مستقبلي ضائع ارجوكم ساعدوني

[sabrina9]

انا متحصلة على شهادة بكالوريا 2015 تقني رياضي هندسة الطرائق ب 13.86
منذ نشر النتائج و انا هنا في المنتدى استشير لكن لا يوجد من يضع لي حل مناسب
كما قلت في عديد من المواضيع لقد اخترت مدارس عليا للاساتذة في العشر خانات لكن نسبة قبولي فيها 00%
ها هي الخيارات المتاحة لي
http://store2.up-00.com/2015-07/1437776817211.png
http://store1.up-00.com/2015-07/1437777189761.png
http://store1.up-00.com/2015-07/1437777417691.png
http://store2.up-00.com/2015-07/1437777496211.png



ارجوكم اريد من ينصحني و الله مستقبلي غامض و عقلي مشوش و محتارة ...

[farid1945]

اختاري الشيء اللذي تحبينه وتستطيعي أن تدرسيه جيدا والخدمة على ربي كل التخصصات تستطيعين من خلالها الحصول على عمل محترم فقط اجتهدي في الدراسة أولا ثم البحث عن العمل ثانيا ... عندي ابنة خالتي درست علوم انسانية تخصص اعلام واتصال وهي الآن تعمل في وزارة المالية وتحصلت على العمل بدون معريفة ولا أي شيء فقطت شاركت في الكثير من المسابقات حتى نجحت ...

[sabrina9]

اختاري الشيء اللذي تحبينه وتستطيعي أن تدرسيه جيدا والخدمة على ربي كل التخصصات تستطيعين من خلالها الحصول على عمل محترم فقط اجتهدي في الدراسة أولا ثم البحث عن العمل ثانيا ... عندي ابنة خالتي درست علوم انسانية تخصص اعلام واتصال وهي الآن تعمل في وزارة المالية وتحصلت على العمل بدون معريفة ولا أي شيء فقطت شاركت في الكثير من المسابقات حتى نجحت ...

شكرا اخي على النصيحة و المساندة
انا و الله اي تخصص تجيبوهولي نقدر نجتهد فيه باذن الله لكن خفت نختار تخصص و منلقاش فرص عمل فيه و نضيع لعوام ... (وزيد بالزيادة انا اول وحدة جابت باك في العائلة الصغيرة معنديش اي فكرة على التخصصات )
الي عندوا معلومات اخرى عن تخصصاتي يفيدني
"شكرا اخي "

[Adem DZS]

السلام عليكم. أختي ممكن يقدروا يعطيوك أستاذ علوم دقيقة في المتوسط أو الثانوي ما تقطعيش لياس زميلة لي في البكالوريا 2013 عطاوها أستاذ في الثانوي وكانت نفس شعبتك ومعدلها 13,78 برك. لكن لازم تخيري من الان شعبة في الجامعة لي احتمال كبير يعطيوهالك وتكون عندك ميول ليها باش تخيريها في فترة الطعن في حال ما تم رفض الرغبات العشر لأنهم سيوجهونك إلى شعبة بطريقة عشوائية حينئذ إحتمال تكون تكنولوجيا. أنا لا أستطيع نصحك لأني لست مؤهل لذلك
أخيرا ,لا قدر الله ودرتي الطعن ركزي مليح حينها لأن معدلات القبول تكون تنشرت على الانترنت وستعرفين الشعب التي ستقبلين فيها بالاضافة إلى أن مدة الطعن هي يومان فقط وهي نفسها فترة التوجيه. بالتوفيق وانشالله يعاونوك الأعضاء في الاختيار

[Adem DZS]

شكرا اخي على النصيحة و المساندة
انا و الله اي تخصص تجيبوهولي نقدر نجتهد فيه باذن الله لكن خفت نختار تخصص و منلقاش فرص عمل فيه و نضيع لعوام ... (وزيد بالزيادة انا اول وحدة جابت باك في العائلة الصغيرة معنديش اي فكرة على التخصصات )
الي عندوا معلومات اخرى عن تخصصاتي يفيدني
"شكرا اخي "

فرصة العمل راهي صعيبة حتى في الطب وما هي مضمونة إلا في بعض المدارس العليا وليس كلها المهم ديري في بالك بلي الرزق على ربي وخير دليل ولد عمتي قرا فنون وراهو يخدم مع شركة كندية وخوه قرا هندسة معمارية وما خدمش بديبلومو رغم أنه ديبلوم منجح في الحياة العملية وماتقوليش نضيع لعوام لأن الوقت اللي تضيعيه في العلم راكي مأجورة عليه. أنا مثلا ضيعت عامين في شعبة لا أحبها ونجحت فيها والآن سأسجل شعبة أخرى وسأدرس من جديد ومانيش نادم على العوام لاني ودرتهم في طلب العلم.

