بطاقة الخدمة الوطنية.موضوع للنقاش

[nechebra]

السلام عليكم...الخدمة الوطنية مشكل يلاحق كل الشباب لي خلص الجامعة او لي حبس قبل.. كاين جدال كبير بين مؤيد و معارض .. انا يا جماعة وقت فات كنت نقول مستحيل نروح لكن لقيت روحي اليوم لابس الكومبا..ولكن كيفاش وصلت وين جيت ليهم هي معطيات يخدمها الشاب في راسو .انا خلصت الجامعة في عمري 24 صافي كي نفوت نولي 25 معناها راني صغير ونحيت عليا عائق كبير من الطريق .. نعرف ناس خلصت و راهم وصلو ل 30 سنة بلا خدمة بسبب لارمي ... كوني انا راني لابس ننقللكم انتم الشباب لي وسوسوكم منها و خايفين ولا كارهين تعڨبو .. انا راو مزالي 5 اشهر و نصف و نخلص و هدرولنا لي خرجو قبلنا و عشناها ... صدقوني كيفاش فاتت معلباناش و ماش هاذي الحاجة لي تستاهل تضيع 5 او 6 سنوات و تضيع ديبلومك بسببها .انا ننصح خاوتي لي تسمحلو ضوروفو باش يفوت غير ينحي عليه هكذا يتفرغ للبحث على عمل و يسطر حياتو خير ما تتشتت أفكارو بين لارمي و اىخدمة و الضغط يزيد ...هذا رأي و واش راني نشوف من منظوري الخاص .. ما ننصح خاوتي في الله بالتهرب .. افرزها يا لا يجند يا تؤديها و تقص هذا السوجي من بالك و تنساه و لي عندو تجارة الله يعينو و لي يخرج من هذا البلاد ربي يقدرو و كل واحد و رزقو وين و السلام عليكم

[أحمد زابانة]

يا أخي إذا كان الواحد عمدو ديبلوم خدام يعني كاين المناصب للدبلوم نتاعو من الأفضل يروح يفوت و يتهنى و يشد خدمتو قبل فوات الأوان ........ لكن إذا كان ديبلومك لا يوظف و يعني مثلا تشارك في مسابقة و الترتيب أكثر من 1000 و المناصب المفتوحة في كل مرة 2 أو 3 .... هكذا يقعد خير و إلا يروح يشوف نشاط آخر و كي يوصل 30 سنة ينتظر الإعفاء .

[just do it]

الحمد لله واخيرا وجدت من يوافقني
لكن يا اخي ستندم على اليوم الذي وضعت فيه هذا الموضوع لان اكثر الاعضاء هنا لا يحبون ان يسمعوا الا اخبار الاعفاءات الكاذبة
حطيت موضوع مشابه عجبوا بيا
http://www.djelfa.info/vb/showthread.php?t=1830327

[محفوظ البسكري]

الحمد له منذ ان اكملت الدراسة العام المضي وعمري 22 تطوعت لاداء الخدمة الوطنية واخترت الثكنة و كنت ناوي نفوتها الا انه كان لدي بصيص امل بالاعفاء بسبب الوزن لكن كانت طويل القامة ب 1.84 والححمد لله توجهت في دفعة جانفي 2015 للاغواط كضابط احتياطي و منى الله علينا بالاعفاء

[محفوظ البسكري]

الحمد لله واخيرا وجدت من يوافقني
لكن يا اخي ستندم على اليوم الذي وضعت فيه هذا الموضوع لان اكثر الاعضاء هنا لا يحبون ان يسمعوا الا اخبار الاعفاءات الكاذبة
حطيت موضوع مشابه عجبوا بيا
http://www.djelfa.info/vb/showthread.php?t=1830327

با اخي انت راك جايبها كونطر الخدمة وكنت قاس في وصفك اياها

[Billal naval]

واعلاه انت كي جوزت لارمي في بالك هذا هو المشكل انت تنحشاتلك و روحت عام من حياتك ... ماشي باش نبريزيك في هاد البلاد تنحي مشكل يبان مشكلل اخر

[just do it]

با اخي انت راك جايبها كونطر الخدمة وكنت قاس في وصفك اياها
مفهمتش وش تقصج بلي راني جاي كونتر للخدمة تقصد بلي الخدمة الوطنية مليحة ,’..؟ ها متحشولناش راها تبردية وميزيرية بصح الله غالب لازم تنحيها مطريق
والوصف خويا كل كزرنة وكيفاش كالي حكمها بالزبيب الماكلة والتيلي وكالي واله غي احتياطي ويظل بايت فالجبل بالشهر نعرف وحدين كانو معانا فالسطاج يضرب بالشهر برا هو قائد الفصيلة هذا باغي يقولك وصف مليح
كلها وكيفاه عقب

