يعيشكم عاونوني

[مشكلتي]

السلام عليكم

أنا فتاة غي الـ 21 من العمر تزوجت برجل يكبرني ب 11 سنة و لي ولد في عمره 4 اشهر

مشكلتي تكمن في انني اعيش مع العجوز

نعم العجوز مع 2 حميتي , اخوة زوجي , 29 سنة و 25 سنة

العجوز مريضة و انا الوحيدة الي تقوم بكافة الاعمال علما اننا نسكن في منزل كبير بطابقين يعني ننظف كل البيت و نغسل و نطبخ و نحدد ووووووو

والله غير تعبت نربي في ولد صغير و نقوم بكل الاعمال

اخوات زوجي كل يوم يجو عندنا هوما و اولادهم كي يجو اولادهم يقلبو البيت كامل و يروحو وحدة فيهم ما ترفد حاجة انا وليت كيما الكادافر يعني الوقاف يتعبني حاسة روحي فابل و كرهت كل حاجة في هادي الدنيا , فوق هادا كي نقعد معاهم يقعدو غير للمعاني و الكلام القبيح خصوصا العجوز مالقري نخدملها فوق طاقتي مي هي ماتستعرفشي كامل , دي فوا نعدرها و نقول عندها السكر مسكينة مي كترت بالزاف و الله , دي فوا نقول انا تزوجت براجلي ماشيي بكامل اهلو يعني وعلاش راهم لاسقين فيا , علابالي باللي دوك يتزوجو اخوة زوجي و يجيبو نسا خموس عليهم و انا نلقا روحي ضيعت صغري و صحتي عليهم , يخي خدامين و الدار كبيرة وش راهم يستناو , يتزوجو و يهنونيييييي

والله تعبت بالزاف و ماعنديش شكون نشوره , عاونوني ربي يعيشكم

[مجرّد إنسان]

زيدي اصبري وإن شاء الله يفرجها ربي عليك في القريب العاجل

[ابتسام smile &hope]

-حل مشكلتك ساااااااااااااااااااااهل
شوفي وحدة تعاونك في شغل الدار
بصح اعرفي واش دخلي لدارك
وتهلاي في روحك

[ام احبتي]

شدة وتزول ان شاء الله

[ام عسل]

اصبري ياختي واكثري من الدعاء والله لايضيع اجرك
اما بالنسبة للعجوز اخدميها لوجه الله لا غير وربي يعينك

[doba]

زيدي اصبري وإن شاء الله يفرجها ربي عليك في القريب العاجل

[خالد عنابي2]

-حل مشكلتك ساااااااااااااااااااااهل
شوفي وحدة تعاونك في شغل الدار
بصح اعرفي واش دخلي لدارك
وتهلاي في روحك

هههههههههههههههههههههه
وشكون لي رح تقبل ؟

[خالد عنابي2]

شوفي الاخت العزيزة

بخصوص ام زوجك بمانها كبيرة ومريضة فمن واجبك انك تخدميها واعتبريه كنوع من بر الوالدين وان كانا والدي زوجك

اما حكاية يجو بناتها واولادهم يقلبوا الدنيا ومبعد يروحو هاذي لالالالالالالالا لا يسكت على ذلك

[imenemalak]

أختي زيدي اصبري وربي يفرج عليك ,,,,,,,,, وادا راجلك معاك في أي شدة تمري بيها راه يعطيك الشجاعة اختي وربي يحفظك

[biologie2001]

انت واش تفاهمتي مع راجلك .... ادا كنت نفاهمتي انك تسكني مع العجوز فهي باينة من الاول باللي رايحة تخدمي الدار كاملة و تطيبي للعايلة كاملة من عجوزتك لاخوة زوجك الذكور.....ربي يقدرك ان شاء الله

[همس الجفون 93]

اختي انا عايشة نفس الحالة النصيحة اصبري برك راه يجي النهار اللي رب
رب يردلهم كلشي حاولي شهدي زوجك اي تخدمي قدامو وو رايحة تعزب عليه

[intissar98]

شدة وتزول ان شاء الله

[الصديق قروف]

وراجلك واش يدير
نورمالمو هوا الي يفرض انضام فدار
يقول لخاوتو راكم مكمش ضياف مرتي هيا الي ضيفة لازم عليهم يخدمو مهم

