ساعدوني في اللهجة الجيجلية ضروري اني نفهمها [الأرشيف] - منتديات الجلفة لكل الجزائريين و العرب

مشاهدة النسخة كاملة : ساعدوني في اللهجة الجيجلية ضروري اني نفهمها

Misty56

2015-07-25, 01:26

السلام عليكم ورحمة الله وبركاته
رجاءا ساعدوني في معرفة اسرار اللهجة الجيجلية لاني ان شاء الله ادا كتبلي ربي راح نعيش فيها
وبانتلي اللهجة صعيبة شوي والكلام سريع وهناك حروف متغيرة وحروف زائدة
يا ريت توضحولي حتى نكون على دراية ويسهل علي الامر
وبارك الله فيكم

~ حِـكــآيةُ حُ‘ـلمٍ ♫

2015-07-25, 01:44

السلام عليكم ورحمة الله وبركاته

انا ايضا انتقلت الى جيجل منذ عامين تقريبا وفعلا مع البداية لم اكن افهم كلامهم بسبب السرعة وابدال القاف كافا مخففة ، ولكن ستعتادين مع الوقت وتندمجين سريعاا

ايضا يستعملون "حا" كأداة تعريف كقولهم حالكاس
و "دي" بمعنى تاع مثل العرس دي عمي

على اية حالة ان كان لديك اي استفسار تفضلي وسأحاول الاجابة ^^

Misty56

2015-07-25, 02:04

~ حِـكــآيةُ حُ‘ـلمٍ ♫

2015-07-25, 02:15

يعطيك الصحة اختي لعزيزة
هادي الحاء كانت رايحتلي فيها
ودي ثاني كنت ما نفهمش معناها
يعطيك الصحة راكي وضحتيلي الفكرة
........
كاين حاجة اخرى
قالولي بلي يقلبو الكاف بحرف (تش )
مثلا كلمة (مالك ) تنطق (مالتش)
هل هدا صحيح ؟
وادا كان كدالك هل حرف الكاف بصفة عامة ينطق هكدا ام في بعض الكلمات فقط ؟
وشكرا مسبقا
بلا مزية اختي رانا في الخدمة ^^
هههه لا اختي الكاف تبقى كاف على حساب الناس اللي عاشرتهم ، على العموم اللهجة اللي يهدرو بيها اليوم اوضح وابسط من لهجة جدودهم فما تخافيش ;)
مثلا : داشبيك = واش بيك = مابك
عليمش = علاه ، علاش = لماذا

يعني كي يهدرو قدامك تفهميهم وماعليش اختي سقسي و عاودي شهر على الاكثر تولي تزربي في هدرتك كيفهم :1: " تاع الدار ولاو يقولولي آم يجريو وراك واقيلا xD "

Misty56

2015-07-25, 02:49

بلا مزية اختي رانا في الخدمة ^^
هههه لا اختي الكاف تبقى كاف على حساب الناس اللي عاشرتهم ، على العموم اللهجة اللي يهدرو بيها اليوم اوضح وابسط من لهجة جدودهم فما تخافيش ;)
مثلا : داشبيك = واش بيك = مابك
عليمش = علاه ، علاش = لماذا

يعني كي يهدرو قدامك تفهميهم وماعليش اختي سقسي و عاودي شهر على الاكثر تولي تزربي في هدرتك كيفهم :1: " تاع الدار ولاو يقولولي آم يجريو وراك واقيلا xd "

الحمد لله هكا ما تتخلطش علينا ان شاءالله
راكي مديتيلي كوراج هههه خفت يجيبوها مورايا في الهدرة وانا ماني فاهمة فيها والو ههههه

والامازيغية كاينة في كلامهم يعني بعض الكلمات ولا لالا ؟

~ حِـكــآيةُ حُ‘ـلمٍ ♫

2015-07-25, 09:53

هههههه لاا ابدا اختي يمكن الجواجلة مع الاول يبانولك مايخالطوش البراني وجابدين روحهم منو ولكن صدقيني مع الوقت توالفي وتتأقلمي سريعا آم ناس طيبين ^^

والامازيغية كيما قتلك الهدرة الدارجة حاليا في جيجل مافيهاش هذو الكلمات الصعيبة تاع الجدود ، اللهم اذا حبو يتمسخرو معاك يطيشو كلمة ولا زوج :1:

~ حِـكــآيةُ حُ‘ـلمٍ ♫

2015-07-25, 09:55

+
ادا راكي رايحة لجيجل سنتر ماتخافيش باذن الله ساهلة :)

Misty56

2015-07-25, 12:05

ما علاباليش ادا سونتر ولا ليزونفيرو ان شاء الله ربي يسهلنا فيها وما تعرفي بلاك نوبو جيران هههههه
اونسي جامي هادي دنيا

~ حِـكــآيةُ حُ‘ـلمٍ ♫

2015-07-25, 13:37

ههههه ربي يوصلك على خير ان شاء الله ^^

Misty56

2015-07-25, 22:13

ههههه ربي يوصلك على خير ان شاء الله ^^
ان شاء الله اختي ويكتبلك الخير وين ما كان ان شاء تلله

ام سارة18

2015-09-03, 21:55

اختي كاين جواجلة نتاع السونثر هدرتهم شوية صعيبة والجواجلة ماشي كامل كيف كيف كل دايرة تقريبا بهدرتهم وكاين الي يسكنو قراب للجبل كيما نتاع بكري اما الان دخلوها البرانية ولاو يهدرو شويا مفهومة
الحاء مثلا كيما ال التعريف الكاس مثلا حلكاس ولا حاجة نتاعك يقولو حاجة ديالك يا خويا يقولو خويي

hdi.

