انصحوني والله اني كرهت

[oumbissen]

السلام عليكم انا امراة متزوجت ومشكلتي اني ساكنة مع العجوز لكن المشكلة ماهيش فيها راهي في بناتها كل صيف وعطلة يكون هنا واخرا اجيب راجلها وتقعد بيها بولادها والعجوز تحوس نخدم عليها ونسكت والله غير مالقيت ماندير. وراجلي يقولي ماتقليلهم والوا تقول يخاف منهم وخاصة راجلي هو الصغير لازم هو يبقا ديما ساكن مع امو واش يخسر عليا روحي. عند امك وقعدي.قوتلوا لاه انا ازوجت باه نقعد عند اما بشهر .والله ياخوتي مالقيت ماندير انصحوني من فضلكم

[نورالهدى بيولوجيست]

هذا راه حال اغلب الزوجات اللي ساكنين عند العزايج فالعطل فماتتقلقيش وخيتي

ماراكيش وحدك اليوم برك كانت وحدة تشكيلي من نفس المشكلة

كوني ذكية و حاولي تفوتيها باه كان الحال و ربي يفرج عليك قريبا ان شاءالله

[فايزة1207]

اذا يطيبوا معاك ويقضوا معاك عادي

[& تسنيم &]

يا اختي دار باباهم وكيما انت تحبي تروحي لدار والديك حتى هوما من حقهم يجيو
روحي لدار والديك كي يجيو
والله حرام عليكم عرايس هدا الزمن تحبو غير الرجل وحده
لوكان هادي الضيفة اختك ولا يماك والله ما تكرهي تخدم الليل والنهار
هادو ضياف ويمشيو تربحي غير العيب ويكرهوك
ربي يهدينا

[fofol]

والله ماعندك مديري اصبري

راهي رجعت لمدة في بلدنا

ألي تتزوج تدي رجلها وجي

الله ikon m3ak

[houda_jijel]

يا اختي اصبري ووسعي قلبك و ديريهم كيما خاوتك و خواتاتك و حاولي تكسبي قلوبهم و خليهم هما اللي يعاونوك و لكان مفهموش روحهم طلبي منهم بالظرافة يعاونوك عادي يا اختي انتي مراكيش الة متعياش و زيد من حقك تطلبي سكن مستقل لكن الصبر احسن

[houda_jijel]

و حطي في بالك اختي مجربة امن خلال ما شفت المتزوجات كييجو لديار امهاتهم من الوحش يقعدو غير يقصرو و يحوسو لانو ايامهم معدودة متحطيش في بالك بلي راكي تخدمي عليهم

[couscousa]

Normalement ya3awnouk bla matgoulilhom

[مجرّد إنسان]

مشكلتك تعاني منها أغلبية النساء المتزوجات حديثا
والحل هو الصبر ولا شيء غير الصبر
واحمدي الله فأنت في نعمة تتمناها الكثيييير من النساء

[& تسنيم &]

مشاكل الحياة الزوجية من هذه التفاهات
باحسراه على يامات زمان امهاتنا بضيفوا عايلة باكملها وما يقنطوش
بسبب الزوجات تقطعت صلات الارحام رجع الاخ يكره اخته ويحب اخت زوجته
يكره يماه وينساها ويحب نسيبته و يخدم على اهل الزوجة
والله كما تدين تدان

[حبيبة امها]

السلام عليكم ورحمة الله وبركاته مشكل بسيط لكن معظم النساء الجزائريات يكبروه هما يجيو في العطلة ماكان حتى اشكال اتعاملي بلطافة وتدي واش حبيتي متلا في الصباح قال والله انت ياسلفتي هزي البيت هادي مع كلمة طيبة بعدها :ربي يعيشك اختي ..فضلا وليس امر
وانت اخدمي حاجة والتالية كيف وينتهي اليوم ونصبحة اعتبري اخوات زوجك اخواتك سوف تجدين الامر عادي لماد تدهبين لببت اهلك وتخدمي على اخوتك البنات وما تاففيش لمادا هادوك ايه وهادو لا لا وما تنسايش انو الدنيا دوارة غدوة الشئ اللي راكي تخدمي فيه تخدمو عروستك فيك حطي ربي في قلبك وما يهمكش فيهم اعملي نفسك في ببت اهلك لانو هدا هو بيتك ووسعي بالك وتركزيش في امور تافهة مادام ربي عاطيك الصحة اخدمي واجرك عند ربي

