ربي يحفضكم نصيحة من اهل الاختصاص فيما يخص الكليات العسكرية... !!

[lotfi10]

السلام عليكم
يا خاوتي تلفتلي و كل واحد واش يقلي اللي مليحة ( البحرية . الجوية .الادارة . الماتريال ..... ):confused:

انا ديت الباك ب 13.57 و الحمد لله قادر ندخل في هذو + كاين خيوطا ..
اللي عندو راي يقلي و يقلي علاه


و شكرا :)

[Señorita crew]

خويا تقدر تدخل فالاختصاص الادارة في وهران ادخل ضابط (ملازم اول ) الخدمة مليحة بيرو ستيلو و ورقة الخلاص مليح و زيد عندك 3 بارميسيون فالعام شكون لي خير منك :)

[الطالب المسلم]

هل تخصص تاريخ مقبول ؟؟؟

[Abdzno]

اخى هادوا لى قلتهم كامل ملاح بصح شوف نتا واش تحب الطيران , البحر . بالنسبة للمعتمدية ادا كنت تحب الخدمة تع البيرو ....الخ

انا بالنسبة ليا الطيران مليحا مدام عندك خيوطا السبب تعجبنى الخدمة فى هذا المجال

[lotfi10]

mais laviation nkhaf ma nrouhéch pilote :/ !!
tecnicien Mliha chwi !!
w chkoun 3labalo chaal yetelgouna men khatra w chaal wa9t !!
w speciality histoire /Geo ma chekitch ya9ablouha w allaho a3lam

rebi yahfedékom khawté:)

[Oussagua]

يا أخي شوف نتا واش راك حاب , البحرية و الجوية , و الإدارة أي المعتمدية ملاااااااااااح بزاااااااااااااااااااااااااف

و متحوسش على الراتب لأانه و على حسب علمي كي تدخل بالباك , تقرى فيهم كلهم 5 سنوات , و تخرج ملازم أول ,

و ملازم أول في الجيش الراتب تاعو ما بين 73000 دج و 80000 دج و ربما اكثر بعض الشيء :)

نصيحة على الهامش راك تقول عندك خيوطا , أنصحك بالبحرية ,

[Oussagua]

تاريخ و جغرافيا لا أظن يحسوا عليها و الله اعلم

[lotfi10]

يا أخي شوف نتا واش راك حاب , البحرية و الجوية , و الإدارة أي المعتمدية ملاااااااااااح بزاااااااااااااااااااااااااف

و متحوسش على الراتب لأانه و على حسب علمي كي تدخل بالباك , تقرى فيهم كلهم 5 سنوات , و تخرج ملازم أول ,

و ملازم أول في الجيش الراتب تاعو ما بين 73000 دج و 80000 دج و ربما اكثر بعض الشيء :)

نصيحة على الهامش راك تقول عندك خيوطا , أنصحك بالبحرية ,

merci oussama
ma 3andekch des Infos winta yetelgouna w chaal ykhalona beh nwelo !!

[Oussagua]

يا اخي الجيش ناقص عطل , ليس كما الشرطة و إلخ , تقريبا بالثلاث إلى أربع أشهر و يمدولك احيانا غير 10 أيام أول قل

و كيما قال الاخ crew و لي مليحة شوية في لابارمسيون هي المعتمدية "الإدارة" و راني قلت شوية ;)

و الله أعلم

[luky]

mais laviation nkhaf ma nrouhéch pilote :/ !!
Tecnicien mliha chwi !!
W chkoun 3labalo chaal yetelgouna men khatra w chaal wa9t !!
W speciality histoire /geo ma chekitch ya9ablouha w allaho a3lam

rebi yahfedékom khawté:)

العطلة السنوية في الجيش موحدة مدتها 21 يوم
الاجازات ممكن تكون اسبوع او 10 ايام كل 3 الى 4 اشهر وهذالامر شبه موحد بكل فروع الجيش
بعد التخرج تصبح ملازم بعد الدراسة لخمس سنوات اي * بنجمة واحدة
كل سلاح والمميزات الخاصة به
الادارة تعتمد على التسيير والحسابات
العتاد تركز على الجانب التقني كميكانيك العربات والمحركات ...
القوات الجوية //طيار اذا كنت من متفوقي الدفعة ولك معدل بكالوريا جيد مقارنة بالزملاء واجتزت الاختبارات بنجاح والا ستحول الى تقني طيران او الاى الاختصاصات الاخرى بسلاح الجو كالاشارة والملاحة الجوية والطقس
البحرية بها العديد من الاختصاصات ايضا .
الدفاع الجوي عن الاقليم ممكن ان تصبح مهندسا وتحمل صفة ** ملازم اول او تحول الى الاختصاصات الاخرى
نفس الامر للقوات البرية وباقي الاسلحة

[Abdzno]

يا أخي شوف نتا واش راك حاب , البحرية و الجوية , و الإدارة أي المعتمدية ملاااااااااااح بزاااااااااااااااااااااااااف

و متحوسش على الراتب لأانه و على حسب علمي كي تدخل بالباك , تقرى فيهم كلهم 5 سنوات , و تخرج ملازم أول ,

و ملازم أول في الجيش الراتب تاعو ما بين 73000 دج و 80000 دج و ربما اكثر بعض الشيء :)

نصيحة على الهامش راك تقول عندك خيوطا , أنصحك بالبحرية ,


ملازم او ملازم اول ؟

[luky]

ملازم او ملازم اول ؟

ملازم اخي بكل المدارس العسكرية وفي هذه الصورة تظهر رتبة متفوق دفعة اكاديمية شرشال مثلا
https://encrypted-tbn2.gstatic.com/images?q=tbn:ANd9GcQmj3Hm0FrJSOrDIRwfBsi7uC5UIEHcD 0ssIkJyZEXQcSZ9-4Fd

رتبة ملازم اول ** في تكوين مهندس لدى الدفاع الجوي عن الاقليم