[just do it]

واعلاه انت كي جوزت لارمي في بالك هذا هو المشكل انت تنحشاتلك و روحت عام من حياتك ... ماشي باش نبريزيك في هاد البلاد تنحي مشكل يبان مشكلل اخر
هنا خويا كلها وكيش يشوفها انا تبالي بلي درت حاجة مليحة ودك نشرحلك
نت رك تقول روحت انا عام من حياتي الفرضية الي درتها انا هي كاتالي
انا كملت الجامعة22 عام وخرجت من العسكر مولا 24 عام باقيلي 6 سنوات باه نقفل 30 اذا ربي طول لعمر
الفرضية الثانية الي لوكان درت على رايك لوكان حصلتني يعني كملت لقراية 22 عام نستنا 8 سنين باه نلحق 30 وانا نتممرمد وخايف ونبات نهار كامل فمثل هذ المنتديات نحوس على الاعفاء
النتيجة انا خسرت عام ونص بصح ربحت 6 سنين ونتا ربحت عام ونص بصح خسرت 8 سنين والعاقل يدرك ايهما احسن
وبالنسبة للمشكل الي يبان مكن حتى مشكل متخوفوناش لي جان الشبيبة العسكر هو العائق الوحيد من بعد راك راجل وتراس وربي اكرمنا بالعقل حنا مشكلتنا الشباب باغيين الدولة قع تخدمنا ياربي لوكان بمليون خدم راسك وخدم عند روحك وراك تحوس عند الدولة
واذا كان كاين مشكل اخر تقدر تتفاداه وتبطل قع من جدو بصح العسكر لالا
30 عام عاد يمشي يجري على الاعفاء وتما عاد يبدا يبني حياتو ويخدم اما عند روحو ولا عند الدولة صايي مبقلك لاه تعيش
الحمد لله الذي يسرني لاختيار القرار السليم
زكما قلتلكم والله غير كلشي بالمكتوب وخير دليل كاتب الموضوع قال حتى انا كنت قع منخممش فيها حتى جبرت روحي لابس
ومن يدري ربما انت يا هذا ستطرح موضوعا مشابها مستقبلا ربي يعافيك منها

[just do it]

الحمد له منذ ان اكملت الدراسة العام المضي وعمري 22 تطوعت لاداء الخدمة الوطنية واخترت الثكنة و كنت ناوي نفوتها الا انه كان لدي بصيص امل بالاعفاء بسبب الوزن لكن كانت طويل القامة ب 1.84 والححمد لله توجهت في دفعة جانفي 2015 للاغواط كضابط احتياطي و منى الله علينا بالاعفاء

مبروك عليك ها الناس الي تامن بمكتوب ربي

[nechebra]

واعلاه انت كي جوزت لارمي في بالك هذا هو المشكل انت تنحشاتلك و روحت عام من حياتك ... ماشي باش نبريزيك في هاد البلاد تنحي مشكل يبان مشكلل اخر

السلام عليكم اخي العزيز ... احترم رأيك اولا .لكن حبيت نبينلك نقطة .مثال بسيط عندي خالي متخرج من الجامعة سنة 1996 و خدم عامين تاعو مكافحة في جيجل.هذا و مقالش ضيعت عامين !؟؟؟و الان الحمد لله راه مديرتاع شركة وطنية و لاباس بيه .منزل و سيارة و اولاد ...المشكل الان تلقاه قاعد مكالي الحيط و يقلك طفرت في لي فوت العسكر .. يا اخي بحساب 18 الف دج كل شهر راك ديت 16 مليون فالعام ... حاجة قليلة مقارنة بواحد شهار و لكن خير من واحد لا خدمة لا قڨدمة و يستنا فالإعفاء... زيادة على انها داخلة فالتقاعد.. يعني تتحسبلك خدمت عام و فالمسابقات تاع التوظيف + نقاط....يا أخي ماناش أغبياء و أنت فايق ... ياو الشعب كامل يحسبلها حتا انا كنت نهدر كيفك و ليوم و ضرك راني بالكومبا .....احنا تمنينا الإعفاء و لكن لي لبس راه ماخسر والو .سلام

[moh ag]

نعم أخي أتفق معك في ما قلت أنا شخصيا ندمت لي ما رحتش في سبتمبر لي فات يعني بعد ما تخرجت مباشرة و قررت نروح في الدفعة القادمة رغم أنني نقرا في الجامعة بدوزيام باك و هذا العام نكمل ليسانس لكن قررت نحي هذا العائق من طريقي ما دامني صغير أحسن من أني نبقى نسنى و نمرض روحي لكن لي مخوفني هو كلام البعض لي يصورولك لارمي على أنه جحيم