[MOLLI]

assabri w nchalah tzid fi mizan 7assanatk w rabi yfarj

[المجاهد الشجاع]

يا اخت المشكل حله سهل حاولي ان تصبري وطاعتك لامي زوجك هو طاعة لزوجك قال رسول الله صلى الله عليه وسلم: ((إذا صلّت المرأة خمسها، وصامت شهرها، وحفظت فرجها، وأطاعت زوجها قيل لها: ادخلي الجنة من أي أبواب الجنة شئت)) وانت والحمد لله تقديمينا كل هذا الاعمال مرضاة لله وفي سبيل الله والله لا يضيع اجر العاملين كوني دائما كالشجرة يمرونها الناس بالحجارة فتعطيهم الثمار ولا تنسي ان تدعو الله ان يوفقك ويصلح حالك وحال اهل زوجك

[Om axil]

السلام عليكم ورحمة الله وبركاته
احيييك اولا على المسؤولية لي راكي رافدتها في مثل هذه السن
بما انو الدار كبيرة حاولي تنظمي وقتك وكل غرفة ديري لها نهار واكيد تخرجي بجدول منظم وتكملي غك ويبقالك الوقت , ونصيحتي هدري مع زوجك بخصوص خيبتو يفهمهم بالتي هي احسن
وفيما يخص اخوة زوجك ولآ في عمر يسمح لهم بالزواج وعندك معارف عاونيهم في الخطبة طبعا ولآ يقبلو تدي اجرين
ومع عجوزتك ساعفيها ,فقليل ما نلقاو عجوزة تحسب الكنةبنتها للاسف لكن ماعليش ديري واجبك نحوها وخاصة مريضة
وان شاء الله يفرج عليك , غير يكبر وليدك تنساي , بالاك تتمناي تعاونيهم !

[~رآقية بأخلآقي~]

اصبري معندكش حل آخر وربي يفرجها عليك وتذكري دايما دوام الحال من المحال وربي يثبت أجرك وتكون أعمالك في ميزان حسناتك

[أم عبد الله السلفية]

السلام عليكم

أختي الفاضلة ربي يعينك و يسدد خطاك

أولا عليك بالصبر فأنت في طاعة باذن الله

ثانيا عليك بالاخلاص لله عز و جل حتى تحسي بلذة ما تقومين به و أنك مأجورة في الأخير

ثالثا لا أستطيع مساعدتك إلا بكلام الحبيب المصطفى صلى الله عليه وسلم الذي أعطى لك و لأمثالك حلا :


كانت السيدة فاطمة -رضى الله عنها- تقوم على خدمة زوجها وأولادها، ورعاية البيت، فكان يصيبها التعب والمشقة، وقال عنها زوجها على بن أبى طالب: لقد تزوجتُ فاطمة وما لى ولها خادم غيرها، ولما زوجها رسول الله( أرسل معها بخميلة ووسادة أدم حشوها ليف، ورحاءين وسقاء وجرتين، فكانت تجرُّ بالرحاء حتى أثَّرت في يدها، واستقت بالقربة حتى أثَّرت القربة بنحرها، وكانت تنظف بيتها حتى تغبر ثيابها، وتوقد تحت القدر حتى دنست ثيابها. وكانت السيدة فاطمة -رضى اللَّه عنها- تشكو الضعف، وتشارك زوجها الفقر والتعب نتيجة للعمل الشاق الذي أثَّر في جسديهما. وعندما جاءت أباها لتطلب منه خادمة تساعدها في العمل لم تستطع أن تطلب ذلك استحياء منه، فتولى الإمام على عنها السؤال وهى مطرقة في استحياء. لكن الرسول ( قال لهما في رفق وهو يقدر حالهما: "ألا أدلكما على ما هو خير لكما من خادم؟ إذا أوتيما إلى فراشكما، أو أخذتما مضاجعكما، فكبِّرَا أربعًا وثلاثين، وسبِّحَا ثلاثًا وثلاثين، واحمدا ثلاثًا وثلاثين، فهذا خير لكما من خادم" [البخاري].

