تابلت كوندور و مشكلة الويفي !!!!

[biba318]

السلام عليكم و رحمة الله تعالى و بركاته . أرجو منكم المساعدة في أقرب وقت جزاكم الله عني كل خير . عندي تابلت كوندور كنت نكوناكتي بيها عادي بالويفي و مبعد ولات تخرجلي problem d'authentification . تعيشو عاونوني بارك الله فيكم

[المسلمة الأصيلة]

يمكن باسوورد تاع الويفي تبدل
يعني العطل في المودام مش التابلات

[Amani Madridista]

يمكن باسوورد تاع الويفي تبدل
يعني العطل في المودام مش التابلات

رايي من راي الاخت تاكد من المودباس

[biba318]

بارك الله فيكما على الرد لكني تأكدت من كلمة المرور و هي صحيحة !!!!!!

[abduo tam]

يمكن ان يكون في اعدادات شبكة المحلية اي تم اعادة تغير في الاعدادات

[ibrahim hano]

جرب مع مودم آخر إن بقي المشكل فهو من التابلات و إذا اشتغلت بشكل عادي فالمشكل في إعدادات المودم

[biba318]

ايه جربت مع ومدام آخر و بقى نفس المشكل و الله حيرتني !!! بارك الله فيكم على الردود

[ندرومية]

ممكن في الدرايفر ريزو

[المجتهدة nisso]

هذا المشكل اواجهه ايضا مع التابلت الذي لدي

[biba318]

الأخت لي تعاني من نفس المشكل نسقسيك ديتيها لكاش خدام ؟؟؟؟ ان شاء الله لي عندو معلومة يقدر يفيدنا بيها .

[ضياء الأمل]

نفس المشكل ..tablette جديدة عندها اسبوع فقط .و الويفي ماكانش

[TOFNINE]

نفس المشكل ولكن وجدنا انه يكمن في اعدادات المودام
ولكن عندي مشكل اخر هو لا شارج ما تشدش

[Boubahabouba]

السلام عليكم
هذا وين شفت سؤالك
انا ثان عندي تابلات كوندور
ودارتلي شحال من مرة هذا المشكل
كاين ٢حلول
اما كي تكون تمشي اي شاعلة طفي المودام وعاودي شعليه ديراكت تكونكتي
اما اذا كاين بزاف لي مكونكتيين بنفس المودام راهي تابلاتك تخرج من الويفي
بلاك هي الاضعف هههه انا تصرالي كي يجو خاوتي كامل ضياف عندنا تخرج تابلاتي من الويفي
جربي اختي انا هاذو ٢ حلول ديما نديرهم

[fethi.choauib]

قم بإعادة إلى حالة المصنع بالضغط على زر التشغيل + زيادة الصوت في آن واحد ثم إختر نوع الرستار

[Rima Noor]

السلام عليكم
هذا وين شفت سؤالك
انا ثان عندي تابلات كوندور
ودارتلي شحال من مرة هذا المشكل
كاين ٢حلول
اما كي تكون تمشي اي شاعلة طفي المودام وعاودي شعليه ديراكت تكونكتي
اما اذا كاين بزاف لي مكونكتيين بنفس المودام راهي تابلاتك تخرج من الويفي
بلاك هي الاضعف هههه انا تصرالي كي يجو خاوتي كامل ضياف عندنا تخرج تابلاتي من الويفي
جربي اختي انا هاذو ٢ حلول ديما نديرهم


وي انا تاني هكدا كي نطفي المودام و نعاود نشعلها تجي و دي فوا كي يكون بزاف اللي مكونيكتيين بنفس المودام نلقى هاد المشكل

[عز مولاي منقور]

المشكلة هذه في المودم وليست في التابلات هناك العديد من الأجهزة متصلة في نفس الوقت لذلك تحدث معك هذه المشكلة كل ماعليكِ هو اعادة تشغيل المودم فقط لكن للأسف ستعود نفس المشكلة بعد فترة من التشغيل لأن المودم اللي عندك هو اللي ضعيف
لكن لحل هذه المشكلة نهائي أنصحك ببرنامج
Android 3G WiFi Réseau Impulse
حمليه من المتجر وستحل مشكلتك نهائياً ولايحتاج شرح لأنه بسيط ومفهوم

[NassriKaita]

بارك الله فيك شكرا ;)

[mo3mna]

السلام عليكم ورحمة اللهةوبركاته
انا عندي ايضا تابلت كوندور ..وكاتت عندي نفس المشكلة والحل انك قبل ما تكتب المود باس روحي مكان تغيير اللغة وغيراها للفرنسية
ثم اذهبي للويفي واكتبي المود باس وانشالله يمشي الويفي انادرت كيما هك مشا الويفي

[نبأ حياتي]

لدي نفس المشكل مع تابلات اللي عندي مي هي من نوع HUAWEI
+
يبعثولي 250 Mo كل شهر مي ماتشدش شهر كامل تروح في 3 ايام ولا يومين ساعدوني

[bebito94]

السلام عليكم و رحمة الله تعالى و بركاته . أرجو منكم المساعدة في أقرب وقت جزاكم الله عني كل خير . عندي تابلت كوندور كنت نكوناكتي بيها عادي بالويفي و مبعد ولات تخرجلي problem d'authentification . تعيشو عاونوني بارك الله فيكم


السلام عليكم

سبب المشكل كثير من يتصل و يقع تداخل في عنوان الايبي يعني اثنين يستعملو نفس الايبي

حل لهدا المشكل

الدخول لاعدادات المودام و زيادة عدد المتصلين

[bebito94]

المشكلة هذه في المودم وليست في التابلات هناك العديد من الأجهزة متصلة في نفس الوقت لذلك تحدث معك هذه المشكلة كل ماعليكِ هو اعادة تشغيل المودم فقط لكن للأسف ستعود نفس المشكلة بعد فترة من التشغيل لأن المودم اللي عندك هو اللي ضعيف
لكن لحل هذه المشكلة نهائي أنصحك ببرنامج
Android 3G WiFi Réseau Impulse
حمليه من المتجر وستحل مشكلتك نهائياً ولايحتاج شرح لأنه بسيط ومفهوم



عند اطفاء المودام و تشغيله من جديد الاوائل المتصلين يشتغل معهم عادي تتطفر في التالي هههه لايستطيع الاتصال
الحل تغيير عدد المتصلين من اعدادات المودام ليصبح يقدم اكبر عدد من عناوين الايبي
مجربة من طرفي على مودام هواوي ايكولايف hg520b

[BENABDELHAFI]

ربما نقص في اشارة الويفي

[اَشْرَفْ اَنيِسْ]

انا بعد تصرالي بزاف عاود روديماري التابلات

[aminesat2222]

بارك الله فيكما

[حريش احمد]

اضن ان نوعية الطابلات نتاع كوندور فيها كثير مشاكل