[nechebra]

نعم أخي أتفق معك في ما قلت أنا شخصيا ندمت لي ما رحتش في سبتمبر لي فات يعني بعد ما تخرجت مباشرة و قررت نروح في الدفعة القادمة رغم أنني نقرا في الجامعة بدوزيام باك و هذا العام نكمل ليسانس لكن قررت نحي هذا العائق من طريقي ما دامني صغير أحسن من أني نبقى نسنى و نمرض روحي لكن لي مخوفني هو كلام البعض لي يصورولك لارمي على أنه جحيم

يا أخي انت تسمى فالجيش ضابط .... ضاط معناه انك كي تفوت 4 اشهر تاع سطاج راك تولي مسؤول .قائد سرية او فوج أو تعمل في إدارة أو محافظة إلخ ... كل حسب تخصصه ... يعني راك تخدم بالزبيب و بالقدر واحد ما يكذب عليك .أما مرحلة السطاج و هي الاصعب نوعا ما.انتم تولي للثكنة لي راك فيها .مثلا البليدة و الحراش فرق شاسع فالمعاملة .(الحراش راك فالجامعة)... واش حبيت نقلك .راك راجل و لي قبلك ماماتوش و لي معاك راهم كيفك .و راني انا نحكي معاك صدقني غيرلعبة تفوت .رمشة عين..صاحي اتوكل على ربي و نحي عليك و ما تسمعش هدرة الناس ..ناس بكري يقلك خود راي لي يبكيك و ما تاخدش الراي لي يضحكك.سلام

[just do it]

السلام عليكم اخي العزيز ... احترم رأيك اولا .لكن حبيت نبينلك نقطة .مثال بسيط عندي خالي متخرج من الجامعة سنة 1996 و خدم عامين تاعو مكافحة في جيجل.هذا و مقالش ضيعت عامين !؟؟؟و الان الحمد لله راه مديرتاع شركة وطنية و لاباس بيه .منزل و سيارة و اولاد ...المشكل الان تلقاه قاعد مكالي الحيط و يقلك طفرت في لي فوت العسكر .. يا اخي بحساب 18 الف دج كل شهر راك ديت 16 مليون فالعام ... حاجة قليلة مقارنة بواحد شهار و لكن خير من واحد لا خدمة لا قڨدمة و يستنا فالإعفاء... زيادة على انها داخلة فالتقاعد.. يعني تتحسبلك خدمت عام و فالمسابقات تاع التوظيف + نقاط....يا أخي ماناش أغبياء و أنت فايق ... ياو الشعب كامل يحسبلها حتا انا كنت نهدر كيفك و ليوم و ضرك راني بالكومبا .....احنا تمنينا الإعفاء و لكن لي لبس راه ماخسر والو .سلام
شكرا لكم على الصراحة والمصداقية
لكن اخي بالنسبة لحسابها فالتقاعد مزال مبنتش نيشان
اما نقاط الخبرة فصفر الا بعض المؤسسات الي تحتاج اعوان الامن الاولوية الي مفوتها

[just do it]

نعم أخي أتفق معك في ما قلت أنا شخصيا ندمت لي ما رحتش في سبتمبر لي فات يعني بعد ما تخرجت مباشرة و قررت نروح في الدفعة القادمة رغم أنني نقرا في الجامعة بدوزيام باك و هذا العام نكمل ليسانس لكن قررت نحي هذا العائق من طريقي ما دامني صغير أحسن من أني نبقى نسنى و نمرض روحي لكن لي مخوفني هو كلام البعض لي يصورولك لارمي على أنه جحيم
شكرا لك على الصدق والمصداقية
هذي الي بغيت نفهمهالكم شحال من خطرة باه متندموش على السنين ولكن تلقيت اجابات لم اكن اتوقعها

[nechebra]

[QUOTE=just do it;3993923796]شكرا لكم على الصراحة والمصداقية
لكن اخي بالنسبة لحسابها فالتقاعد مزال مبنتش نيشان
اما نقاط الخبرة فصفر الا بعض المؤسسات الي تحتاج اعوان الامن الاولوية الي مفوتها[/QUOTE
كيفاش ماكانش تاع التقاعد...فانون مصادق عليه تقولي ماش باينة؟؟؟ و بالنسبة للمسابقات على أساس الشهادة عندك نقطتين 2 ...أما بالنسبة لمسابقات أعوان الوقاية و الحماية فهي كما ذكرت .سلام

[khalil16]

أخي الكريم واش راك التقول كلو صحيح .... لكن لنطرح بعض أسئلة
هل نحن كشباب لا نملك الى هذين الحلين الذين أحلاهما مر...اما تأديتها وتضييع عام في وقت حساس أي بعد التخرج مباشرة أو اختباء لسنوات وانتضار من فخامته الاعفاء
من الذي طبق علينا هذه الحالة ....لا تقول لي الدولة لننا نحن نطبق هذا المشروع حرفيا
السؤال الأهم لمادا لا نحاول تحسين وضعنا بايجاد حلول لهذا المشكل

اذا أجبتني عن هذه الاسئلة ربما سوف يتحسن حالنا....