2015-09-04, 01:56

جزاكم الله خيرا

ibtihal18

2015-09-04, 13:47

اختي مرحبا بيك عندنا .......الجواجلة حرف ال *ح* هو اداة التعريف مثلا ........جيبلي حالكاس تع الما ولا كاين ...جيبلي حالكاس د الما
و زيدي احنا ما عندناش المؤنث و المذكر مثلا كي يهدر واحد فالثيليفون ماتقدرش تعرف مع من كيهدر مع واحد ولا وحدة نتمني تكون فهمتني .لاحظي الكلمات اللي بالاحمر ما بينتكش اذا انثى ولا ذكر هكذا راني نهدرلك بالجيجلية
ما تقلقيش اختي مع الوقت راح توالف صح احنا نزربو فالهدرة مي اللي قالولك هذي الحكاية تع ك ينطقوها تش هذي ماكانش منها و اذا قدرتي قولينا البلاصة نقريوك شوية فالهدرة تاعهم ..................بالتوفيق و الهنا و الصلاح اختي

أثيلة

2015-09-04, 13:51

هههههههههههههههههههههههههههههههههههههه ضحكيتيني والله
اولا كلشي مبروك ومرحبا بك عندنا يا غالية
اللهجة تاعنا مش صعبة للدرجة لي يحكو عليها و راح تتأقلمي معاها بسرعة ماتخافيش برك

أثيلة

2015-09-04, 13:59

أختي كيما قالتلك ابتهال قوليلنا المكان بالضبط نقولولك هدرتو
الجواجلة يستركو في حرك الح بداية الكلام اعطيني حالخبزة هات حالستيلو .....
و تاع طهير مشهورين بعني بحيث يسبقوها قبل الكلام عني رحت عني جيت عني لاباس ..............
تاع جيجل سونطر يلسقو الكلمة ينحو الالف و اللام مع الضغط على اول حرف بباسينة بباب و حتى تاع قاوس و الامير تقريبا هكا
وتاع ميلية هوما الكارثة هذو قاع يهدرورهم حالخبزة بباب ............ و يزيدو في نهاية كل كلمة تيو مثلا قريتيو حفظتيو نجحتيو ................

ibtihal18

2015-09-04, 19:11

ههههههههههه يالبرنسيسة بلعقل علينا شديتيها من كلش بسلامتك زيديلها

ighil ighil 18

2015-09-06, 21:41

الحمد لله هكا ما تتخلطش علينا ان شاءالله
راكي مديتيلي كوراج هههه خفت يجيبوها مورايا في الهدرة وانا ماني فاهمة فيها والو ههههه

والامازيغية كاينة في كلامهم يعني بعض الكلمات ولا لالا ؟
أو توالف يا ختي بصح جامي تقدر تهدر بالجيجلية :)
الامازيغية فيها كيما مثلا ايّاون يعني الاحفاد
اgرو الضفدع
اغنجا الملعقة الكبيرة
اgنوش التوام
اسلسول العمود الفقري
الدّبّوخة الكرة
هناك المئات من الكلمات الامازيغية و لكنك ستتاقلمين معها
هناك خاصية اخرى في اللهجة الجيجلية و هي استعمال لفظ د الامازيغي كقولنا غدوة دالاثنين يعني غدا الاثنين
هاذيك دختي يعني تلك اختي
كذلك في مدينة جيجل و تاكسنة قاوس العوانة ....كلمات كثيرة تحذف فيها ال التعريف مثل أقّهوة-أبّحر-أقّمح............
كذلك الضاد تنطق طاء في اغلب الكلمات مثل طهري يعني ظهري
مطفور يعني مظفور
أطّلالة يعني الظل
ارجو ان اكون قد افدتك

ighil ighil 18

2015-09-06, 21:59

والامازيغية كيما قتلك الهدرة الدارجة حاليا في جيجل مافيهاش هذو الكلمات الصعيبة تاع الجدود ، اللهم اذا حبو يتمسخرو معاك يطيشو كلمة ولا زوج
لا يا اختي ما زلنا نقولو الكثير من الكلمات الامازيغية ماشي باش نتمسخرو بل لانها لهجتنا اليومية مثلا
اسلسول دي طهري
ازربوب ديالي
و غيرها الكثير
هاته العبارات يتكلمها الجواجلة الاصلاء اما عديمو الشخصية فتلك مسالة اخرى

sahraoui07

2015-09-10, 17:58

شكرااااااااااااااااااااااااااااااا

نوسطالجي

2015-09-11, 22:49

تبقي حاير اللهجة الجيجلية اسهل لهجة في الجزائر

بكلوريا 2016

2015-09-12, 08:05

مشكوورين على الموضوع