هل 50 مليون تكفيني باه ندير عرس محترم

[omar-fadel]

عندي 50 مليون خاطب وداير 2 خواتم خاتم الشوفة وخاتم الحنة ومادي طلاعة الهتا
مازالي العرس الشامبرا والشرط ومصاريف العرس

[intissar98]

ربي يعينك بصح نقلك صح 50 مليون و الله ماتكفي و انشالله الي فيها لخير

[بوسماحة 31]

بالبساطة والتفاهم تكفي ان شاء الله

ولكن بالتكلف....... لا تكفي حتى 100 مليون....... مع هذا الغلاء الموجود ؟؟؟

مثال بسيط : 20 مليون تذهب في الذهب...
المهر 10 ملايين وفوق ....
لوازم العروسة من أطقم وملابس تقليدية ....10 مليون
الشمبرى أخر نوعية 10 ملايين
العرس ......على الأقل 15 مليون ......(اللحم والخضر والحلويات و..........الخ)

[خالد عنابي2]

تكفي باذن الله

ولكن يجب الاقتصاد والحكمة

ديجا عندك على الاقل 9 ملاين لحم ( الشاة على 3 ملاين )

[خالد عنابي2]

بالبساطة والتفاهم تكفي ان شاء الله

ولكن بالتكلف....... لا تكفي حتى 100 مليون....... مع هذا الغلاء الموجود ؟؟؟

مثال بسيط : 20 مليون تذهب في الذهب...
المهر 10 ملايين وفوق ....
لوازم العروسة من أطقم وملابس تقليدية ....10 مليون
الشمبرى أخر نوعية 10 ملايين
العرس ......على الأقل 15 مليون ......(اللحم والخضر والحلويات و..........الخ)



مهر 10 ملاين تقعد في دار ابوها العزيز

اخر شيئ عندي 5 ملاين مهر

ماش يمهروني ب10 ملاين دون احتساب بقية التكاليف

10 ملاين ht

[haithem guettaoui]

أصبحت بعض الأسر تشترط مهورا غالية جدا
الله يهدينا

[بوسماحة 31]

مهر 10 ملاين تقعد في دار ابوها العزيز

اخر شيئ عندي 5 ملاين مهر

ماش يمهروني ب10 ملاين دون احتساب بقية التكاليف

10 ملاين ht



المهر يختلف من منطقة الى منطقة .....
عندنا يقولوك ....دير كيما يدروا الناس .....
المهر ....10 ملايين... وفوق... كاش....
بارير كامل من الذهب وأقل ثمن له 15 مليون.....
وعلاه الرجال راهم يهرب من الزواج .....وكترة العنوسة

[همس المشاعر*]

شوف اهل العروسه واش يشرطو .بصراحه الاعراس لازم يكون فيها تعاون. صدقني اخي خويا عرس هاد الصيف و50مليون والله ماكفاتو مالقري عاونوه صحابو psq دارو وحدو .الله يعينك خويا المهم العشره والله يسخر.

[خالد عنابي2]

شوف اهل العروسه واش يشرطو .بصراحه الاعراس لازم يكون فيها تعاون. صدقني اخي خويا عرس هاد الصيف و50مليون والله ماكفاتو مالقري عاونوه صحابو psq دارو وحدو .الله يعينك خويا المهم العشره والله يسخر.

طبعا لازم المعاونة لانه لو كل شيدير بالدراهم ما تفراش توصل حتى 100 مليون ههههههه
كاين حوايج تتعمل بالدراهم وحوايج تتعمل بالتعاون

[همس المشاعر*]

طبعا لازم المعاونة لانه لو كل شيدير بالدراهم ما تفراش توصل حتى 100 مليون ههههههه
كاين حوايج تتعمل بالدراهم وحوايج تتعمل بالتعاون

يمكن ينقص مصاريف العرس على روحو ويعاونوه اهلو فيهم ويربح 10ملايين يدير بيها حاجه وحدخرى

[amirbaghdad]

كلشي بالبراكا ما تكلفش روحك خويا دير الاساسيات لي نعرف دارو فطور بسيط لقوله صلى الله عليه وسلم أولم ولو بشاة والمهم العشرة وما تراعيش لهدرة تاع الناس انا عندي واحد نعرفه مقاول كثر اللحم باش الناس تاكل وتشبع الناس هدرو فيه قالك واش حسبنا سبوعا ههه

[ندرومية]

اديها قبايلية و ريحراسك

[ماريا.م]

أنا نقول امشي قيس دراهمك وماتكلفش نفسك فوق ماتقدر ,وان شاء الله ربي يبارك فيهم ويكفوك
كيما يقولو : كل واحد يكسل رجليه عل حساب غطاه
واذا بك على هدرة الناس , الناس تهدر تهدر

