وين وجهتكم

[هدى ام ريماس]

سلام عليكم خاوتي كل واحد يحطلنا وين رايح عطلة لعلنا نلحقوكم انا مقدرتش نقرر لكن الارجح وهران الباهية

[أمين2702]

جيجل ان شاء الله

[adelfaz]

العام الماضي زرت القالة وعجبتني وهذا العام انشاء الله نروح مع العائلة

[سام أم ايمان]

الوجهة إن شاء الله إلى تونس

[ايمان 200]

بجاية الباهية

[maram89]

الوجهة إن شاء الله إلى تونس

اخي رجاء انا اريد زيارة تزنس لاول مرة ممكن تقولي وشحال كريت وفي اي مكان في تونس

[سام أم ايمان]

السلام عليك اختي الكريمة أنا رحت العام الي فات انا والعائلة كريت شقة في سوسة متكونة من صالون وغرفتين ومطبخ ب 84 دينار تونسي لليلة أي مايعادل تقريبا 550 دينار جزائري لليلة ولمعلومات أو تفاصيل اخرى أنا في الخدمة

[guidoume]

وهران الباهية بلد مولدي و شبابي و شيبي ان امد الله في عمري غالية جدااا تخيلو garage avec sanitaire وصلت الكرية 8500دج للليلة الواحدة و في اوج الموسم و الله les jeunnes avec leurs sac a dos ينمون في الrond point و الماكلة غالية un simple sandwitch يصل 1000دح
بصح وهران مدينة لا تنام la vrai ambiance لكن جيب معاك اشكارة

[guidoume]

انا راني رايح لتونس بصح راني خايفمن الامن و على بالي بلي هذا العام l'ambiance zero ماشي كيما العام ليفات كانت هايلةةةة خير من وهران انا فات فيا كريت و الا نلغي الرحلة نروح وحدي بلا اجانص لمليزيا قالولي رخيسة

[maram89]

السلام عليك اختي الكريمة أنا رحت العام الي فات انا والعائلة كريت شقة في سوسة متكونة من صالون وغرفتين ومطبخ ب 84 دينار تونسي لليلة أي مايعادل تقريبا 550 دينار جزائري لليلة ولمعلومات أو تفاصيل اخرى أنا في الخدمة

اخي هل يمكن نلق استيديو في ضواحي سوسة يكون في ححدود 35او40 دت قالولي كاين في شط مريم شوية رخيص

[mrmilano1984]

مرام رايحة وحدك او مادا بالضبط معام رايحة

[maram89]

مرام رايحة وحدك او مادا بالضبط معام رايحة

لا رايحة مع زوجي وعندي ثلاثة اطفال صغار يعني حاجة صغيرة تكفيني هل ممكن تساعدني

[نوشكا]

جيجل بادن الله

[هدى ام ريماس]

انا نقلكم متخلوش سكيكدة والقل رايعييييييييييين

[نوشكا]

اختي هدى ام ريماس عندك حق انا تاني نحب سكيكدة والقل لكن المشكل ماكانش شقق للكراء مثل جيجل و بجاية العروض متوفرة. على العكس سكيكدة جامي تلقاي منازل للكراء لعطلة الصيف مثلما الحال في جيجل. انا كنت نتمنى نروح لسكيكدة لكن الله غالب الكراء ماكانش . على العكس جيجل مئات المنازل للكراء الله يبارك. مافهمتش المشكل وين في سكيكدة

[هدى ام ريماس]

لالا يا اختي كاين لكرا بالعكس عندنا بعض المناطق مدخولها يعتمد على الكراء

[نوشكا]

تواصلي معي من فضلك عبر الفايسبوك manal manal

[هدى ام ريماس]

حطيتك مي معرفتكش كاين بزاف وش هي الصورة تاعك

[عطر الخير]

تواصلي معي من فضلك عبر الفايسبوك manal manal

kifah netwassal m3ak a svp

[هدى ام ريماس]

حابة تجوزي العطلة عطر في القل ولا راكي قلية اصلا

[عطر الخير]

manich koliya hhhhh mais haba nroh ll kol, ana mel gharb w jamé jawazt el 3otla ta3i fl kol donc 7aba nchoufha

[عطر الخير]

هدى ام ريماس oui khti haba nakri

[هدى ام ريماس]

أوكي مرحبا بيك عندنا نديرلك بروقرام هايل تبدايها في سكيكدة وكمليها فالقل والاسعار عندنا معقولة بالنسبة ليكم

[صباحات]

ادا كان الامر جدي انا ايضا مهتمة ..لان في سكيكدة وعنابة لازم hotel و راه على الاقل 6000 دج لليلة كيف اتصل بك اختي ................................ وانا عليا نعرضك لتيكجدة في فصل الشتاء ادا تحبيها

[رَكان]

.... وانا عليا نعرضك لتيكجدة في فصل الشتاء ادا تحبيها

تيكجدا...
1 ــ هي الأقرب الى أية مدينه ؟.
2 ــ أقرب الفنادق إليها ؟
3 ــ كيف هي الأسعار شتاء ؟
4 ــ شكرا جزيلا .

[نوشكا]

اخي هدى ام ريماس والله تعدر علي الاتصال بك عن طريق الفيسبوك . خرجتلي وحدة بصح من مصر. انا صورتي فيها 3 بنات صغار لابسين كيف كيف

[هدى ام ريماس]

wesslatk rissala

[صباحات]

تيكجدا...
1 ــ هي الأقرب الى أية مدينه ؟.
2 ــ أقرب الفنادق إليها ؟
3 ــ كيف هي الأسعار شتاء ؟
4 ــ شكرا جزيلا .

في ولاية البويرة (جبال جرجرة) منطقة جبلية غابية فيها الثلج من جانفي حتى مارس بالتقريب .فيها فندق لكن غالي

[رَكان]

في ولاية البويرة (جبال جرجرة) منطقة جبلية غابية فيها الثلج من جانفي حتى مارس بالتقريب .فيها فندق لكن غالي

شكرا ..
استرجعت الآن ..حينما ذكرت جبال جرجره ..كأنما أضعت اسم تيكجدا في ركام الماضي ...
نعم قرأنا عنها نصا في المتوسط أ والثانوي ..وحكى لي عنها صديق .قضى أياما في منتجعها شتاء ..وكما ذكرت ..فإن فندقها لاتطال يده أن يلجه أصحاب المرتبات من الموظفين ..شكرا ثانية سيدتي ..

[هدى ام ريماس]

واو روووعة احجزيلي مكان في فصلالشتاء هيا انا نضايفك عندي وانت ضايفيني فالشتاء هههههههههههههههه