[nechebra]

أخي الكريم واش راك التقول كلو صحيح .... لكن لنطرح بعض أسئلة
هل نحن كشباب لا نملك الى هذين الحلين الذين أحلاهما مر...اما تأديتها وتضييع عام في وقت حساس أي بعد التخرج مباشرة أو اختباء لسنوات وانتضار من فخامته الاعفاء
من الذي طبق علينا هذه الحالة ....لا تقول لي الدولة لننا نحن نطبق هذا المشروع حرفيا
السؤال الأهم لمادا لا نحاول تحسين وضعنا بايجاد حلول لهذا المشكل

اذا أجبتني عن هذه الاسئلة ربما سوف يتحسن حالنا....

السلام عليكم... يا أخي ببساطة لا أنا و لا أنت أقدر على تقويم الغلط .نصيحة من عندي فالجزائر ما تمشيش عكس التيار ... لڨيت خدمة و دبرت إعفاء أو مؤدي و خدام أو تبحث عن عمل ..صدقني غير كول طرف تاع خبز حلال و أبني حياتك بالشيء لي كان لأنو ربي من يرزقنا ... و هذا قضاء و قدر .. كاين حاكم و ولي أمر مهما كان قراراتو فوض أمرك لله .سلام

[khalil16]

السلام عليكم... يا أخي ببساطة لا أنا و لا أنت أقدر على تقويم الغلط .نصيحة من عندي فالجزائر ما تمشيش عكس التيار ... لڨيت خدمة و دبرت إعفاء أو مؤدي و خدام أو تبحث عن عمل ..صدقني غير كول طرف تاع خبز حلال و أبني حياتك بالشيء لي كان لأنو ربي من يرزقنا ... و هذا قضاء و قدر .. كاين حاكم و ولي أمر مهما كان قراراتو فوض أمرك لله .سلام

أخي الكريم عندك الحق ...لكن مع مرور الوقت يكره روحو وظروف معيشته....صحيح أنني لا أستطيع تغير شيىء ولا أنت لكن لوكان كل واحد يطالب بتغيير
فربما قد نتمكن تحريك الأشياء قليلا
ملاحظة ... مقصودي من التغيير هو الغاء الخدمة الوطنية...اجاد وظائف للشباب....و غيرها من حقوقنا التي نسيناها أو تناسيناها

[just do it]

[QUOTE=just do it;3993923796]شكرا لكم على الصراحة والمصداقية
لكن اخي بالنسبة لحسابها فالتقاعد مزال مبنتش نيشان
اما نقاط الخبرة فصفر الا بعض المؤسسات الي تحتاج اعوان الامن الاولوية الي مفوتها[/QUOTE
كيفاش ماكانش تاع التقاعد...فانون مصادق عليه تقولي ماش باينة؟؟؟ و بالنسبة للمسابقات على أساس الشهادة عندك نقطتين 2 ...أما بالنسبة لمسابقات أعوان الوقاية و الحماية فهي كما ذكرت .سلام
خويا فرق من فضلك
كاينا حاجة يسموها قانون وحاجة يسموها تطبيق القانون
بالنسبة للخبرة مكنش منها ابدا انا فوتت مسابقة توظيف الاساتذة لهذا العام صح طلبوها منا لكن في النتائج مكنش قع هذ الزوج نقاطي ولوكن صح طبقوها لوكن فئة كبيرة من الشباب ربحو مش غي لبنات
ثم اذا مصدقتنيش روح تلشارجي سلم التنقيط في المسابقات مغديش تلقى حاجة اسمها خبرة الخدمة والو
نعم راهم يهدرو عليها اذا كن يطبقوها العام جاي مدابينا
بالنسبة للتقاعد انا سقسيت روتريتي العام الي فات قالي كملونا 30 عام ومحسبوناش العسكر
هذا العام تلاقيت استاذ قالي اذا حسبولي العسكر نخرج هذا العام
يعني مبان والو اقصد التطبيق
لانام بيرو منداف كذلك بزااااف حاسبيمو بلي يدخل فالتقاعد
هه راك غي تخدم باه دودر وخلاص لحد الساعة متسالش الف فرنك من التقاعد تع لانام
والله اعلم