معلومات عن التخصصات هنا: http://www.ency-education.com/specialities-information.html

[sabrina9]

السلام عليكم. أختي ممكن يقدروا يعطيوك أستاذ علوم دقيقة في المتوسط أو الثانوي ما تقطعيش لياس زميلة لي في البكالوريا 2013 عطاوها أستاذ في الثانوي وكانت نفس شعبتك ومعدلها 13,78 برك. لكن لازم تخيري من الان شعبة في الجامعة لي احتمال كبير يعطيوهالك وتكون عندك ميول ليها باش تخيريها في فترة الطعن في حال ما تم رفض الرغبات العشر لأنهم سيوجهونك إلى شعبة بطريقة عشوائية حينئذ إحتمال تكون تكنولوجيا. أنا لا أستطيع نصحك لأني لست مؤهل لذلك
أخيرا ,لا قدر الله ودرتي الطعن ركزي مليح حينها لأن معدلات القبول تكون تنشرت على الانترنت وستعرفين الشعب التي ستقبلين فيها بالاضافة إلى أن مدة الطعن هي يومان فقط وهي نفسها فترة التوجيه. بالتوفيق وانشالله يعاونوك الأعضاء في الاختيار

شكرا اخي على المرور و المشاركة الطيبة...
علابالي الوقت ضيق في يدي يومين فقط للطعن و الله انا جد متخوفة مانيش حابا نضيع اعوام
ان شاء الله تصرى معجزة و يقبلوني :)

[farid1945]

اذا كنت تريدين ضمان العمل فليس أمامك سوى المدارس العليا للاساتذة ماعدى ذلك فلايوجد شيء اسمه عمل مضمون ..... لذا مادمت تصرين على أن تدرسي شيءا يكون عمله مضمون أنصحك أن تعيدي اجتياز الباكالوريا ان لم تتحصلي على المدرسة العليا للاساتذة ...+ لا تفقدي الأمل هناك احتمال أن تتحصلي عليها أيضا يمكنك أن تجربي القيام ب transfer لاحدى المدارس العليا للاساتذة

[farid1945]

+ لماذا أنت متشائمة وتقولين مستقبلي ضاع ههههه أنا جبت معدل 17 واخترت تخصص " غير مضمون " لم اختر لا المدارس العليا للاساتذة ولا التخصصات الطبية يعني أنا ضيعت مستقبلي بيدي هههههه:1:

[sabrina9]

هههه الله يبارك ايييه نتا راك طبيب من دوك ههه
و الله حكمني هاداك الرعب تاع الي نقرى و نقعد نخدم في الدار هههه
مانيش حابا نقعد
سي بون طلعتولي شوي مورال ههه
شكرااا

[albert walid]

ختي لواش تميلي للمواد العلمية كفاك معا رياضيات تقدري ديري رياضيات واعلام الي شعبة زينة ولا ديري سيونس تيكنيك شعبه ملاح ولو اجتهدتي فيهم تجيبي روحك
التوضيف كما قال الاخ بعد 5 سنوات متقدري تتكهني وش يصرا

[hakim1234]

خيري شعبة ساهلة ماتتعبيش فيها هذا الوقت كل الشهادات كيفكيف 13ماهيش حاجة لامخيرتيش شعبة صحيحة يخيرولك هوما المستقبل بيد ربي انا قريت عام stوخرجت نقول راني ضايع الحمد لله

[sabrina9]

ختي لواش تميلي للمواد العلمية كفاك معا رياضيات تقدري ديري رياضيات واعلام الي شعبة زينة ولا ديري سيونس تيكنيك شعبه ملاح ولو اجتهدتي فيهم تجيبي روحك
التوضيف كما قال الاخ بعد 5 سنوات متقدري تتكهني وش يصرا

ايه اني حاطا عيني عليها مانعرف بالاك نديرها
واش الخدمة الي فيها ؟ نقري رياضيات مثلا ؟

[albert walid]

تخرجي ماستر اعلام الي ولا رياضيات الي تحبي
الرياضيات موجه لتدريس فقط اما اعلام الي هيا الافظل تخدمي بكل القطاعات حظك يكون وفير
بالخدمة ربي رزاق متظمني من اي مدينه انتي بشرق ولا بالغرب

[sabrina9]

انا من قسنطينة و كل المعدلات طالعااااا
ايييه كون جيت في الغرب كون اني ديت مدرسة عليا تاع الاساتذة ... الله غالب هنا في قسنطينة تطيرلي غير st الي يبعتو ليها

[albert walid]

