نقاجي ام لا ؟

[مشكلتي]

سلام عليكم

انا ديت الباك بمعدل جيد
راهم نصحوني ندخل للعسكر كضابط ب 2 نجمات
العسكر راهو يوفر مستقبل مضمون لكن خايف مانعيشش كيما حاب انا

نحب الحرية و شويا تسكع مع الاصحاب ههه قهاوي ,,,نشتي التزوفير ,,الخ

واش رايكم في العسكر نقدر نخدم و نخرج بعد انتهاء ساعات العمل ؟ و نرجع غدوا الصباح مثلا ؟

و تنصحوني بيها .؟ ام نقرا في الجامعة خير المشكل ماشي مضمونة ,.,

[اخت الرجل]

السلام عليكم
مبروك عليك
العسكر جيد لاكن مشكلتو انه مايخليكش تفرح في حياتك وتولي مزوفري
لهذا انصحك بانك تشوف راي والديك فهو لي يخرج عليك وربي يسهلك

[Zaki Dilmi]

يا اخي عمرك متحط مسير تاعك بين يدين ناس دوك يجي واحد يقولوك روح اتكل على ربي و واحد يقوولك لا لا اخطيك و تندم
كل واحد و اش تخرج عليه
انا معارض عسكر اول حاجة متعيش حياتك و داركم مجفهومش دراهم دنيا ميسواوش والو كي تكوون مع يماك تاكل معاها و تشوفها
المهم انا منقولك اادي و لا خلي دراهم و مستقبل مضمون مي ليقدر
شوف انت و اش تخرج عليك
كيما كاين اجابيات كاين سلبيات

[salem1985]

السلام خويا الى تسمع هدرتي خليك من العسكر والله انا كنت حاب ندخل والوالدين عارضو ا كنت نموت على الكاسكيطة ليبرا العسكر والدرك كي رحت للعامين وفوتها ضابط حلفت لو كان يعطونني 100 مليون ولبرا نبات بلا عشاء نخير الحرية والله لو كان تشوف واش راهي تقاسي الرجال تبكي والله الشتاء الثلج البرد تحت الصفر وانت لبرا تطايش وزيد الرسك وكل مرة تخرج تقول ما نرجعش والله شفت ناس طارت رجليهم وشفت ناس ماتو قدامي والله كارثة تريح لبرا بال20يوم والشتاء تصب والبرد وقشك كامل مبلول وتزيد الرخس والسب والتطياح وبلاك تسب امك وفي الاخير خبزة قادر جندي يلعب لك بيها تخرج لبرا يموت ليد واحد تهاون في اداء المهام تربنال اي برا لا سيفي مليح ولا كازي والى مت ماتلقى حتى الي يرحم عليك راهم في نهار العيد استشهدو عسكر زوالي مساكين ما خسرو فيهم حتى حزن في التلفزة لو كان مات جينرال تقوم القيامة ربي يلقيك بخدمة الي تغنيك على العسكر

[مجرّد إنسان]

استخر الله
وربي يوفقك

[كلنا راحلون]

سلام عليكم



شويا تسكع مع الاصحاب ههه قهاوي ,,

,.,

مبروك عليك باك وكلمة قهاوي سمحلي كثير لصحاب يبق بلا صاحب وادا حبيت صح تعرف صاحبك لي ينصحك على دينك


في مايخص مشروعك سجل فلجامعة وبلوكي عام وانخرط فلجيش او الدرك الوطني ومعلوم كونطرا ب7سنوات حسب مانعرف

توضيح اكثر 18سنة +7=25سنة

ادا خدمت 7سنوات تخرج في عمرك25سنة ترجع للجامعة

وفي مايخص عمل فجيش او الدرك فقط مع ايام توالف خير من جامعة وتحصيل علمي

ونتا قلتها


,,,نشتي التزوفير ,,

,.,

تقدر تزوفري .



