لن تندموا

[zakzok15]

السلام عليكم ورحمة الله تعالس وبركاته اخوتي اخواتي لي بعض الاستفسارات والاسئلة التي اطلب ان تساعدوني فيها
اولا انا ناجح في بكالوريا 2015 شعبة رياضيات بمعدل 11 وقعت في بعض الاخطاء والتي لن تتكرر كونها حرمتني من المعدل
المهم اريد ان اعيد البكالوريا كطالب حر ولكن سمعت ان الاحرار لا يعاملون بعدل ولا يوجد احد اعاد بكالوريا حر واخد معدل اكبر من الاول
ارجو الافادة رجاءا

[ام قصي]

لا راك غالط
انا جاري علمي العام لفات اتحصل على 11 والعام هذا اتحصل على 16

[*دراجي ريمة*]

سلام
انا تان راني نحوس على هاد الشيء.. ارجو تساعدونا وشكرا

[☆hanaa☆]

ولله ماكان منها هذ الهدرة انا عندي ولد خالي جاب باكه ب 11 وكان في خاطره الطب أيا قعد 3 سنوات و عاود فوت الباك و حمدلله جاب 15،85

[☆hanaa☆]

خاصك تقرا عادي كي شغل عندك الباك هذا العام توكل على ربي و خد بالأسباب و دير في بالك بلي ربي لا يضيع أجر المحسنين نتا قرا و اجتهد و تعب و ربي مايخيبكش انشاء الله و عادا نتا خير راهي عندك التجربة احسن و ادا ضاعللك عام مي شي نهاية العالم انا تاني عندي اختي عودت الباك 3 خطرات و الله غير باش دير لي بغاتها(الطب) مخيم قلع هاذ التفكير من عقلك و توكل على ربي و انا شخصيا رأي عاوده مي ما تتهاونش و العود تقول راني فاهم صوالحي من العام لي فات جاني ديرها قرا كي شغل اول مرة تشوف المنهج و غادي يجيك أسهل لاخاطرش راك قاريه و ربي يعاونك

[*دراجي ريمة*]

خاصك تقرا عادي كي شغل عندك الباك هذا العام توكل على ربي و خد بالأسباب و دير في بالك بلي ربي لا يضيع أجر المحسنين نتا قرا و اجتهد و تعب و ربي مايخيبكش انشاء الله و عادا نتا خير راهي عندك التجربة احسن و ادا ضاعللك عام مي شي نهاية العالم انا تاني عندي اختي عودت الباك 3 خطرات و الله غير باش دير لي بغاتها(الطب) مخيم قلع هاذ التفكير من عقلك و توكل على ربي و انا شخصيا رأي عاوده مي ما تتهاونش و العود تقول راني فاهم صوالحي من العام لي فات جاني ديرها قرا كي شغل اول مرة تشوف المنهج و غادي يجيك أسهل لاخاطرش راك قاريه و ربي يعاونك

وهاد الشيء ترشح حر ؟ . .. بصح قالولي بلي نظامي خير بسك تتلقا شكون يقريك .. يكون معاك معاك شيخ خير من وحدك ؟

[☆hanaa☆]

وهاد الشيء ترشح حر ؟ . .. بصح قالولي بلي نظامي خير بسك تتلقا شكون يقريك .. يكون معاك معاك شيخ خير من وحدك ؟

نعم أعلم أن النظامي احسن لكن نت دين الباك ما تقدر توبطلي تقرا و مادام نت باغي تعاود ال بك و دير حاجة أخرى ماكنش شيء مستحيل كاين دروس خصوصية و جاءتني فكرة تاني تقدر تهدر مع الأساتذة نتاوعه و تطلبلهوم يخلوك تحضر معاهم بعض الدروس المهمة في القسم (غير تجمع و تشوف و تفهم ما تهدر ما والو) وآلله أعلم هاذي وجهة نظري

[☆hanaa☆]

سامحيني اختي كنت حساباتك ولد والله غير سامحيني مافقتش آسفة حنونتي

[asmabba]

أنا شعبة تقني رياضي
bac 2014 11.24
bac 2015 14.82

[*دراجي ريمة*]

اوك شكرا .

[zakzok15]

مشكورين ربي يجازيكم خير الجزاء

[شرقية]

مام انا رح نعاود حرة ملي بديت نقري معدلي عالي وصلت حتي19 وفي الباك كان معدلي كارثة13 قررت نعاود بكل عزيمة