انا من قسنطينة و كل المعدلات طالعااااا
ايييه كون جيت في الغرب كون اني ديت مدرسة عليا تاع الاساتذة ... الله غالب هنا في قسنطينة تطيرلي غير st الي يبعتو ليها

اختي متقلقكش مداؤ عليا شوفي الي يخرج من مدسرة عليا يعطيوه +2 نقط حتى يشارك في كونكو
اما انتوما نو كن لو تجيبي معدل مثلا كل سنوات 13 يعطيوك + 3 نقط شفتي العفسة وينراها الاختلاف برك بالجد والاجتهاد وعمرك لا تحزني ولا تغيظك الي كتبه الله قسنطينه يقريو غايه انفورماتيك طلعه شوي زيري روحك حتىانا راني اعلام الي خخ :1:
اعلام الي مث الطب برك حاقرينها ناس مي غير صعيبه وتخليك تعبانه شعبة منافسة لطب بجداره
لو يفيقو بيها يديروها ب 15 لدخول ههه

[sabrina9]

هههه ايه مليح الاعلام الي ربي يوفقك اخي
شكرا على النصائح فريمون طلعتولي شوي مورال
راحتلي النوبة تاع المدرسة العليا هههه

[sabrina9]

و واش رايكم في الشبه طبي !!
مازال هو الامل الوحيد الي فيها خدمة و فيه مناصب
هذا الا قبلوني العام هادا "تقني" -_-

[* حبّ الله *]

و واش رايكم في الشبه طبي !!
مازال هو الامل الوحيد الي فيها خدمة و فيه مناصب
هذا الا قبلوني العام هادا "تقني" -_-

انت جربي حظك مع اني مع الاخ اللي هدر على الاعلام الالي انا جبت 14.65 و حطيت فرد مدرسة عليا في الاختيار الاخير:1: :1: انا حطيت اعلام الي في باقي الخانات و راني متهني. لاني رايح نقرا حاجة نحبها و الرزق على ربي
اختي انت شوفي واش تحبي. و اقرايه و ما تخمميش على الخدمة

[albert walid]

[QUOTE=sabrina9;3993954722]هههه ايه مليح الاعلام الي ربي يوفقك اخي
شكرا على النصائح فريمون طلعتولي شوي مورال
راحتلي النوبة تاع المدرسة اللبرمديكال الى عطاوهالك راح يكون احسن سبيسياليتي بحياتك جربي بلاك يمدوهالك الاعلام الالي مليحه يسر
وحتى المدارس العليا مي تقدري تعاودي الباك لعل وعسى تجيبي معدل طالع كثير وديري مدرسة عليا او طبيبه اذا كان حلمك
لكن شعبة هاذي على خلاف شعب الاخرى شوي مزيرة وتستحق لقراية ياسر حت تجيبي معدل زين لانو فيه كلاسمون حتى يمدولك الماستر وقسنطينه فيها طلبة يسر لهاذا يخصك جد والاجتهاد الخير في مختاره الله متزعفي ولا تقلقي راكي بالجزائر مش االمانيا

[☆دھَہّدۆھَہّة☆]

اختي يمكن يعطوك علوم دقيقة استاد تعليم متوسط لانو انتي من شعبة تقني رياضي يعني عندك الاولوية متتقلقيش ربي معاك نشالله

[sabrina9]

[QUOTE=sabrina9;3993954722]هههه ايه مليح الاعلام الي ربي يوفقك اخي
شكرا على النصائح فريمون طلعتولي شوي مورال
راحتلي النوبة تاع المدرسة اللبرمديكال الى عطاوهالك راح يكون احسن سبيسياليتي بحياتك جربي بلاك يمدوهالك الاعلام الالي مليحه يسر
وحتى المدارس العليا مي تقدري تعاودي الباك لعل وعسى تجيبي معدل طالع كثير وديري مدرسة عليا او طبيبه اذا كان حلمك
لكن شعبة هاذي على خلاف شعب الاخرى شوي مزيرة وتستحق لقراية ياسر حت تجيبي معدل زين لانو فيه كلاسمون حتى يمدولك الماستر وقسنطينه فيها طلبة يسر لهاذا يخصك جد والاجتهاد الخير في مختاره الله متزعفي ولا تقلقي راكي بالجزائر مش االمانيا

ههه ايه رانا فدزاير
بارك الله فيك اخي

[sabrina9]

اختي يمكن يعطوك علوم دقيقة استاد تعليم متوسط لانو انتي من شعبة تقني رياضي يعني عندك الاولوية متتقلقيش ربي معاك نشالله

ان شاء الله يقبلوني و الله حبيت علوم دقيقة
شكرا اختي