الله يسهل

[younes29]

مبروك عليك باك وكلمة قهاوي سمحلي كثير لصحاب يبق بلا صاحب وادا حبيت صح تعرف صاحبك لي ينصحك على دينك


في مايخص مشروعك سجل فلجامعة وبلوكي عام وانخرط فلجيش او الدرك الوطني ومعلوم كونطرا ب7سنوات حسب مانعرف

توضيح اكثر 18سنة +7=25سنة

ادا خدمت 7سنوات تخرج في عمرك25سنة ترجع للجامعة

وفي مايخص عمل فجيش او الدرك فقط مع ايام توالف خير من جامعة وتحصيل علمي




لعلمك الضابط 2 نجمات يمضي على 25 سنة وليس كونترا 7 سنوات و 25 سنة معاها حياتك كاملة
صحيح ان المستقبل مضمون و راتب جيد و كلشي بالمكتوب قادر في السيفيل يكون عندك راتب احسن ربي هو مقسم الارزاق
نصيحة من مجرب ادخل الجامعة ادرس تخصص يكون مطلوب في سوق العمل و اخطيك من الكاسكيطة
هدا مجرد راي و لك القرار و لا تنسى قبل كل شيئ ان تستخير

[mca83]

يا أخي انا فوتت الخدمة الوطنية

شخصيا لا انصحك باه تقاجي خاطر راك مسلوب الحرية وياسر حاجات راح تفقدها

استخير ربي مليح

وان شاء الله اللي فيها خير ربي يكتبهالك

[خالد عنابي2]

لا انصح بذلك

لن تدخل في حرب ولا شيئ ولن تفيد الوطن بشيئ

اذن انصحك بالحفاظ على حريتك والاجتهاد في دراساتك العليا وعندها تتخرج وتفتك منصبا بجدارتك والله الموفق

[محمد جديدي التبسي]

كل من ذهب اليه يقولك لا داعي السب والتطياح والعبودية لمن فوقك في الرتبه
كمل قرايتك وشوف مادام معدلك جيد خير تخصص مليح وربي يفتح عليك

[yassmina93]

الف مبروك عليك الباك انا لفت انتباهي موضوعك لانو نفس المشكل مع اخي اللي اصغر منو لكن هو قرر ما يقراش فالجامعة وانا نقولك خمم غاية وشوف ادا تعرف روحك تقرى في مجال تلقى فيه خدمة و الا توكل على ربي وروح للعسكر كيما شرحلك الاخ قادر تكمل قرايتك فيما بعد و كي نجو نشوفو الواقع الجامعة مابقات فيها قراية وفي الاخير نقولك زيد شاور و استخير ربي و الله المستعان:)

[AMINA.Z]

ان كنت ستدرس باحدى المدارس الهامة فتوكل على الله

[مجرّد إنسان]

وَجَبَ التوضيح

مهنة العسكري هي مهنة شريفة ويكفيك فخرا وشرفا أيّها العسكري أنّك تحمي وطنك من الأعداء فحاول أن تخلص نيّتك لله لتنال بذلك الأجر العظيم فأنت بإذن الله تعالى في رباط
---------------
---------------
---------------
[[ قد دل الكتاب والسنة الصحيحة على أن الرباط في الثغور من الجهاد في سبيل الله لمن أصلح لله نيته ؛
لقول الله جل وعلا:
(( يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا
وَاتَّقُوا اللَّهَ لَعَلَّكُمْ تُفْلِحُونَ )) (2)
وقول النبي صلى الله عليه وسلم
:
رباط يوم وليلة في سبيل الله خير من صيام شهر وقيامه،
وإن مات جرى عليه عمله الذي كان يعمله،
وأجرى عليه رزقه، وأمن الفتان (3) رواه الإمام مسلم في صحيحه،
وفي الصحيحين عن النبي صلى الله عليه وسلم أنه قال:
( رباط يوم في سبيل الله خير من الدنيا وما عليها،
وموضع سوط أحدكم من الجنة خير من الدنيا وما عليها،
والروحة يروحها العبد في سبيل الله أو الغدوة خير من الدنيا وما عليها . (4)
وفي صحيح البخاري - رحمه الله - عن النبي صلى الله عليه وسلم أنه قال: من اغبرت قدماه في سبيل الله حرمه الله على النار (5)

