس المشكلة مرة ثانية و ثالثة و رابعة حتى لو تزوجت 4 لأن كل جميلة هناك من هي أجمل منها و هكذا رايح تتعب و تعب زوجتك المستقبلية معك .......
الحل هو في غض البصر و محاولة الجلوس مع نفسك فترة من الزمن تبعد عليهم في زوج حتى تقدر تفكر و تقرر فيما بعد ...........

[imenemalak]

ما دمت أطلقت العنان لبصرك رايح توقع في نفس المشكلة مرة ثانية و ثالثة و رابعة حتى لو تزوجت 4 لأن كل جميلة هناك من هي أجمل منها و هكذا رايح تتعب و تعب زوجتك المستقبلية معك .......
الحل هو في غض البصر و محاولة الجلوس مع نفسك فترة من الزمن تبعد عليهم في زوج حتى تقدر تفكر و تقرر فيما بعد ...........


وي اختي حتى انا هدا وش كنت راح نقول ربي يهديه ويهدينا :19:

[optimism]

السلام عليكم
ذا احببت شخصين فى نفس الوقت اختر الشخص الثانى لانه لو احببت,,,,,,,,,,,,الاول بصدق لما احببت غيره
الصدق والوفاء ؟؟؟؟؟؟,,,,,,,,,,,,فعلا ,,,,,,,,,,,,ربي يفرج عليك

[ريان 7]

مالا صاروخ أرض أرض

صلي استخارة و حكم عقلك

بالتوفيق