حلمي الصيدلة

[aicha78]

السلام عليكم
صحا عيدكم
نحكيلكم قصتي و ارجوكم ساعدوني يا لوكان بكلمة
عقبت الباك في 2011 لاول مرة جبت 12
درت تخصص رياضيات و حبست وعاودت الباك حرة وجبت نفس المعدل
من الباك الاول وهو حلمي اني ندير صيدلة مي كي عاودت و مجبتش معدل مليح قالولي خالاص اقراي وخلاص
قريت لعام لول عادي
في العام الزاوج قررت نعاود و سجلت وجات ظروف ومرحتش عقبت
في عامي الثالث لي هو هاذ العام عقبت مي مكنتش موجدلو طوووول لانو عام تخرج و لتيت معاه
وجبت 12.70
ربحت لماستر و كلاسيت والحمدولله لكن على قد ما فرحودارنا بيه على قد ما جا في بالي انو مزااال عامين خرين نزيد نقراهم وقلبي في حاجة اخرى طوول
صح بلاك الصيدلة مفيهاش خير ليا و ربي هو العالم بكل شيء
و اكيد نصلي استخارة
لكن حبيت ثاني اني نسقسيكم على رايكم بلاك نستفاد اكثر
اناحبيت :
نعاود الباك العام الجاي و نحفظ لانو لي مطيحني مواد الحفظ
مشكل اذا جبتو بالمعدل لي نحوس عليه هل نبطل الماستر مع انو بقالي عام ونخلص ؟
خممت و قلت وش فيها مدام نقرا وش حبيت
و مشكل اخر انو انا برك في الدار طفلة قلت كون نروحنخلي امي وحدها
و منبعد قلت نروح الاحد و نرجع لخميس
وش رايكم ؟؟ انصحوني
و لي مجرب يقلي
فاتو 4 سنين و منسيتش ومزلت نحاول كل عام نقنع روحي بلي منديرهاش
لكن الله غالب مزالت في بالي الى الان
وخايفا منعاودش و نندم كي نكبراني ماحربتش على وش نحوس
و لي عندو معلومات على الصيدلة يقولهالي مع العلم اني نحوس نوصل لدرجة عالية من العلم ليس هدفي الاول المال هدفي العلم وانو نكون في درجة عالية

[aicha78]

هل من مجيب ؟؟

[❀ حسآم ❀]

السلام عليكم و رحمة الله

عيدك مبارك ،، ان شاء الله متبقاش الصيدلة حرقة في قلبك

اذا كان عندك الوقت حضري مليح ،، بالمثابرة و العمل تتحقق الاماني

[aicha78]

السلام عليكم و رحمة الله

عيدك مبارك ،، ان شاء الله متبقاش الصيدلة حرقة في قلبك

اذا كان عندك الوقت حضري مليح ،، بالمثابرة و العمل تتحقق الاماني
شكرااااا لك

[ماريا للنجاح]

اختي احييك على هذا الاصرار~نصيحتي ليك انك تكملي تتحصلي على لماستر و في نفس الوقت تماتتخليش علىى حلمك فالاهم من كل هذا تحققي ما تطمحين اليه ابداااي احفظي مشي صعيبة عليك ونفس الوقت ماتخسريش لي بنيتيه من سنين ورببي يكون معاك أنا ح ندير حرة نشاالله

[aicha78]

اختي احييك على هذا الاصرار~نصيحتي ليك انك تكملي تتحصلي على لماستر و في نفس الوقت تماتتخليش علىى حلمك فالاهم من كل هذا تحققي ما تطمحين اليه ابداااي احفظي مشي صعيبة عليك ونفس الوقت ماتخسريش لي بنيتيه من سنين ورببي يكون معاك أنا ح ندير حرة نشاالله
شكرا على ردك اختي
انا نكمل ماستر هذ العام لكنكون نربح مستعدة نتخلى على هذا العام ونروح نقراها عادي و ندير في بالي كلي مربحتوش اومطلعتوش المهم نقرا وش كنت نحم من سنين
مي قبل ما نتخلى على عام الماستر لازم نعرف هل الصيدلة تستاهل ؟؟ مثلا كي نقراها راه تزيد فيا اكثر ام لا
نحوس نعرف عليها اكثر اذا عندك معلومات اعطيهالي
شكرا لك

[ياسين 30]

meme ana:cool::cool::cool::cool::cool:

[المقلي]

كملي في الماستر نتاعك خير ...متسمحيش في 3 سنين قراية ....مجرد راي من واحد يقرا فرماسي

[el matadoor]

عيدك مبارك للجميع

[asma-forever]

شوفي الاخت قصتك شبيهة بقصتي العام الجاي كملي ماستر وفي نفس الوقت سجلي باك ابداي حضريلو بكري شويا هكا باش ميكونش عتدك ضغط ماستر و الباك وراكي مليخة في الرياضيات معناها زيري روحك في الكواد الادبية نوضي صباح بكري احفضي وكي ترجعي من الجامعة خصصي ساعتين كل يوم فقط وهكا توصلي باذن الله ومادام منسينيهاش مادام مازالك صغيرة عاودي وماراكيش وحدك الاخت ديري فبالك بلي كاين ناس بزاف كيما انتي وفي الاخير مااجمل من ان يكون لكي شهادتين وحدة ماستر رياضيات والثانية صيدلة الامر رائع يستحق المحاولة

[aicha78]

شكرا للجميع على ردكم

شوفي الاخت قصتك شبيهة بقصتي العام الجاي كملي ماستر وفي نفس الوقت سجلي باك ابداي حضريلو بكري شويا هكا باش ميكونش عتدك ضغط ماستر و الباك وراكي مليخة في الرياضيات معناها زيري روحك في الكواد الادبية نوضي صباح بكري احفضي وكي ترجعي من الجامعة خصصي ساعتين كل يوم فقط وهكا توصلي باذن الله ومادام منسينيهاش مادام مازالك صغيرة عاودي وماراكيش وحدك الاخت ديري فبالك بلي كاين ناس بزاف كيما انتي وفي الاخير مااجمل من ان يكون لكي شهادتين وحدة ماستر رياضيات والثانية صيدلة الامر رائع يستحق المحاولة
شكرا و ان شاء الله راح نعاودو و ربي يعاوني و يعاون الجميع

[Hindoussa.]

واش نقلك أختي سقسي المجرب و ما تسقسيش الطبيب
أنا مازال ماجبتش حتى البيام
مي في بالي كملى الماستر من بعد عاودي الباك على روحك لأنك راحا تعاودي مالأول