### ولا شك أن
الدفاع
عن الدين والنفس والأهل والمال والبلاد وأهلها
من الجهاد المشروع
،
ومن يقتل في ذلك وهو مسلم يعتبر شهيدا
لقول النبي صلى الله عليه وسلم:
من قتل دون دينه فهو شهيد,
ومن قتل دون ماله فهو شهيد,
ومن قتل دون أهله فهو شهيد,
ومن قتل دون دمه فهو شهيد (6)
## ونوصيكم أيها المرابطون في الجبهة
بتقوى الله
والإخلاص لله في جميع أعمالكم،
والمحافظة على الصلوات الخمس في الجماعة،
والإكثار من ذكر الله عز وجل،
والاستقامة على طاعة الله ورسوله،
والحرص على اتفاق الكلمة،
وعدم التنازع،
والصبر والمصابرة في ذلك بنفس مطمئنة،
وحسن الظن بالله،
والحذر من جميع معاصيه.
ومن أجمع الآيات فيما ذكرنا قوله عز وجل في سورة الأنفال:
(( يَا أَيُّهَا الَّذِينَ آمَنُوا إِذَا لَقِيتُمْ فِئَةً فَاثْبُتُوا
وَاذْكُرُوا اللَّهَ كَثِيرًا لَعَلَّكُمْ تُفْلِحُونَ
وَأَطِيعُوا اللَّهَ وَرَسُولَهُ
وَلَا تَنَازَعُوا فَتَفْشَلُوا وَتَذْهَبَ رِيحُكُمْ
وَاصْبِرُوا إِنَّ اللَّهَ مَعَ الصَّابِرِينَ )) (7)
سدد الله خطاكم وثبتكم على دينه،
ونصر بكم وبمن معكم الحق،
وخذل بكم الباطل وأهله،
إنه ولي ذلك والقادر عليه.
عبد العزيز بن عبد الله بن باز
مفتي عام المملكة
(الجزء رقم : 18، الصفحة رقم: 95)
(1) نشر في كتاب (فتاوى إسلامية) من جمع الشيخ محمد المسند ج 2 ص 259
(2) سورة آل عمران الآية 200
(3) رواه مسلم في (الإمارة) باب فضل الرباط في سبيل الله برقم (1913).
(4) رواه البخاري في (الجهاد والسير) باب فضل رباط يوم في سبيل الله برقم (2892).
(5) رواه البخاري في (الجمعة) باب المشي إلى الجمعة برقم (907). .
(6) رواه الترمذي في (الديات) باب ما جاء فيمن قتل دون ماله فهو شهيد برقم (1421). .
(7) سورة الأنفال الآية ]]

[sarl02]

اذا عندك معدل جيد فقاجي في شعبة واتعب وراح ينفتح المستقبل قدامك...كالطب او الصيدلة ...وفقك الله.

[amir el salam]

متقاجيش نعرف عباد خرجو منهم بامراض نفسيه وامراض جسديه اربح راحتك و ادخل في الجامعه خير

[mino 19]

فقط كلمة لك
الحرية ليس لها ثمن

[عدو الجهل]

استخير ربي
وربي يفرج عليك

[NooR Imen]

مبروك عليك الباك
شوف خويا اذا مدولك فالجامعة حاجة مليحة و تحس فيها مستقبل و كي تتخرج تلقى خدمة خطيك العسكر
و اذا تعرف روحك تقرا و تتخرج و ماتلقاش خدمة
قصر على روحك الطريق و قاجي من ضرك
بصح راك تعرف العسكر و ظروفو لازملك تكون صبور و تتحمل المشاق تاعو
و تجي للصح العسكر ارحم من البطالة و فيها والو لي فيه رجال و نص
و صلي صلاة الاستخارة
ربي يوفقك و يجيبلك لي فيها الخير

[♨محمد♨]

هناك اشياء احسن من ما تروح للجيش

[amine eco]

اخي انصحك بحياة مدنية ودراسة هذي نصيحة اديها من عندي رسمي