ربي يهنيك يا اختي

[حمدا لله كثير]

شوفي يا أختي إلا تحسي روحك مضلومة صح و بزاف عليكي ""\أنا مانعرفش تفاصيل كامل '''

نقولك خشي ل شامبرتك و صمطي و احكمي راجلك و خلاص
و اخطيك من الماشاكل و ماتكسريش راس ؤاجل اكسبيه خير

[العنقاء الوحيدة]

المراة العازبة تقولك المهم نزوج ايا نهار تزوح تبدا تخلق المشاكل باه تنفرد براجها
وهذ الشي خلا بزاف شباب ميخخممش فالزواج لانو ببساطة راه عارف بلي عام و تسيف عليه مراتو باه يخرج لوحده ويصبح في مشاكل كبرى كان في غنى عنها
ياحسرااااااه على نسا الزمان الغابر كيفاش كانو وكيفاش رانا

[om rym]

الله يكون في عونك يا اختي ما تكلفيش نفسك فوق طاقتها واطلبي منهم يعاونوك بطريقة لطيفة وماتقلقيش روحك اصبري واحتسبي الاجر عند ربي راح يفتح عليك انشاء الله.

[hakim1234]

الصبر مفتاح الفرج إحتسبي الاجر هوما يروحوا لديارهم ونتي تربحي العيب

[أم شروفة]

في العطلة روحي انتي لبيت ابوك ..احنا 6 بنات وقريبا اخي يتزوج .قلنالو لما نجو احنا اديها لبيت ابوها .مش رايحة بنت الناس تخدم علينا ..............

[لحن الحياة.]

امي ثاني دارولها هاك ماش غير البنات حتى الكناين (سلافاتها = لواساتها) ولاو يجو كي يسمعو بنات العزوج جاو يجو هوما ثاني و تتعمر علينا الدار بالذراري الصغار حتى ما ينهوش اولادهم على الفساد


على بالك واش درت


قلتلهم ما تزيدوش تجو يما ماهيش بونيشة و قلتلهم اترباو و احشمو على ارواحكم و حددتلهم وقت اللي يجو فيه ساعة قبل 11.00 تع الصباح و يطيرو لديارهم منها ما زادوش عفسو

بصح انت حليلك .... حتى ما عندكش بنت تحامي عليك

عودي نوضيهم يخدمو معاك قوليلهم ايا وحدة تجي تطيب و كي يلحق و قت المواعين البنات قو ليلهم يغسلو


جيبيها بضحكة باه تحشميهم و ما تربحيش العيب

[oumbissen]

انا والله ماعندي حت مشكل نخدم بصح شوية راهي ما اختي يغيبو 3 شهر بيهم بولادهم انا جامي قلتلهم كلمة دار بيهم وانا كروح لدارنا نخدم علا رواحنا نساء خوتي والله مايخدمو علينا وديما نقول الحمدالله هاتي ماجينيش في راجلي ونشكر كل واحدة ساهمة بكل رد ربي يحعلها في ميزانكم

[لحن الحياة.]

انا والله ماعندي حت مشكل نخدم بصح شوية راهي ما اختي يغيبو 3 شهر بيهم بولادهم انا جامي قلتلهم كلمة دار بيهم وانا كروح لدارنا نخدم علا رواحنا نساء خوتي والله مايخدمو علينا وديما نقول الحمدالله هاتي ماجينيش في راجلي ونشكر كل واحدة ساهمة بكل رد ربي يحعلها في ميزانكم

يا اختي والله رانا حاسين بيك ....انا والله كي نشوف امي تخدم و هي اكبر منهم و تخدم و هوما قاعدين الضحك و السكومبي ونوكلو فيهم ووو تريح فالليل برك نضت درت معاهم حرب ذليتهم ..... قتلهم ماش متربيين و ناقصين حضارة

بصح انتي عودي خدميهم معاك ماكيش ملزمة باش تتشوفني عندهم .....(بصح جيبيهالهم بضحك ارواحو ديرو معايا العشاء و الا الغداء ارواحو نخدمو ذيك و نعملو ذيك داااائما اطلبي يعاونوك ماكيش مشينة!!!!!!!!!