[mrmilano1984]

لول قاتلو اديها قبايلية ياو سواء قبايلية او شاوية او ندرومية تلمسانية ووو كاين دوني ومليح في البنات نتا وززهرك يعني كل قبايليات ملاح علي فكرة انا قبايلي من تيزي وزو اصل والديا
العبرة بالخواتيم والافعال والقلب وليس بالاصل تنقاس بنت

[you92cef]

50 قليلة بزاف

عدنا قل من 130 مليون طورو ينطح طورو ** كيما يقولو **

متفكر تتزوج خلاص

هذا بدون احتسابات الشومبرا والخواتم وبلا بلا بلا بلا

الله يسهل ان شاء الله

[bouchra hakerz]

انا نشوف بزاف بنات كي يحكو مع الخطيب بدالهم و يعودو يهدرو على المهر يقولو ساعدونا راه معندناش و بالفعل يساعدوهم
اهدر معاها هيلا و قولها تعاونك متشرطش بزااف

[bouchra hakerz]

و الف مبروك ربي يهنيك ان شاء الله و يرزقك الذرية الصالحة

[AyOuB0587]

نعم تكفي لكن بحسب المنطقة والعقلية.
10 ملايين مهر
7 ملايين عرفة نوم
7 ملايين كبشين
3 ملايين مصاريف الوليمة.
الباقي يفضل لك أضف له ما سيقدمه لك أصحابك وأهلك من هدايا وقد تكون اموال
تقدر تخرج بربح صافي قدره 10 ملايين هههههه
صدقني اقول لك الحقيقية فقط لا تبذكر واعرف كيف تسير امورك وستتزوج وتشتري سيارة
نصيحة: ابتعد عن عقلية النساء فهم يريدون المفاخرة فقط، سواء اهلك او زوجتك لا تهتم لهم.
العبرة بالحياة الزوجية السعيدة وليس العرس الفخم الذي فيه تبذير
توكل على الله وافعل ما قلت لك

[CHEERS]

تفاهم انت والعروس اولا وشوف ممكن تكفيك ادا استغنيت على بعض الاشياء
كحفل زفاف كبير ومدعوين كثار.......

والله يرزقك الهناء هو لي يدوم


كلشي مبروك عمارة دارك ان شاء الله

[ندرومية]

مبروووووووووووووك

[messaoud2013]

اتكل على ربي

[الواثقْ بالله]

يا اخي راني غير جارك و عاداتنا هوما عاداتكم و انا نقولك

اذا كنت انت و خطيبتك حابين تتزوجوا باش تكونوا استرة تسترها و تسترك 50 مليون راهي اكثر من كافية

نعطيك مثال لقريب لي تزوج العام الماضي

الحضور حوالي 400 شخص

2 ملاين لوازم حلويات

4.5 مليون لحم (اللحم تاع عجل و خروف و اللخم المفروم شراهم من عند الجزار يعني ماشراش الحي)

3 ملاين الشاه لي تديها للعروسة

1.7 لحم دجاج

تقريبا 5 ملاين بين الخضرا الشخشوخة الديسار و الما

الشرط 12 مليون

الشمبرا انا لي شريتهالو 13.5 مليون

لكرا تاع ديكور الحنة 1 مليون

مصاريف جانبية كما الطباخ ممكن الدي جي للناس لي يديريوه + لباس العريس 3 ملاين كاقصى حد

المجموغ حوالي 45 مليون و في الحنة تاعو جمع تقريبا 7 ملايين

و حسب ما شفت لعراس لي مايكونش فيهم بزاف التبذير يخرجو خير من لي يضيعو فيهم

و اذا كنتوا حابين تديروا عرس باش تتفاخروا قدام الناس نقولك ال 50 مليون هديك زيدلها 100 وحد اخرى بلاك يخرج عرس يصلح للتفاخر

مبروك مقدما

[طيور الجنان]

ربي يسهلك امورك اذا كان الشرط 5 ملايين في الشرق مايمدوش بناتهم بهذا المهر على الاقل 8 ملايين مع الجرية و الصوف و الكبش يخرجولك بزاف،اما اذا يعاونوك اهلك كل واحد واش يقدر واحد بنص الشرط وواحد بالكبش و هكذا........انشالله يكفوك

[hakim1234]

أخي العريس 50تكفي لاعرفت تتصرف وتروح للاولويات اما الكماليات خليهم للخر لابقاولك الدراهم اما اللحم اشري بقرة خير تحمر الوجه امام المعروضين