[ابتسام smile &hope]

هههههههههههههههههههههه
وشكون لي رح تقبل ؟

كاين بزاف ارامل ماصابوش باش يعيشو ولادهم
يخدمو في ديار الناس خير مالتسول واللا راني غالطة
كاينة وحدة عيشت ولادها وكبرتهم مالخدمة فالديار ووليدها الحمدللله العام اللي فات سوتنا وربي فرج عليه بخدمة

[houssem zizou]

و عليكم السلام و رحمة الله و بركاته

الحمد لله على كل حال عليك فقط بالصبر لابد للإنسان أن يتعرض لأذى الآخرين الصبر ثم الصبر و أجرك على الله
أنت ما تفعلينه مع العجوز طيب و هو من باب الإحسان إلى الخلق، و إن شق عليك ذلك حطويها مثل أمك و احتسبي الأجر
لكن بالنسبة لإخوة زوجك عليك باجتنابهم قدر المستطاع من ناحية خشية الفتنة و من ناحية أخرى لست مجبرة على خدمتهم
فقط كوني ذكية في هذا الموقف
أسأل الله أن ييسر أمرك و يجنبنا الفتن ما ظهر منها و ما بطن

[ام امجد14]

والله اسمحيلى ادا كنت تخدى فى اخوان زوجك تغسلسلهم و تزيدى تحدى قوليلى علاش يخمو فى زواج ركى مريحتهم اعرفى حقك وواجبك و كى يجو حماتاتك يعاونوك
واطلبيها نورمال قوليلهم رانى تعبانة عاونونى هدو راهم يجو كل يوم صافى ماشى ضياف
والعجوز فى خاطر ربى اخدميها

[اسم مرا]

ربي يكون معاك ختي واش دير تحملي

[mrmilano1984]

والله غضتني انا قلبي كلاني صراحة كاين نوع من نساء مضطهدات جدا يجيبوها باش تغسل وتهمبر لو جات العجوزة بلاك لانها امو او باباه نقبلوها نقولو واجب عليك وماكيش وحدك وربي ياجرك علي عملك وتعبك وارهاقك النفسي والبدني باينة نتي بنت فاميليا وعاقلة بزاف
مي الغلطة تتحمليها جزء انتي كفاه ياعبد ربي دري حسابك لو فات تشوفي عندها رجال مش مزوجين وبنات ماتزوجوش خمي منطقيا وكوني جد دكية وتجنبي الزواج به حتي لو تحبيه من كل قلبك واشترطي ياجر دار او يشري سكن والا فلا الزواج العقلية تاع تسكني معايت في ايطاج رانا حافضينها بزاف بزاف يجيبوها ويبلعطوها طبعا انها طابق مستقل وغرفة مستقلة ومطبخ وحام و وووو ابري تشوفي العين الحمراء يااختي هم طبعا يخمو في مصلحتهم قبل مصلحتك وكان شوية جتي دكية مش نية ترفضي من لول
شوفي البنات الشاطرات ماترونديش تشترط سكن وتيبس راسها وتشترط عملو ووو روط من حقها ابري راح تجني خطتها صح يكونو مشاكل مع الزوج مي في دار وفيلا وحدة مع عازبات وعازبين والله لو جت في بلاصتك والله مانقبل
للاسف تباني تحشمي بزاف
بخصوص تبدلي العقلية لاانصحك كوني حيلية واجبدي راجلك باه يدير ملف ودوريلو راسو بدكاء اوك حتي يعطوك بارطمة ابري صكيهم وتهناي منهم
ربي يكافك

[mrmilano1984]

لاحول ولاقوة الا بالله حتي لو بانولك ناس ملاح من قبل كنتي ماديريش ثقة اختي لازم تكوني مرحية صدقني ماكانش لي يعتقك ماتقوليليش برك طمهوك وامنتيهم او طمعوك مفروض تعرفي العقلية
انا اختي مزوجة يجو ليها من قبل 3 لوسات بولادهم واولادهم في الاول كانت تشوف العقلية لعلمك عايشة في طابق تاعها وهكدا يتالبوها ويجو يوسخو ايا دارتلهم كو شرات دار وهربت لول والدار هاديك غلقتها فهمتي
اصبري ونشعيه طبعا ايجابيا وبدكاء راح تدور عليهم لي بروفيتور فا