كلاني قلبي كون راني معاك نهنيك منهم

[العنقاء الوحيدة]

اذا لم تستح فاصنع ما شئت

[Dior]

ربي يفرج علييك ان شاء الله

[KARIO]

خدمي اللي تنجمي عليه متكلفيس روحك حاولي تعامليهم كي خواتاتك يعني اذا عييتي قوليلها نوضي عاونيني يحسن عونك اختي

[smailba]

بسم الله والصلاة على رسول الله وبعد :
{ وَاصْبِرْ وَمَا صَبْرك إِلَّا بِاَللَّهِ وَلَا تَحْزَن عَلَيْهِمْ وَلَا تَكُ فِي ضَيْق مِمَّا يَمْكُرُونَ }
أقول لك والله أنك لست الوحيدة جل العائلات هكذا وأصبري مع زوجك وأنظري لك وكأنك أنت مكانه ماذا تفعلين أمك وأخوتك ومن جهة أخرى زوجك
أصبري والله يفرجها الله وأفعلي الخير فيهم فالله بصير بالعباد ولا تتبعي أهواك ولا تتبعي الشياطين فالله يجزيك به يوم القيامة وتكوني سبب في دخول زوجك و أمك وأبيك الجنة لأانك أطعتي زوجك وصبرت معه وكل هذا من تربية أبويك. أدخليهم الجنة بألفعالك الحسنة .
وفقك الله لما فيه الخير

[smailba]

سلام عليكم
أضطررت أن أضيف تعليق أخرى لما قرأت ردود بعض الأعضاء
من فضلكم يا عباد الله هذه المشاكل موجودة في كل العائلات
والنساء يتخاصمن الآن يتصالحن الآن لا تجعلن أنفسكن لقمة صائغة للشياطين على أختلاف أنواعهم
وأهتدوا بالله تيفرج عليك ربي وتسكونين دار بمفردك ويبقى كل ما عملت فإن كان خيرا فخير وإن كان شرا فشر ولهذا الصبر واجب
ويجب أن ننصح بعضنا لما فيه الخير والصلاح. وفقكم الله

[visa uk]

ياو ماكيش الا انتي كامل الجزائريين هاك استحملي الحيلة فقط معها

[hajer.joujou]

الى كان يطيب معاك ويعاونوك فالشغل لاخر عادي الله غالب لوكان جات لحوال ميسورة متشوفي حتى وحدة عند يماها فالعطلة الى كان ميعونوكش جيبيها بضرافة تعيشي قصي معايا لبصل من فضلك هزي معايا لفراش وهكذا يفهمو رواحم ولازم وجهك يكون بشوش

[AMINA.Z]

الحل ساهل يا اختي
اذا جاو يقعدو شهر انتي ابقاي 15 يوم و روحي لداركم 15 يوم
و اذا جاو 15 يوم ابقاي اسبوع و روحي لداركم اسبوع
يخدمو و لا ما يخدموش ما يهمكش كي تعياي و تبدا عجوزتك تريكلامي قوليلها عييت و ما تكتريش الهدرة

انشاء الله ما يعارضوش كي تحبي تروحي لداركم

ربي يفرج عليك

[hodahodahoda]

الحل بسيط جدا اغلقي باب غرفتك و اطلبي من زوجك ياخدك عطلة طويلة الى اهلك

[mimooussama]

الضيق ضيق يقعد الشتاء وايروح ي الصيق
يا اختي رانا حاسين بيك لكن كاين الي اكر منك دارهم وحدهم وايجوا يقعدوا عندهم وايجوزوا العطلة ساعي
اذا كان ماقدرتيش اعلى اشغل قوليلهم ايعاونوك ولا اخدمي اعلى قيسك

[-رودينا-]

السلام عليكم اختي معليك غير بالصبر
عندي صحبتي حكاتلي نفس المشكل مي هي خدامة مسكينة يتكلو عليها كي تدخل لدار لعشية تصيبهم مادارو والو يستناو فيها رغم انها تعرف واجبها هكا و يتكلو عليها ويزدو لها من فوق لمعاني راكي نهار كامل برا وراكي تخرجي ....الخ

[يونس معبدي]

*9* يحذف كل موضوع يتناول المشاكل الخاصة بالعضو وعليه ادراجها في قسم مشكلتي (http://www.djelfa.info/vb/forumdisplay.php?f=315)


اكتفينا بالغلق
يرجى الالتزام في المرة القادمة